14 ಫೆಬ್ರವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು

ನಕಲಿ ಹೂಡಿಕೆ ಸ್ಕೀಮ್‌ಗಳ ನಿಷೇಧಕ್ಕೆ ವಿಧೇಯಕ ಮಂಡನೆ

ಸುದ್ಧಿಯಲ್ಲಿ ಏಕಿದೆ ? ನಕಲಿ ಹೂಡಿಕೆ ಯೋಜನೆಗಳನ್ನು ನಿಷೇಧಿಸುವ ಹಾಗೂ ಇಂಥ ಯೋಜನೆಗಳಲ್ಲಿ ವಂಚಿತರಾಗಿರುವ ಹೂಡಿಕೆದಾರರ ಹಿತಾಸಕ್ತಿ ರಕ್ಷಣೆಗೆ ಸಂಬಂಧಿಸಿದ ವಿಧೇಯಕವನ್ನು ಲೋಕಸಭೆಯಲ್ಲಿ ಮಂಡಿಸಲಾಯಿತು.

  • ಅನಿಯಂತ್ರಿತ ಠೇವಣಿ ಸಂಗ್ರಹ ಸ್ಕೀಮ್‌ಗಳ ನಿಷೇಧ ವಿಧೇಯಕವನ್ನು ಹಣಕಾಸು ಸಚಿವ ಪಿಯೂಷ್‌ ಗೋಯಲ್‌ ಮಂಡಿಸಿದರು. ಲೋಕಸಭೆಯ ಅನುಮೋದನೆಯ ಬಳಿಕ ರಾಜ್ಯಸಭೆಯ ಅನುಮೋದನೆಗೆ ವಿಧೇಯಕ ಪಡೆಯುವ ನಿರೀಕ್ಷೆ ಇದೆ.

ಏಕೆ ಈ ವಿದೇಯಕ ?

  • ನಕಲಿ ಯೋಜನೆಗಳನ್ನು ದೂರವಿಡಲು ಈಗ ಚಾಲ್ತಿಯಲ್ಲಿರುವ ಕಾನೂನುಗಳ ನ್ಯೂನತೆಗಳನ್ನು ಹೊಸ ವಿಧೇಯಕ ನಿವಾರಿಸಿದ್ದು, ಸಣ್ಣ ಹೂಡಿಕೆದಾರರ ಹಿತರಕ್ಷಣೆಗೆ ಸಹಕಾರಿಯಾಗಿದೆ.
  • ನಕಲಿ ಹೂಡಿಕೆ ಸ್ಕೀಮ್‌ಗಳಲ್ಲಿ ಹಣ ತೊಡಗಿಸಿ ವಂಚಿತರಾದವರಿಗೆ ಸೂಕ್ತ ಪರಿಹಾರ ಒದಗಿಸುವ ಬಗ್ಗೆ ಕೂಡ ವಿಧೇಯಕದಲ್ಲಿ ಪ್ರಸ್ತಾಪಿಸಲಾಗಿದೆ.
  • ಅನೇಕ ವಂಚಕರು ಬಡವರು, ಜನ ಸಾಮಾನ್ಯರು, ಮಧ್ಯಮ ವರ್ಗದ ಜನರಿಂದ ಠೇವಣಿಗಳನ್ನು ಸಂಗ್ರಹಿಸಿ ಕೊನೆಗೆ ವಂಚಿಸಿದ ನಿದರ್ಶನಗಳು ಸಾಕಷ್ಟಿವೆ.
  • ಪಶ್ಚಿಮ ಬಂಗಾಳದಲ್ಲಿ ನಡೆದಿರುವ ಶಾರದಾ ಚಿಟ್‌ ಫಂಡ್‌ ಹಗರಣ ಅಂಥ ದೊಡ್ಡ ಹಗರಣಗಳಲ್ಲೊಂದು.

ಪಿಎಂ-ಕಿಸಾನ್‌ ಯೋಜನೆ

2

ಸುದ್ಧಿಯಲ್ಲಿ ಏಕಿದೆ ?ಪಿಎಂ-ಕಿಸಾನ್‌ ಯೋಜನೆಯ ಎರಡು ಕಂತುಗಳು ಅಂದರೆ, 4,000 ರೂ.ಗಳನ್ನು ಲೋಕಸಭೆ ಚುನಾವಣೆಯೊಳಗೆ ರೈತರ ಖಾತೆಗೆ ಪಾವತಿಸಲು ಕೇಂದ್ರ ಸರಕಾರ ಸಜ್ಜಾಗುತ್ತಿದೆ.

ಏನಿದು ಪಿಎಂ-ಕಿಸಾನ್‌ ಯೋಜನೆ ?

  • ರೈತರಿಗೆ ವರ್ಷಕ್ಕೆ 6,000 ರೂ.ಗಳ ನೇರ ನಗದು ಒದಗಿಸುವ ಪಿಎಂ-ಕಿಸಾನ್‌ ಯೋಜನೆಯನ್ನು ಮಧ್ಯಂತರ ಬಜೆಟ್‌ನಲ್ಲಿ ಹಣಕಾಸು ಸಚಿವ ಪಿಯೂಷ್‌ ಗೋಯಲ್‌ ಪ್ರಕಟಿಸಿದ್ದರು.
  • ಕಳೆದ ಡಿಸೆಂಬರ್‌ನಿಂದ ಅದು ಪೂರ್ವಾನ್ವಯವಾಗಲಿದ್ದು, ಮೊದಲ ಕಂತಾಗಿ 2,000 ರೂ. ಅನ್ನು ಮಾರ್ಚ್‌ನಲ್ಲಿ ವಿತರಣೆ ಮಾಡುವುದಾಗಿ ಗೋಯಲ್‌ ಹೇಳಿದ್ದರು. ಏತನ್ಮಧ್ಯೆ, ಲೋಕಸಭೆ ಚುನಾವಣೆಗೂ ಮುನ್ನವೇ ಎರಡು ಕಂತುಗಳನ್ನು ವಿತರಿಸುವ ಯತ್ನಗಳೂ ನಡೆದಿವೆ.
  • 2 ಹೆಕ್ಟೇರ್‌ ತನಕ ಜಮೀನ್‌ ಹೊಂದಿದ ಕಿರು ರೈತರಿಗೆ ಯೋಜನೆ ಅನ್ವಯವಾಗಲಿದ್ದು, ಸುಮಾರು 12 ಕೋಟಿ ರೈತರಿಗೆ ಇದರ ಲಾಭ ದೊರೆಯಲಿದೆ. ಅರ್ಹ ರೈತರ ಗುರ್ತಿಸಲು ರಾಜ್ಯಗಳಿಗೆ ಕೇಂದ್ರವು ಈಗಾಗಲೇ ಸೂಚಿಸಿದ್ದು, ಫಲಾನುಭವಿಗಳ ಆರಂಭಿಕ ಪಟ್ಟಿ ಸದ್ಯದಲ್ಲಿಯೇ ಸಿದ್ಧವಾಗಲಿದೆ.
  • ಕರ್ನಾಟಕ, ಆಂಧ್ರಪ್ರದೇಶ, ಗುಜರಾತ್‌ ಮತ್ತು ಮಹಾರಾಷ್ಟ್ರ ರಾಜ್ಯಗಳು ಭೂ ದಾಖಲೆಗಳನ್ನು ಡಿಜಿಟಲೀಕರಣ ಮಾಡಿದ್ದು, ಫಲಾನುಭವಿಗಳ ಪಟ್ಟಿ ಸಿದ್ಧಪಡಿಸುವುದು ಸುಲಭವಾಗಲಿದೆ.
  • ಇನ್ನು ಪಿಎಂ-ಕಿಸಾನ್‌ ಮಾದರಿಯದೇ ಯೋಜನೆಗಳನ್ನು ತೆಲಂಗಾಣ, ಒಡಿಶಾ ಮತ್ತು ಜಾರ್ಖಂಡ್‌ ರಾಜ್ಯಗಳೂ ಜಾರಿಗೊಳಿಸಿದ್ದು ಈ ಸಂಬಂಧಿ ಡೇಟಾ ಈಗಾಗಲೇ ಸಿದ್ಧವಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಯಾರಿಗೆ ಅನ್ವಯಿಸುವುದಿಲ್ಲ ?

  • ಸಂವಿಧಾನಾತ್ಮಕ ಹುದ್ದೆ ಹೊಂದಿದವರು, ಸೇವೆಯಲ್ಲಿರುವ ಮತ್ತು ನಿವೃತ್ತರಾಗಿರುವ ಸರಕಾರಿ ಅಧಿಕಾರಿಗಳು, ಪಿಎಸ್‌ಯುಗಳಲ್ಲಿ ಸೇವೆ ಸಲ್ಲಿಸಿ ತಿಂಗಳಿಗೆ 10,000 ರೂ. ಗಿಂತಲೂ ಹೆಚ್ಚಿನ ಪಿಂಚಣಿ ಪಡೆಯುವ ನಿವೃತ್ತರು, ಆದಾಯ ತೆರಿಗೆ ಪಾವತಿಸುವವರು, ಎಂಜಿನಿಯರ್‌, ವಕೀಲರನ್ನು ಹಾಗೂ ಇಂಥವರನ್ನು ಸದಸ್ಯರನ್ನಾಗಿ ಹೊಂದಿದ ಕುಟುಂಬಗಳನ್ನು ಯೋಜನೆಯಿಂದ ಹೊರಗಿಡಲಾಗಿದೆ ಎಂದು ಮಾರ್ಗಸೂಚಿಯಲ್ಲಿ ಹೇಳಲಾಗಿದೆ.
  • 2019ರ ಫೆ.1ರೊಳಗೆ ಭೂ ದಾಖಲೆಗಳಲ್ಲಿ ಹೆಸರಿರುವ ಕಿರು ರೈತರು ಯೋಜನೆಗೆ ಅರ್ಹರು.

ನೂತನ 50 ಪೌಂಡ್‌ ನೋಟಿನಲ್ಲಿ ಜಗದೀಶ್‌ ಚಂದ್ರ ಬೋಸ್‌ ಚಿತ್ರ

3

ಸುದ್ಧಿಯಲ್ಲಿ ಏಕಿದೆ ?ಇಂಗ್ಲೆಂಡ್‌ನಲ್ಲಿ 50 ಪೌಂಡ್‌ ಮುಖಬೆಲೆಯ ನೋಟಿನ ಮೇಲೆ ಸರ್‌ ಜಗದೀಶ್‌ ಚಂದ್ರ ಬೋಸ್‌ ಚಿತ್ರ ಅಳವಡಿಸುವ ಬಗ್ಗೆ ನಾಮನಿರ್ದೇಶನಗಳು ಈಗಲೂ ಕೇಳಿ ಬರುತ್ತಿವೆ.

  • ಶೀಘ್ರದಲ್ಲೇ ಬ್ಯಾಂಕ್‌ ಆಫ್‌ ಇಂಗ್ಲೆಂಡ್‌ ತನ್ನ ನೂತನ 50 ಪೌಂಡ್‌ ಮುಖಬೆಲೆಯ ನೋಟನ್ನು ಬಿಡುಗಡೆ ಮಾಡುತ್ತಿದೆ. ಈ ನಿಟ್ಟಿನಲ್ಲಿ ನೋಟಿನ ಮೇಲೆ ಖ್ಯಾತ ನಾಮರ ಚಿತ್ರ ಅಳವಡಿಸುವ ಬಗ್ಗೆ ನಾಮ ನಿರ್ದೇಶನಕ್ಕೆ ಆಹ್ವಾನಿಸಲಾಗಿತ್ತು.
  • ವಿಶ್ವಾದ್ಯಂತ ಜನವರಿ 13ರಂದು ವಿಶ್ವ ರೇಡಿಯೋ ದಿನ ಆಚರಿಸಲಾಯಿತು. ಈ ಸಂದರ್ಭ ರೇಡಿಯೋ ಜನಕ ಸರ್‌ ಜಗದೀಶ್‌ ಚಂದ್ರ ಬೋಸ್‌ ಅವರ ಚಿತ್ರವನ್ನು 50 ಪೌಂಡ್‌ ಮುಖಬೆಲೆಯ ನೋಟಿನ ಮೇಲೆ ಅಳವಡಿಸುವಂತೆ ನಾಮನಿರ್ದೇಶನಗಳು ಬಂದಿವೆ.
  • ಇದುವರೆಗೆ ಸುಮಾರು 2,27,299 ನಾಮನಿರ್ದೇಶನಗಳು ಬಂದಿದ್ದು, ಇದೀಗ 989 ಹೆಸರುಗಳನ್ನು ಪರಿಗಣಿಸಲಾಗಿದೆ. ಈ ಪಟ್ಟಿಯಲ್ಲಿ ಭಾರತೀಯ ವಿಜ್ಞಾನಿ ಜೆಸಿ ಬೋಸ್‌ ಹೆಸರು ಸೇರ್ಪಡೆಗೊಂಡಿದೆ.

ಜೆಸಿ ಬೋಸ್‌ ಹೆಸರು ಏಕೆ?

  • ಭಾರತದ ವಿಜ್ಞಾನಿ ಜಗದೀಶ್‌ ಚೆಂದ್ರ ಬೋಸ್‌ ಅವರ ಹೆಸರು ದೊಡ್ಡ ಧ್ವನಿಯಲ್ಲಿ ಕೇಳಿ ಬರುತ್ತಿರುವುದೇಕೆ ಗೊತ್ತೆ? ವೈಫೈ ತಂತ್ರಜ್ಞಾನಕ್ಕೆ ಬೋಸ್‌ ನೀಡಿದ ಕೊಡುಗೆ!
  • ರೇಡಿಯೋ ಅನ್ವೇಷಣೆ ಆಗದಿದ್ದರೆ ವೈಫೈ ತಂತ್ರಜ್ಞಾನದ ಅನ್ವೇಷಣೆಯೇ ಆಗುತ್ತಿರಲಿಲ್ಲ. ಆದರೆ ರೇಡಿಯೋ ಕಂಡು ಹಿಡಿದಿದ್ದು ಮಾರ್ಕೋನಿ ಅಲ್ಲವೇ? ಎಂಬ ಪ್ರಶ್ನೆ ಕೇಳಿ ಬರುವುದೂ ಸಹಜ. ರೇಡಿಯೋ ಕಂಡು ಹಿಡಿದಿದ್ದು ಗುಗ್ಲಿಮೊ ಮಾರ್ಕೊನಿ. ಆದರೆ ಜಗದೀಶ್‌ ಚಂದ್ರ ಬೋಸ್‌ ಅವರ ಸಹಾಯವಿಲ್ಲದೆ ರೇಡಿಯೋ ಕಂಡು ಹಿಡಿಯಲು ಸಾಧ್ಯವಿರಲಿಲ್ಲ. ರೇಡಿಯೋ ಅನ್ವೇಷಣೆಗೆ ಬೋಸ್‌ ಅಭೂತಪೂರ್ವ ಕೊಡುಗೆ ಬಗ್ಗೆ ಮಾರ್ಕೊನಿ ತನ್ನ ಬರಹದಲ್ಲಿ ಉಲ್ಲೇಖಿಸಿದ್ದಾರೆ.
  • ಇಲೆಕ್ಟ್ರೋಮ್ಯಾಗ್ನೆಟಿಕ್‌ ವೇವ್‌ ಅಂದರೆ ವಿದ್ಯುತ್ಕಾಂತೀಯ ತರಂಗ ಸಂವಹನ. ಇದನ್ನು ಮೊದಲು ಕಂಡು ಹಿಡಿದಿದ್ದು ಜೆಸಿ ಬೋಸ್‌.
  • ಆದರೆ ಟೆಲಿಗ್ರಫಿ ವಾಣಿಜ್ಯೀಕರಣದ ಬಗ್ಗೆ ಬೋಸ್‌ ಆಸಕ್ತರಾಗಿರಲಿಲ್ಲ. ಬೇರೆಯವರಿಗೆ ಬಳಕೆ ಮಾಡುವಂತೆ ಉತ್ತೇಜನ ನೀಡುವಲ್ಲು ನಿರುತ್ಸಾಹರಾಗಿದ್ದರು. 1896ರಲ್ಲಿ ಇಟಲಿ ವಿಜ್ಞಾನಿ ಮಾರ್ಕೊನಿ ಅವರನ್ನು ಬೋಸ್‌ ಭೇಟಿ ಮಾಡಿದ್ದರು. ಆ ಸಂದರ್ಭದಲ್ಲಿ ಮಾರ್ಕೊನಿ ತಂತಿರಹಿತ ಸಂವಹನ ತಂತ್ರಜ್ಞಾನದ ಬಗ್ಗೆ ಸಂಶೋಧನೆ ನಡೆಸುತ್ತಿದ್ದರು. ಬೋಸ್‌ ಅವರ ಜ್ಞಾನದಿಂದ ತನ್ನ ಸಂಶೋಧನೆಗೆ ಹೇಗೆ ಸಹಕಾರಿಯಾಯಿತು ಎಂಬುದನ್ನು ಮಾರ್ಕೊನಿ ಬರೆದುಕೊಂಡಿದ್ದಾರೆ.
  • ವಿದ್ಯುತ್ಕಾಂತೀಯ ತರಂಗವನ್ನು ಪಡೆಯುವ ಘನ ಸ್ಥಿತಿಯ ಡಯೋಡ್‌ನ ಪೇಟೆಂಟ್‌ ಬೋಸ್‌ ಅವರದ್ದಾಗಬೇಕಿತ್ತು. ಸಾಮಾನ್ಯ ಮೈಕ್ರೊವೇವ್‌ ಕಾಂಪೊನೆಂಟ್‌ಗಳನ್ನು ಪತ್ತೆ ಮಾಡಿದ್ದು ಬೋಸ್‌.
  • ಸಸ್ಯಶಾಸ್ತ್ರಕ್ಕೆ ಬೋಸ್‌ ಕೊಡುಗೆ ಅಪಾರ. ಬೋಸ್‌ ಕಂಡುಹಿಡಿದ ಕ್ರೆಸ್ಕೋಗ್ರಾಫ್‌ ಸಸ್ಯ ವಿಜ್ಞಾನಿಗಳಿಗೆ ಸಸ್ಯಗಳ ಬಗ್ಗೆ ಸಂಶೋಧನೆ ಪರಿಣಾಮಕಾರಿ ಸಾಧನವಾಗಿದೆ.

ಮೊಬೈಲ್ ಇ-ತ್ಯಾಜ್ಯಗಳಿಂದ ಟೋಕಿಯೋ ಒಲಿಂಪಿಕ್ಸ್ ಮೆಡಲ್ ತಯಾರಿ

4

ಸುದ್ಧಿಯಲ್ಲಿ ಏಕಿದೆ ?ಮುಂಬರುವ 2020 ಒಲಿಂಪಿಕ್ಸ್‌ಗೆ ಜಪಾನ್‌ನ ಟೋಕಿಯೋ ನಗರ ಆತಿಥ್ಯ ವಹಿಸುತ್ತಿದೆ. ನವ ನವೀನ ತಂತ್ರಗಾರಿಕೆ ಅವಿಷ್ಕಾರದಲ್ಲಿ ಸದಾ ಒಂದು ಹೆಜ್ಜೆ ಮುಂದಿರುವ ಜಪಾನ್, ಇದೀಗ ಮೊಬೈಲ್ ಇ-ತ್ಯಾಜ್ಯಗಳಿಂದ ಟೋಕಿಯೋ ಕ್ರೀಡಾಕೂಟದ ಮೆಡಲ್‌ಗಳನ್ನು ತಯಾರಿಸಲು ಸಜ್ಜಾಗುತ್ತಿದೆ.

  • ಟೋಕಿಯೋ ಒಲಿಂಪಿಕ್ಸ್ ಹಾಗೂ ಪ್ಯಾರಾಲಿಂಪಿಕ್ ಪ್ರಶಸ್ತಿ ವಿಜೇತರ ಮೆಡಲ್‌ಗಳನ್ನು ಶೇಕಡಾ 100ರಷ್ಟು ಎಲೆಕ್ಟ್ರಾನಿಕ್ಸ್ ತ್ಯಾಜ್ಯಗಳಿಂದ ತಯಾರಿಸಲಾಗುವುದು.
  • ಪ್ರಮುಖವಾಗಿಯೂ ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್, ಡಿಜಿಟಲ್ ಕ್ಯಾಮೆರಾ ಮುಂತಾದ ಇ-ತ್ಯಾಜ್ಯ ವಸ್ತುಗಳನ್ನು ಮರುಬಳಕೆ ಮಾಡಲಾಗುವುದು.
  • ನಿಮ್ಮ ಮಾಹಿತಿಗಾಗಿ, 2016ರ ರಿಯೋ ಒಲಿಂಪಿಕ್ಸ್‌ನಲ್ಲಿ ಶೇಕಡಾ 30ರಷ್ಟು ಮರುಬಳಕೆಯ ವಸ್ತುಗಳಿಂದ ಬೆಳ್ಳಿ ಹಾಗೂ ಕಂಚಿನ ಪದಕಗಳನ್ನು ತಯಾರಿಸಲಾಗಿತ್ತು.
  • ಟೋಕಿಯೋ ಒಲಿಂಪಿಕ್ಸ್ ಗೇಮ್ಸ್ ಸಮಿತಿಯು ಎರಡು ವರ್ಷಗಳ ಹಿಂದೆಯೇ 2017 ಎಪ್ರಿಲ್‌ನಲ್ಲಿ ಮೆಡಲ್ ಪ್ರೊಜೆಕ್ಟ್ ರೂಪಿಸಿತ್ತು. ಅಲ್ಲದೆ ಜಪಾನ್ ನಗರಪಾಲಿಕೆಯು ಈಗಾಗಲೇ 47,488 ಟನ್ ಇ-ತ್ಯಾಜ್ಯಗಳನ್ನು ಸಂಗ್ರಹಿಸಿದೆ. ಈ ಪೈಕಿ 07 ದಶಲಕ್ಷ ಬಳಕೆ ಮಾಡಿದ ಮೊಬೈಲ್ ಫೋನ್‌ಗಳನ್ನು ಹೊಂದಿದೆ.

ಆಪರ್ಚುನಿಟಿ ರೋವರ್‌

5

ಸುದ್ಧಿಯಲ್ಲಿ ಏಕಿದೆ ?ಆಪರ್ಚುನಿಟಿ ರೋವರ್‌ ತನ್ನ 15 ವರ್ಷಗಳ ಪಯಣವನ್ನು ಅಂತ್ಯಗೊಳಿಸಿದ್ದು, ಚಂಡಮಾರುತಕ್ಕೆ ಬಲಿಯಾಗಿದೆ ಎನ್ನಲಾಗುತ್ತಿತ್ತು. ಈಗ ಆಪರ್ಚುನಿಟಿ ರೋವರ್‌ಗೆ ಫೆಬ್ರವರಿ 13,2019 ರಂದು ನಾಸಾ ಅಧಿಕೃತವಾಗಿ ಗುಡ್‌ ಬೈ ಹೇಳಿದೆ.

ಹಿನ್ನಲೆ

  • ನಾಸಾದ ಮಹತ್ವಾಕಾಂಕ್ಷಿ ಆಪರ್ಚುನಿಟಿ ರೋವರ್ 14 ವರ್ಷಗಳ ಕಾಲ ಮಂಗಳನ ಅಂಗಳನಲ್ಲಿ ಅನ್ವೇಷಣೆ ಮಾಡಿತ್ತು.
  • ಅಲ್ಲದೆ, ಮಂಗಳ ಗ್ರಹದಲ್ಲಿ ಒಮ್ಮೆ ನೀರು ಹರಿದಿತ್ತು ಎಂಬುದನ್ನು ಸಹ ಸ್ಪಷ್ಟಪಡಿಸಿತ್ತು.
  • ಜನವರಿ 2004ರಲ್ಲಿ ಮಂಗಳನ ಅಂಗಳಕ್ಕೆ ಕಾಲಿಟ್ಟಿದ್ದ ನಾಸಾದ ಆಪರ್ಚುನಿಟಿ ರೋವರ್ ರೋಬೋಟ್ ಕಳೆದ ವರ್ಷ ಜೂನ್‌ನಿಂದ ಸಂಪರ್ಕ ಕಳೆದುಕೊಂಡಿತ್ತು.
  • ಬ್ಯಾಟರಿಗಳನ್ನು ರೀಚಾರ್ಜ್‌ ಮಾಡಿಕೊಳ್ಳಲು ಸಾಧ್ಯವಾಗದೆ ಆಪರ್ಚುನಿಟಿ ಭೂಮಿಯಿಂದ ಹೋಗಿರುವ ನೂರಾರು ಸಂದೇಶಗಳಿಗೆ ಉತ್ತರ ನೀಡಿರಲಿಲ್ಲ.
  • ಇದುವರೆಗೆ ಮಂಗಳ ಗ್ರಹದಿಂದ ಆಪರ್ಚುನಿಟಿ 2,17,594 ಫೋಟೋಗಳನ್ನು ಆಪರ್ಚುನಿಟಿ ಕಳಿಸಿದ್ದು, ಇದನ್ನೆಲ್ಲ ಅಂತರ್ಜಾಲದಲ್ಲಿ ಸಾರ್ವಜನಿಕರಿಗೆ ಲಭ್ಯವಾಗಿದೆ.
  • 2018ನೇ ವರ್ಷದ ಜೂ.10ರ ಅನಂತರ ಆಪರ್ಚುನಿಟಿ ರೋವರ್ ನಾಸಾದೊಂದಿಗೆ ಸಂಪರ್ಕ ಸಾಧಿಸಿಲ್ಲ ಎಂದು ಹೇಳಲಾಗಿದ್ದು, ಧೂಳಿನ ಚಂಡಮಾರುತದಿಂದಾಗಿ ಹಾಳಾಗಿದೆ ಎನ್ನಲಾಗಿದೆ. ಸೌರ ಫ‌ಲಕದ ಮೇಲೆ ಧೂಳು ಕುಳಿತು ಬೆಳಕಿನ ಕಿರಣವನ್ನು ಅಡ್ಡಿಪಡಿಸುತ್ತಿರಬಹುದು, ಇದರಿಂದಾಗಿ ರೋವರ್ ಹಾನಿಗೀಡಾಗಿರಬಹುದು ಎಂದು ವಿಜ್ಞಾನಿಗಳು ಅಂದಾಜಿಸಿದ್ದರು.
Related Posts
“20 ಅಕ್ಟೋಬರ್  2018ರ  ಕನ್ನಡ ಪ್ರಚಲಿತ ವಿದ್ಯಮಾನ”
ಗಿಡ ಬೆಳೆಸಿ ಅಂಕ ಗಳಿಸಿ! ಯೋಜನೆ ಸುದ್ಧಿಯಲ್ಲಿ ಏಕಿದೆ ?ಇನ್ನು ಮುಂದೆ 8ರಿಂದ 10ನೇ ತರಗತಿಯವರೆಗೆ ಸರ್ಕಾರಿ ಶಾಲೆಗಳಲ್ಲಿ ಅಧ್ಯಯನ ಮಾಡುತ್ತಿರುವ ವಿದ್ಯಾರ್ಥಿಗಳು ಗಿಡಗಳನ್ನು ನೆಟ್ಟು ಚೆನ್ನಾಗಿ ಪೋಷಿಸಿದರೆ ಅಂಕಗಳನ್ನು ಪಡೆಯಬಹುದು. ಅರಣ್ಯ, ಪರಿಸರ ಮತ್ತು ಜೈವಿಕ ಇಲಾಖೆ ಈ ಸಂಬಂಧ ಸದ್ಯದಲ್ಲಿಯೇ ...
READ MORE
“17 ಏಪ್ರಿಲ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಜಿಎಸ್ಎಲ್ವಿ ಉಡಾವಣೆ ವಾಹನಗಳು ಸುದ್ಧಿಯಲ್ಲಿ ಏಕಿದೆ ?ಜಿಎಸ್ಎಲ್ವಿ ಮುಂದುವರಿಕೆ ಕಾರ್ಯಕ್ರಮದ 4 ನೇ ಹಂತದಡಿಯಲ್ಲಿ 2021-24ರ ಅವಧಿಯಲ್ಲಿ ಐದು ಜಿಎಸ್ಎಲ್ವಿ ಉಪಗ್ರಹ ಉಡಾವಣೆ ವಾಹನಗಳನ್ನು ಕೇಂದ್ರ ಕ್ಯಾಬಿನೆಟ್ ಅನುಮೋದಿಸಿದೆ. ಅವುಗಳಲ್ಲಿ ಒಂದನ್ನು ಎರಡನೆಯ ಮಾರ್ಸ್ ಮಿಷನ್ಗಾಗಿ ಬಳಸಲಾಗುತ್ತಿತ್ತು. ಮೂರನೇ ಹಂತ 2003 ರಲ್ಲಿ ಅನುಮೋದನೆಗೊಂಡ ...
READ MORE
“09 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಪೌರತ್ವ ವಿಧೇಯಕ ಸುದ್ಧಿಯಲ್ಲಿ ಏಕಿದೆ ?ಅಕ್ರಮ ವಲಸಿಗರ ಪಿಡುಗಿಗೆ ತಡೆ ಹಾಕುವ ಮಹತ್ವದ ಪೌರತ್ವ ತಿದ್ದುಪಡಿ ವಿಧೇಯಕ ಲೋಕಸಭೆಯಲ್ಲಿ ಭಾರಿ ಗದ್ದಲದ ನಡುವೆ ಅಂಗೀಕಾರಗೊಂಡಿದೆ. ಏನಿದು ಪೌರತ್ವ ವಿಧೇಯಕ? ಪ್ರಸ್ತುತ ದೇಶದಲ್ಲಿ ಪೌರತ್ವ ಕಾಯಿದೆ-1955ರ ಪ್ರಕಾರ ವಲಸಿಗರನ್ನು ಗುರುತಿಸಲಾಗುತ್ತಿದೆ. ಈ ಕಾಯಿದೆಗೆ ತಿದ್ದುಪಡಿ ಮಾಡುವ ...
READ MORE
“22 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಕೊಯ್ನಾದಿಂದ ಕುಡಿಯುವ ನೀರು ಸುದ್ಧಿಯಲ್ಲಿ ಏಕಿದೆ ?ಬರಗಾಲ ತೀವ್ರಗೊಂಡಿರುವ ಹಿನ್ನೆಲೆಯಲ್ಲಿ ಬೆಳಗಾವಿ, ವಿಜಯಪುರ, ಕಲಬುರಗಿ, ಯಾದಗಿರಿ ಜಿಲ್ಲೆಗಳಲ್ಲಿ ಕುಡಿಯುವ ನೀರಿನ ಅಗತ್ಯಕ್ಕಾಗಿ ತಕ್ಷ ಣ ಕೊಯ್ನಾ ಹಾಗೂ ಉಜ್ಜನಿ ಜಲಾಶಯದಿಂದ ನೀರು ಹರಿಸುವಂತೆ ಜಲಸಂಪನ್ಮೂಲ ಸಚಿವ ಡಿ.ಕೆ.ಶಿವಕುಮಾರ್‌ ಅವರು ನೆರೆಯ ಮಹಾರಾಷ್ಟ್ರ ಸಿಎಂಗೆ ...
READ MORE
13th ಏಪ್ರಿಲ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು
ಎನ್‌ಐಆರ್‌ಎಫ್‌ ರಾಯಂಕಿಂಗ್‌ ಸುದ್ಧಿಯಲ್ಲಿ ಏಕಿದೆ ? ಅಂಕಿ ಅಂಶಗಳನ್ನು ಸರಿಯಾಗಿ ತಿಳಿದುಕೊಳ್ಳದೆ ನ್ಯಾಷನಲ್‌ ಇನ್ಸ್ಟಿಟ್ಯೂಟ್‌ ಆಫ್‌ ರಾರ‍ಯಂಕಿಂಗ್‌ ಫ್ರೇಮ್‌ವರ್ಕ್‌(ಎನ್‌ಐಆರ್‌ಎಫ್‌) ನಲ್ಲಿ ಪಿಇಎಸ್‌ ವಿಶ್ವವಿದ್ಯಾಲಯಕ್ಕೆ 149 ನೇ ಸ್ಥಾನ ನೀಡಲಾಗಿದೆ. ಈ ತಪ್ಪನ್ನು ಸರಿಪಡಿಸದಿದ್ದರೆ ನ್ಯಾಯಾಲಯದ ಮೊರೆ ಹೋಗಲಾಗುವುದು ಎಂದು ವಿವಿ ಕುಲಾಧಿಪತಿ ಡಾ.ಎಂ.ಆರ್‌.ದೊರೆಸ್ವಾಮಿ ...
READ MORE
“17 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಆರೋಗ್ಯ ಇಲಾಖೆಯ ವಾಟ್ಸ್‌ಆ್ಯಪ್‌ ಪ್ಲಾನ್‌ ಸುದ್ಧಿಯಲ್ಲಿ ಏಕಿದೆ ?ಮಗುವಿನ ಜನನಕ್ಕೆ ನೆರವಾಗುವ ಉದ್ದೇಶದಿಂದ 'ಸುರಕ್ಷಿತ ಗರ್ಭದಿಂದ ಸಂತಸದ ಕೈಗಳಿಗೆ' ಎಂಬ ಘೋಷ ವಾಕ್ಯದೊಂದಿಗೆ ವಿನೂತನ ಕಾರ್ಯಕ್ರಮವನ್ನು ಆರೋಗ್ಯ ಇಲಾಖೆಯ ಸಂತಾನೋತ್ಪತ್ತಿ ಮತ್ತು ಮಕ್ಕಳ ಆರೋಗ್ಯ ವಿಭಾಗ ಆಯೋಜಿಸಿದೆ ವ್ಯಾಟ್ಸ್‌ಆ್ಯಪ್‌ ಗ್ರೂಪ್‌ ಮೂಲಕ ವೈದ್ಯರು ಗರ್ಭಿಣಿಯರು ...
READ MORE
“19 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
‘ಜ್ಯೋತಿ ಸಂಜೀವಿನಿ’  ಸುದ್ಧಿಯಲ್ಲಿ ಏಕಿದೆ ? ಸರಕಾರಿ ನೌಕರರಿಗೆ ನೀಡುತ್ತಿರುವ 'ಜ್ಯೋತಿ ಸಂಜೀವಿನಿ' ಸೌಲಭ್ಯವನ್ನು ನಿವೃತ್ತ ಸರಕಾರಿ ನೌಕರರಿಗೂ ವಿಸ್ತರಿಸಬೇಕು ಎಂದು ಕರ್ನಾಟಕ ರಾಜ್ಯ ನಿವೃತ್ತ ನೌಕರರ ಸಂಘ ಸರಕಾರವನ್ನು ಆಗ್ರಹಿಸಿದೆ. ಜ್ಯೋತಿ ಸಂಜೀವಿನಿ ಯೋಜನೆ (ಜೆಎಸ್ಎಸ್) ಕರ್ನಾಟಕ ಸರ್ಕಾರವು "ಜ್ಯೋತಿ ಸಂಜೀವಿನಿ" ಎಂಬ ...
READ MORE
“19  ಅಕ್ಟೋಬರ್  2018ರ ಕನ್ನಡ ಪ್ರಚಲಿತ ವಿದ್ಯಮಾನ”
ಮೈಸೂರು ದಸರಾ ಸುದ್ಧಿಯಲ್ಲಿ ಏಕಿದೆ ?ದಶಕಗಳ ಇತಿಹಾಸವಿರುವ ಮೈಸೂರು ದಸರಾ ಸದಾ ಸುಂದರ. ನಾಡಹಬ್ಬದ ಆಚರಣೆಯ ಬಗೆ ಬದಲಾಗುತ್ತ ಬಂದಿದೆ. ಮೈಸೂರು ದಸರಾ ಕರ್ನಾಟಕದ ನಡಹಬ್ಬ (ರಾಜ್ಯ ಉತ್ಸವ) ಆಗಿದೆ. ಇದು ನವರಾತ್ರಿ (ನವ-ರಾತ್ರಿ ಎಂದರೆ ಒಂಭತ್ತು-ರಾತ್ರಿಗಳು) ಮತ್ತು ವಿಜಯದಶಮಿ ಎಂಬ ಕೊನೆಯ ದಿನದಿಂದ ಆರಂಭಗೊಂಡು ...
READ MORE
“04 ಏಪ್ರಿಲ್   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
'ಶ್ರೇಯಸ್‌' ಯೋಜನೆ ಸುದ್ಧಿಯಲ್ಲಿ ಏಕಿದೆ ? ಬಹು ನಿರೀಕ್ಷಿತ 'ಶ್ರೇಯಸ್‌' ಯೋಜನೆ ಜುಲೈನಿಂದ ಜಾರಿಗೆ ಬರಲಿದೆ.ಇದೇ ಮೊದಲ ಬಾರಿಗೆ ತಾಂತ್ರಿಕೇತರ ಪದವೀಧರರಿಗೆ ಜಾರಿಗೊಳಿಸಿರುವ ಅಪ್ರೆಂಟಿಸ್‌ಷಿಪ್‌ ಯೋಜನೆ ಇದಾಗಿದ್ದು, 5 ಲಕ್ಷ ವಿದ್ಯಾರ್ಥಿಗಳಿಗೆ ಆರು ತಿಂಗಳ ತರಬೇತಿ ನೀಡಲಾಗುತ್ತದೆ. ತರಬೇತಿ ಅವಧಿಯಲ್ಲಿ 6,000 ರೂ. ...
READ MORE
“11 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಸೋಷಿಯಲ್‌ ಮಿಡಿಯಾ ಬಳಕೆಗೆ ಕಠಿಣ ನಿರ್ಬಂಧ ಸುದ್ಧಿಯಲ್ಲಿ ಏಕಿದೆ ?ಮತದಾರರ ಮೇಲೆ ಸಾಮಾಜಿಕ ಜಾಲತಾಣಗಳು ಬೀರುವ ಪ್ರಭಾವ ಅರಿತು ಚುನಾವಣಾ ಆಯೋಗ ಈ ಬಾರಿಯ ಲೋಕಸಭೆ ಚುನಾವಣೆಯಲ್ಲಿ ಸೋಷಿಯಲ್‌ ಮಿಡಿಯಾಗಳ ಬಳಕೆ ಕುರಿತು ಹಲವು ಕಠಿಣ ನಿರ್ಬಂಧಗಳನ್ನು ಹೇರಿದೆ. ಅಭ್ಯರ್ಥಿಗಳು ನಾಮಪತ್ರ ಸಲ್ಲಿಸುವ ವೇಳೆ ...
READ MORE
“20 ಅಕ್ಟೋಬರ್ 2018ರ ಕನ್ನಡ ಪ್ರಚಲಿತ ವಿದ್ಯಮಾನ”
“17 ಏಪ್ರಿಲ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“09 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“22 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
13th ಏಪ್ರಿಲ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು
“17 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“19 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“19 ಅಕ್ಟೋಬರ್ 2018ರ ಕನ್ನಡ ಪ್ರಚಲಿತ ವಿದ್ಯಮಾನ”
“04 ಏಪ್ರಿಲ್ 2019 ರ ಕನ್ನಡ ಪ್ರಚಲಿತ
“11 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Leave a Reply

Your email address will not be published. Required fields are marked *