“27th ಆಗಸ್ಟ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”

ಕಮಾಂಡಿಂಗ್ ಸ್ಟೇಷನ್

ಸುದ್ಧಿಯಲ್ಲಿ ಏಕಿದೆ ? ರಾಮನಗರ ಜಿಲ್ಲೆ ಬ್ಯಾಡರಹಳ್ಳಿ ಠಾಣೆ ವ್ಯಾಪ್ತಿಯ ಇಂಚಿಂಚು ಸಾರ್ವಜನಿಕ ಪ್ರದೇಶದ ಮೇಲೂ ಈಗ ಪೊಲೀಸರ ಕ್ಯಾಮೆರಾ ಕಣ್ಗಾವಲು ಇಡಲಿದೆ.

  • ಈ ಠಾಣಾ ವ್ಯಾಪ್ತಿಯ ಸುಮಾರು 15 ಕಿ. ಮೀ. ಸುತ್ತಳತೆಯಲ್ಲಿ ಯಾವ ರೀತಿಯ ಚಟುವಟಿಕೆ ನಡೆಯುತ್ತಿದೆ ? ಈ ಪ್ರದೇಶಕ್ಕೆ ಯಾರು ಬಂದರು ? ಯಾರು ಹೋದರು ? ಯಾವ ವಾಹನಗಳ ಓಡಾಟ ನಡೆಯುತ್ತಿದೆ- ಎಂಬಿತ್ಯಾದಿ ಸಂಗತಿಗಳನ್ನು ಕ್ಯಾಮೆರಾಗಳು ದಾಖಲು ಮಾಡಿಕೊಳ್ಳಲಿವೆ.
  • ಬ್ಯಾಡರಹಳ್ಳಿ ಪೊಲೀಸ್‌ ಠಾಣೆ ಈಗ ಇಂಟಿಗ್ರೇಟೆಡ್‌ ಕಮಾಂಡ್‌ ಆ್ಯಂಡ್‌ ಕಂಟ್ರೋಲ್‌ ಸೆಂಟರ್‌ ಆಗಿ ರೂಪುಗೊಂಡಿದ್ದು, ಪೂರ್ಣ ಹೈಟೆಕ್‌ ಆಗಿದೆ. ಸಾರ್ವಜನಿಕ ರಸ್ತೆ, ಸ್ಥಳಗಳು ಸೇರಿದಂತೆ ಎಲ್ಲ ಪ್ರದೇಶಗಳಲ್ಲೂ ಅತ್ಯಾಧುನಿಕ ಸಿಸಿ ಕ್ಯಾಮೆರಾ ಅಳವಡಿಸಲಾಗಿದ್ದು, ಲೈವ್‌ ಮಾನಿಟರಿಂಗ್‌ ವ್ಯವಸ್ಥೆ ಜಾರಿಗೆ ಬಂದಿದೆ.
  • ಸೇಫ್‌ ಸಿಟಿ ಪೈಲಟ್‌ ಪ್ರಾಜೆಕ್ಟ್ನಡಿ ಈ ಠಾಣೆಗೆ ಕಮೀಶನರ್‌ ಕಚೇರಿಯಲ್ಲಿರುವ ತಾಂತ್ರಿಕ ಸೌಲಭ್ಯಗಳು ಬಂದಿಳಿದಿವೆ. ಆಂಧ್ರ ಸಿಎಂ ಚಂದ್ರಬಾಬು ನಾಯ್ಡು ಸ್ವಕ್ಷೇತ್ರ ಕುಪ್ಪಂನಲ್ಲಿ ಮಾತ್ರ ಜಾರಿಯಲ್ಲಿರುವ ಈ ಯೋಜನೆ, ರಾಜ್ಯದ ಮಟ್ಟಿಗೆ ಪ್ರಥಮ ಎನ್ನಲಾಗಿದೆ.

ಎಲ್ಲೆಲ್ಲಿ ಕ್ರಿಯಾಶೀಲ?

  • ಬ್ಯಾಂಕ್‌ಗಳ ಹೊರ ಆವರಣ, ಮಹಿಳೆಯರ ಪಿಜಿಗಳು, ಕಾಲೇಜು ಆವರಣದ ಚಲನವಲನದ ಮೇಲೆ ಕ್ಯಾಮೆರಾಗಳು ಕಣ್ಣಿಡಲಿವೆ. ಇದರಿಂದ ಡ್ರಗ್ಸ್‌ ಸೇವನೆ, ಮಾರಾಟ, ಮಹಿಳೆಯರ ಸುರಕ್ಷ ತೆ, ಸರಗಳ್ಳತನದಂತಹ ಕೃತ್ಯಗಳಿಗೆ ತಡೆ ಬೀಳಲಿದೆ. 300 ಮೀ.ವರೆಗೆ ಜೂಮ್‌ ಮಾಡಿ ನೋಡುವ ಈ ಕ್ಯಾಮೆರಾಗಳು ರಾತ್ರಿಯ ಮಬ್ಬುಗತ್ತಲಿನಲ್ಲೂ, ಎಲ್ಲವನ್ನೂ ಸ್ಪಷ್ಟವಾಗಿ ಚಿತ್ರೀಕರಿಸಲಿವೆ.
  • ಪೊಲೀಸ್‌ ಠಾಣೆ ವ್ಯಾಪ್ತಿಯ 47 ಜಂಕ್ಷ ನ್‌ಗಳಲ್ಲಿ 195 ಹೈರೆಸುಲ್ಯೂಷನ್‌ ಆಟೋಮ್ಯಾಟಿಕ್‌ ನಂಬರ್‌ಪ್ಲೇಟ್‌ ರೆಕಗ್ನಿಷನ್‌ ಕ್ಯಾಮೆರಾಗಳನ್ನು ಅಳವಡಿಸುವ ಕಾರ್ಯ ನಡೆಯುತ್ತಿದೆ. 32 ಜಂಕ್ಷ ನ್‌ಗಳಲ್ಲಿ ಪೂರ್ಣಗೊಂಡಿದೆ. ಅನುಮಾನಾಸ್ಪದ ವಾಹನ ಸಂಖ್ಯೆಯನ್ನು ಸರ್ವರ್‌ನಲ್ಲಿ ನಮೂದಿಸಿದರೆ, ತನ್ನ ಕ್ಯಾಮೆರಾಗಳಲ್ಲಿ ಈ ವಾಹನ ಓಡಾಡಿದ ಮಾರ್ಗವೇ ಗೊತ್ತಾಗಲಿದೆ.
  • ಪಿಟಿಝಡ್‌ ಕ್ಯಾಮೆರಾ: ಮಹಿಳೆಯರು ಹೆಚ್ಚಾಗಿ ಓಡಾಡುವ 12 ಜನ ನಿಬಿಡ ಪ್ರದೇಶಗಳಲ್ಲಿ, ಪಾರ್ಕ್‌ಗಳಲ್ಲಿ ಪ್ಯಾನ್‌ ಟಿಲ್ಟ್‌ ಝೂಮ್‌(ಪಿಟಿಝಡ್‌) ಕ್ಯಾಮೆರಾ ಅಳವಡಿಸಲಾಗಿದೆ. ಇವು 360 ಡಿಗ್ರಿ ತಿರುಗಬಲ್ಲವು. ನಿಖರವಾಗಿ ಅನುಮಾನಾಸ್ಪದ ವ್ಯಕ್ತಿ, ಘಟನೆಯ ಸ್ಥಳದತ್ತ ಜೂಮ್‌ ಮಾಡಿ ಠಾಣೆಯಲ್ಲಿ ಕುಳಿತೇ ಯಾವುದೇ ಅಸಹಜ ಚಟುವಟಿಕೆಗೂ ಪೊಲೀಸರು ಪ್ರತಿಕ್ರಿಯಿಸಲಿದ್ದಾರೆ. ಹೈದರಾಬಾದ್‌ನ ಶಮಯ್‌ ಡೇಟಾ ಸಲ್ಯೂಷನ್‌ ಸಂಸ್ಥೆ ಈ ಸೌಲಭ್ಯಕ್ಕೆ ತಾಂತ್ರಿಕ ನೆರವು ನೀಡಿದೆ.
  • ಟ್ರಾಫಿಕ್‌ ಉಲ್ಲಂಘಿಸುವವರಿಗೆ ಎಚ್ಚರ : ವಾಹನಗಳು ನಿಯಮಗಳನ್ನು ಮೀರಿದರೆ ಸಿಗ್ನಲ್‌ಗಳಲ್ಲಿ ಅಳವಡಿಸಿರುವ ಸ್ಮಾರ್ಟ್‌ ತಂತ್ರಜ್ಞಾನದ ಕ್ಯಾಮೆರಾಗಳು ತಕ್ಷ ಣ ಮಾಹಿತಿ ರವಾನಿಸುತ್ತವೆ. ನೈಟ್‌ಬೀಟ್‌ ಪೊಲೀಸರು ನಿಗದಿತ ಪ್ರದೇಶಗಳಲ್ಲಿ ಅಳವಡಿಸಿರುವ ಕ್ಯಾಮೆರಾಗಳ ಮುಂದೆ ಕಾಣಿಸಿಕೊಂಡು ರಿಯಲ್‌ಟೈಂ ಅಟೆಂಡೆನ್ಸ್‌ ತೋರಿಸಲಿದ್ದಾರೆ.
  • ಬೀಗ ಹಾಕಿದ ಮನೆಗೂ ಖಾತ್ರಿ : ಮನೆಗೆ ಬೀಗಹಾಕಿ ಹೊರ ಊರಿಗೆ ಹೋಗುವ ಸಾರ್ವಜನಿಕರಿಗೂ ಮನೆ ಬಗ್ಗೆ ನಿಗಾ ವಹಿಸಿಸುವ ಪೊಲೀಸರು ವಾಟ್ಸ್‌ ಆ್ಯಪ್‌ ಮೂಲಕ ಸುರಕ್ಷ ತೆ ಖಾತ್ರಿಗೊಳಿಸುವ ಸೇವೆಯಿದೆ. ಉಲ್ಲಾಳ, ತಿಗಳರಪಾಳ್ಯ, ಸುಂಕದಕಟ್ಟೆ, ನೈಸ್‌ರಸ್ತೆ ಜಂಕ್ಷ ನ್‌ವರೆಗಿನ ವ್ಯಾಪ್ತಿಯ ಬ್ಯಾಡರಹಳ್ಳಿ ಪೊಲೀಸ್‌ಠಾಣೆ ಅಪರಾಧ ಚಟುವಟಿಕೆಗಳ ನಿಯಂತ್ರಣದಲ್ಲಿ ಕ್ರಾಂತಿಕಾರಕ ಬದಲಾವಣೆಗಳನ್ನು ಅಳವಡಿಸಿಕೊಂಡು ಹೈಟೆಕ್‌ ಆಗಿದೆ.
  • ಸೇಫ್‌ ಸಿಟಿ ಪರಿಕಲ್ಪನೆಯಲ್ಲಿ ಅಭಿವೃದ್ಧಿಪಡಿಸಿರುವ ತಾಂತ್ರಿಕತೆಯನ್ನು ಬ್ಯಾಡರಹಳ್ಳಿಯಲ್ಲಿ ಅಳವಡಿಸಲಾಗಿದೆ. ಭವಿಷ್ಯದಲ್ಲಿ ರಾಮನಗರ,ಚನ್ನಪಟ್ಟಣಗಳಲ್ಲಿಯೂ ಅಳವಡಿಸಲಾಗುವುದು.

– ರಾಜ್ಯ ಸರಕಾರದ ಸುಪರ್ದಿಗೆ ಶಾಲಾ-ಕಾಲೇಜುಗಳ ಸೌಕರ್ಯಗಳ ಪರಿಶೀಲನೆ ಕೆಲಸ.

ರೈಲ್ವೆ ಫ್ಲೆಕ್ಸಿ-ಫೇರ್‌ ಸ್ಕೀಮ್‌

ಸುದ್ಧಿಯಲ್ಲಿ ಏಕಿದೆ?ಕೆಲವು ಪ್ರೀಮಿಯಂ ರೈಲುಗಳಲ್ಲಿ ವಿಮಾನಕ್ಕಿಂತಲೂ ಹೆಚ್ಚಿನ ದರ ವಿಧಿಸಿ ಪ್ರಯಾಣಿಕರು ಮತ್ತು ಮಹಾ ಲೆಕ್ಕ ಪರಿಶೋಧಕರ (ಸಿಎಜಿ) ಕೆಂಗಣ್ಣಿಗೆ ಗುರಿಯಾಗಿರುವ ರೈಲ್ವೆ ಇಲಾಖೆ, ಸದ್ಯದಲ್ಲೇ ಫ್ಲೆಕ್ಸಿ-ಫೇರ್‌ಯೋಜನೆ ಪ್ರಕಟಿಸುವ ಸಾಧ್ಯತೆಯಿದೆ.

  • ಶೇ. 30ಕ್ಕಿಂತಲೂ ಕಡಿಮೆ ಸೀಟುಗಳು ಭರ್ತಿಯಾಗುತ್ತಿರುವ ಕೆಲವೊಂದು ಮಾರ್ಗಗಗಳಲ್ಲಿ ತಾತ್ಕಾಲಿಕವಾಗಿ ‘ಫ್ಲೆಕ್ಸಿ-ಫೇರ್‌’ (ಬೇಡಿಕೆಗೆ ಅನುಗುಣವಾಗಿ ದರ ಏರಿಕೆ ಮತ್ತು ಇಳಿಕೆ) ರದ್ದುಗೊಳಿಸಲು ಇಲಾಖೆ ಮುಂದಾಗಿದೆ. ಅಲ್ಲದೆ, ಅಷ್ಟಾಗಿ ಜನದಟ್ಟಣೆ ಇರದ ಮಾರ್ಗಗಗಳಲ್ಲಿ ಹೊಸ ಯೋಜನೆ ಅಡಿ ಪ್ರಯಾಣಿಕರಿಗೆ ವಿಶೇಷ ರಿಯಾಯಿತಿ ನೀಡುವ ಬಗ್ಗೆಯೂ ಪರಿಶೀಲನೆ ನಡೆಸಲಾಗುತ್ತಿದೆ.
  • ಮತ್ತೊಂದೆಡೆ, ಪ್ರಸುತ್ತ ಹಮ್‌ಸಫರ್‌ರೈಲುಗಳಲ್ಲಿ ಅನುಸರಿಸಲಾಗುತ್ತಿರುವ ಟಿಕೆಟ್‌ ದರ ನಿಯಮವನ್ನೇ ಇತರ ಪ್ರೀಮಿಯಂ ರೈಲುಗಳಿಗೂ ಅನ್ವಯಿಸುವ ಆಯ್ಕೆಯೂ ಇಲಾಖೆಯ ಮುಂದಿದೆ. ಹಮ್‌ಸಫರ್‌ ರೈಲುಗಳಲ್ಲಿ ಮೊದಲ ಶೇ. 50ರಷ್ಟು ಬುಕ್ಕಿಂಗ್‌ಗಳನ್ನು ಮೂಲ ದರಕ್ಕಿಂತಲೂ ಶೇ. 15ರಷ್ಟು ಹೆಚ್ಚಿನ ದರದಲ್ಲಿ ಮಾರಾಟ ಮಾಡಲಾಗುತ್ತದೆ. ನಂತರ ಪ್ರತಿ 10% ಸೀಟುಗಳು ಭರ್ತಿಯಾದಂತೆ ಪ್ರಯಾಣ ದರದ ಸ್ಪ್ಯಾಬ್‌ ಬದಲಾಗುತ್ತಾ ಹೋಗುತ್ತದೆ.

ನೌಕಾಪಡೆಗೆ ಯುಟಿಲಿಟಿ ಹೆಲಿಕಾಪ್ಟರ್‌

ಸುದ್ಧಿಯಲ್ಲಿ ಏಕಿದೆ? ಭಾರತೀಯ ನೌಕಾಪಡೆಗೆ 111 ಯುಟಿಲಿಟಿ ಹೆಲಿಕಾಪ್ಟರ್‌ಗಳ ಖರೀದಿಗೆ ಕೇಂದ್ರ ರಕ್ಷಣಾ ಸಚಿವಾಲಯ ಒಪ್ಪಿಗೆ ಸೂಚಿಸಿದೆ.

  • ಹೆಲಿಕಾಪ್ಟರ್‌ಗಳ ಖರೀದಿಗೆ 21,000 ಕೋಟಿ ರೂಪಾಯಿಗೂ ಅಧಿಕ ಹಣ ಖರ್ಚಾಗಲಿದ್ದು, ಇವುಗಳ ಜತೆಗೆ ಇತರೆ 25,000 ಕೋಟಿ ರೂ. ಮೊತ್ತದ ಶಸ್ತ್ರಾಸ್ತ್ರಗಳ ಖರೀದಿ ಪ್ರಸ್ತಾವನೆಗೂ ರಕ್ಷಣಾ ಸಚಿವಾಲಯ ಹಸಿರು ನಿಶಾನೆ ತೋರಿದೆ.
  • ಖರೀದಿ ವ್ಯವಹಾರಗಳ ಕುರಿತ ಸಚಿವಾಲಯದ ಉನ್ನತ ಮಂಡಳಿ ಎನಿಸಿರುವ ರಕ್ಷಣಾ ಖರೀದಿ ಸಮಿತಿ (ಡಿಎಸಿ)ಯು ಮಹತ್ವದ ಈ ಎರಡು ಪ್ರಸ್ತಾವನೆಗಳಿಗೆ ಸಮ್ಮತಿ ನೀಡಿದೆ.
  • ವಿದೇಶಿ ಶಸ್ತ್ರಾಸ್ತ್ರ ತಯಾರಿಕಾ ಕಂಪನಿ ಮತ್ತು ಸ್ಥಳೀಯ ಖಾಸಗಿ ಕಂಪನಿಯ ವ್ಯೂಹಾತ್ಮಕ ಸಹಭಾಗಿತ್ವ (ಎಸ್‌ಪಿ)ದಲ್ಲಿ ಈ ನೌಕಾ ಹೆಲಿಕಾಪ್ಟರ್‌ಗಳು ಸಿದ್ಧಗೊಳ್ಳಲಿವೆ. ದೇಶದ ಆಯ್ದ ರಕ್ಷಣಾ ನೆಲೆಯೊಂದರಲ್ಲಿ ಇವುಗಳ ನಿರ್ಮಾಣ ಕಾರ್ಯ ನಡೆಯಲಿದ್ದು, ಇದು ದೇಶದ ಪ್ರಥಮ ರಕ್ಷಣಾ ಸಾಮಗ್ರಿ ತಯಾರಿಕಾ ಮಾದರಿ ಎನಿಸಿದೆ.

ಫಿರಂಗಿ ಗನ್‌ ವ್ಯವಸ್ಥೆ

  • ದೇಶಿಯವಾಗಿಯೇ ವಿನ್ಯಾಸಗೊಳಿಸಿ, ಅಭಿವೃದ್ಧಿ ಪಡಿಸಿದ 155 ಎಂಎಂ ಆಧುನಿಕ ಪಿರಂಗಿ ಗನ್‌ ವ್ಯವಸ್ಥೆ ಸೇರಿದಂತೆ ಹಲವು ಶಸ್ತ್ರಾಸ್ತ್ರಗಳ ಖರೀದಿ ಪ್ರಸ್ತಾವನೆಗೂ ಸಮ್ಮತಿ ದೊರೆತಿದೆ. ಪ್ರತಿ ಪಿರಂಗಿ ಗನ್‌ ವ್ಯವಸ್ಥೆಗೆ ಅಂದಾಜು 3,367.78 ಕೋಟಿ ರೂ. ವೆಚ್ಚ ತಗಲುತ್ತಿದ್ದು, ಇಂತಹ 150 ಶಸ್ತ್ರಾಸ್ತ್ರಗಳನ್ನು ಸೇನೆಯ ಬತ್ತಳಿಕೆಗೆ ಸೇರಿಸಲಾಗುತ್ತಿದೆ. ಒಟ್ಟು 24,879.16 ಕೋಟಿ ರೂ. ಮೊತ್ತದ ಇತರೆ ಶಸ್ತ್ರಾಸ್ತ್ರಗಳ ಖರೀದಿಗೆ ರಕ್ಷಣಾ ಸಚಿವಾಲಯ ಒಪ್ಪಿಗೆ ನೀಡಿದೆ.

 ‘ಬೇಟಿ ಬನಾವೋ’ ಯೋಜನೆ

ಸುದ್ಧಿಯಲ್ಲಿ ಏಕಿದೆ? ಮಧ್ಯಪ್ರದೇಶದ ಆಕಳುಗಳಿನ್ನು ಮೇಲೆ ಕೇವಲ ಹೆಣ್ಣು ಕರುಗಳಿಗೆ ಜನ್ಮ ನೀಡಲಿವೆ. ಅಲ್ಲಿನ ರಾಜ್ಯ ಸರಕಾರ ದನಗಳಿಗಾಗಿ ಬೇಟಿ ಬನಾವೋ ಯೋಜನೆಯನ್ನು ಜಾರಿಗೆ ತರುತ್ತಿದ್ದು ಲಿಂಗವನ್ನು ಮೊದಲೇ ನಿರ್ಣಯಿಸಬಹುದಾದ ಲಿಂಗ ವರ್ಗೀಕೃತ ವೀರ್ಯ ತಂತ್ರಜ್ಞಾನವನ್ನು ಪರಿಚಯಿಸುತ್ತಿದೆ.

ಉದ್ದೇಶ

  • ಜಾನುವಾರು ಮಾರುಕಟ್ಟೆಯಲ್ಲಿ ಹಸುವಿಗೆ 90% ಕ್ಕಿಂತ ಹೆಚ್ಚು ಬೇಡಿಕೆ ಇದೆ. ಎತ್ತುಗಳನ್ನು ಕೇವಲ ಸಂತಾನೋತ್ಪತ್ತಿಯ ಉದ್ದೇಶಕ್ಕಾಗಿ ಮಾತ್ರ ಬಳಸಲಾಗುತ್ತಿದ್ದು ಅವುಗಳ ಬೇಡಿಕೆ 10% ಕ್ಕಿಂತ ಕಡಿಮೆ ಇದೆ.
  • ಇದಕ್ಕಾಗಿ ಪ್ರಯೋಗಶಾಲೆ ಸ್ಥಾಪಿಸಲು ಅಮೇರಿಕಾ ಮೂಲದ ಕಂಪನಿಯೊಂದರ ಜತೆ ಸರಕಾರ ಒಪ್ಪಂದ ಮಾಡಿಕೊಂಡಿದ್ದು, ದೇಶದಲ್ಲಿನ ಟಾಪ್ 10 ವೀರ್ಯ ಕೇಂದ್ರಗಳಲ್ಲಿ ಒಂದಾದ ಭೋಪಾಲ್ ಕೇಂದ್ರ ವೀರ್ಯ ಕೇಂದ್ರದಲ್ಲಿ ಈ ಪ್ರಯೋಗಾಲಯವನ್ನು ಸ್ಥಾಪಿಸಲಾಗುವುದು.
  • ಲಿಂಗ ವರ್ಗೀಕೃತ ವೀರ್ಯ ತಂತ್ರಜ್ಞಾನವನ್ನು 8 ತಿಂಗಳೊಳಗೆ ರಾಜ್ಯದಲ್ಲಿ ಪರಿಚಯಿಸುತ್ತೇವೆ.

ಉಪಯುಕ್ತತೆ

  • ಇದು ಬೀದಿ ದನಗಳ ನಿಯಂತ್ರಣಕ್ಕೆ ಸಹಾಯಕವಾಗಲಿದೆ. ಜತೆಗೆ ಜಾನುವಾರು ಸಾಕಣೆದಾರರಿಗೆ ಲಿಂಗ ನಿರ್ಧರಿಸುವ ಆಯ್ಕೆಯನ್ನು ನೀಡುತ್ತದೆ. 90% ಜನರು ಎತ್ತುಗಳಿಗಿಂತ ಆಕಳಿಗೆ ಹೆಚ್ಚಿನ ಆದ್ಯತೆ ನೀಡುತ್ತಾರೆ. ವರ್ಷಕ್ಕೆ 2 ಲಕ್ಷ ವರ್ಗೀಕೃತ ವೀರ್ಯ ಅಭಿವೃದ್ಧಿ ಪಡಿಸುವ ಗುರಿ ಇದೆ.

ಮಾನವ ಸಹಿತ ಅಂತರಿಕ್ಷ ಯೋಜನೆ

ಸುದ್ಧಿಯಲ್ಲಿ ಏಕಿದೆ?ಒಂದೇ ರಾಕೆಟ್‌ನಲ್ಲಿ 104 ಉಪಗ್ರಹಗಳ ಉಡಾವಣೆ, ಚಂದ್ರಯಾನ-1, ಮಂಗಳಯಾನ ಯೋಜನೆ ಸೇರಿ ಹತ್ತು ಹಲವು ವಿಕ್ರಮಗಳನ್ನು ಸಾಧಿಸಿದ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೊ) ಈಗ ಮಾನವ ಸಹಿತ ಅಂತರಿಕ್ಷಯಾನಕ್ಕೆ ಸಜ್ಜಾಗಿದೆ.

  • ಅನ್ವೇಷಣೆಗೆ ದಾರಿ: ಬಾಹ್ಯಾಕಾಶ ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ಅನೇಕ ಮಜಲುಗಳನ್ನು ದಾಟಿ ಬಂದಿರುವ ಇಸ್ರೊಗೆ ಇದೊಂದು ಹೊಸ ಕಲಿಕೆಯ ಸವಾಲಾಗಿದೆ. ನೂತನ ಎಂಜಿನಿಯರಿಂಗ್‌ ಮತ್ತು ಜೈವಿಕ ತಂತ್ರಜ್ಞಾನ ಅಭಿವೃದ್ಧಿಯ ಸಾಧ್ಯತೆಗಳನ್ನು ಹುಟ್ಟುಹಾಕಲಿದೆ. 2022ರ ಹೊತ್ತಿಗೆ ಮಾನವ ಸಹಿತ ಅಂತರಿಕ್ಷಯಾನ ಕೈಗೊಳ್ಳುವ ಮೂಲಕ ಇಸ್ರೊ ವಿಶ್ವದ ನಾಲ್ಕನೇ ರಾಷ್ಟ್ರವೆನಿಸಿಕೊಳ್ಳುವುದು ಶತಃಸಿದ್ಧ. ವಿಶ್ವದಲ್ಲಿ ಅಮೆರಿಕ, ರಷ್ಯಾ, ಚೀನಾ ಮಾತ್ರ ಇದುವರೆಗೆ ಮಾನವ ಸಹಿತ ಅಂತರಿಕ್ಷಯಾನ ಯೋಜನೆಗಳನ್ನು ಕೈಗೊಂಡಿದೆ.
  • ಕ್ರ್ಯೂ ಎಸ್ಕೇಪ್‌ ಸಿಸ್ಟಮ್‌ ಸೇರಿದಂತೆ ಅನೇಕ ಹಂತದ ತಂತ್ರಜ್ಞಾನಗಳ ಅಭಿವೃದ್ಧಿ ಮತ್ತು ಸಂಶೋಧನೆ ಮೇಲೆ ಗಮನ ಕೇಂದ್ರೀಕರಿಸಲಾಗಿದೆ. ಕಂಟ್ರೋಲ್‌ ರೂಮ್‌, ಲ್ಯಾಂಚ್‌ ಪ್ಯಾಡ್‌ ಇತ್ಯಾದಿ ಮೂಲಸೌಕರ್ಯಗಳ ನಿರ್ಮಾಣ ಮತ್ತು ತಾಂತ್ರಿಕ ಸಹಕಾರಕ್ಕೆ ಜಾಗತಿಕ ಸಂಸ್ಥೆಗಳ ಜತೆ ಮಾತುಕತೆ ನಡೆಸಲಾಗಿದ್ದು, ಯಾವುದನ್ನೂ ಅಂತಿಮಗೊಳಿಸಿಲ್ಲ.
  • ಖಗೋಳಯಾನಿಗಳಿಗೆ ತರಬೇತಿ: ಭೂಮಿಯ ಗುರುತ್ವಾಕರ್ಷಣೆ ಬಲ ದಾಟಿ ಅಂತರಿಕ್ಷ ಪ್ರವೇಶಿಸುವ ನೌಕೆಯಲ್ಲಿ ಕಾಲ ಕಳೆಯುವ ಗಗನಯಾನಿಗಳಿಗೆ ದೈಹಿಕ, ಮಾನಸಿಕ ಮತ್ತು ತಾಂತ್ರಿಕ ತರಬೇತಿ ಅಗತ್ಯವಿರುತ್ತದೆ. ಅಲ್ಲಿನ ವಾತಾವರಣಕ್ಕೆ ಸರಿಹೊಂದುವಂತೆ ಜೈವಿಕ ಜೀವ ರಕ್ಷಕ ವ್ಯವಸ್ಥೆ ಕೂಡ ಹೆಚ್ಚು ಪ್ರಾಮುಖ್ಯತೆ ಪಡೆಯುತ್ತದೆ. ಇದರ ಜತೆಗೆ ಸಮುದ್ರಕ್ಕೆ ಇಳಿಯುವ ನೌಕೆಯಿಂದ ಖಗೋಳಯಾನಿಗಳನ್ನು ಕರೆತರುವ ತಾಂತ್ರಿಕ ಸಾಧನೋಪಕರಣಗಳ ಅಭಿವೃದ್ಧಿ ಇಸ್ರೊದ ಸದ್ಯದ ಆದ್ಯತೆಗಳಲ್ಲಿ ಒಂದಾಗಿದೆ
  • ಕ್ರಾಂತಿ ಮಾಡಲಿದೆ: ಅಂತರಿಕ್ಷದಿಂದ ನೌಕೆಯು ಭೂಮಿಯ ಗುರುತ್ವಬಲ ಪ್ರವೇಶಿಸುವ ವೇಳೆ ಅಪಾರ ಪ್ರಮಾಣದ ಘರ್ಷಣೆ ಉಂಟಾಗುತ್ತದೆ. ಇಂತಹ ಸಂದರ್ಭದಲ್ಲಿ ಕೂದಲಿಗಿಂತಲೂ ಸಣ್ಣದೊಂದು ಬಿರುಕು ಉಂಟಾದರೂ ನೌಕೆ ಭಸ್ಮಗೊಳ್ಳುತ್ತದೆ. ಇಂತಹ ಘರ್ಷಣೆ ತಾಳಿಕೊಳ್ಳುವ ಅಗ್ನಿ ನಿರೋಧಕ ಕವಚ ಅಭಿವೃದ್ಧಿಪಡಿಸಬೇಕಿದ್ದು, ಇಲ್ಲಿ ಅಗ್ನಿ ನಿರೋಧಕ ಕೆಮಿಕಲ್‌ಗಳು ದೊಡ್ಡ ಮಟ್ಟದಲ್ಲಿ ಕೆಲಸ ಮಾಡುತ್ತವೆ. ಹೊಸ ಸಂಶೋಧನೆಯ ಇಂತಹ ಕೆಮಿಕಲ್‌ಗಳು ಮುಂದೆ ಪೆಟ್ರೋಲಿಯಂ ಉದ್ಯಮದಲ್ಲಿ ದೊಡ್ಡ ಕ್ರಾಂತಿಗೂ ದಾರಿ ಮಾಡಿಕೊಡಲಿದೆ.
  • ಹಿಂದೆ ಇಸ್ರೊದ ರಾಕೆಟ್‌ನಲ್ಲಿ ಬಳಸಿದ್ದ ಲಿಥಿಯಂ ಬ್ಯಾಟರಿ ಇಂದು ಎಲೆಕ್ಟ್ರಿಕ್‌ ವಾಹನಗಳಲ್ಲಿ, ಮೊಬೈಲ್‌ಗಳಲ್ಲಿ ಯಥೇಚ್ಛವಾಗಿ ಬಳಕೆಯಾಗುತ್ತಿರುವುದನ್ನು ಅಲ್ಲಗಳೆಯುವಂತಿಲ್ಲ .
  • 10,000 ಕೋಟಿ ರೂ. : ಒಂದು ಅಂದಾಜಿನ ಪ್ರಕಾರ ಈ ಯೋಜನೆಗೆ 10 ಸಾವಿರ ಕೋಟಿ ರೂ. ತಗುಲುವ ನಿರೀಕ್ಷೆ ಇದೆ. ಮುಂದಿನ ದಿನಗಳಲ್ಲಿ ಯೋಜನಾ ನಿರ್ವಹಣಾ ತಂಡ ರಚನೆಯಾಗಲಿದೆ.

ಇಸ್ರೊ ಟಿವಿ ಚಾನೆಲ್‌

  • ಮಕ್ಕಳಲ್ಲಿ ವೈಜ್ಞಾನಿಕ ಮನೋಭಾವ ಬೆಳೆಸಲು ಹಾಗೂ ಬಾಹ್ಯಾಕಾಶ ಸಂಶೋಧನೆ ಬಗ್ಗೆ ಆಸಕ್ತಿ ಹೆಚ್ಚಿಸಲು ಇಸ್ರೊ, ಟಿವಿ ಚಾನೆಲ್‌ ಆರಂಭಿಸುವ ಯೋಜನೆ ಹಾಕಿಕೊಂಡಿದೆ. ಎಲ್ಲ ಸ್ಥಳೀಯ ಭಾಷೆಗಳಲ್ಲಿ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡುವ ಗುರಿ ಇರಿಸಿಕೊಳ್ಳಲಾಗಿದೆ. ಮುಂದಿನ ವರ್ಷದ ಹೊತ್ತಿಗೆ ಅಂತಿಮಗೊಳ್ಳಲಿದೆ.

ಏನಿದು ಕ್ರ್ಯೂ ಎಸ್ಕೇಪ್ ಸಿಸ್ಟಮ್ ?

  • ಅದು ಉಡಾವಣಾ ಕಾರ್ಯಾಚರಣೆ ಸ್ಥಗಿತಗೊಂಡಾಗ ಗಗನಯಾತ್ರಿಗಳಿಗೆ ಪಾರುಗಾಣಿಕಾ ಕಾರ್ಯವಿಧಾನವನ್ನು ಒದಗಿಸುತ್ತದೆ. ಸಿಬ್ಬಂದಿ ಪಾರುಗಾಣಿಕಾ ವ್ಯವಸ್ಥೆಯನ್ನು ಮಾನವ ಬಾಹ್ಯಾಕಾಶ ಯೋಜನೆ ಪ್ರಸ್ತಾಪಿಸಿದ ಭಾಗವಾಗಿ ಅಭಿವೃದ್ಧಿಪಡಿಸಲಾಗಿದೆ. ಭವಿಷ್ಯದ ಮಾನವನ ಬಾಹ್ಯಾಕಾಶ ಯಾತ್ರೆಗೆ ಇದು ಮೊದಲ ಪ್ಯಾಡ್ ಅಬಾರ್ಟ್ ಪರೀಕ್ಷಾ ವಿಮರ್ಶಾತ್ಮಕವಾಗಿತ್ತು, ಇದು ಉಡಾವಣಾ ಪ್ಯಾಡ್ನಲ್ಲಿಯಾವುದೇ ಆಕಸ್ಮಿಕವಾದ ಸಂದರ್ಭದಲ್ಲಿ ಸಿಬ್ಬಂದಿ ಘಟಕವನ್ನು ಸುರಕ್ಷಿತವಾಗಿ ಹಿಂಪಡೆಯುವಂತೆ ತೋರಿಸಿದೆ.

Related Posts
The government is striving to introduce five more labour reform legislations in the winter session of Parliament, including the bills to introduce a new wage and industrial relations code and ...
READ MORE
“27th ಏಪ್ರಿಲ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
ವಾಹನದಟ್ಟಣೆ ಬೆಂಗಳೂರು ನಂ.2 ಸಂಚಾರ ದಟ್ಟಣೆ ಸಮಸ್ಯೆಯಿಂದಾಗಿ ಇಡೀ ರಾಷ್ಟ್ರಕ್ಕೆ ವಾರ್ಷಿಕ 1.5 ಲಕ್ಷ ಕೋಟಿ ರೂ. ನಷ್ಟವಾಗುತ್ತದೆ ಎಂಬುದು ಇತ್ತಿಚಿನ ಅಧ್ಯಯನ ವರದಿ ತಿಳಿಸಿದೆ. ಬೆಂಗಳೂರು ಸೇರಿ ರಾಷ್ಟ್ರದ ನಾಲ್ಕು ಪ್ರಮುಖ ನಗರಗಳಾದ ದೆಹಲಿ, ಮುಂಬೈ ಮತ್ತು ಕೋಲ್ಕತದಲ್ಲಿ ನಡೆಸಲಾದ ಅಧ್ಯಯನದಿಂದ ಈ ...
READ MORE
Power crisis in Karnataka
According to the  Load Generation Balance Report for 2015-2016  Karnataka would face difficult times in the remaining months of the current fiscal year unless it takes immediate steps to address ...
READ MORE
National Current Affairs – UPSC/KAS Exams- 4th February 2019
‘Inkjet’ solar panels Topic: Science and Technology In News: Polish physicist developed a novel inkjet processing method for perovskites — a new generation of cheaper solar cells — that makes it possible ...
READ MORE
Internet of things
Internet of Things India Congress Why in News: The first edition of ‘IoT India Congress, 2016’ was in Bengaluru. The congress aims to bring together key stakeholders across the value chain and verticals to ...
READ MORE
“18th  ಸೆಪ್ಟೆಂಬರ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
ಬಡವರ ಬಂಧು ಯೋಜನೆ ಸುದ್ಧಿಯಲ್ಲಿ ಏಕಿದೆ ?ಮೀಟರ್ ಬಡ್ಡಿ ದಂಧೆಕೋರರಿಂದ ಬೀದಿ ಬದಿ ವ್ಯಾಪಾರಿ ಗಳನ್ನು ರಕ್ಷಿಸಲು ಸರ್ಕಾರ ರೂಪಿಸುತ್ತಿರುವ ಬಡವರ ಬಂಧು ಯೋಜನೆಯನ್ನು ಏಕಕಾಲಕ್ಕೆ ಎಲ್ಲ ಜಿಲ್ಲಾ ಕೇಂದ್ರಗಳಲ್ಲಿ ಜಾರಿಗೆ ತರಲು ನಿರ್ಧರಿಸಲಾಗಿದೆ. ಬೆಂಗಳೂರು, ಮೈಸೂರು, ಬೀದರ್, ಹಾಸನ, ಹುಬ್ಬಳ್ಳಿಯಲ್ಲಿ ಮಾತ್ರ ಪ್ರಾಯೋಗಿಕವಾಗಿ ...
READ MORE
Karnataka Current Affairs – KAS / KPSC Exams – 20th June 2017
ACB probe sought into delay in setting up waste-to-energy plant The Legislature Committee on Public Undertakings (CPU) has recommended that the government order an Anti-Corruption Bureau (ACB) probe into the issue ...
READ MORE
Akrama-Sakrama online process to start after a week (Karnataka Updates)
Citizens can apply online for regularisation of their properties under the Akrama-Sakrama scheme may have to wait at least a week as the Bruhat Bengaluru Mahanagara Palike (BBMP) is yet to ...
READ MORE
Karnataka Current Affairs – KAS/KPSC Exams – 15th – 16th Nov 2017
RERA: Only 69 projects registered in Hubballi-Dharwad and Belagavi areas The progress achieved as far as registration under the Real Estate (Regulation and Development) Act 2016 is concerned is abysmally low ...
READ MORE
“23rd & 24th ಜೂನ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
ಬೆಳುವಾಯಿ ಚಿಟ್ಟೆ ಪಾರ್ಕ್ ಸುದ್ದಿಯಲ್ಲಿ ಏಕಿದೆ? ಮೂಡುಬಿದಿರೆ ಸಮೀಪದ ಬೆಳುವಾಯಿಯಲ್ಲಿರುವ ಸಮ್ಮಿಲನ್ ಶೆಟ್ಟಿ ಅವರ ಚಿಟ್ಟೆ ಪಾರ್ಕ್ ವರ್ಲ್ಡ್ ಬುಕ್ ಆಫ್ ರೆಕಾರ್ಡ್​ನಲ್ಲಿ ಸ್ಥಾನ ಪಡೆದಿದೆ. ಗ್ರಾಮೀಣ ಭಾಗದಲ್ಲಿ ಸ್ಥಾಪನೆಯಾಗಿರುವ ಚಿಟ್ಟೆಪಾರ್ಕ್ ಈಗ ಅಂತಾರಾಷ್ಟ್ರೀಯ ಮನ್ನಣೆ ಪಡೆದಿದೆ. ಬೆಳುವಾಯಿ ಗ್ರಾಮದಲ್ಲಿ ಸಮ್ಮಿಲನ್ ಶೆಟ್ಟಿ ನಿರ್ವಿುಸಿದ ...
READ MORE
Labour reform bills to be introduced
“27th ಏಪ್ರಿಲ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
Power crisis in Karnataka
National Current Affairs – UPSC/KAS Exams- 4th February
Internet of things
“18th ಸೆಪ್ಟೆಂಬರ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
Karnataka Current Affairs – KAS / KPSC Exams
Akrama-Sakrama online process to start after a week
Karnataka Current Affairs – KAS/KPSC Exams – 15th
“23rd & 24th ಜೂನ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”

Leave a Reply

Your email address will not be published. Required fields are marked *