15th ಮಾರ್ಚ್ 2018 ಕನ್ನಡ ಪ್ರಚಲಿತ ವಿದ್ಯಮಾನ

ಚೀನಾ ಗಡಿ ಬಳಿ ಐತಿಹಾಸಿಕ ಲ್ಯಾಂಡಿಂಗ್

  • ಆಯಕಟ್ಟಿನ ಗಡಿ ಭಾಗದಲ್ಲಿ ಕಾರ್ಯತಂತ್ರ ಬಲಿಷ್ಠಗೊಳಿಸುತ್ತಿರುವ ಭಾರತೀಯ ವಾಯುಪಡೆ ಚೀನಾ ಗಡಿಯಿಂದ ಕೇವಲ 30 ಕಿ.ಮೀ. ದೂರದಲ್ಲಿರುವ ಅರುಣಾಚಲ ಪ್ರದೇಶದ ಟ್ಯುಟಿಂಗ್​ನಲ್ಲಿ ಅತಿ ದೊಡ್ಡ ಸರಕು ಸಾಗಣೆ ವಿಮಾನ ಸಿ-17 ಗ್ಲೋಬಲ್​ವಾಸ್ಟರ್ ಅನ್ನು ಇಳಿಸುವ ಮೂಲಕ ಐತಿಹಾಸಿಕ ಸಾಧನೆ ಮಾಡಿದೆ.
  • ಇದರಿಂದ ತುರ್ತು ಸಂದರ್ಭದಲ್ಲಿ ಸಾಧನ- ಸಲಕರಣೆ, ಸೇನಾ ತುಕಡಿಗಳನ್ನು ತ್ವರಿತವಾಗಿ ಗಡಿಯ ಬಳಿಗೆ ಸಾಗಿಸಲು ಮತ್ತು ಅವಘಡಗಳ ಸಂದರ್ಭದಲ್ಲಿ ವಸ್ತು ಅಥವಾ ವ್ಯಕ್ತಿಗಳನ್ನು ತ್ವರಿತವಾಗಿ ಸಾಗಿಸಲು ಅನುಕೂಲವಾಗಲಿದೆ.
  • 18 ಟನ್ ತೂಕವನ್ನು ಹೊತ್ತುತಂದಿದ್ದ ಈ ವಿಮಾನವನ್ನು ಅಪ್ಪರ್ ಸಿಯಾಂಗ್ ಜಿಲ್ಲೆಯ ಟ್ಯುಟಿಂಗ್ ಅಡ್ವಾನ್ಸ್​ಡ್ ಲ್ಯಾಂಡಿಂಗ್ ಗ್ರೌಂಡ್ (ಎಎಲ್​ಜಿ)ನಲ್ಲಿ ಸುರಕ್ಷಿತವಾಗಿ ಇಳಿಸುವಲ್ಲಿ ಯಶಸ್ವಿಯಾಗಿದ್ದೇವೆ ಐಎಎಫ್ ಹರ್ಷ ವ್ಯಕ್ತಪಡಿಸಿದೆ.
  • ಏನಿದು ಸಿ-17 ಗ್ಲೋಬಲ್ ಮಾಸ್ಟರ್?
  • ಸಿ-17 ಗ್ಲೋಬಲ್ ಮಾಸ್ಟರ್ ಅಮೆರಿಕ ನಿರ್ವಿುತ ಸೇನಾ ಬೃಹತ್ ಸರಕು ಸಾಗಣೆ ವಿಮಾನ, ಎರಡು ಪಿಸ್ಟನ್ ಇಂಜಿನ್ ಹೊಂದಿರುವ ಇದನ್ನು ಮೊದಲು ಡೌಗ್ಲಾಸ್ ಸಿ-74 ಗ್ಲೋಬಲ್ ಮಾಸ್ಟರ್ ಮತ್ತು ಡೌಗ್ಲಾಸ್ ಸಿ-124 ಗ್ಲೋಬಲ್ ಮಾಸ್ಟರ್-2 ಎಂದು ಹೆಸರಿಸಲಾಗಿತ್ತು.
  • ಇವು ವಿಶ್ವದಾದ್ಯಂತ 1990ರಿಂದ ಬಳಕೆಯಲ್ಲಿವೆ. ಭಾರತೀಯ ವಾಯುಪಡೆಯು 10 ಸಿ- 17 ವಿಮಾನಗಳನ್ನು ಖರೀದಿಸಲು 2010ರಲ್ಲಿ ಒಪ್ಪಂದ ಮಾಡಿಕೊಂಡಿತು.
  • ಮೊದಲು ವಿಮಾನವು 2013ರಲ್ಲಿ ಭಾರತಕ್ಕೆ ಆಗಮಿಸಿತು. ಸಮುದ್ರ ಮಟ್ಟದಿಂದ 13 ಸಾವಿರ ಅಡಿ ಎತ್ತರ ಪ್ರದೇಶದಲ್ಲೂ ಸುರಕ್ಷಿತವಾಗಿ ಹಾರಾಟ ನಡೆಸುವ ಈ ವಿಮಾನವು ಹಿಮಾಲಯ ಪರ್ವತ ಶ್ರೇಣಿಯಿಂದ ಹಿಡಿದು ಹಿಂದು ಮಹಾಸಾಗರದವರೆಗೆ ಹಾರಾಟ ಮಾಡುವ ಸಾಮರ್ಥ್ಯ ಹೊಂದಿದೆ.
  • ಸೇನಾ ಸಾಮಾನು ಸರಂಜಾಮು ಸಾಗಣೆಯ ಜತೆಗೆ ಕನಿಷ್ಠ ವೈದ್ಯಕೀಯ ನೆರವನ್ನು ಇದು ನೀಡಲಿದೆ.

ವಿಮಾನದ ವಿಶೇಷ

  • 174 ಅಡಿ ಉದ್ದ
  • 170 ಅಡಿ ರೆಕ್ಕೆಗಳ ಅಗಲ
  • 77,500 ಕೆ.ಜಿ ಗರಿಷ್ಠ ತೂಕ ಹೊತ್ತೊಯ್ಯುವ ಸಾಮರ್ಥ್ಯ
  • 65 ಲಕ್ಷ ಕೆ.ಜಿ. ಟೇಕಾಫ್ ಸಂದರ್ಭದಲ್ಲಿ ಒಟ್ಟಾರೆ ತೂಕ
  • 88 ಅಡಿ ಒಳಭಾಗದ ಉದ್ದ
  • 18 ಅಡಿ ಒಳಭಾಗದ ಅಗಲ
  • 4 ಅಡಿ ಒಳಭಾಗದ ಎತ್ತರ

ಪ್ರಾಣಾಂತಿಕ ಕಾಯಿಲೆ ಎಎಲ್‌ಎಸ್

  • ಅಮಿಯೊಟ್ರೊಫಿಕ್ ಲ್ಯಾಟರಲ್ ಸ್ಲಿರಾಸಿಸ್ ಕಾಯಿಲೆಗೆ ತುತ್ತಾದವರು ಐದಾರು ವರ್ಷಗಳ ಒಳಗೆ ಅಸುನೀಗುತ್ತಾರೆ. ಈ ಅವಧಿಯಲ್ಲಿ ಅವರ ಮೆದುಳು ಮಾತ್ರ ಸಕ್ರಿಯವಾಗಿರುತ್ತದೆಯೇ ಹೊರತು ಸಂಪೂರ್ಣ ದೇಹ ನಿಷ್ಕ್ರಿಯಗೊಂಡಿರುತ್ತದೆ.
  • ಖ್ಯಾತ ವಿಜ್ಞಾನಿ ಸ್ಟೀಫನ್ ಹಾಕಿಂಗ್ಸ್ ಅವರು ಈ ರೋಗದಿಂದ ಬಳಲುತ್ತಿದ್ದರು. ಹಾಕಿಂಗ್ಸ್‌ಗೆ ಯೌವನದಲ್ಲೇ ಈ ಕಾಯಿಲೆ ತಗುಲಿದರೂ, ತಮ್ಮ ಅಸಾಧಾರಣ ಮನೋಬಲದಿಂದಲೇ 76 ವರ್ಷಗಳ ವರೆಗೆ ಬದುಕಿದ್ದರು.
  • ಸ್ಟೀಫನ್‌ ಹಾಕಿಂಗ್‌ ಅವರು ಅಮಿಯೊಟ್ರೋಫಿಕ್ ಲ್ಯಾಟರಲ್ ಸ್ಕ್ಲೆರಾಸಿಸ್‌ (ಅಥವಾ ALS) ಎಂಬ ಅಪರೂಪದ ಕಾಯಿಲೆಗೆ ತುತ್ತಾಗಿದ್ದರು. ಇದು ಒಂದು ಬಗೆಯ ತೀವ್ರತರದ ಸ್ನಾಯುಚಾಲಕ ನರಕೋಶದ ಕಾಯಿಲೆಯಾಗಿದೆ. ಹಾಕಿಂಗ್‌ ಅವರು ಬೆನ್ನುಹುರಿಯ ಸ್ನಾಯು ಕ್ಷೀಣತೆಯ IVನೇ ವಿಧಕ್ಕೆ ತುತ್ತಾಗಿದ್ದಾರೆ ಎಂದು ಹಲವಾರು ನರಸ್ನಾಯು ತಜ್ಞರು ನಂಬಿದ್ದರು.
  • ಹಾಕಿಂಗ್‌ರಿಗೆ ತಗುಲಿದ ಈ ಅನಾರೋಗ್ಯವನ್ನು ALSನ ಒಂದು ವಿಧವೆಂದು ಪರಿಗಣಿಸಿದ್ದು, ಅವರಿಗೆ ತಗುಲಿರುವ ಈ ALS ನಮೂದಿಸಲಾಗಿರುವ ನಿದರ್ಶನಗಳಲ್ಲಿಯೇ ಅತಿ ವಿಶಿಷ್ಟವಾಗಿದೆ.
  • ರೋಗತಪಾಸಣೆ ನಡೆಸಿ ALS ತಗುಲಿರುವುದು ಖಚಿತವಾದ ನಂತರ 10 ವರ್ಷಗಳಿಗೂ ಹೆಚ್ಚು ಕಾಲ ಬದುಕಿ ಉಳಿಯುವುದೇ ಅಪರೂಪವಾಗಿದೆ; ಈ ರೀತಿ ಸುದೀರ್ಘ ಕಾಲ ಬದುಕಿದ ಕಾಲಾವಧಿಗಳೆಂದರೆ 32 ಹಾಗೂ 39 ವರ್ಷಗಳು ಮಾತ್ರ. ಈ ರೀತಿಯ ಸನ್ನಿವೇಶಗಳನ್ನು ಅದೃಷ್ಟವೆಂದೇ ಹೇಳಬಹುದು; ಯಾಕೆಂದರೆ ಈ ರೋಗದ ನಂತರದ ಹಂತಗಳ ಚಿಕಿತ್ಸೆಯಲ್ಲಿ ಸರಿಯಾದ ಪ್ರಗತಿ ಕಂಡುಬಂದಿಲ

20 ಲಕ್ಷ ಕಿ.ಮೀ ‘ಬೆನ್ನು’ಹತ್ತಿ ಹೊರಟ ನಾಸಾ

  • ಕ್ಷುದ್ರಗ್ರಹಗಳು ಬೆಲೆಬಾಳುವ ಖನಿಜಗಳ ಗಣಿ. ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ನಾಸಾ ಭೂಮಿಗೆ ಸಮೀಪದಲ್ಲಿರುವ ಕ್ಷುದ್ರಗ್ರಹ ‘ಬೆನ್ನು’ವಿನ ಬೆನ್ನತ್ತಿದೆ. ಉಕ್ಕು ಮತ್ತು ನಿಕಲ್‌ ಅಂಶ ಇರುವ ಬಗ್ಗೆ ಮಾಹಿತಿ ಪಡೆದಿರುವ ಕಂಪನಿಗಳು ಅಲ್ಲಿಯೂ ಗಣಿಗಾರಿಕೆ ನಡೆಸಬಹುದೇ ಎಂಬ ಚಿಂತನೆಯಲ್ಲಿವೆ.
  • 2016ರಲ್ಲಿ ಫ್ಲೋರಿಡಾದ ಕೇಪ್‌ ಕನವೆರಲ್‌ನಿಂದ ಒಸಿರಿಸ್‌-ರೆಕ್ಸ್‌ ಎಂಬ ಉಪಗ್ರಹವನ್ನು ನಾಸಾ ಬೆನ್ನುವಿನ ಹಿಂದೆ ಛೂ ಬಿಟ್ಟಿತು. ಇದುವರೆಗೆ ಈ ಉಪಗ್ರಹ 130 ಕೋಟಿ ಕಿ.ಮೀ ಕ್ರಮಿಸಿದೆ. ವರ್ಷದಿಂದ ಸೂರ್ಯನನ್ನು ಸುತ್ತುತ್ತಿದ್ದು, ಭೂಮಿಗೆ ಸಮೀಪದಲ್ಲಿರುವ ಕ್ಷುದ್ರಗ್ರಹ ಬೆನ್ನುವಿನ ಬೇಟೆಗೆ ಕಾದಿದೆ.
  • ಮುಂದಿನ ಆಗಸ್ಟ್‌ನಲ್ಲಿ ಒಸಿರಿಸ್‌-ರೆಕ್ಸ್‌ ಬೆನ್ನುವಿನ ಮೊದಲ ಚಿತ್ರವನ್ನು ತೆಗೆಯಲಿದೆ. ಬೆನ್ನುವನ್ನು ಸಮೀಪಿಸಲು 20 ಕೋಟಿ ಕಿ.ಮೀ ಪ್ರಯಾಣವನ್ನು ಆರಂಭಿಸಲಿದ್ದು, ಡಿಸೆಂಬರ್‌ಗೆ ಗುರಿ ಸಾಧಿಸಲಿದೆ. ನಂತರ ಒಂದು ವರ್ಷದ ವರೆಗೆ ಕ್ಷುದ್ರಗ್ರಹವನ್ನು ಸುತ್ತುತ್ತ, ಚಿತ್ರಗಳನ್ನು ಕ್ಲಿಕ್ಕಿಸುತ್ತ, ಮಾಹಿತಿ ಸಂಗ್ರಹಿಸುತ್ತಿರುತ್ತದೆ
  • ಜುಲೈ 2020ಕ್ಕೆ, ಒಸಿರಿಸ್‌-ರೆಕ್ಸ್‌ ಬೆನ್ನುವಿನ ಮೇಲ್ಮೈ ಸಮೀಪಕ್ಕೆ ಹೋಗಿ, ಯಾಂತ್ರಿಕ ಕೈಯನ್ನು ಹೊರ ಚಾಚಿ 3 ಬಗೆಯ ಸ್ಯಾಂಪಲ್‌ಗಳನ್ನು ಸಂಗ್ರಹಿಸುತ್ತದೆ. 4 ವರ್ಷಗಳ ಬಾಹ್ಯಾಕಾಶ ಯಾತ್ರೆ ನಂತರ ಒಸಿರಿಸ್‌-ರೆಕ್ಸ್‌ ಕ್ಷುದ್ರಗ್ರಹದಿಂದ ಸ್ಯಾಂಪಲ್‌ ಸಂಗ್ರಹಕ್ಕೆ ಕೆಲವೇ ಸೆಕೆಂಡುಗಳನ್ನು ವ್ಯಯಿಸುತ್ತದೆ.
  • ಭೂಮಿಯ ಸಮೀಪದ ಕ್ಷುದ್ರಗ್ರಹ
    ಪ್ರತಿ 6 ವರ್ಷಗಳಿಗೆ ಒಂದು ಬಾರಿ ಬೆನ್ನು ಭೂಮಿಯ ಸಮೀಪಕ್ಕೆ ಬರುತ್ತದೆ. ವಿಜ್ಞಾನಿಗಳ ಪ್ರಕಾರ ಇಂತಹ ಕ್ಷುದ್ರಗ್ರಹಗಳು ಶೇ.10ರಷ್ಟು ಉಕ್ಕು ಮತ್ತು ನಿಕಲ್‌ನಿಂದ ಸೃಷ್ಟಿಗೊಂಡಿವೆ.
  • ಆಕಾರ & ರಾಸಾಯನಿಕ ಪ್ರಕ್ರಿಯೆ ಅಧ್ಯಯನ
    ಬೆನ್ನುವಿನ ಮೇಲ್ಮೈನಲ್ಲಿದ್ದಷ್ಟು ಸಮಯ ಉಪಗ್ರಹವು ಕ್ಷುದ್ರಗ್ರಹದ ಆಕಾರ ಮತ್ತು ರಾಸಾಯನಿಕ ಕ್ರಿಯೆಗಳ ಬಗ್ಗೆ ಅಧ್ಯಯನ ನಡೆಸಲಿದೆ. ಬೆನ್ನುವಿನ ಘನವಸ್ತುವಿನ ಸ್ಯಾಂಪಲ್‌ ಮತ್ತು ಇತರ ಮಾಹಿತಿ ಸಂಗ್ರಹಿಸುತ್ತದೆ. ಇದರಿಂದ ವಿಜ್ಞಾನಿಗಳು ಭವಿಷ್ಯದಲ್ಲಿ ಬೆನ್ನು ಭೂಮಿಗೆ ಅಪ್ಪಳಿಸುವ ಸಾಧ್ಯಾಸಾಧ್ಯತೆಗಳ ಬಗ್ಗೆ ಅಧ್ಯಯನ ನಡೆಸಲಿದ್ದಾರೆ.

5 ವರ್ಷಗಳ ನಂತರ ವಾಪಾಸ್

ಮಾರ್ಚ್‌ 2021ಕ್ಕೆ ಒಸಿರಿಸ್‌-ರೆಕ್ಸ್‌ ಭೂಮಿಗೆ ಹಿಂತಿರುಗಲು ಪ್ರಯಾಣ ಆರಂಭಿಸುತ್ತದೆ. 2023 ಸೆಪ್ಟಂಬರ್‌ನಲ್ಲಿ ಭೂಮಿಗೆ ಸಮೀಪಿಸುತ್ತಿದ್ದಂತೆ, ಕ್ಷುದ್ರಗ್ರಹದಿಂದ ಸಂಗ್ರಹಿಸಿದ ಕ್ಯಾಪ್ಸೂಲ್‌ಅನ್ನು ಪ್ಯಾರಾಚೂಟ್‌ ಮೂಲಕ ಭೂಮಿಗೆ ತಲುಪಿಸುತ್ತದೆ.

ಕೋಮುಗಲಭೆ: ಎರಡನೇ ಸ್ಥಾನದಲ್ಲಿ ಕರ್ನಾಟಕ

  • ದೇಶದಲ್ಲಿ ಕಳೆದ ಎರಡು ವರ್ಷಗಳಲ್ಲಿ ನಡೆದ ಕೋಮುಗಲಭೆಗಳಲ್ಲಿ ಕರ್ನಾಟಕ ಎರಡನೇ ಸ್ಥಾನದಲ್ಲಿದೆ ಎಂದು ಕೇಂದ್ರ ಗೃಹಖಾತೆ ರಾಜ್ಯ ಸಚಿವ ಹಂಸರಾಜ್ ಗಂಗಾರಾಮ್ ಅವರು ಲೋಕಸಭೆಗೆ ಮಾಹಿತಿ ನೀಡಿದರು.
  • ಎರಡೂ ವರ್ಷಗಳಲ್ಲಿ ಉತ್ತರ ಪ್ರದೇಶದಲ್ಲಿ ಅತಿಹೆಚ್ಚು ಕೋಮುಗಲಭೆಗಳು ದಾಖಲಾಗಿವೆ.
  • 2017: ಮೊದಲ ಐದು ರಾಜ್ಯಗಳು
  • ಉತ್ತರ ಪ್ರದೇಶ 195
  • ಕರ್ನಾಟಕ 100
  • ರಾಜಸ್ಥಾನ 91
  • ಬಿಹಾರ 85
  • ಮಧ್ಯಪ್ರದೇಶ 60

ಕೋಮುಗಲಭೆಗೆ ಕಾರಣಗಳು:

  • ಧಾರ್ಮಿಕ ಸಂಗತಿ,ಭೂಮಿ, ಆಸ್ತಿ ವ್ಯಾಜ್ಯ, ಲಿಂಗ ಸಂಬಂಧಿ ಅಪರಾಧಗಳು, ಸಾಮಾಜಿಕ ಜಾಲತಾಣ ಸಂಬಂಧಿ ವಿಷಯಗಳು,ಇತರೆ ಕಾರಣಗಳು

ನಾಗರಿಕ ಸೇವೆ: ಬೆಂಗಳೂರಿಗೆ ಕೊನೆಯ ಸ್ಥಾನ

  • ಸ್ಥಳೀಯ ಸಂಸ್ಥೆ ಆಡಳಿತ ಮತ್ತು ನಾಗರಿಕ ಸೇವೆಗೆ ಸಂಬಂಧಿಸಿದಂತೆ ದೇಶದ ಪ್ರಮುಖ 23 ನಗರಗಳಲ್ಲಿಯೇ ರಾಜ್ಯದ ರಾಜಧಾನಿ ಬೆಂಗಳೂರು ಅತ್ಯಂತ ಕಳಪೆ ಸಾಧನೆ ಮಾಡಿರುವ ನಗರವಾಗಿದೆ.
  • ಬೆಂಗಳೂರು ಮೂಲದ ಜನಾಗ್ರಹ ಸಂಸ್ಥೆಯು ಬಿಡುಗಡೆ ಮಾಡಿರುವ ‘ಭಾರತದ ನಗರ ವ್ಯವಸ್ಥೆಯ ವಾರ್ಷಿಕ ಸಮೀಕ್ಷೆ’ಯ (ಎಎಸ್‌ಐಸಿಎಸ್) ಐದನೇ ವರದಿಯ ಪ್ರಕಾರ, ಬೆಂಗಳೂರಿನ ನಾಗರಿಕರಿಗೆ ಬೃಹತ್‌ ಬೆಂಗಳೂರು ಮಹಾನಗರ ಪಾಲಿಕೆ (ಬಿಬಿಎಂಪಿ)ಯಿಂದ ದೊರೆಯುತ್ತಿರುವ ಸೇವೆಯು ತೃಪ್ತಿದಾಯಕವಾಗಿಲ್ಲ.
  • ‘ಉತ್ತಮ ಆಡಳಿತಕ್ಕೆ ಜಾಗತಿಕವಾಗಿ ಹೆಸರಾಗಿರುವ ಲಂಡನ್‌ (10ಕ್ಕೆ 8.8 ಅಂಕ), ನ್ಯೂಯಾರ್ಕ್‌ (8.8 ಅಂಕ) ಮತ್ತು ಜೋಹಾನ್ಸ್‌ಬರ್ಗ್‌ (7.6 ಅಂಕ) ನಗರಗಳು ಅನುಸರಿಸುತ್ತಿರುವ ಮಾನದಂಡವನ್ನು ಆಧಾರವಾಗಿ ಇರಿಸಿಕೊಂಡು, ಆಡಳಿತ ಮತ್ತು ನಾಗರಿಕ ಸೇವೆಗೆ ಸಂಬಂಧಿಸಿದಂತೆ ದೇಶದ 23 ನಗರಗಳ ನಿವಾಸಿಗಳಿಗೆ 89 ಪ್ರಶ್ನೆಗಳನ್ನು ಕೇಳುವ ಮೂಲಕ ಪ್ರತಿ ನಗರಕ್ಕೂ ಅಂಕ ನೀಡಲಾಗಿದೆ
  • 2013ರಿಂದ ಸಂಸ್ಥೆಯು ಸಮೀಕ್ಷೆ ನಡೆಸುತ್ತಿದೆ. ಕಳೆದ ವರ್ಷ ಬಿಡುಗಡೆ ಮಾಡಲಾದ ವರದಿಯಲ್ಲಿ 16ನೇ ಸ್ಥಾನದಲ್ಲಿದ್ದ ಬೆಂಗಳೂರು ನಗರ ಈ ಬಾರಿ 3.0 ಅಂಕ ಗಳಿಸುವ ಮೂಲಕ 23ನೇ ಸ್ಥಾನಕ್ಕೆ ಕುಸಿದಿದೆ. 5.1 ಅಂಕ ಗಳಿಸಿರುವ ಮಹಾರಾಷ್ಟ್ರದ ಪುಣೆ ನಗರವು ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ
  • ನಗರ ಯೋಜನೆ ಮತ್ತು ವಿನ್ಯಾಸ ರೂಪಿಸುವಿಕೆ, ಜನಸಂಖ್ಯೆ ಮತ್ತು ಸಂಪನ್ಮೂಲ, ಅಧಿಕಾರ ಮತ್ತು ಕಾನೂನುಬದ್ಧ ರಾಜಕೀಯ ಪ್ರಾತಿನಿಧ್ಯ, ಪಾರದರ್ಶಕತೆ, ಜವಾಬ್ದಾರಿ ಮತ್ತು ಜನರ ಪಾಲ್ಗೊಳ್ಳುವಿಕೆಯ ಅಂಶಗಳನ್ನು ಆಧರಿಸಿ ಸಮೀಕ್ಷೆ ನಡೆಸಲಾಗಿದೆ.
  • ಪಾರದರ್ಶಕತೆ, ಜವಾಬ್ದಾರಿಮತ್ತು ಜನರ ಪಾಲ್ಗೊಳ್ಳುವಿಕೆಗೆ ಸಂಬಂಧಿಸಿದಂತೆ ಮುಂಬೈ, ಚಂಡೀಗಡ, ಡೆಹ್ರಾಡೂನ್‌, ಪಟ್ನಾ, ಚೆನ್ನೈ ಮತ್ತು ಜೈಪುರ ನಗರಗಳಿಗಿಂತ ಉತ್ತಮ ಸ್ಥಾನದಲ್ಲಿರುವ ಬೆಂಗಳೂರು, ಮಿಕ್ಕ ಅಂಶಗಳಲ್ಲಿ ಎಲ್ಲ ನಗರಗಳಿಗಿಂತಲೂ ಹಿಂದಿದೆ ಎಂದು ಅವರು ಹೇಳಿದರು.
  • ಬೆಂಗಳೂರಿನ ಸ್ಥಳೀಯ ಸಂಸ್ಥೆಯು ಕೇಂದ್ರ ಸರ್ಕಾರದ ಅಮೃತ ಯೋಜನೆಯ ಅನುಷ್ಠಾನಕ್ಕೆ ಸಂಬಂಧಿಸಿದ ಮಾನದಂಡಗಳನ್ನು ಅನುಸರಿಸದೇ ಇರುವುದೂ ಹಿಂದುಳಿಯುವಿಕೆಗೆ ಕಾರಣವಾಗಿದೆ

  • ಮೂಲಭೂತ ಸೌಕರ್ಯಗಳ ಅಭಿವೃದ್ಧಿಯ ಮೂಲಕ ನಗರ ಜೀವನ ಪರಿಸ್ಥಿತಿಗಳನ್ನು ರೂಪಾಂತರಗೊಳಿಸಲು ಸರ್ಕಾರದಿಂದ ಪುನರ್ವಸತಿ ಮತ್ತು ನಗರ ಪರಿವರ್ತನೆಗಾಗಿ ಅಟಲ್ ಮಿಷನ್ (ಎಎಮ್ಆರ್ಯುಟ್) ಸ್ಮಾರ್ಟ್ ನಗರಗಳೊಂದಿಗೆ ಜಂಟಿಯಾಗಿ ಯೋಜನೆ ಮತ್ತು ಪ್ರಾರಂಭಿಸಲಾಯಿತು
  • ಐದು ವರ್ಷಗಳಲ್ಲಿ 500 ನಗರಗಳು ಮತ್ತು ಪಟ್ಟಣಗಳನ್ನು ದಕ್ಷ ನಗರ ಪ್ರದೇಶಗಳಲ್ಲಿ ಪರಿವರ್ತಿಸುವ ಗುರಿಯನ್ನು AMRUT ಹೊಂದಿದೆ.ನಗರಾಭಿವೃದ್ಧಿ ಸಚಿವಾಲಯ ಐನೂರು ನಗರಗಳನ್ನು ರಾಜ್ಯ ಸರ್ಕಾರಗಳ ಸಹಾಯದಿಂದ ಆಯ್ಕೆ ಮಾಡಿತು.
  • ಮಿಷನ್ ಕೆಳಗಿನ ಪ್ರಾಬಲ್ಯ ಪ್ರದೇಶಗಳ ಮೇಲೆ ಕೇಂದ್ರೀಕರಿಸುತ್ತದೆ: (i) ನೀರು ಸರಬರಾಜು, (ii) ಒಳಚರಂಡಿ ಸೌಕರ್ಯಗಳು ಮತ್ತು ಸೆಪ್ಟೇಜ್ ನಿರ್ವಹಣೆ, (iii) ಪ್ರವಾಹವನ್ನು ಕಡಿಮೆ ಮಾಡಲು ಸ್ಟಾರ್ಮ್ ವಾಟರ್ ಡ್ರೈನ್ಸ್, (iv) ಪಾದಚಾರಿ, ಯಾಂತ್ರೀಕೃತ ಮತ್ತು ಸಾರ್ವಜನಿಕ ಸಾರಿಗೆ ಸೌಲಭ್ಯಗಳು, ಪಾರ್ಕಿಂಗ್ ಸ್ಥಳಾವಕಾಶಗಳು , ಮತ್ತು (v) ಹಸಿರು ಸ್ಥಳಗಳು, ಉದ್ಯಾನವನಗಳು ಮತ್ತು ಮನರಂಜನಾ ಕೇಂದ್ರಗಳನ್ನು ವಿಶೇಷವಾಗಿ ಮಕ್ಕಳಿಗೆ, ರಚಿಸುವ ಮತ್ತು ಅಪ್ಗ್ರೇಡ್ ಮಾಡುವ ಮೂಲಕ ನಗರದ ಮಹತ್ವಾಕಾಂಕ್ಷೆಯ ಮೌಲ್ಯವನ್ನು ಹೆಚ್ಚಿಸುವುದು.
  • ಅಮೃತ್ ಯೋಜನೆ ಅಡಿ ಕರ್ನಾಟಕದ ನಗರಗಳು
  • ಬೆಂಗಳೂರು, ಧಾರವಾಡ, ಮಂಗಳೂರು, ಮೈಸೂರು, ಬೆಲಾಗವಿ, ವಿಜಯಪುರ, ಕಲಬುರಗಿ, ದಾವಣಗೆರೆ, ಶಿವಮೊಗ್ಗ, ಬಲ್ಲರಿ, ತುಮಕುರು, ಹೋಸಪೇಟೆ, ರಾಯಚೂರು, ಗದಗ-ಬೆಟೇಗೇರಿ, ಬೀದರ್, ಭದ್ರಾವತಿ, ರಾಬರ್ಟ್ಸೊನ್ಪೇಟ್ ಕೋಲಾರ, ಚಿತ್ರದುರ್ಗ, ಕೋಲಾರ, ಮಂಡ್ಯ, ಚಿಕ್ಕಮಗಳೂರು, ಹಾಸನ, ಬಾಗಲಕೋಟೆ, ಉಡುಪಿ, ರಾಣಬೆನ್ನೂರ್, ಗಂಗಾವತಿ ಮತ್ತು ಬಾದಾಮಿ

1.ಸಿ-17 ಗ್ಲೋಬಲ್ ಮಾಸ್ಟರ್ ಎಂಬುದು

A.ಅಮೇರಿಕಾ ಸೇನಾ ಸರಕು ಸಾಗಣೆ ವಿಮಾನ

B.ಚೀನಾದ ಯುದ್ಧ ವಿಮಾನ

C.ಭಾರತದ ಪ್ರಯಾಣಿಕ ವಿಮಾನ

D.ಯಾವುದು ಅಲ್ಲ

2.ಅಮಿಯೊಟ್ರೋಫಿಕ್ ಲ್ಯಾಟರಲ್ ಸ್ಕ್ಲೆರಾಸಿಸ್ (ಅಥವಾ ALS) ಯಾವುದ್ದಕೆ ಸಂಬಂಧಿಸಿದೆ?

A.ದೊಡ್ಡಕರುಳಿನ ಕಾಯಿಲೆ

B.ನರಕೋಶದ ಕಾಯಿಲೆ

C.ಮೂಳೆಗಳ ಕಾಯಿಲೆ

D.ರಕ್ತದ ಕಾಯಿಲೆ

3.ಬೆನ್ನು ಕ್ಷುದ್ರ ಗ್ರಹದ ಮೇಲೆ ಪತ್ತೆಯಾಗಿರುವ ಖನಿಜಗಳು ಯಾವುವು ?

A.ಕಬ್ಬಿಣದ ಅದಿರು

B.ಸತು ಮತ್ತು ತಾಮ್ರ

C.ಉಕ್ಕು ಮತ್ತು ನಿಕ್ಕಲ್

D.ಮೇಲಿನ ಎಲ್ಲವೂ

4.ಭಾರತದ ನಗರ ವ್ಯವಸ್ಥೆಯ ವಾರ್ಷಿಕ ಸಮೀಕ್ಷೆ’ಯ ವರದಿಯನ್ನು ಯಾವ ಸಂಸ್ಥೆಬಿಡುಗಡೆಗೊಳಿಸಿದೆ ?

A.ಸೆಬಿ

B.ಆರ್.ಬಿ .ಐ

C.ಯಾವುದು ಅಲ್ಲ

D.ಜನಾಗ್ರಹ

5.ರಾಜ್ಯದ ರಾಜ್ಯಪಾಲರು ಹೊರಡಿಸಿದ ಸುಗ್ರೀವಾಜ್ಞೆ ಶಾಸಕಾಂಗದಿಂದ ಅನುಮೋದನೆ ಪಡೆಯದಿದ್ದರೆ ಎಷ್ಟು ಅವಧಿಯವರಗೆ ಜಾರಿಯಲ್ಲಿರುತ್ತದೆ?

A.3 ತಿಂಗಳು

B.1 ತಿಂಗಳು

C.6 ತಿಂಗಳು

D.4 ತಿಂಗಳು

6.ಭಾರತ ಸಂವಿಧಾನದಲ್ಲಿರುವ ರಾಜ್ಯಸಭೆ ಸದಸ್ಯರ ಚುನಾವಣಾ ವಿಧಾನವನ್ನು ಯಾವ ರಾಷ್ಟ್ರದ ಸಂವಿಧಾನದಿಂದ ಎರವಲು ಪಡೆಯಲಾಗಿದೆ?

A.ಐರ್ಲೆಂಡ್

B.ದಕ್ಷಿಣ ಆಫ್ರಿಕಾ

C.ಕೆನಡಾ

D.ಜಪಾನ್

7.ಸ್ವತಂತ್ರ್ಯ ಹೋರಾಟದ ಸಂದರ್ಭದಲ್ಲಿ ಬೆಳಗಾವಿಯಲ್ಲಿ ಮ್ಯಾಜಿನಿ ಕ್ಲಬ್’ ಎಂಬ ತೀವ್ರಗಾಮಿ ಸಂಸ್ಥೆಯನ್ನು ಹುಟ್ಟು ಹಾಕಿದವರು ಯಾರು?

A.ಆಲೂರು ವೆಂಕಟರಾಯ, ಗೋವಿಂದರಾವ್ ಯಾಳಗಿ

B.ಗಂಗಾಧರರಾವ್ ದೇಶಪಾಂಡೆ, ಆಲೂರು ವೆಂಕಟರಾಯ

C.ಶ್ರೀನಿವಾಸರಾವ್ ಕೌಜಲಗಿ, ಗೋವಿಂದರಾವ್ ಯಾಳಗಿ

D.ಗಂಗಾಧರರಾವ್ ದೇಶಪಾಂಡೆ, ಗೋವಿಂದರಾವ್ ಯಾಳಗಿ

8.ಆಡಳಿತ ವ್ಯವಸ್ಥೆಯ ಸುಧಾರಣೆಗಾಗಿ ದಳವಾಯಿ ಎಂಬ ಮುಖ್ಯ ಆಡಳಿತಾಧಿಕಾರಿಯನ್ನು ನೇಮಕ ಮಾಡಿದ ಮೈಸೂರಿನ ಅರಸ ಯಾರು?

A.ಚಿಕ್ಕ ದೇವರಾಜ ಒಡೆಯರ್

B.ನಾಲ್ವಡಿ ಕೃಷ್ಣರಾಜ ಒಡೆಯರ್

C.ರಾಜ ಒಡೆಯರ್

D.6ನೇ ಚಾಮರಾಜ ಒಡೆಯರ್

9.1969 ರಲ್ಲಿ ಭಾರತದಲ್ಲಿ ಬ್ಯಾಂಕುಗಳ ರಾಷ್ಟ್ರೀಕರಣವಾದ ಸಂದರ್ಭದಲ್ಲಿ ದೇಶದ ಪ್ರಧಾನಿಯಾಗಿದ್ದವರು ಯಾರು?

A.ಪಿ ವಿ ನರಸಿಂಹರಾವ್

B.ಐ ಕೆ ಗುಜ್ರಾಲ್

C.ಮೊರಾರ್ಜಿ ದೇಸಾಯಿ

D.ಇಂದಿರಾ ಗಾಂಧಿ

10.ಭಾರತದ ಪ್ರಮುಖ ನಗರಗಳಲ್ಲಿ ಒಂದಾದ ವಿಶಾಖಪಟ್ಟಣ ಈ ಕೆಳಗಿನ ಯಾವ ಕೈಗಾರಿಕೆಗೆ ಪ್ರಸಿದ್ಧಿಯಾಗಿದೆ?

A.ರಸಗೊಬ್ಬರ ಕೈಗಾರಿಕೆ

B.ಕಲ್ಲಿದ್ದಲು ಗಣಿ

C.ಹಡಗು ನಿರ್ಮಾಣ ಕೈಗಾರಿಕೆ

D.ಚರ್ಮದ ಸಾಮಗ್ರಿಗಳ ಕೈಗಾರಿಕೆ

 ಉತ್ತರಗಳು

1.A  2.B  3.C  4.D  5.C  6.B  7.D  8.C  9.D 10.C

Related Posts
“16 ಫೆಬ್ರವರಿ   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಜಿಪಂ ವಾಹನಗಳಲ್ಲಿ ಬಯೋಡೀಸೆಲ್‌ ಬಳಕೆಗೆ ಸೂಚನೆ ಸುದ್ಧಿಯಲ್ಲಿ ಏಕಿದೆ ? ರಾಜ್ಯದಲ್ಲಿ ಜೈವಿಕ ಇಂಧನ ಉತ್ಪಾದನೆ ಮತ್ತು ಬಳಕೆ ಕುರಿತು ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಜಿಲ್ಲಾ ಪಂಚಾಯಿತಿ ಸರಕಾರಿ ವಾಹನಗಳಲ್ಲಿ ಬಯೋಡೀಸೆಲ್‌ ಬಳಸುವಂತೆ ಅಧಿಕೃತ ಸುತ್ತೋಲೆ ಹೊರಡಿಸಲಾಗಿದೆ. ಬಯೋಡೀಸೆಲ್‌ ಬಳಸುವ ಬಗ್ಗೆ ಮಾರ್ಗಸೂಚಿ ಸಹ ...
READ MORE
“21 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಕರಾವಳಿ ರಾಜ್ಯಗಳಲ್ಲಿ ಸೈಕ್ಲೋನ್ ಅಪಾಯ ತಡೆಗೆ ಯೋಜನೆ ಸುದ್ಧಿಯಲ್ಲಿ ಏಕಿದೆ ? ಪದೇಪದೆ ಕಾಡುವ ಚಂಡಮಾರುತ ಸುಳಿಯಿಂದ ಪಾರಾಗಲು ಕೇಂದ್ರ ಸರ್ಕಾರದ ನೇತೃತ್ವದಲ್ಲಿ, ಕರ್ನಾಟಕ ಸೇರಿದಂತೆ ಕರಾವಳಿ ರಾಜ್ಯಗಳಲ್ಲಿ ಸೈಕ್ಲೋನ್ ಅಪಾಯ ತಡೆ ಯೋಜನೆ ಕೈಗೊಳ್ಳಲಾಗುತ್ತಿದೆ. ಕರ್ನಾಟಕದಲ್ಲಿ ಈ ಯೋಜನೆ ಶೇ.75-25 ಕೇಂದ್ರ-ರಾಜ್ಯ ಸಹಕಾರದಲ್ಲಿ ...
READ MORE
“21 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ರಾಜ್ಯವಾರು ಉತ್ಪಾದನೆಯಲ್ಲಿ ಕರ್ನಾಟಕ ನಂ.1 ಸುದ್ಧಿಯಲ್ಲಿ ಏಕಿದೆ ?ರಾಜ್ಯದ ತಲಾ ನಿವ್ವಳ ಆಂತರಿಕ ಉತ್ಪಾದನೆಯಲ್ಲಿ(ಎನ್‌ಎಸ್‌ಡಿಪಿ) ಕರ್ನಾಟಕವು 2017-18ರಲ್ಲಿ ದೇಶದಲ್ಲಿಯೇ ಮೊದಲ ಸ್ಥಾನದಲ್ಲಿದೆ. ಈ ಅವಧಿಯಲ್ಲಿ ರಾಜ್ಯ ಸರಾಸರಿ 1,81,788 ರೂ.ಗಳಷ್ಟು ತಲಾ ನಿವ್ವಳ ಆಂತರಿಕ ಉತ್ಪಾದನೆ ದಾಖಲಿಸಿದೆ. ತೆಲಂಗಾಣ 2ನೇ ಸ್ಥಾನದಲ್ಲಿದ್ದು, 1,81,034 ರೂ., ಮಹಾರಾಷ್ಟ್ರ ...
READ MORE
“05 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಟ್ರಿಣ್​ಟ್ರಿಣ್ ಸುದ್ಧಿಯಲ್ಲಿ ಏಕಿದೆ ?ಪರಿಸರ ಮಾಲಿನ್ಯ ಮತ್ತು ಸಂಚಾರದಟ್ಟಣೆ ಕಡಿಮೆ ಮಾಡುವ ಉದ್ದೇಶದಿಂದ ನಗರ ಭೂಸಾರಿಗೆ ನಿರ್ದೇಶನಾಲಯ (ಡಲ್ಟ್) ನಗರದಲ್ಲಿ ಟ್ರಿಣ್ ಟ್ರಿಣ್ ಯೋಜನೆ ಜಾರಿಗೊಳಿಸಿದೆ. ಆ ಮೂಲಕ ಸೈಕಲ್ ಸವಾರಿಗೆ ಹೆಚ್ಚಿನ ಒತ್ತು ನೀಡಿ ವಾಹನ ಸಂಚಾರ ಪ್ರಮಾಣ ಕಡಿಮೆ ಮಾಡಲು ...
READ MORE
“20 ಫೆಬ್ರವರಿ   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಏರೋ ಇಂಡಿಯಾ 2019 ಸುದ್ಧಿಯಲ್ಲಿ ಏಕಿದೆ ?ಮಿಲಿಟರಿ ಮತ್ತು ವೈಮಾನಿಕ ಕ್ಷೇತ್ರದ ತಂತ್ರಜ್ಞಾನ, ಉತ್ಪನ್ನಗಳ ಅನಾವರಣಗೊಳಿಸುವ ಏಷಿಯಾದ ಅತಿದೊಡ್ಡ, ಪ್ರತಿಷ್ಠಿತ 'ಏರೋ ಇಂಡಿಯಾ 2019' ಹನ್ನೆರಡನೇ ಆವೃತ್ತಿಗೆ ಯಲಹಂಕ ವಾಯುನೆಲೆಯಲ್ಲಿ ವಿದ್ಯುಕ್ತವಾಗಿ ಚಾಲನೆ ದೊರೆತಿದೆ. ಮಿಲಿಟರಿ ವಿಮಾನ, ಹೆಲಿಕಾಪ್ಟರ್‌ಗಳು, ನಾಗರೀಕ ವಿಮಾನಗಳು ವೈಮಾನಿಕ ಪ್ರದರ್ಶನವನ್ನು ...
READ MORE
“27 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಮುಖ್ಯ ಚುನಾವಣಾ ಆಯುಕ್ತ ಸುದ್ಧಿಯಲ್ಲಿ ಏಕಿದೆ ?ಮುಖ್ಯ ಚುನಾವಣಾ ಆಯುಕ್ತ ಓಂಪ್ರಕಾಶ್ ರಾವತ್ ಮಾಸಾಂತ್ಯಕ್ಕೆ ನಿವೃತ್ತರಾಗಲಿದ್ದು, ಅವರ ಸ್ಥಾನಕ್ಕೆ ಸುನೀಲ್ ಅರೋರಾ ಅವರನ್ನು ನೇಮಕ ಮಾಡಲಾಗಿದೆ. ಅರೋರಾ ಅವರು ಡಿಸೆಂಬರ್‌ 2ರಿಂದ ಅಧಿಕಾರ ವಹಿಸಿಕೊಳ್ಳಲಿದ್ದು, ಡಿ.7ರಂದು ನಡೆಯುವ ರಾಜಸ್ಥಾನ ಮತ್ತು ತೆಲಂಗಾಣ ವಿಧಾನಸಭೆ ಹಾಗೂ ...
READ MORE
“14 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಕೆಜಿಎಫ್‌ ಗಣಿ ಪ್ರದೇಶದಲ್ಲಿ ಕೈಗಾರಿಕೆಗಳ ಸ್ಥಾಪನೆ ಸುದ್ಧಿಯಲ್ಲಿ ಏಕಿದೆ ?ಕೆಜಿಎಫ್‌ನ ಭಾರತ್‌ ಗೋಲ್ಡ್‌ ಮೈನ್ಸ್‌ ಕಂಪನಿ (ಬಿಜಿಎಂಎಲ್‌) ವಶದಲ್ಲಿರುವ ಸುಮಾರು 10 ಸಾವಿರ ಎಕರೆ ಭೂಮಿಯಲ್ಲಿ ಕೈಗಾರಿಕಾ ಪ್ರದೇಶ ಹಾಗೂ ಟೌನ್‌ಶಿಪ್‌ ಅಭಿವೃದ್ಧಿಪಡಿಸಲು ರಾಜ್ಯ ಸರಕಾರ ಬಯಸಿದೆ. ''ಗಣಿಗಾರಿಕೆ ಸಂಬಂಧಿಸಿದಂತೆ 2015ರಲ್ಲಿ ಕೇಂದ್ರ ಸರ್ಕಾರ ...
READ MORE
12th ಅಕ್ಟೋಬರ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
 ಏಕತೆ ಪ್ರತಿಮೆ ಪೂರ್ಣ ಸುದ್ಧಿಯಲ್ಲಿ ಏಕಿದೆ ?ಉಕ್ಕಿನ ಮನುಷ್ಯ ಎಂದೇ ಖ್ಯಾತರಾಗಿದ್ದ ಸರ್ದಾರ್ ವಲ್ಲಭಭಾಯಿ ಪಟೇಲ್ ಅವರ 182 ಮೀಟರ್ ಎತ್ತರದ ಉಕ್ಕಿನ ಪ್ರತಿಮೆ ನಿರ್ಮಾಣ ಕಾರ್ಯ ಪೂರ್ಣಗೊಂಡಿದ್ದು, ಅವರ 143ನೇ ಹುಟ್ಟುಹಬ್ಬದ ದಿನ ಅ. 31ರಂದು ಉದ್ಘಾಟನೆಗೊಳ್ಳಲಿದೆ. ಗುಜರಾತ್​ನ ನರ್ಮದಾ ನದಿಯ ...
READ MORE
“10 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಪ್ರಸಾದ ತಯಾರಿಕೆಗೂ ಲೈಸೆನ್ಸ್ ಸುದ್ಧಿಯಲ್ಲಿ ಏಕಿದೆ ?ರಾಜ್ಯದಲ್ಲಿ ಪ್ರಸಾದ ವಿನಿಯೋಗಿಸುವ 30 ಸಾವಿರಕ್ಕೂ ಹೆಚ್ಚು ದೇವಸ್ಥಾನಗಳ ಆಹಾರ ತಯಾರಿಕಾ ಘಟಕಗಳಿಗೆ ಇನ್ನು ಲೈಸನ್ಸ್ ಕಡ್ಡಾಯವಾಗಲಿದೆ. ರಾಜ್ಯದಲ್ಲಿ ಮುಜರಾಯಿ ಇಲಾಖೆ ವ್ಯಾಪ್ತಿಯ 37 ಸಾವಿರ ದೇವಾಲಯಗಳೂ ಸೇರಿ 2 ಲಕ್ಷಕ್ಕೂ ಹೆಚ್ಚು ದೇವಸ್ಥಾನಗಳಿವೆ. ಈ ಪೈಕಿ ...
READ MORE
” 13 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಆನ್​ಲೈನಲ್ಲೇ ಆಯುಷ್ಮಾನ್ ಶಿಫಾರಸು! ಸುದ್ಧಿಯಲ್ಲಿ ಏಕಿದೆ ? ಯಶಸ್ವಿನಿ ಯೋಜನೆ ಕೈಬಿಟ್ಟು ಆರೋಗ್ಯ ಕರ್ನಾಟಕ ರೂಪಿಸಿದ್ದ ಸರ್ಕಾರ ಬಡವರಿಗೆ ಆರೋಗ್ಯ ಕಾರ್ಡ್ ಒದಗಿಸಲು ವ್ಯವಸ್ಥಿತ ಜಾಲ ಸೃಷ್ಟಿಸಿದೆ. ಜತೆಗೆ ಈ ಯೋಜನೆಯಡಿ ಖಾಸಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯಲು ಸರ್ಕಾರಿ ಆಸ್ಪತ್ರೆಗಳಿಂದ ಪಡೆಯಬೇಕಾದ ಶಿಫಾರಸನ್ನು ...
READ MORE
“16 ಫೆಬ್ರವರಿ 2019 ರ ಕನ್ನಡ ಪ್ರಚಲಿತ
“21 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“21 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“05 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“20 ಫೆಬ್ರವರಿ 2019 ರ ಕನ್ನಡ ಪ್ರಚಲಿತ
“27 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“14 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
12th ಅಕ್ಟೋಬರ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
“10 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
” 13 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Leave a Reply

Your email address will not be published. Required fields are marked *