7th ಮಾರ್ಚ್ 2018 ಕನ್ನಡ ಪ್ರಚಲಿತ ವಿದ್ಯಮಾನ

ಕೇರಳದ ಮನವಿ ತಿರಸ್ಕರಿಸಿದ ಕರ್ನಾಟಕ, ತಮಿಳುನಾಡು

  • ಬಂಡೀಪುರದ ರಾಷ್ಟ್ರೀಯ ಹೆದ್ದಾರಿಯಲ್ಲಿ ರಾತ್ರಿ ವೇಳೆ ವಾಹನಗಳ ಸಂಚಾರವನ್ನು ನಿಷೇಧಿಸಿ ಹೊರಡಿಸಿರುವ ಆದೇಶವನ್ನು ತೆರವು ಮಾಡುವಂತೆ ಕೋರಿದ್ದ ಕೇರಳದ ಮನವಿಯನ್ನು ಕರ್ನಾಟಕ ಹಾಗೂ ತಮಿಳುನಾಡು ಅಧಿಕಾರಿಗಳು ತಿರಸ್ಕರಿಸಿದ್ದಾರೆ.
  • ‘ರಾತ್ರಿ ಸಂಚಾರ ನಿಷೇಧದಿಂದಾಗಿ ಬೆಂಗಳೂರಿನಿಂದ ಕೇರಳಕ್ಕೆ ಬರುವ ಪ್ರಯಾಣಿಕರಿಗೆ ಸಾಕಷ್ಟು ತೊಂದರೆ ಆಗುತ್ತಿದೆ. ಸುತ್ತಿ ಬಳಸಿ ಕೇರಳಕ್ಕೆ ಬರುವ ಸ್ಥಿತಿ ಇದೆ. ಹೀಗಾಗಿ ಆದೇಶವನ್ನು ತೆರವು ಮಾಡಿ ರಾತ್ರಿ ಸಂಚಾರಕ್ಕೆ ಅವಕಾಶ ನೀಡಬೇಕು’ ಎಂದು ಕೇರಳದ ಅಧಿಕಾರಿಗಳು ಒತ್ತಾಯಿಸಿದರು.
  • ಅದಕ್ಕೆ ಪ್ರತಿಕ್ರಿಯಿಸಿದ ಕರ್ನಾಟಕದ ಅಧಿಕಾರಿಗಳು, ‘ವನ್ಯಜೀವಿಗಳಿಗೆ ತೊಂದರೆ ಆಗಬಾರದೆಂಬ ಕಾರಣಕ್ಕೆ ರಾತ್ರಿ ವೇಳೆ ವಾಹನಗಳ ಸಂಚಾರವನ್ನ ನಿಷೇಧಿಸಿ ಸುಪ್ರೀಂ ಕೋರ್ಟ್ ಆದೇಶ ಹೊರಡಿಸಿದೆ. ಅದರ ವಿರುದ್ಧವಾಗಿ ನಡೆದುಕೊಂಡರೆ, ನ್ಯಾಯಾಂಗ ನಿಂದನೆ ಆಗುತ್ತದೆ. ಹೀಗಾಗಿ, ಯಥಾಸ್ಥಿತಿ ಕಾಯ್ದುಕೊಳ್ಳಲಿದ್ದೇವೆ. ನೀವು (ಕೇರಳ) ಬೇಕಾದರೆ, ಸುಪ್ರೀಂ ಕೋರ್ಟ್‌ನಲ್ಲೇ ಪ್ರಶ್ನಿಸಿ’ ಎಂದರು. ಈ ನಿರ್ಧಾರಕ್ಕೆ ತಮಿಳುನಾಡು ಅಧಿಕಾರಿಗಳು ಧ್ವನಿಗೂಡಿಸಿದರು

ಬೆಂಗಳೂರಿನಲ್ಲಿ ಸ್ಮಾರ್ಟ್‌ ಕ್ಯಾಂಪಸ್‌  ಫಲಕ

  • ಫಲಕದ ಒಂದು ಕಾಲಂನಲ್ಲಿ ಬೆಂಗಳೂರು ನಗರದ ಮಾಲಿನ್ಯ ಮಟ್ಟಗಳ ವಿವರ, ಇನ್ನೊಂದು ಕಾಲಂನಲ್ಲಿ ರಾಜ್ಯದ ಇತರ ಪ್ರಮುಖನಗರಗಳ ಮಾಲಿನ್ಯ ಮಟ್ಟವನ್ನು ತೋರಿಸಲಾಗುತ್ತದೆ.
  • ‘ಮಾಲಿನ್ಯ ತಡೆಯುವ ಬಗ್ಗೆ ಜನಜಾಗೃತಿ ಮೂಡಿಸಲು ಈ ಕ್ರಮಕೈಗೊಳ್ಳಲಾಗಿದೆ. ಫಲಕವು 12 ಅಡಿ ಉದ್ದ 18 ಅಡಿ ಎತ್ತರ ಇರಲಿದೆ. ಈ ಪ್ರದರ್ಶನ ಫಲಕ ಅಳವಡಿಸುವುದಕ್ಕೆ ಮಂಡಳಿಯು ₹ 3 ಕೋಟಿ ವೆಚ್ಚ ಮಾಡಿದೆ. ಕೆನಡಾದಲ್ಲಿ ಬಳಸುತ್ತಿರುವ ತಂತ್ರಜ್ಞಾನವನ್ನು ಆಧರಿಸಿ ಇದನ್ನು ರೂಪಿಸಲಾಗಿದೆ’

ಭಾರತದಲ್ಲಿ ಬಾಲ್ಯ ವಿವಾಹ ಇಳಿಕೆ

  • ಹತ್ತು ವರ್ಷಗಳಲ್ಲಿ ಭಾರತದಲ್ಲಿ ಬಾಲ್ಯವಿವಾಹಗಳ ಸಂಖ್ಯೆ ಗಣನೀಯವಾಗಿ ಇಳಿಕೆಯಾಗಿದೆ. 18 ವರ್ಷದೊಳಗಿನ ಮಕ್ಕಳ ವಿವಾಹ ಪ್ರಮಾಣ ಶೇ 47ರಿಂದ ಶೇ 27ಕ್ಕೆ ಇಳಿದಿದೆ. ಹಿಂದೆ ಪ್ರತಿ ನಾಲ್ಕು ಹೆಣ್ಣುಮಕ್ಕಳಲ್ಲಿ ಒಂದು ಮಗು ಬಾಲ್ಯ ವಿವಾಹಕ್ಕೆ ಒಳಗಾಗುತ್ತಿತ್ತು. ಈಗ ಆ ಪ್ರಮಾಣ 5:1ಕ್ಕೆ ಇಳಿದಿದೆ ಎಂದು ಯುನಿಸೆಫ್‌ ಹೇಳಿದೆ.
  • ಈ ಪ್ರಮಾಣ ಜಾಗತಿಕ ಮಟ್ಟದಲ್ಲಿ ಬಾಲ್ಯ ವಿವಾಹದ ಪ್ರಮಾಣವನ್ನು ಕಡಿಮೆ ಮಾಡಲಿದೆ. ಒಂದು ದಶಕದಲ್ಲಿ ಬಾಲ್ಯವಿವಾಹಗಳ ಸಂಖ್ಯೆ ಶೇ 20ರಷ್ಟು ಇಳಿಕೆಯಾಗಿದೆ.
  • 2005ರಿಂದ 2016ರ ಅವಧಿಯಲ್ಲಿ ಜಾಗತಿಕ ಮಟ್ಟದಲ್ಲಿ 2.5 ಕೋಟಿ ಬಾಲ್ಯವಿವಾಹಗಳನ್ನು ತಡೆಯಲಾಗಿದೆ. ಅದರಲ್ಲೂ ಭಾರತದಲ್ಲಿ ಗರಿಷ್ಠ ಪ್ರಮಾಣದಲ್ಲಿ ಇಳಿಕೆಯಾಗಿದೆ. ಇದಕ್ಕೆ ಭಾರತೀಯರಲ್ಲಿ ಮೂಡಿರುವ ಜಾಗೃತಿಯೇ  ಕಾರಣ ಎಂದು ಯನಿಸೆಫ್‌ನ ಪ್ರಕಟಣೆ ತಿಳಿಸಿದೆ.
  • ಹೆಣ್ಣು ಮಕ್ಕಳ ಶಿಕ್ಷಣ ಪ್ರಮಾಣದಲ್ಲಿ ಹೆಚ್ಚಳ, ಹೆಣ್ಣುಮಕ್ಕಳ ಕಲ್ಯಾಣಕ್ಕಾಗಿ ಸರ್ಕಾರಿ ಹೂಡಿಕೆ ಹೆಚ್ಚಿರುವುದು, ಬಾಲ್ಯ ವಿವಾಹದ ಅಪಾಯಗಳ ಬಗ್ಗೆ ಸಾರ್ವಜನಿಕ ಅರಿವು ಮೂಡಿರುವುದು ಬಾಲ್ಯ ವಿವಾಹದ ಪ್ರಮಾಣ ಕಡಿಮೆಯಾಗಲು ಕಾರಣವಾಗಿದೆ ಎಂದು ವಿಶ್ವಸಂಸ್ಥೆಯ ಮಕ್ಕಳ ಸಂಸ್ಥೆ ಗುರುತಿಸಿದೆ.
  • ಬಾಲ್ಯ ವಿವಾಹದ ಪ್ರಮಾಣ ಕಡಿಮೆಯಾಗಿ ಹೆಣ್ಣುಮಕ್ಕಳಿಗೆ ಉತ್ತಮ ಜೀವನ ಸಿಗುವುದು ಒಳ್ಳೆಯ ಬೆಳವಣಿಗೆ. ಆದರೆ ನಾವು ಇನ್ನೂ ದೂರ ಸಾಗಬೇಕಿದೆ ಎಂದು ಯುನಿಸೆಫ್‌ನ ಸಲಹೆಗಾರ್ತಿ ಅಂಜು ಮಲ್ಹೋತ್ರಾ  ಹೇಳಿದ್ದಾರೆ.
  • 2030ರ ವೇಳೆಗೆ ಬಾಲ್ಯ ವಿವಾಹವನ್ನು ಸಂಪೂರ್ಣವಾಗಿ ನಿಲ್ಲಿಸಲು ಪ್ರತಿಜ್ಞೆ ಮಾಡಲಾಗಿದೆ. ಲಕ್ಷಾಂತರ ಹೆಣ್ಣುಮಕ್ಕಳನ್ನು ಬಾಲ್ಯ ವಿವಾಹದಿಂದ ಮುಕ್ತಗೊಳಿಸಿ, ಬಾಲ್ಯ ಅನುಭವಿ ಸುವಂತೆ ಮಾಡಲು ಎಲ್ಲರೂ ಒಟ್ಟಾಗಿ ಶ್ರಮಿಸುವಂತೆ ಕರೆ ನೀಡಿದ್ದಾರೆ.
  • ಸಾಮಾಜಿಕ ಸಮಸ್ಯೆಗಳ ಹೆಚ್ಚಳ’
    ಹೆಣ್ಣುಮಗುವನ್ನು ಬಾಲ್ಯದಲ್ಲಿಯೇ ಒತ್ತಾಯದಿಂದ ಮದುವೆ ಮಾಡಿಸುವುದರಿಂದ ಆಕೆ ತಕ್ಷಣದ ಸಮಸ್ಯೆಯ ಜೊತೆಗೆ, ಜೀವನ ಪರ್ಯಂತ ಸಮಸ್ಯೆಗಳಿಗೆ ಈಡಾಗುತ್ತಾಳೆ. ಶಿಕ್ಷಣ ನಿಂತು ಹೋಗುತ್ತದೆ. ಚಿಕ್ಕ ವಯಸ್ಸಿನಲ್ಲಿಯೇ ಗರ್ಭಿಣಿಯಾಗುವುದರಿಂದಾಗಿ ಆರೋಗ್ಯ ಸಮಸ್ಯೆಗಳು ಉಂಟಾಗುತ್ತವೆ.

ಇನ್​ಕ್ರೆಡಿಬಲ್ ಇಂಡಿಯಾಗೆ ಆದಿಯೋಗಿ ಪ್ರತಿಮೆ ಸೇರ್ಪಡೆ

  • ಇಲ್ಲಿನ ಈಶ ಯೋಗ ಕೇಂದ್ರದಲ್ಲಿರುವ 112 ಅಡಿ ಎತ್ತರದ ಆದಿಯೋಗಿ ಮೂರ್ತಿಯನ್ನು ಕೇಂದ್ರ ಪ್ರವಾಸೋದ್ಯಮ ಸಚಿವಾಲಯವು ಇನ್​ಕ್ರೆಡಿಬಲ್ ಇಂಡಿಯಾ (ಅತುಲ್ಯ ಭಾರತ) ಪಟ್ಟಿಗೆ ಸೇರ್ಪಡೆ ಮಾಡಿದೆ.
  • ಇದಕ್ಕೆ ಸಂತಸ ವ್ಯಕ್ತಪಡಿಸಿರುವ ಯೋಗ ಕೇಂದ್ರದ ಸದ್ಗುರು ಅವರು, ಆದಿಯೋಗಿ ಮುಖವು ಸ್ಥಿರತೆ ಮತ್ತು ಆನಂದ ಉತ್ಕಟತೆಯನ್ನು ಸೂಸುತ್ತದೆ.
  • ಈ ಮೂರ್ತಿಯು ಅತುಲ್ಯ ಭಾರತ ಪ್ರಚಾರದ ಭಾಗವಾಗಿದೆ.
  •  ಇದಕ್ಕೆ ಕಾರಣಿಕರ್ತರೆಲ್ಲರಿಗೂ ಅಭಿನಂದನೆಗಳು ಎಂದಿದ್ದಾರೆ. ಸದ್ಗುರು ಪರಿಕಲ್ಪನೆಯ ಮಂದಸ್ಮಿತ ಮೂರ್ತಿಯನ್ನು ಪ್ರಧಾನಿ ನರೇಂದ್ರ ಮೋದಿ ಕಳೆದ ವರ್ಷ ಮಹಾಶಿವರಾತ್ರಿಯಂದು ಅನಾವರಣ ಮಾಡಿದ್ದರು.
  •  ವಿಶ್ವದಲ್ಲೇ ಅತ್ಯಂತ ದೊಡ್ಡ ಬಸಟ್ (ತಲೆ, ಭುಜ, ಎದೆಯವರೆಗಿನ ಪ್ರತಿಮೆ) ಎಂದು ಗಿನ್ನೆಸ್ ದಾಖಲೆಯಲ್ಲಿ ಸೇರ್ಪಡೆಯಾಗಿದೆ

ದ್ವೀಪರಾಷ್ಟ್ರದಲ್ಲಿ ತುರ್ತು ಪರಿಸ್ಥಿತಿ

  • ಬಹುಸಂಸ್ಕೃತಿ, ಬಹುಭಾಷೆ ಮತ್ತು ಬಹುಜನಾಂಗೀಯತೆಗಳಿಗೆ ನೆಲೆಯಾಗಿದ್ದ ದ್ವೀಪರಾಷ್ಟ್ರ ಶ್ರೀಲಂಕಾ ಈಗ ಅಕ್ಷರಶಃ ಕುದಿಯುತ್ತಿದೆ. ಇಲ್ಲಿನ ಬೌದ್ಧಮತೀಯರು ಹಾಗೂ ಮುಸ್ಲಿಮರ ನಡುವೆ ಶುರುವಾದ ಕಿತ್ತಾಟ-ಚಕಮಕಿಗಳು ದೊಂಬಿ-ಗಲಭೆಗೆ ತಿರುಗಿ ಕೋಮು ಹಿಂಸಾಚಾರದ ಸ್ವರೂಪ ಪಡೆದು ವ್ಯಾಪಿಸಿದ ಪರಿಣಾಮವಾಗಿ, ಪರಿಸ್ಥಿತಿಯನ್ನು ಹತೋಟಿಗೆ ತರಲು ಅಲ್ಲೀಗ 10 ದಿನಗಳವರೆಗೆ ತುರ್ತು ಪರಿಸ್ಥಿತಿಯ ಘೋಷಣೆಯಾಗಿದೆ.
  • ಇದಕ್ಕೂ ಮುನ್ನ ಕ್ಯಾಂಡಿಯಲ್ಲಿನ ಮುಸ್ಲಿಂ ಮಾಲೀಕತ್ವದ ಮಳಿಗೆಯೊಂದಕ್ಕೆ ಗಲಭೆಕೋರರು ಬೆಂಕಿ ಹಚ್ಚಿದ ಘಟನೆ ವರದಿಯಾಗುತ್ತಿದ್ದಂತೆ, ಪರಿಸ್ಥಿತಿಯನ್ನು ತಹಬಂದಿಗೆ ತರಲು ಅಲ್ಲಿಗೆ ಭದ್ರತಾಪಡೆ ಹಾಗೂ ಪೊಲೀಸರನ್ನು ಕಳುಹಿಸಿದ ಸರ್ಕಾರ, ಬಹುಸಂಖ್ಯಾತ ಸಿಂಹಳೀಯ ಬೌದ್ಧಮತೀಯರು ಹಾಗೂ ಅಲ್ಪಸಂಖ್ಯಾತ ಮುಸ್ಲಿಮರ ನಡುವೆ ಮತ್ತಷ್ಟು ಘರ್ಷಣೆಗಳು ನಡೆಯುವಂತಾಗುವುದನ್ನು ತಡೆಯಲು ಕರ್ಫ್ಯೂ ವಿಧಿಸಿತ್ತು.
  • ಈಗ ಗಲಭೆ-ಹಿಂಸಾಚಾರಗಳು ದೇಶದ ಮಿಕ್ಕ ಭಾಗಗಳಿಗೂ ವ್ಯಾಪಿಸುವುದನ್ನು ತಡೆಗಟ್ಟುವ ಉದ್ದೇಶದಿಂದ ಘೋಷಿಸಲಾಗಿರುವ ತುರ್ತಪರಿಸ್ಥಿತಿಯ ಜತೆಗೆ, ಫೇಸ್​ಬುಕ್​ನಂಥ ಸಾಮಾಜಿಕ ಮಾಧ್ಯಮಗಳ ಮೂಲಕ ಹಿಂಸಾಚಾರಕ್ಕೆ ಚಿತಾವಣೆ ನೀಡುವವರ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವುದಕ್ಕೂ ಸರ್ಕಾರ ನಿರ್ಧರಿಸಿದೆ.
  • ಶ್ರೀಲಂಕಾದಲ್ಲಿನ ಈ ಬೆಳವಣಿಗೆ ಸಹಜವಾಗಿಯೇ ಭಾರತಕ್ಕೂ ಆತಂಕವುಂಟುಮಾಡಿದೆ. ಭಾರತ-ಶ್ರೀಲಂಕಾ-ಬಾಂಗ್ಲಾದೇಶ ತ್ರಿಕೋನ ಸರಣಿಯ ಕ್ರಿಕೆಟ್ ಪಂದ್ಯಾವಳಿಗೆಂದು ಭಾರತ ತಂಡ ಈಗಾಗಲೇ ಶ್ರೀಲಂಕಾದಲ್ಲಿ ಬೀಡುಬಿಟ್ಟಿರುವುದು ಗೊತ್ತಿರುವ ಸಂಗತಿಯೇ.

ಶುರುವಾಗಿದ್ದು ಹೇಗೆ?

  • 2 ಕೋಟಿಗೂ ಅಧಿಕ ಜನಸಂಖ್ಯೆ ಹೊಂದಿ ರುವ ಶ್ರೀಲಂಕಾದಲ್ಲಿ ಬೌದ್ಧ ಮತೀಯರದ್ದೇ ಪಾರಮ್ಯ (ಶೇ. 70.2). ಮಿಕ್ಕಂತೆ ಶೇ. 9.7ರಷ್ಟು ಮುಸ್ಲಿಮರು, ಶೇ. 12.6ರಷ್ಟು ಹಿಂದೂಗಳು, ಶೇ. 7.4ರಷ್ಟು ಕ್ರಿಶ್ಚಿಯನ್ನರಿಗೆ ಈ ದ್ವೀಪರಾಷ್ಟ್ರ ನೆಲಸುನಾಡಾಗಿದೆ. ಶ್ರೀಲಂಕಾದ ಕೇಂದ್ರ ಭಾಗದಲ್ಲಿರುವ ಕ್ಯಾಂಡಿ ಜಿಲ್ಲೆ ಯಲ್ಲಿ ಬೌದ್ಧಮತೀಯರೊಬ್ಬರ ಕೊಲೆಯಾಗಿದ್ದು, ಇದಕ್ಕೆ ಮುಸ್ಲಿಮರೇ ಕಾರಣ ಎಂಬ ಆರೋಪದೊಂದಿಗೆ ಕಿತ್ತಾಟ-ಚಕಮಕಿಗಳು ಪ್ರಾರಂಭವಾಗಿ ಪರಿಸ್ಥಿತಿ ತಾರಕಕ್ಕೇರಿತು.

1.ಬಂಡೀಪುರ ಅಭಯಾರಣ್ಯವು ಯಾವ ಇತರ ಅಭಯಾರಣ್ಯಗಳ ಸಮೀಪದಲ್ಲಿದೆ ?

A)ನಾಗರಹೊಳೆ ರಾಷ್ಟ್ರೀಯ

B)ಮುದುಮಲೈ ರಾಷ್ಟ್ರೀಯ ಉದ್ಯಾನವನ

C)ವಯನಾಡು ಅಭಯಾರಣ್ಯ

D) ಮೇಲಿನ ಎಲ್ಲವು

2.ಗಾಳಿಯ ಗುಣಮಟ್ಟ ಸೂಚ್ಯಂಕವು ಒಳಗೊಂಡಿರುವ ಮಾಲಿನ್ಯಕಾರಕಗಳು ಯಾವುವು ?

A)PM10, PM2.5, NO2, SO2

B)CO, O3, NH3, and Pb

C)1 ಮತ್ತು 2

D)ಯಾವುದು ಅಲ್ಲ

3.ಹತ್ತು ವರ್ಷಗಳಲ್ಲಿ ಭಾರತದಲ್ಲಿ ಬಾಲ್ಯವಿವಾಹಗಳ ಸಂಖ್ಯೆ ಗಣನೀಯವಾಗಿ ಇಳಿಕೆಯಾಗಿದೆ. 18 ವರ್ಷದೊಳಗಿನ ಮಕ್ಕಳ ವಿವಾಹ ಪ್ರಮಾಣ ಶೇ 47ರಿಂದ ಶೇ 27ಕ್ಕೆ ಇಳಿದಿದೆ. ಈ ವರದಿಯನ್ನು ಯಾವ ಸಂಸ್ಥೆ ನೀಡಿದೆ ?

A)ಯುನೆಸ್ಕೋ

B)ಯೂನಿಸೆಫ್

C)ವಿಶ್ವ ಆರೋಗ್ಯ ಸಂಸ್ಥೆ

D)ಮೇಲಿನ ಯಾವುದು ಅಲ್ಲ

4.ಇನ್ಕ್ರೆಡಿಬಲ್ ಇಂಡಿಯಾ ಎಂಬುದು ಯಾವುದಕ್ಕೆ ಸಂಬಂಧಪಟ್ಟಿದೆ?

A)ಪ್ರವಾಸೋದ್ಯಮ

B)ಕೈಗಾರಿಕೋದ್ಯಮ

C)೧ ಮತ್ತು ೨

D)ಯಾವುದು ಅಲ್ಲ

5)ಯಾವ ದ್ವೀಪ ರಾಷ್ಟ್ರ ದಲ್ಲಿ ತುರ್ತು ಪರಿಸ್ಥಿತಿ ಹೇರಲಾಗಿದೆ?

A)ಮಾಲ್ಡೀವ್ಸ್

B) ಮಾರಿಷಸ್

C)ಶ್ರೀಲಂಕಾ

D)ಸಿಂಗಪೋರ್

6) 1993ರಿಂದ ವಿಶ್ವ ಕ್ಯಾನ್ಸರ್ ದಿನವನ್ನು ಆಚರಿಸಲಾಗುತ್ತಿದೆ. ವಿಶ್ವ ಕ್ಯಾನ್ಸರ್ ದಿನವನ್ನು ಯಾವ ತಿಂಗಳಲ್ಲಿ ಆಚರಿಸಲಾಗುತ್ತದೆ?  

A)ಫೆಬ್ರುವರಿ 01

B) ಫೆಬ್ರುವರಿ 04

C) ಫೆಬ್ರುವರಿ 14

D) ಫೆಬ್ರುವರಿ 28.

7)ಜಾಗತಿಕವಾಗಿ ವಿದೇಶಾಂಗ ನೀತಿಯಲ್ಲಿ ಆಲಿಪ್ತನೀತಿಯನ್ನು ವಿಶ್ವಕ್ಕೆ ಪರಿಚಯಿಸಿದ ದೇಶ ಯಾವುದು?

A) ಜಪಾನ್

B) ಭಾರತ

C) ಚೀನಾ

D) ಬ್ರಿಟನ್

8. ಸಂಸತ್ತಿನಲ್ಲಿ ಯಾವ ವೇಳೆಯಲ್ಲಿ ಮಸೂದೆ ಮಂಡಿಸುವರು?

A)ಪ್ರಶ್ನೋತ್ತರ  ಕಾಲ

B)ಶೂನ್ಯ ವೇಳೆ

C)ಭೋಜನ ವಿರಾಮದ ನಂತರ    

D)ಯಾವುದು ಅಲ್ಲಾ

9. ಜನಮತ ಸಂಗ್ರಹ” ಎಲ್ಲಿ ಕಂಡು ಬರುತ್ತದೆ.

A)ಜನತಾ  ನ್ಯಾಯಾಲಯ

B)ಪರೋಕ್ಷ ಪ್ರಜಾಪ್ರಭುತ್ವ

C)ಪ್ರತ್ಯಕ್ಷ  ಪ್ರಜಾಪ್ರಭುತ್ವ

D)ಸೀಮಿತ ರಾಜತಂತ್ರ

10. ವಿಶ್ವ ಸಂಸ್ಥೆಯ ಅಧಿಕೃತ ಭಾಷೆಗಳು ಯಾವುವು?

A)ಇಂಗ್ಲೀಷ್,ಫ್ರೆಂಚ್,ರಶಿಯನ್

B)ಜಮ೯ನ್,ಫ್ರೆಂಚ್,ಇಂಗ್ಲೀಷ್

C)ಹಿಂದಿ,ಫ್ರೆಂಚ್,ಚೀನಿ

D)ಫ್ರೆಂಚ್,ಇಂಗ್ಲೀಷ್,ಚೀನೀಸ್,ರಶಿಯನ್,ಅರೇಬಿಕ್,ಸ್ಪ್ಯಾನಿಷ್

Answers

1 – D

2 – C

3 – B

4 – A

5 – C

6 – B

7 – B

8 – C

9 – B

10 – D

 

 

 

 

 

 

 

 

Related Posts
National Current Affairs – UPSC/KAS Exams- 13th August 2018
NASA launches probe to ‘touch’ Sun Why in news? NASA launched a $1.5 billion spacecraft toward the Sun on a historic mission to protect the earth by unveiling the mysteries of dangerous ...
READ MORE
Karnataka Current Affairs – KAS/KPSC Exams – 5th Dec 2017
50 new taluks from Jan. 1 The proposed 50 new taluks in the State will come into existence from January 1, Revenue Minister Kagodu Thimmappa said on 4th Dec. President Ram Nath ...
READ MORE
“1st  ಆಗಸ್ಟ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
ಪುರಂದರದಾಸರು ಸುದ್ದಿಯಲ್ಲಿ ಏಕಿದ್ದಾರೆ? ಕರ್ನಾಟಕ ಸಂಗೀತದ ಪಿತಾಮಹ ಪುರಂದರದಾಸರ ಹುಟ್ಟೂರಿನ ಜಿಜ್ಞಾಸೆಗೆ ಕೊನೆಗೂ ತೆರೆ ಬಿದ್ದಿದೆ. ಶಿವಮೊಗ್ಗ ಜಿಲ್ಲೆ ತೀರ್ಥಹಳ್ಳಿ ತಾಲೂಕಿನ ಆರಗ ಪ್ರಾಂತ್ಯವೇ ದಾಸಶ್ರೇಷ್ಠ ಪುರಂದರಾಸರ ಹುಟ್ಟೂರು ಎಂಬ ಖಚಿತ ವರದಿಯನ್ನು ಅಧ್ಯಯನ ಸಮಿತಿ ಸರಕಾರಕ್ಕೆ ಸಲ್ಲಿಸಿದೆ. ಪುರಂದರದಾಸರ ಹುಟ್ಟೂರು ಮಲೆಸೀಮೆ ಎಂಬ ...
READ MORE
National Current Affairs – UPSC/KAS Exams- 19th December 2018
NGT raps Ministry over groundwater notification Topic: Government Policies IN NEWS: The National Green Tribunal criticised the Union Water Resources Ministry over its notification pertaining to groundwater extraction. The tribunal accused the ...
READ MORE
The Karnataka state has seen 144 acid attack victims since 2003-04. A large number have lost (some partially) their sight and are badly scarred. A majority of the victims are ...
READ MORE
Karnataka Current Affairs – KAS/KPSC Exams – 29th October 2018
Air quality takes a hit during Dasara The air quality in Mysuru had reached ‘harmful’ levels during the Dasara celebrations in the city. The PM10 (Particulate Matter 10 Micrometers) value had reached ...
READ MORE
Karnataka Current Affairs – KAS/KPSC Exams – 27th Feb 2018
Recognition for KSRTC The Karnataka State Road Transport Corporation (KSRTC) has emerged the runner-up in the International Road Transport Union Bus Excellence Award. It is the first state transport undertaking in India ...
READ MORE
Karnataka Current Affairs – KAS / KPSC Exams – 9th May 2017
‘Rani Channamma University to ink MoUs with foreign universities’ Rani Channamma University will soon enter into agreements with universities in England and U.S., Vice-Chancellor of the university Shivanand Hosmani has said. These ...
READ MORE
Karnataka Budget 2017- 2018 – Highlights
Siddaramaiah, who presented the state budget proposals for 2017-18 in the Assembly on 15th March, tried to explain the financial constraints his government faces because of a sluggish economy. This has ...
READ MORE
Karnataka Current Affairs- KAS/KPSC Exams – 26th September 2018
Bellandur lake froths again, spills onto road The infamous frothing at Bellandur lake, which had remained relatively low during this monsoon, came to haunt the area on 26th Sep The lake began ...
READ MORE
National Current Affairs – UPSC/KAS Exams- 13th August
Karnataka Current Affairs – KAS/KPSC Exams – 5th
“1st ಆಗಸ್ಟ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
National Current Affairs – UPSC/KAS Exams- 19th December
Welfare of acid attack victims
Karnataka Current Affairs – KAS/KPSC Exams – 29th
Karnataka Current Affairs – KAS/KPSC Exams – 27th
Karnataka Current Affairs – KAS / KPSC Exams
Karnataka Budget 2017- 2018 – Highlights
Karnataka Current Affairs- KAS/KPSC Exams – 26th September

Leave a Reply

Your email address will not be published. Required fields are marked *