20th ಜುಲೈ 2018 ಕನ್ನಡ ಪ್ರಚಲಿತ ವಿದ್ಯಮಾನ

ಮೇಘಾಲಯನ್‌ ಯುಗ

  • ಸುದ್ಧಿಯಲ್ಲಿ ಏಕಿದೆ? ಇದೇನಿದುಮೇಘಾಲಯನ್‌ ಯುಗ ಎಂಬ ಅಚ್ಚರಿಯೇ? ಹೌದು, ನಾವೀಗ ಜೀವಿಸುತ್ತಿರುವುದು ಮೇಘಾಲಯನ್‌ ಯುಗದಲ್ಲಿ. ಮೇಘಾಲಯನ್‌ ಯುಗವು 4,200 ವರ್ಷಗಳ ಹಿಂದೆ ಆರಂಭಗೊಂಡಿದೆ. ಹೀಗೆಂದು ವಿಜ್ಞಾನಿಗಳೇ ಷರಾ ಬರೆದಿದ್ದಾರೆ.
  • ಭೂವಿಜ್ಞಾನಿಗಳು ಸೃಷ್ಟಿಸಿರುವ ಭೂಮಿಯ ಭೂವೈಜ್ಞಾನಿಕ ಇತಿಹಾಸದ ಹೊಸ ಅಧ್ಯಾಯವೇ ಮೇಘಾಲಯನ್‌ ಯುಗ.
  • ನಾವೀಗ ಹೊಲೊಸಿನ್‌ನಲ್ಲಿ ಜೀವಿಸುತ್ತಿದ್ದೇವೆ.
  • ಹೊಲೊಸಿನ್‌ ಎಂಬುದು 11,700 ವರ್ಷಗಳ ಹಿಂದೆ ಏನೇನಾಯ್ತು ಎಂಬುದನ್ನು ಪ್ರತಿಬಿಂಬಿಸುವ ದೀರ್ಘಾವಧಿ ಭಾಗವಾಗಿದೆ. ಈ ಹೊಲೊಸಿನ್‌ಅನ್ನು ಮೂರು ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಗ್ರೀನ್‌ಲ್ಯಾಂಡಿಯನ್‌ 2. ನಾರ್ಥ್‌ಗ್ರಿಪ್ಪಿಯನ್‌ ಮತ್ತು 3. ಮೇಘಾಲಯನ್‌ ಯುಗ.
  • 6 ಶತಕೋಟಿ ವರ್ಷಗಳ ಅಸ್ತಿತ್ವದ ಭೂಮಿಯನ್ನು ನಿರ್ದಿಷ್ಟ ಅವಧಿಗೆ ತಕ್ಕಂತೆ ವಿಭಾಗ ಮಾಡಲಾಗಿದೆ. ಪ್ರತಿ ವಿಭಾಗವು ಭೂಗೋಳ ಖಂಡಗಳ ವಿಭಜನೆ, ಹವಾಮಾನ ಬದಲಾವಣೆ ಮತ್ತು ನಿರ್ದಿಷ್ಟ ರೀತಿಯ ಪ್ರಾಣಿಗಳು ಮತ್ತು ಸಸ್ಯಗಳ ಉಗಮ ಇತ್ಯಾದಿಗಳನ್ನು ಮಾನದಂಡದಲ್ಲಿಟ್ಟುಕೊಂಡು ಮಾಡಿದ್ದಾಗಿದೆ.
  • ಹೊಲೊಸಿನ್‌ ಇಪೊಕ್‌ನ ಮೂರು ಯುಗಗಳು ನದಿ ತೀರದಲ್ಲಿ, ನೀರಿನ ಆಳದಲ್ಲಿ, ಮಂಜುಗಡ್ಡೆಯಲ್ಲಿ ಮತ್ತು ಪಾರದರ್ಶಕ ಹರಳಿನ ರೂಪದ ಕ್ಯಾಲ್ಸಿಯಂ ಕಾರ್ಬೋನೇಟ್‌ ಖನಿಜಗಳಲ್ಲಿ ಸಿಕ್ಕಿದ ಅಪರೂಪದ ಸಂಪತ್ತುಗಳನ್ನು ಪ್ರತಿನಿಧಿಸುತ್ತವೆ.

ಮೂರು ಯುಗಗಳ ವಿವರ 
1. ಗ್ರೀನ್‌ಲ್ಯಾಂಡಿಯನ್‌: 11,700 ವರ್ಷಗಳ ಹಿಂದೆ ಪೂರ್ವ ಹೊಲೊಸಿನ್‌ ಹಸಿರು ಯುಗ ಅಂದರೆ ಅರ್ಲಿ ಹೊಲೊಸಿನ್‌ ಗ್ರೀನ್‌ಲ್ಯಾಂಡಿಯನ್‌ ಏಜ್‌ (Early Holocene Greenlandian Age) ಎಂದು ವಿಜ್ಞಾನಿಗಳು ಗುರುತಿಸಿದ್ದಾರೆ.
2. ನಾರ್ಥ್‌ಗ್ರಿಪ್ಪಿಯನ್‌: 8,300 ವರ್ಷಗಳ ಹಿಂದೆ ಮಧ್ಯಮ ಹೊಲೊಸಿನ್‌ ಉತ್ತರ ಗ್ರಿಪ್ಪಿಯನ್‌ ಯುಗ ಆರಂಭಗೊಂಡಿತು. ಇದನ್ನು ಮಿಡಲ್‌ ಹೊಲೊಸಿನ್‌ ನಾರ್ಥ್‌ಗ್ರಿಪ್ಪಿಯನ್‌ ಏಜ್‌ (Middle Holocene Northgrippian Age) ಎಂದು ಗುರುತಿಸಲಾಗಿದೆ.
3. ಮೇಘಾಲಯನ್‌: ಪ್ರಸ್ತುತ 4,200 ವರ್ಷಗಳ ಹಿಂದೆ ಆರಂಭಗೊಂಡಿದ್ದೇ ಮೇಘಾಲಯನ್‌ ಯುಗ.

  • ಈ ಮೂರು ಯುಗಗಳಿಗೆ ಅಂತಾರಾಷ್ಟ್ರೀಯ ಆಯೋಗವು ಮನ್ನಣೆ ನೀಡಿದೆ. ಪ್ರಸಿದ್ಧ ಇಂಟರ್‌ನ್ಯಾಷನಲ್‌ ಕ್ರೋನೊಸ್ಟ್ರೆಟಿಗ್ರಾಫಿಕ್‌ ಚಾರ್ಟ್‌ನ ಭೂವಿಜ್ಞಾನ ಇತಿಹಾಸ ವಿಭಾಗದಲ್ಲಿ ಹೊಸ ಸಂಶೋಧನೆಯನ್ನು ಸೇರಿಸಲಾಗಿದೆ.

ಮೇಘಾಲಯ ಎಂದು ಹೆಸರು ಬಂದಿದ್ದು ಹೇಗೆ? 

  • ಈ ಎಲ್ಲ ಸಂಶೋಧನೆಗೆ ಮೂಲ ಭಾರತದ ಮೇಘಾಲಯದ ಗುಹೆಯೊಂದರಲ್ಲಿ ಪತ್ತೆಯಾದ ಸ್ಟ್ಯಾಲಾಗ್ಮಿಟ್‌. (*ಸ್ಟ್ಯಾಲಾಗ್ಮಿಟ್‌, ಅಂದರೆ ಗುಹೆಯೊಳಗೆ ತೊಟ್ಟಿಕ್ಕುವ ಕ್ಯಾಲ್ಸಿಯಂ ಲವಣಯುಕ್ತ ನೀರಿನ ಹನಿಗಳಿಂದ ಉದ್ಭವವಾಗುವ ದಿಬ್ಬ) ಹಾಗಾಗಿ ಇದಕ್ಕೆ ಮೇಘಾಲಯನ್‌ ಯುಗ ಎಂದು ಹೆಸರಿಸಲಾಗಿದೆ.
  • ಈ ದಿಬ್ಬವು ಸುಮಾರು 4,200 ವರ್ಷಗಳ ಹಿಂದಿನ ಹವಾಮಾನ ಸಂಬಂಧಿತ ಅಚ್ಚರಿಯ ಅಂಶಗಳನ್ನು ಹೇಳುತ್ತಿದೆ. ಮೇಘಾಲಯನ್‌ ಯುಗ ಆರಂಭಗೊಂಡಂದಿನಿಂದ ಇಲ್ಲಿಯವರೆಗಿನ ಹವಾಮಾನ ಬದಲಾವಣೆಯ ಅಂಶಗಳು ಇದರಲ್ಲಿ ಅಡಕವಾಗಿದ್ದು ಭಾರಿ ಕುತೂಹಲ ಮೂಡಿಸಿದೆ.
  • ಈಜಿಪ್ಟ್‌ನಿಂದ ಚೀನಾವರೆಗಿನ ಕೃಷಿ ನಾಗರಿಕತೆಯನ್ನು ಧ್ವಂಸಗೊಳಿಸಿದ ಭೀಕರ ಜಾಗತಿಕ ಬರಗಾಲದೊಂದಿಗೆ ಮೇಘಾಲಯನ್‌ ಯುಗ ಆರಂಭಗೊಂಡಿತು ಎಂಬ ವಿಚಾರವು ಈ ದಿಬ್ಬದಿಂದ ಬಹಿರಂಗಗೊಂಡಿದೆ.
  • ಮೇಘಾಲಯನ್‌ ಯುಗ ಅತ್ಯಂತ ವಿಶಿಷ್ಟವಾದದ್ದು. ಏಕೆಂದರೆ ಭೂಮಿಯ ಭೂವೈಜ್ಞಾನಿಕ ಇತಿಹಾಸದಲ್ಲಿ ಇದೊಂದು ಮೊದಲ ಮಧ್ಯಂತರ ವಿರಾಮ. ಹವಾಮಾನ ಬದಲಾವಣೆಯಿಂದ ಕೃಷಿ ನಾಗರಿಕತೆ ಪುನಃ ನಿರ್ಮಾಣಗೊಳ್ಳುವ ಹೆಣಗಾಟದ ಹಂತದ ಮಹತ್ವದ ಭಾಗವಾಗಿದೆಎಂಬುದು ಅಂತಾರಾಷ್ಟ್ರೀಯ ಭೂವೈಜ್ಞಾನಿಕ ವಿಜ್ಞಾನಗಳ ಒಕ್ಕೂಟದ ಮುಖ್ಯ ಕಾರ್ಯದರ್ಶಿ ಸ್ಟಾನ್ಲೇ ಫಿನ್ನಿ ಅವರ ಅಭಿಪ್ರಾಯ.
  • ಮೇಘಾಲಯದಲ್ಲಿ ಪತ್ತೆಯಾದ ಅಪರೂಪದ ದಿಬ್ಬದಿಂದ 7 ಖಂಡಗಳ ಹವಾಮಾನ ಸಂಚಯಗಳನ್ನು ಕಂಡುಕೊಳ್ಳಬಹುದಾಗಿದೆ.
  • 200 ವರ್ಷಗಳ ಭೀಕರ ಬರ ಮಾನವ ವಲಸೆಗೆ ಕಾರಣವಾಯಿತು. ಈಜಿಪ್ಟ್‌, ಗ್ರೀಸ್‌, ಸಿರಿಯಾ, ಪ್ಯಾಲೆಸ್ತೀನ್‌, ಮೆಸಪೊಟೆಮಿಯಾ, ಸಿಂಧೂ ನದಿ ಮತ್ತು ಯಾಂಗ್‌ತಾಜ್‌ ನದಿ ತೀರದ ನಾಗರಿಕತೆಗಳು ಜೀವನಕ್ಕಾಗಿ ವಲಸೆ ಹಾದಿ ಹಿಡಿದವು. ಜಾಗತಿಕ ಹವಾಮಾನ ಬದಲಾವಣೆಯು ಸಾಗರ ಮತ್ತು ವಾಯುಮಂಡಲದ ಪರಿಚಲನೆಯನ್ನು ಕೆರಳಿಸಿತು ಎಂಬ ವಿಚಾರವನ್ನು ವಿಜ್ಞಾನಿಗಳು ಕಂಡುಕೊಂಡಿದ್ದಾರೆ.

ಮೇಕೆದಾಟು ಜಲಾಶಯ ನಿರ್ಮಾಣ ಯೋಜನೆ

  • ಸುದ್ಧಿಯಲ್ಲಿ ಏಕಿದೆ?ಉತ್ತಮ ಮಳೆಯಾದ ವರ್ಷದಲ್ಲಿ ತಮಿಳುನಾಡಿಗೆ ವ್ಯರ್ಥವಾಗಿ ಹರಿದು ಹೋಗುವ ನೀರನ್ನು ಹಿಡಿದಿಟ್ಟುಕೊಳ್ಳುವ ಉದ್ದೇಶದ ಮೇಕೆದಾಟು ಜಲಾಶಯ ನಿರ್ಮಾಣ ಯೋಜನೆ ಅತಂತ್ರ ಸ್ಥಿತಿಗೆ ತಲುಪಿದೆ. ವಿಸ್ತ್ರತ ಯೋಜನಾ ವರದಿ (ಡಿಪಿಆರ್‌) ಸಿದ್ಧಪಡಿಸಿದ ಬಳಿಕವೂ ಸಮರ್ಥ ಕಾನೂನು ಹೋರಾಟ ನಡೆಸದ ಕಾರಣ ರಾಜ್ಯಕ್ಕೆ ಐತಿಹಾಸಿಕ ಹಿನ್ನಡೆಯಾಗಿದೆ.
  • ಈ ಬಾರಿ ಕಾವೇರಿ ಕಣಿವೆಯಲ್ಲಿ ಭರ್ಜರಿ ಮಳೆ ಆಗುತ್ತಿರುವುದರಿಂದ ತಮಿಳುನಾಡಿನತ್ತ ಹೆಚ್ಚುವರಿ ನೀರು ಹರಿದು ಹೋಗುತ್ತಿದೆ. ಭವಿಷ್ಯದಲ್ಲಾದರೂ ಇಂಥ ಸನ್ನಿವೇಶದಲ್ಲಿ ರಾಜ್ಯದ ಹಿತಾಸಕ್ತಿ ಕಾಯ್ದುಕೊಳ್ಳಲು ಮೇಕೆದಾಟು ಡ್ಯಾಮ್‌ನ ಅವಶ್ಯಕತೆಯಿದೆ. ಆದರೆ, ಸದ್ಯಕ್ಕೆ ಈ ಯೋಜನೆ ಅನುಷ್ಠಾನ ಅನುಮಾನವಾಗಿದೆ.
  • ಮೇಕೆದಾಟಿನಲ್ಲಿ ಜಲಾಶಯ ನಿರ್ಮಿಸಿದರೆ5 ಟಿಎಂಸಿ ನೀರು ಸಂಗ್ರಹಿಸಬಹುದು. ಇದರಿಂದ ರಾಜ್ಯಕ್ಕೆ ಹೆಚ್ಚಿನ ಅನುಕೂಲವಾಗಲಿದೆ. ಬೆಂಗಳೂರಿನ ಕುಡಿಯುವ ನೀರಿನ ಸಮಸ್ಯೆಯನ್ನೂ ಪರಿಹರಿಸಿಕೊಳ್ಳಬಹುದು. ಹಾಗಾಗಿ ಕಳೆದ ಸರಕಾರದ ಅವಧಿಯಲ್ಲಿ ಮೇಕೆದಾಟು ಯೋಜನೆಗೆ 5,912 ಕೋಟಿ ರೂ. ಪ್ರಸ್ತಾವನೆ ತಯಾರಿಸಲಾಗಿತ್ತು. 2017ರ ಫೆಬ್ರವರಿಯಲ್ಲಿ ಸಚಿವ ಸಂಪುಟವೂ ಆಡಳಿತಾತ್ಮಕ ಅನುಮೋದನೆ ನೀಡಿತ್ತು. ಈ ಪ್ರಸ್ತಾವಕ್ಕೆ ಕೇಂದ್ರ ಜಲ ಆಯೋಗದ (ಸಿಡಬ್ಲ್ಯುಸಿ) ಅನುಮತಿ ಅಗತ್ಯ. 4,996 ಹೆಕ್ಟೇರ್‌ ಅರಣ್ಯ ನಾಶವಾಗುವುದರಿಂದ ಕೇಂದ್ರ ಪರಿಸರ ಸಚಿವಾಲಯದಿಂದ ನಿರಾಕ್ಷೇಪಣಾ ಪತ್ರ ಪಡೆದುಕೊಳ್ಳಬೇಕು
  • ಮೇಕೆದಾಟು ಜಲಾಶಯ ನಿರ್ಮಾಣವಾದರೆ ಕಾವೇರಿ ಸಂಘರ್ಷ ಬಹುತೇಕ ಇತ್ಯರ್ಥವಾಗುತ್ತದೆ. ಇದೇ ಕಾರಣಕ್ಕೆತಮಿಳುನಾಡು ತಕರಾರು ತೆಗೆದಿದೆ. ಜಲ ವರ್ಷದ ಕ್ಯಾಲೆಂಡರ್‌ನಂತೆ ಜೂನ್‌ನಿಂದ ಮೇ ವರೆಗೆ ಪ್ರತಿ ತಿಂಗಳೂ ನಿಗದಿ ಪಡಿಸಿದಷ್ಟು ನೀರನ್ನು ತಮಿಳುನಾಡಿಗೆ ಬಿಡಲಾಗುತ್ತಿದೆ. ಮಳೆ ಕೊರತೆಯಾದರೆ ಈ ಗುರಿ ತಲುಪುವುದು ಸವಾಲು. ವಾಡಿಕೆಗಿಂತ ಅಧಿಕ ಮಳೆಯಾದಾಗ ಹೆಚ್ಚುವರಿ ನೀರು ತಮಿಳುನಾಡು ಪಾಲಾಗುತ್ತದೆ. ಕಳೆದ 10 ವರ್ಷದಲ್ಲಿ 1,100 ಟಿಎಂಸಿಗೂ ಅಧಿಕ ನೀರು ಹರಿದು ಹೋಗಿದೆ. ಈ ಪೈಕಿ 2007-08 ರಲ್ಲಿ 63 ಟಿಎಂಸಿ ಹೆಚ್ಚುವರಿಯಾಗಿ ಹೋಗಿತ್ತು. ಈ ಬಾರಿಯೂ ಜೂನ್‌, ಜುಲೈ ಕೋಟಾಕ್ಕಿಂತ 20 ಟಿಎಂಸಿ ಹೆಚ್ಚುವರಿ ನೀರು ತಮಿಳುನಾಡಿಗೆ ಹರಿದಿದೆ.
  • ರಾಜ್ಯದಲ್ಲಿ ಮುಂಗಾರು ಹಂಗಾಮಿನಲ್ಲಿ ಉತ್ತಮ ಮಳೆಯಾದರೆ ಹಿಂಗಾರಿನಲ್ಲಿ ಕೊರತೆಯಾಗುತ್ತದೆ. ಅಕ್ಟೋಬರ್‌ನಿಂದ ಡಿಸೆಂಬರ್‌ ಅವಧಿಯಲ್ಲಿ ಪಕ್ಕದ ರಾಜ್ಯಕ್ಕೆ ನಿಗದಿತ ಪ್ರಮಾಣದ ನೀರು ಕೊಡುವುದು ಕಷ್ಟವಾಗುತ್ತದೆ. ಜನವರಿಯಿಂದ ಮೇ ವರೆಗಿನ ಮುಂಗಾರು ಪೂರ್ವ ಅವಧಿಯಲ್ಲಿ ಪರಿಸ್ಥಿತಿ ಇನ್ನೂ ಬಿಗಡಾಯಿಸುತ್ತದೆ. ಒಟ್ಟಾರೆಯಾಗಿ ಮುಂಗಾರಿನಲ್ಲಿ ವಾಡಿಕೆಯ ಶೇ.70, ಹಿಂಗಾರಿನಲ್ಲಿ ಶೇ.18 ಹಾಗೂ ಮುಂಗಾರು ಪೂರ್ವದಲ್ಲಿ ಶೇ.14 ರಷ್ಟು ಮಳೆಯಾಗುತ್ತದೆ. ಅದರಲ್ಲೂ ಕಾವೇರಿ ಪಾತ್ರದ ಜಲಾಶಯಗಳ ಮೇಲ್ಭಾಗದಲ್ಲಿ ವಾಡಿಕೆಯ ಶೇ.55 ರಷ್ಟು ಮಳೆ ಜೂನ್‌, ಜುಲೈನಲ್ಲೇ ಬೀಳುತ್ತದೆ.

ಅನುಕೂಲವೇನು? 

  • ವಾಸ್ತವ ಹೀಗಿರುವಾಗ ತಮಿಳುನಾಡಿಗೆ ಹೆಚ್ಚುವರಿಯಾಗಿ ಹೋಗುವ ನೀರನ್ನು ಹಿಡಿದಿಟ್ಟುಕೊಳ್ಳಲು ಮೇಕೆದಾಟಿನಲ್ಲಿ ಸಮಾನಾಂತರ ಜಲಾಶಯ ತಲೆಯೆತ್ತಿ ನಿಂತರೆ ಒಳ್ಳೆಯದು.
  •  ಸಂಗ್ರಹಿಸಿಕೊಂಡ ನೀರನ್ನು ತಿಂಗಳವಾರು ನಿಗದಿತ ಪ್ರಮಾಣದಂತೆ ಬಿಡುಗಡೆ ಮಾಡಲು ನೆರವಾಗುತ್ತದೆ.
  • ತಮಿಳುನಾಡಿಗೆ ನೀರು ಕೊಟ್ಟ ಬಳಿಕವೂ ಉಳಿದುಕೊಂಡರೆ ರಾಜ್ಯವೇ ಅದನ್ನು ಬಳಸಿಕೊಳ್ಳಬಹುದು.
  • ವಿದ್ಯುತ್‌ ಉತ್ಪಾದನೆ ಮಾಡಬಹುದು.
  • ರಾಜ್ಯದಲ್ಲಿ ಕಾವೇರಿ ಕಣಿವೆ ವ್ಯಾಪ್ತಿಯ ಹಾರಂಗಿ, ಹೇಮಾವತಿ, ಕೃಷ್ಣರಾಜಸಾಗರ, ಕಬಿನಿ ಜಲಾಶಯಗಳ ಲೈವ್‌ ಸ್ಟೋರೇಜ್‌ ಸಾಮರ್ಥ್ಯ‌ 104.55 ಟಿಎಂಸಿ. ತಮಿಳುನಾಡಿನ ಮೆಟ್ಟೂರು ಡ್ಯಾಮ್‌ನಲ್ಲಿ 93.47 ಟಿಎಂಸಿ ಸಂಗ್ರಹಿಸಬಹುದು.
  • ಅಧಿಕ ಮಳೆಯಾದ ವರ್ಷದಲ್ಲಿ ಈ ಜಲಾಶಯವೂ ಭರ್ತಿಯಾದಾಗ ತಮಿಳುನಾಡಿಗೂ ಪ್ರಯೋಜನವಾಗದು. ಈ ದೃಷ್ಟಿಯಿಂದ ನೋಡಿದರೆ ಮೇಕೆದಾಟಿನಲ್ಲಿ ಡ್ಯಾಮ್‌ ನಿರ್ಮಿಸಿದರೆ ಉಭಯ ರಾಜ್ಯಗಳಿಗೂ ಲಾಭ ನಿಶ್ಚಿತ.
Related Posts
“11th ಆಗಸ್ಟ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
ಹಸಿರು ಕರ್ನಾಟಕ ಸುದ್ದಿಯಲ್ಲಿ ಏಕಿದೆ?  ಹಸಿರು ಕರ್ನಾಟಕ ಯೋಜನೆಗೆ ಆಗಸ್ಟ್‌ 15 ರಂದು ಚಾಲನೆ ನೀಡಲಾಗುವುದು. ಈ ಬಾರಿ 50 ಕೋಟಿ ಸಸಿ ನೆಡುವ ಗುರಿಯಿದೆ. ಜನರಿಗೂ ಗಿಡ ವಿತರಿಸಲಾಗುವುದು. ಸರಕಾರಿ, ಖಾಸಗಿ ಜಮೀನಿನಲ್ಲಿ ಗಿಡ ನೆಡಲಾಗುವುದು. ಈ ಸಂಬಂಧ ಜಿಲ್ಲಾಧಿಕಾರಿಗಳು, ಜಿಪಂ ಸಿಇಒ, ...
READ MORE
National Current Affairs – UPSC/KAS Exams- 18th January 2019
Lokpal Topic: Governance IN NEWS: The Supreme Court on Thursday gave the Lokpal search committee time till February-end to short-list a panel of names for chairperson and members of the Lokpal to ...
READ MORE
National Current Affairs – UPSC/KAS Exams- 3rd August 2018
Seva Bhoj Yojna Why in news? Union Ministry of Culture has launched- ‘Seva Bhoj Yojna’– a scheme to reimburse central share of CGST and IGST on food, prasad, langar or bhandara offered ...
READ MORE
IMD urges govt to encourage farmers to register on portal
The officials of the India Meteorological Department (IMD) on Tuesday met the state government officials and urged them to speed up the process of making farmers register on M-Kisan portal. Union ...
READ MORE
National Current Affairs – UPSC/KAS Exams – 7th July 2018
Special Category Status (SCS) Context: The Central government filed a counter affidavit in the Supreme Court on Wednesday expressing its inability to give Special Category Status (SCS) to Andhra Pradesh and ...
READ MORE
Karnataka Current Affairs – KAS/KPSC Exams – 17th Nov 2017
Council passes Road Safety Authority Bill The Karnataka State Road Safety Authority Bill, 2017, which seeks to curb accidents by making roads safer was passed in the Council on 16th Nov. The ...
READ MORE
Karnataka Current Affairs – KAS/KPSC Exams- 21st November 2018
Bengaluru: City to host biggest drone racing contest India’s biggest drone racing competition would take place at this year’s ‘Bengaluru Tech Summit’, which would take place from November 29 to December 1. Top ...
READ MORE
9th & 10th July ಜುಲೈ 2018 ಕನ್ನಡ ಪ್ರಚಲಿತ ವಿದ್ಯಮಾನ
 ‘ರಾಮಾಯಣ ದರ್ಶನ’ ಸುದ್ಧಿಯಲ್ಲಿ ಏಕಿದೆ? ರಾಮಾಯಣಕ್ಕೆ ಸಂಬಂಧಿಸಿದ ಬಹುತೇಕ ಸ್ಥಳಗಳ ದರ್ಶನವನ್ನು ರೈಲಿನ ಮೂಲಕ ಮಾಡಿಸುವ ವಿನೂತನ ಪ್ರಯೋಗಕ್ಕೆ ಭಾರತೀಯ ರೈಲ್ವೆ ಇಲಾಖೆ ಮುಂದಾಗಿದೆ. ಅಯೋಧ್ಯದಿಂದ ರಾಮೇಶ್ವರ ಮಾರ್ಗವಾಗಿ ಕೋಲೊಂಬೊವರೆಗೆ 16 ದಿನಗಳ ಪ್ರಯಾಣದಲ್ಲಿ ಈ ಸ್ಥಳಗಳ ದರ್ಶನ ಭಾಗ್ಯ ಪ್ರಯಾಣಿಕರಿಗೆ ಸಿಗಲಿದೆ. ‘ಶ್ರೀ ...
READ MORE
All you need to know about HYBRID ANNUITY MODEL (HAM)
The union government approved the hybrid annuity model for building national highways, paving the way for construction of 28 projects worth Rs. 36,000 crore this fiscal year. The move will speed ...
READ MORE
National Current Affairs – UPSC/KAS Exams- 31st January 2019
DIPP rechristened to include internal trade Topic: Economy IN NEWS: The government has notified changing the name of the Department of Industrial Policy & Promotion (DIPP) to the Department for Promotion of ...
READ MORE
“11th ಆಗಸ್ಟ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
National Current Affairs – UPSC/KAS Exams- 18th January
National Current Affairs – UPSC/KAS Exams- 3rd August
IMD urges govt to encourage farmers to register
National Current Affairs – UPSC/KAS Exams – 7th
Karnataka Current Affairs – KAS/KPSC Exams – 17th
Karnataka Current Affairs – KAS/KPSC Exams- 21st November
9th & 10th July ಜುಲೈ 2018 ಕನ್ನಡ ಪ್ರಚಲಿತ
All you need to know about HYBRID ANNUITY
National Current Affairs – UPSC/KAS Exams- 31st January

Leave a Reply

Your email address will not be published. Required fields are marked *