“01 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Aids: ಎಚ್‌ಐವಿ ಸೋಂಕಿತರ ಸಂಖ್ಯೆಯಲ್ಲಿ ಇಳಿಕೆ

1.

ಸುದ್ಧಿಯಲ್ಲಿ ಏಕಿದೆ ?ರಾಜ್ಯದಲ್ಲಿ ಕಳೆದ ಒಂದು ವರ್ಷದಲ್ಲಿ ಎಚ್‌ಐವಿ/ಏಡ್ಸ್‌ ಸೋಂಕಿತರ ಸಂಖ್ಯೆ ಶೇ. 25ರಷ್ಟು ಕುಸಿದಿದ್ದು, ಆ ಮೂಲಕ ಸೋಂಕಿತರ ಪಟ್ಟಿಯಲ್ಲಿ ಕರ್ನಾಟಕ 8 ರಿಂದ 9ನೇ ಸ್ಥಾನಕ್ಕೆ ಇಳಿದಿದೆ.

  • ರಾಜ್ಯದಲ್ಲಿ ಶೇ.38 ಲಕ್ಷ ಎಚ್‌ಐವಿ ಸೋಂಕಿತರಿದ್ದಾರೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಒಟ್ಟಾರೆ ಸೋಂಕಿತರ ಪ್ರಮಾಣ ಶೇ. 25ರಷ್ಟು ಇಳಿಕೆಯಾಗಿದ್ದು, ಪ್ರಮುಖವಾಗಿ ಪ್ರಸವ ಪೂರ್ವ ಎಚ್‌ಐವಿ ಪರೀಕ್ಷೆಗೆ ಆಸ್ಪತ್ರೆಗೆ ಬರುವ ಗರ್ಭಿಣಿಯರಲ್ಲಿ ಎಚ್‌ಐವಿ ಸೋಂಕು ಶೇ.0.06ಕ್ಕೆ ಕುಸಿದಿದೆ.
  • ಎಚ್‌ಐವಿ/ಏಡ್ಸ್‌ ಸೋಂಕಿತರಲ್ಲಿ ಮಿಜೋರಾಂ (ಶೇ. 19) ಮೊದಲನೇ ಸ್ಥಾನದಲ್ಲಿದ್ದು, ನಾಗಾಲ್ಯಾಂಡ್‌ (0.82) 2, ಮೇಘಾಲಯ (0.73) 3, ತ್ರಿಪುರ (0.56) 4, ಮಣಿಪುರಿ (0.57) 5ನೇ ಸ್ಥಾನದಲ್ಲಿದೆ. ಆದರೆ ನಿರಂತರ ಜಾಗೃತಿ ಹಾಗೂ ಚಿಕಿತ್ಸಾ ಕಾರ್ಯಕ್ರಮಗಳ ಯಶಸ್ಸಿನಿಂದಾಗಿ ಕರ್ನಾಟಕ 8ನೇ ಸ್ಥಾನದಿಂದ 9ನೇ ಸ್ಥಾನಕ್ಕೆ ಕುಸಿದಿದ್ದು, ಸೋಂಕಿತರ ಸಂಖ್ಯೆ ಶೇ. 25ರಷ್ಟು ಇಳಿಕೆಯಾಗಿದೆ ಎಂದು ಆರೋಗ್ಯ ಇಲಾಖೆ ಪ್ರಕಟಣೆಯಲ್ಲಿ ತಿಳಿಸಿದೆ.
  • ದಕ್ಷಿಣ ಭಾರತದಲ್ಲಿ ಎಚ್‌ಐವಿ ಸೋಂಕು ಹೆಚ್ಚಿರುವ ನಾಲ್ಕು ರಾಜ್ಯಗಳ ಪೈಕಿ ಕರ್ನಾಟಕ ಕೂಡ ಒಂದು.
  • ರಾಷ್ಟ್ರೀಯ ಏಡ್ಸ್‌ ನಿಯಂತ್ರಣ ಸಂಸ್ಥೆ (ನ್ಯಾಕೋ) ರಾಷ್ಟ್ರೀಯ ಏಡ್ಸ್‌ ನಿಯಂತ್ರಣ ಕಾರ್ಯಕ್ರಮದ ಭಾಗವಾಗಿ 1998ರಿಂದ ಎಚ್‌ಐವಿ ಕಣ್ಗಾವಲು ಸಮೀಕ್ಷೆ ನಡೆಸುತ್ತಿದೆ. ಸಮೀಕ್ಷೆ ಪ್ರಕಾರ ವಯಸ್ಕರಲ್ಲಿನ ಎಚ್‌ಐವಿ ಹರಡುವಿಕೆ ಪ್ರಮಾಣ ಗಣನೀಯವಾಗಿ ಕಡಿಮೆಯಾಗಿದೆ.
  • ಪ್ರಮುಖವಾಗಿ ಗರ್ಭಿಣಿಯರಲ್ಲಿ ಎಚ್‌ಐವಿ ಸೋಂಕು ಶೇ.06ರಷ್ಟು ಇಳಿಕೆಯಾಗಿದೆ. ಎಆರ್‌ಟಿ ಕೇಂದ್ರಗಳಲ್ಲಿ ಪ್ರಸ್ತುತ 1,61,925 ಎಚ್‌ಐವಿ ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ. 5,743 ಮಂದಿ ಎರಡನೇ ಹಂತದ ಚಿಕಿತ್ಸೆ, 147 ಮಂದಿ ಮೂರನೇ ಹಂತದ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಕಳೆದ 14 ವರ್ಷಗಳಲ್ಲಿ ರಾಜ್ಯದಲ್ಲಿ 67,780 ಮಂದಿ ಸಾವನ್ನಪ್ಪಿದ್ದಾರೆ.

ರಾಜ್ಯದ ವಿವರ

  • ಎಚ್‌ಐವಿ/ಏಡ್ಸ್‌ ಸೋಂಕಿತರದಲ್ಲಿ ರಾಜ್ಯದಲ್ಲಿ ಬಾಗಲಕೋಟ (ಶೇ. 41) ಮೊದಲ ಸ್ಥಾನದಲ್ಲಿದ್ದು, ಬೆಳಗಾವಿ (ಶೇ.1.32) 2, ವಿಜಯಪುರ (ಶೇ.1.30) 3, ಯಾದಗಿರಿ (ಶೇ.1.05) 4 ಹಾಗೂ ಚಿತ್ರದುರ್ಗ (ಶೇ.1.04) 5ನೇ ಸ್ಥಾನದಲ್ಲಿದೆ.
  • ಕಳೆದ ಎಂಟು ವರ್ಷಗಳಿಂದ ರಾಜ್ಯದಲ್ಲಿ ಎಚ್‌ಐವಿ ಸೋಂಕಿತರ ಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಇಳಿಮುಖವಾಗುತ್ತಿದ್ದು, ಅಂಕಿ- ಅಂಶಗಳ ಪ್ರಕಾರ ಪ್ರತೀ ವರ್ಷ ಲಕ್ಷಾಂತರ ಜನ ಮುಂಜಾಗ್ರತಾ ಕ್ರಮವಾಗಿ ಎಚ್‌ಐವಿ ತಪಾಸಣೆಗೊಳಗಾಗುತ್ತಿದ್ದಾರೆ. ಇದರಿಂದ ರಾಜ್ಯ 9ನೇ ಸ್ಥಾನಕ್ಕೆ ಇಳಿಯಲು ಸಾಧ್ಯವಾಗಿದೆ.

Aids Day 2018:

  • ಎಚ್‌ಐವಿ/ಏಡ್ಸ್‌ ನಿಯಂತ್ರಣಕ್ಕಾಗಿ ವಿಶ್ವ ಆರೋಗ್ಯ ಸಂಸ್ಥೆ ಡಿ.1 ಅನ್ನು ‘ವಿಶ್ವ ಏಡ್ಸ್‌ ದಿನ’ವನ್ನಾಗಿ ಘೋಷಿಸಿದ್ದು, ಎಚ್‌ಐವಿ/ಏಡ್ಸ್‌ ಸೋಂಕಿತರ ಸಂಖ್ಯೆಯನ್ನು ಶೂನ್ಯಕ್ಕೆ ತರಲು ಹಲವು ಕಾರ್ಯಕ್ರಮ ರೂಪಿಸುತ್ತಿದೆ.
  • ಜಾಗತಿಕವಾಗಿ ಮಾರಕವಾಗಿರುವ ಏಡ್ಸ್‌ ಕಾಯಿಲೆ ಬಗ್ಗೆ ಜಾಗೃತಿ ಮೂಡಿಸಲು, ರೋಗ ಬಾರದಂತೆ ಕೈಗೊಳ್ಳಬೇಕಾದ ಕ್ರಮ, ಚಿಕಿತ್ಸಾ ಕ್ರಮ ಮತ್ತು ಏಡ್ಸ್‌ ಲಕ್ಷಣಗಳ ಕುರಿತು ಅರಿವು ಮೂಡಿಸಲು ಈ ದಿನವನ್ನು ಮೀಸಲಿರಿಸಲಾಗಿದೆ.
  • ಈ ವರ್ಷಕ್ಕೆ ನಿಮ್ಮ ಎಚ್‌ಐವಿ ಸ್ಥಿತಿ ತಿಳಿಯಲು ಕೂಡಲೇ ಎಚ್‌ಐವಿ ಪರೀಕ್ಷೆ ಮಾಡಿಸಿಎಂಬ ಘೋಷಣೆ ಯಡಿ ಏಡ್ಸ್‌ ದಿನ ಆಚರಿಸಲಾಗುತ್ತಿದೆ

ಎಚ್‌ಐವಿ/ಏಡ್ಸ್‌ ಎಂದರೇನು? ತಿಳಿದುಕೊಳ್ಳಬೇಕಾದ ಅಂಶಗಳು

  • ಎಚ್‌ಐವಿ (Human immunodeficiency virus) ಎನ್ನುವುದು ವೈರಸ್ ಮೂಲಕ ಹರಡುವ ಕಾಯಿಲೆಯಾಗಿದೆ. ಮನುಷ್ಯನ ದೇಹದ ರೋಗ ನಿರೋಧಕ ಶಕ್ತಿಯನ್ನು ಹಂತಹಂತವಾಗಿ ನಾಶಗೊಳಿಸಿ, ದುರ್ಬಲಗೊಳಿಸುತ್ತಾ ಹೋಗುತ್ತದೆ. ಇದರಿಂದ ವಿವಿಧ ರೋಗಗಳು ಸುಲಭವಾಗಿ ದೇಹವನ್ನು ಆಕ್ರಮಿಸುತ್ತವೆ. ಪ್ರಮುಖವಾಗಿ ಸಿಡಿ-4 ಕೋಶವನ್ನು ನಾಶಪಡಿಸುತ್ತಾ ಹೋಗುತ್ತದೆ.
  • ಎಚ್‌ಐವಿ ಪೀಡಿತ ವ್ಯಕ್ತಿ ಏಡ್ಸ್‌ (Acquired Immune Deficiency Syndrome)ಗೆ ತುತ್ತಾಗುತ್ತಾನೆ. ಆರೋಗ್ಯವಂತ ವ್ಯಕ್ತಿ ಪ್ರತಿ ಎಂಎಂ3ಗೆ 500-1500 ರವರೆಗೂ ಸಿಡಿ4 ಕೋಶ ಹೊಂದಿರುತ್ತಾನೆ. ಆದರೆ ರೋಗಪೀಡಿತನಿಗೆ ಅವು 200ಕ್ಕಿಂತ ಕಡಿಮೆ ಇರುತ್ತವೆ.
  • ಎಚ್‌ಐವಿ ಪೀಡಿತ ವ್ಯಕ್ತಿಯ ರಕ್ತದ ಸಂಪರ್ಕಕ್ಕೆ ಬಂದರೆ, ವೀರ್ಯ, ಗುಪ್ತ ರೋಗಗಳು, ರೋಗಪೀಡಿತರೊಂದಿಗೆ ಅಸುರಕ್ಷಿತ ಲೈಂಗಿಕ ಸಂಪರ್ಕ, ತಾಯಿಗೆ ಎಚ್‌ಐವಿ ಇದ್ದು ಮಗುವಿಗೆ ಮೊಲೆ ಹಾಲು ಕುಡಿಸಿದರೆ ಅದರಿಂದ ರೋಗ ಹರಡುತ್ತದೆ.
  • ಆದರೆ ರೋಗಪೀಡಿತ ವ್ಯಕ್ತಿಗೆ ಶೇಖ್‌ಹ್ಯಾಂಡ್ ನೀಡುವುದರಿಂದ, ತಬ್ಬಿಕೊಳ್ಳುವುದರಿಂದ, ಆಹಾರ, ಬಟ್ಟೆ ಹಂಚಿಕೊಳ್ಳುವುದರಿಂದ ರೋಗ ಹರಡುವುದಿಲ್ಲ.
  • ಎಚ್‌ಐವಿ ಪೀಡಿತರಾದವರಿಗೆ ಆರಂಭದಲ್ಲಿ ಜ್ವರ, ಚರ್ಮದ ಕಾಯಿಲೆ, ಉಬ್ಬಸ, ನೋವು, ತಲೆನೋವು, ಹೊಟ್ಟೆ ಕೆಡುವುದು ಸಹಿತ ವಿವಿಧ ರೋಗಗಳು ಕಾಣಿಸಿಕೊಳ್ಳುತ್ತವೆ. ರೋಗ ನಿರೋಧಕ ಶಕ್ತಿ ಕ್ಷೀಣಿಸುವುದರಿಂದ ನಿಧಾನವಾಗಿ ಒಂದೊಂದೇ ರೋಗ ಬರಲಾರಂಭಿಸುತ್ತದೆ. ಔ‍ಷಧ ಸೇವಿಸಿದರೂ ಅದರ ಪರಿಣಾಮ ಕಡಿಮೆಯಿರುತ್ತದೆ.
  • ಎಚ್‌ಐವಿ ಪೀಡಿತರ ದೇಹದ ರೋಗ ನಿರೋಧಕ ಶಕ್ತಿ ಕ್ಷೀಣಿಸುವುದರಿಂದ ಟಿಬಿ, ವಿವಿಧ ಬ್ಯಾಕ್ಟೀರಿಯ ಸಂಬಂಧಿತ ಕಾಯಿಲೆ, ಕ್ಯಾನ್ಸರ್ ಕೂಡ ಕಾಣಿಸಿಕೊಳ್ಳುತ್ತದೆ.
  • ಎಚ್‌ಐವಿಗೆ ಯಾವುದೇ ಪರಿಣಾಮಕಾರಿ ಚಿಕಿತ್ಸೆಯಿಲ್ಲ. ಆದರೆ ರೋಗದ ಕುರಿತು ಪತ್ತೆಹಚ್ಚಿದರೆ, ಅದರಿಂದ ಮುಕ್ತಿ ಪಡೆಯಲಾಗದಿದ್ದರೂ, ಸ್ವಲ್ಪ ಕಾಲ ಹೆಚ್ಚುವರಿ ಜೀವನ ನಡೆಸಬಹುದು. ಜತೆಗೆ ಎಚ್‌ಐವಿ ಪೀಡಿತರೊಂದಿಗೆ ಇರುವವರಿಗೆ ರೋಗ ಹರಡದಂತೆ ತಡೆಯಬಹುದು. ಅಲ್ಲದೆ ಸೂಕ್ತ ಚಿಕಿತ್ಸೆಯು ರೋಗಿ ಬದುಕಿರುವವರೆಗೆ ಉತ್ತಮ ಜೀವನ ನಡೆಸಲು ಅನುವು ಮಾಡಿಕೊಡುತ್ತದೆ.

ನವೋದ್ಯಮಕ್ಕೆ ಪ್ರಾಧಿಕಾರ:

2.

ಸುದ್ಧಿಯಲ್ಲಿ ಏಕಿದೆ ?ತಂತ್ರಜ್ಞಾನ ಆಧಾರಿತ ನವೋದ್ಯಮಗಳ ಉತ್ತೇಜನಕ್ಕೆ ಸರಕಾರ ಹೊಸದಾಗಿ ಆವಿಷ್ಕಾರ ಪ್ರಾಧಿಕಾರ ಸ್ಥಾಪಿಸಲಿದೆ ಎಂದು ಸಿಎಂ ಕುಮಾರಸ್ವಾಮಿ ಘೋಷಿಸಿದರು.

  • ರಾಜ್ಯ ವಿಜ್ಞಾನ-ತಂತ್ರಜ್ಞಾನ ಹಾಗೂ ಐಟಿ-ಬಿಟಿ ಇಲಾಖೆಯು ಅರಮನೆ ಮೈದಾನದಲ್ಲಿ ಆಯೋಜಿಸಿರುವ ಮೂರು ದಿನಗಳ ಬೆಂಗಳೂರು ಟೆಕ್‌ ಸಮ್ಮೇಳನ-2018′ ಉದ್ಘಾಟಿಸಿ ಅವರು ಈ ವಿಷಯ ಪ್ರಕಟಿಸಿದರು.
  • ಬೆಂಗಳೂರು ಐಟಿ-ಬಿಟಿ ಕ್ಷೇತ್ರದಲ್ಲಿ ನಾನಾ ಸಾಧನೆಗಾಗಿ ಮುಂಚೂಣಿಯಲ್ಲಿದೆ. ಹೊಸ ತಂತ್ರಜ್ಞಾನ ಹಾಗೂ ಆವಿಷ್ಕಾರವನ್ನು ಪ್ರೋತ್ಸಾಹಿಸಲು ಸಿಎಂ ಅಧ್ಯಕ್ಷತೆಯಲ್ಲಿ ಪ್ರಾಧಿಕಾರ ರಚನೆಯಾಗಲಿದೆ. ಇದು ಬೌದ್ಧಿಕ ಆಸ್ತಿ ಹಕ್ಕುಸ್ವಾಮ್ಯದ ಮೂಲಕ ವಾಣಿಜ್ಯ ಚಟುವಟಿಕೆಯನ್ನು ಕಾನೂನು ಸಹಯೋಗದಲ್ಲಿ ಮುಂದುವರಿಸಲು ಸಹಕಾರಿಯಾಗಲಿದೆ.
  • ಸರಕಾರ ನವೋದ್ಯಮ ಆರಂಭಿಸುವವರಿಗೆ 50 ಲಕ್ಷ ರೂ. ನೆರವು ನೀಡುತ್ತಿದೆ. ಪ್ರಸಕ್ತ ಸಾಲಿನಲ್ಲಿ 77 ನವೋದ್ಯಮಕ್ಕೆ ನೆರವು ಒದಗಿಸಲು 16 ಕೋಟಿ ರೂ. ಅನುದಾನ ನಿಗದಿಯಾಗಿದೆ. ಹೈ-ಕ ಭಾಗದ ಹತ್ತು ನವೋದ್ಯಮಕ್ಕೆ 11 ಕೋಟಿ ರೂ. ಮೀಸಲಿರಿಸಲಾಗಿದೆ

ಆವಿಷ್ಕಾರ ಕೇಂದ್ರ ಆರಂಭಕ್ಕೆ ಆದ್ಯತೆ

  • ಬೆಂಗಳೂರಿನ ಐಟಿ-ಬಿಟಿ ಉದ್ಯಮಗಳಿಂದ ಹತ್ತ ಲಕ್ಷ ನೇರ ಉದ್ಯೋಗ ಹಾಗೂ 30 ಲಕ್ಷ ಪರೋಕ್ಷ ಉದ್ಯೋಗ ಸೃಷ್ಟಿಯಾಗಿದೆ. 2016ರಲ್ಲಿ 943 ಕಂಪನಿಗಳಿದ್ದಲ್ಲಿ 2017ರಲ್ಲಿ 976ಕ್ಕೆ ಏರಿದೆ. ಇವುಗಳಲ್ಲಿ ಶೇ.65ರಷ್ಟು ಅಮೆರಿಕ ಕಂಪನಿಗಳಾಗಿದ್ದು, ಜಾಗತಿಕ ಮಟ್ಟದ ಕಂಪನಿಗಳಿಗೂ ಬೆಂಗಳೂರು ಹೂಡಿಕೆ ಹಾಗೂ ಉದ್ಯಮ ವಿಸ್ತರಣೆಗೆ ಪ್ರಾಶಸ್ತ್ಯ ತಾಣವಾಗಿ ಮಾರ್ಪಟ್ಟಿದೆ.
  • ಹೊಸ ತಾಂತ್ರಿಕತೆಯನ್ನು ಮುನ್ನೆಲೆಗೆ ತರಲು ಸರಕಾರ ಸಿ-ಕ್ಯಾನ್‌ಸಂಸ್ಥೆಯ ನೆರವಿನೊಂದಿಗೆ ಆವಿಷ್ಕಾರ ಕೇಂದ್ರವನ್ನು ಸ್ಥಾಪಿಸಲಿದೆ. ಈಗಾಗಲೇ 58 ಕನ್‌ಕ್ಯೂಬೇಷನ್‌ ಸೆಂಟರ್‌ ಆರಂಭಗೊಂಡಿದ್ದು, ಕೃಷಿ ಸಂಬಂಧಿತ ಸಂಶೋಧನೆ ಕೇಂದ್ರಗಳನ್ನು ತೆರೆಯಲಾಗುವುದು.

ಕಣ್ಣೂರು ಏರ್‌ಪೋರ್ಟ್‌ ಲೋಕಾರ್ಪಣೆ

3.

ಸುದ್ಧಿಯಲ್ಲಿ ಏಕಿದೆ ?ಹಲವು ಹೊಸತನದೊಂದಿಗೆ ಅತ್ಯಾಧುನಿಕ ತಂತ್ರಜ್ಞಾನದಲ್ಲಿ ನಿರ್ಮಾಣವಾಗಿರುವ ಕಣ್ಣೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಪ್ರಯಾಣಿಕರ ಬಳಕೆಗೆ ಸಜ್ಜಾಗಿದ್ದು, ಡಿ.9 ರಂದು ಲೋಕಾರ್ಪಣೆಯಾಗಲಿದೆ.

  • ಮೊದಲ ವಿಮಾನ ಅಬುಧಾಬಿಗೆ ಹಾರಾಟ ನಡೆಸಲಿದೆ.
  • ಒಟ್ಟು ಆರು ಅಂತಸ್ತಿನ ಟರ್ಮಿನಲ್‌ ಕಟ್ಟಡ, ಎಲ್ಲ ವ್ಯವಸ್ಥೆಯನ್ನು ಒಳಗೊಂಡಿರುವ ಎಟಿಎಸ್‌ನ ಅಂತಿಮ ಕಾಮಗಾರಿ ಪೂರ್ಣಗೊಂಡಿದೆ.
  • ಕೆಲವು ದಿನಗಳಲ್ಲಿ ಆಂತರಿಕ ವಿಮಾನ ಹಾರಾಟ ಸೇವೆ ಆರಂಭವಾಗಲಿದೆ. ಬೆಂಗಳೂರು, ಹುಬ್ಬಳ್ಳಿ, ಚೆನ್ನೈ, ಹೈದರಾಬಾದ್‌, ಗೋವಾ, ಮುಂಬಯಿ, ಕೋಲ್ಕತ್ತಾ ಸೇರಿದಂತೆ ಪ್ರಮುಖ ನಗರಗಳಿಗೆ ಹಾರಾಟ ನಡೆಸಲು ವಿವಿಧ ವಿಮಾನಯಾನ ಸಂಸ್ಥೆಗಳು ಮುಂದೆ ಬಂದಿವೆ. ಅದೇ ರೀತಿ ಸರಕು ಸಾಗಣೆಗೆ ಕೂಡ ವ್ಯವಸ್ಥೆ ಮಾಡಲಾಗುತ್ತಿದ್ದು, ಹಂತಹಂತವಾಗಿ ಜಾರಿಗೆ ಬರಲಿದೆ.
  • ಆಧುನಿಕ ವ್ಯವಸ್ಥೆ: ಪ್ರಯಾಣಿಕರಿಗೆ ಹೆಚ್ಚಿನ ತೊಂದರೆಯಾಗದಂತೆ ಆಧುನಿಕ ವ್ಯವಸ್ಥೆ ಮಾಡಲಾಗಿದೆ. ನೂತನ ಸ್ಕ್ಯಾ‌ನಿಂಗ್‌ ತಂತ್ರಜ್ಞಾನದಿಂದ ತಪಾಸಣೆ ಶೀಘ್ರವಾಗಿ ಮುಗಿಯಲಿದೆ. ಅಲ್ಲದೇ, ಲಗ್ಗೇಜ್‌ ಡ್ರಾಪಿಂಗ್‌ ಸಿಸ್ಟಮ್‌ ಎಂಬ ತಂತ್ರಜ್ಞಾನ ಕೂಡ ಮಿಂಚಿನ ವೇಗದಲ್ಲಿ ಲಗ್ಗೇಜ್‌ಗಳನ್ನು ಪರಿಶೀಲನೆ ನಡೆಸಲಿದೆ. ಪ್ರತಿ ಗಂಟೆಗೆ 2 ಸಾವಿರ ಮಂದಿ ಪ್ರಯಾಣಿಕರನ್ನು ತಪಾಸಣೆ ಮಾಡಿ ಪ್ರಯಾಣಕ್ಕೆ ಅವಕಾಶ ಕಲ್ಪಿಸುವ ವ್ಯವಸ್ಥೆ ಇಲ್ಲಿದೆ.
  • ಇದೀಗ 24 ಚೆಕ್‌ ಇನ್‌ ಕೌಂಟರ್‌ಗಳಿದ್ದು, ಬೇಡಿಕೆ ಆಧರಿಸಿ 48 ಕೌಂಟರ್‌ಗಳಿಗೆ ಹೆಚ್ಚಿಸುವ ಅವಕಾಶವನ್ನು ಹೊಂದಿದೆ. ಜನವರಿಯಲ್ಲಿ 13 ವಿಮಾನಗಳ ಹಾರಾಟ ನಡೆಯಲಿದ್ದು, ವಿದೇಶಿ ಸಂಸ್ಥೆಗಳ ವಿಮಾನ ಸೇವೆ ಆರಂಭಿಸಲು ಅನುಮತಿಗಾಗಿ ಕಾಯಲಾಗುತ್ತಿದೆ.

ಕಣ್ಣೂರು-ಮೈಸೂರು ರಾಷ್ಟ್ರೀಯ ಹೆದ್ದಾರಿ

  • ನೂತನ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ಆರಂಭವಾಗಲಿರುವುದರಿಂದ ಕಣ್ಣೂರು-ವಿರಾಜಪೇಟೆ-ಮೈಸೂರು ಸಂಪರ್ಕ ಮೇಲ್ದರ್ಜೆಗೆ ಏರಲಿದ್ದು, ರಾಷ್ಟ್ರೀಯ ಹೆದ್ದಾರಿಯಾಗಿ ಪರಿವರ್ತನೆಯಾಗಲಿದೆ
  • ವಿಮಾನ ನಿಲ್ದಾಣಕ್ಕೆ ಸಂಪರ್ಕ ಕಲ್ಪಿಸುವ ಆರು ಪ್ರಮುಖ ರಸ್ತೆಗಳು ಮೇಲ್ದರ್ಜೆಗೆ ಏರಲಿದೆ. ಅದರಲ್ಲಿ ಕಣ್ಣೂರಿನಿಂದ ಕೊಡಗಿನ ವಿರಾಜಪೇಟೆ ಮೂಲಕ ಮೈಸೂರು ಸಂಪರ್ಕ ಕಲ್ಪಿಸುವ ರಸ್ತೆಯೂ ಒಂದು. ಈಗಾಗಲೇ ಕೇಂದ್ರ ಸರಕಾರಕ್ಕೆ ಮನವಿ ಸಲ್ಲಿಸಿದ್ದು, ಒಪ್ಪಿಗೆ ನೀಡಿದೆ.

ರಾಜ್ಯಕ್ಕೆ ಏನು ಪ್ರಯೋಜನ?

  • ಕರ್ನಾಟಕ ಗಡಿ ಜಿಲ್ಲೆಗಳಿಗೆ ಹಲವು ರೀತಿಯ ಪ್ರಯೋಜನ ನಿರೀಕ್ಷಿಸಲಾಗಿದೆ. ಮೈಸೂರು, ಕೊಡಗು, ದಕ್ಷಿಣ ಕನ್ನಡ, ಹಾಸನ ಜಿಲ್ಲೆಗಳಿಗೆ ಹೆಚ್ಚು ಪ್ರಯೋಜನವಾಗುವ ಸಾಧ್ಯತೆ ಇದೆ. ಕೃಷಿ, ಪ್ರವಾಸೋದ್ಯಮ ಹಾಗೂ ಐಟಿ ವಲಯದಲ್ಲಿ ಸಂಚಲನ ಮೂಡಲಿದೆ ಎನ್ನಲಾಗಿದೆ.
  • ಈ ಜಿಲ್ಲೆಗಳಲ್ಲಿ ಬೆಳೆಯುವ ಕೃಷಿ ಹಾಗೂ ಪುಷ್ಪೋದ್ಯಮಕ್ಕೆ ವಿದೇಶದಲ್ಲಿ ಮಾರುಕಟ್ಟೆ ದೊರೆಯಲಿದೆ. ಹೆಚ್ಚಾಗಿ ಹೊರ ರಾಜ್ಯ ಹಾಗೂ ವಿದೇಶದ ಪ್ರವಾಸಿಗರನ್ನು ದೃಷ್ಟಿಯಲ್ಲಿಟ್ಟುಕೊಳ್ಳಲಾಗಿದೆ.

ಹವಾಮಾನ ಬದಲಾವಣೆ

4.

ಸುದ್ಧಿಯಲ್ಲಿ ಏಕಿದೆ ?ಹವಾಮಾನ ಬದಲಾವಣೆ ಹಾಗೂ ಜಾಗತಿಕ ತಾಪಮಾನ ಬದಲಾವಣೆಯ ಪ್ರಭಾವದಿಂದ ಕರಾವಳಿ ಪ್ರದೇಶಗಳ ಮೇಲೆ ಅತಿ ಕೆಟ್ಟ ಪರಿಣಾಮಗಳು ಬೀರುತ್ತಿದೆ. ಸಮುದ್ರದಲ್ಲಿ ಹೆಚ್ಚುತ್ತಿರುವ ನೀರಿನ ಮಟ್ಟದಿಂದಾಗಿ ದೇಶದ ಹಲವು ಕರಾವಳಿ ತೀರದ ಪ್ರದೇಶಗಳು ಸಂಪೂರ್ಣ ಮುಳುಗಡೆಯಾಗಿವೆ. ಅಲ್ಲದೆ, ಇನ್ನು ಹಲವು ಪ್ರದೇಶಗಳು ಮುಳುಗಡೆಯಾಗುವ ಭೀತಿಯಲ್ಲಿವೆ.

  • ಪಶ್ಚಿಮ ಬಂಗಾಳದ ಘೋರಾಮಾರ ದ್ವೀಪದ ನಿವಾಸಿಗಳು ಸಹ ಜಾಗತಿಕ ತಾಪಮಾನ ಬದಲಾವಣೆಯಿಂದಾಗಿ ಮುಳುಗಡೆಯಾಗುವ ಭೀತಿಯಲ್ಲಿದ್ದಾರೆ.
  • ಸುಂದರ್‌ಬನ್‌ ಡೆಲ್ಟಾದಲ್ಲಿರುವ ಹಲವು ದ್ವೀಪಗಳಲ್ಲಿ ಘೋರಾಮಾರ ಸಹ ಒಂದಾಗಿದ್ದು, ಸಮುದ್ರದಲ್ಲಿ ನೀರಿನ ಮಟ್ಟ ಏರಿಕೆ ಹಾಗೂ ಮಣ್ಣಿನ ಸವಕಳಿಯಿಂದಾಗಿ ಆ ದ್ವೀಪಕ್ಕೆ ಹಾನಿಯಾಗಿದೆ. ಅಲ್ಲದೆ, ಪ್ರದೇಶದಲ್ಲಿರುವ ಲೋಹಾಚಾರ ಎಂಬ ಮತ್ತೊಂದು ದ್ವೀಪ ನೀರಿನಿಂದಾಗಿ ಕಣ್ಮರೆಯಾಗಿದ್ದು, ಜನರೆಲ್ಲ ಅಲ್ಲಿಂದ ಕಾಲ್ಕಿತ್ತಿದ್ದು, ಸಾಗರ್‌ ಎಂಬ ಮತ್ತೊಂದು ದ್ವೀಪದಲ್ಲಿ ನೆಲೆಸಿದ್ದಾರೆ.

ಹವಾಮಾನ ಬದಲಾವಣೆಯ ಪರಿಣಾಮಗಳು

  • ಇನ್ನೊಂದೆಡೆ, ವೇಗವಾಗಿ ಮಣ್ಣು ಸವೆತವಾಗುತ್ತಿರುವುದರಿಂದ ಘೋರಾಮಾರ ದ್ವೀಪದ ವಿಸ್ತೀರ್ಣ ಕಳೆದ 4 ದಶಕಗಳಲ್ಲಿ 26 ಚದರ ಕಿ.ಮೀನಿಂದ 7 ಚದರ ಕಿ.ಮೀ. ಗೆ ಇಳಿಕೆಯಾಗಿದೆ. ಅಲ್ಲದೆ, ಪ್ರದೇಶದಲ್ಲಿ ಪ್ರವಾಹ ಅತಿಯಾಗುತ್ತಿದ್ದು, ಮನೆಗಳು, ಜೀವನೋಪಾಯಕ್ಕೆ ತೀವ್ರ ತೊಂದರೆಯಾಗುತ್ತಿದೆ

ನಿಫಾ ವೈರಸ್ ಅಲರ್ಟ್

5.

ಸುದ್ಧಿಯಲ್ಲಿ ಏಕಿದೆ ?ಮಳೆಗಾಲದಲ್ಲಿ ಕೇರಳದಲ್ಲಿ ಕಾಣಿಸಿಕೊಂಡು ಭಾರೀ ತೊಂದರೆ ಉಂಟುಮಾಡಿದ್ದ ನಿಫಾ ವೈರಸ್ ಮತ್ತೆ ಹಲವೆಡೆ ಕಾಣಿಸಿಕೊಂಡಿದ್ದು, ಕೇರಳ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ರಾಜ್ಯದೆಲ್ಲೆಡೆ ಜನರಿಗೆ ಎಚ್ಚರಿಕೆಯ ಸಂದೇಶ ರವಾನಿಸಿದೆ.

  • ಸೋಂಕು ಹರಡುವ ಬಗೆ, ತಡೆಯುವುದು ಹೇಗೆ, ಚಿಕಿತ್ಸಾ ಕ್ರಮ ಕುರಿತು ಜಿಲ್ಲಾ ಆರೋಗ್ಯ ಇಲಾಖೆ ಮೂಲಕ ಎಲ್ಲ ಪ್ರದೇಶಗಳಲ್ಲಿ ಸೂಕ್ತ ಮುನ್ನೆಚ್ಚರಿಕೆ ಮತ್ತು ಜಾಗೃತಿ ಮೂಡಿಸಲಾಗುತ್ತಿದೆ.

ಮುನ್ನೆಚ್ಚರಿಕೆ ಕ್ರಮಗಳು

  • ಸಾರ್ವಜನಿಕರು ತರಕಾರಿಗಳು, ಹಣ್ಣುಹಂಪಲುಗಳನ್ನು ಸೇವಿಸುವಾಗ ಜಾಗ್ರತೆ ಪಾಲಿಸಬೇಕು. ಚೆನ್ನಾಗಿ ತೊಳೆದು ಶುಚಿಗೊಳಿಸಿದ ಬಳಿಕ ಇವುಗಳನ್ನು ಸೇವಿಸಬೇಕು.
  • ತೆರೆದ ಸ್ಥಳಗಳಲ್ಲಿ ಬೆಳೆಯುವ ಫಲಗಳನ್ನು ಸೇವಿಸುವಾಗ ಎಚ್ಚರಿಕೆ ವಹಿಸಬೇಕು. ಈ ವಿಷಯದಲ್ಲಿ ಜನರಿಗೆ ತಿಳಿವಳಿಕೆ ಮೂಡಿಸಲು ಜಾಗ್ರತೆ ನಿರ್ದೇಶನದಲ್ಲಿ ಹೇಳಲಾಗಿದೆ.
  • ಕೆಮ್ಮಿನಂತಹ ನಿಫಾ ಲಕ್ಷಣಗಳೊಂದಿಗೆ ಬರುವವರ ತಪಾಸಣೆಗೆ ಪ್ರತ್ಯೇಕ ವ್ಯವಸ್ಥೆ ಮಾಡಬೇಕು ಎಂದೂ, ಇಲ್ಲಿ ಹೊಣೆಗಾರಿಕೆ ಇರುವ ವೈದ್ಯರು, ಸಿಬ್ಬಂದಿ ಕಡ್ಡಾಯವಾಗಿ ಮಾಸ್ಕ್‌ ಧರಿಸಬೇಕು ಎಂದು ತಿಳಿಸಲಾಗಿದೆ.
  • ಕೆಮ್ಮು ಇರುವವರು ಮನೆಯಿಂದ ಹೊರಗೆ ಬರುವಾಗ, ಇತರರೊಂದಿಗೆ ವ್ಯವಹರಿಸುವಾಗ ಮಾಸ್ಕ್‌ ಅಥವಾ ಟವೆಲ್‌ ಉಪಯೋಗಿಸಬೇಕು.

ನಿಪಾ ವೈರಸ್ ಎಂದರೇನು?

  • ನಿಪಾ ವೈರಸ್ ಎಂಬುದು 1998 ಮತ್ತು 1999 ರಲ್ಲಿ ಮಲೇಷಿಯಾ ಮತ್ತು ಸಿಂಗಾಪುರ್ಗಳಲ್ಲಿ ಉಂಟಾದ ಉದಯೋನ್ಮುಖ ಸಾಂಕ್ರಾಮಿಕ ಕಾಯಿಲೆಯಾಗಿದೆ.
  • ಇದು ಮೊದಲು ದೇಶೀಯ ಹಂದಿಗಳಲ್ಲಿ ಕಂಡುಬಂದಿದೆ ಮತ್ತು ನಾಯಿಗಳು, ಬೆಕ್ಕುಗಳು, ಆಡುಗಳು, ಕುದುರೆಗಳು ಮತ್ತು ಕುರಿಗಳೂ ಸೇರಿದಂತೆ ಹಲವು ಪ್ರಭೇದ ಪ್ರಾಣಿಗಳ ನಡುವೆ ಕಂಡುಬಂದಿದೆ. ಈ ಸೋಂಕು ಮಾನವರ ಮೇಲೆ ಪ್ರಭಾವ ಬೀರುತ್ತದೆ ಎಂದು ತಿಳಿದುಬರುತ್ತದೆ.
  • ನಿಪಾಹ್ ವೈರಸ್ ಎನ್ಸೆಫಾಲಿಟಿಸ್ ಅನ್ನು ಉಂಟುಮಾಡುವ ಜೀವಿಯು ಕುಟುಂಬದ ಪ್ಯಾರಮೈಕ್ಸೊವಿಡೆ, ಜೆನಿಸ್ ಹೆನಿಪಾವೈರಸ್ನ ಆರ್ಎನ್ಎ ಅಥವಾ ರಿಬೋನ್ಯೂಕ್ಲಿಕ್ ಆಸಿಡ್ ವೈರಸ್, ಮತ್ತು ಇದು ಹೆಂಡ್ರ್ರಾ ವೈರಸ್ಗೆ ನಿಕಟ ಸಂಬಂಧ ಹೊಂದಿದೆ.
  • ನಿಪಾ ವೈರಸ್ ಸೋಂಕಿನಿಂದ ಮಲೇಷಿಯಾದಲ್ಲಿನ ಹಳ್ಳಿಯಿಂದ ತನ್ನ ಹೆಸರನ್ನು ಪಡೆಯುತ್ತದೆ, ಅಲ್ಲಿ ವೈರಸ್ ಮೊದಲು ಪ್ರತ್ಯೇಕಗೊಂಡ ವ್ಯಕ್ತಿಯು ರೋಗಕ್ಕೆ ತುತ್ತಾಗುತ್ತಾನೆ.
  • ವೈರಸ್ ವಿಶ್ವ ಆರೋಗ್ಯ ಸಂಸ್ಥೆ (OIE) ಟೆರೆಸ್ಟ್ರಿಯಲ್ ಅನಿಮಲ್ ಹೆಲ್ತ್ ಕೋಡ್ನಲ್ಲಿ ಪಟ್ಟಿ ಮಾಡಲ್ಪಟ್ಟಿದೆ ಮತ್ತು OIE (OIE ಟೆರೆಸ್ಟ್ರಿಯಲ್ ಅನಿಮಲ್ ಹೆಲ್ತ್ ಕೋಡ್) ಗೆ ವರದಿ ಮಾಡಬೇಕು.

ನಿಪಾ ಹೇಗೆ ಹರಡುತ್ತದೆ?

  • ನಿಪಾ ಮತ್ತು ಹೆಂಡ್ರ ವೈರಸ್ಗಳ ನೈಸರ್ಗಿಕ ಜಲಾಶಯದ ಆಶ್ರಯದಾತರಾದ ಪೀಟೋಪಸ್ನ ಹಣ್ಣಿನ ಬಾವಲಿಗಳು ಅಥವಾ ‘ಫ್ಲೈಯಿಂಗ್ ನರಿಗಳು’ ಮೂಲಕ ರೋಗವು ಹರಡುತ್ತದೆ. ವೈರಸ್ ಬ್ಯಾಟ್ ಮೂತ್ರದಲ್ಲಿ ಮತ್ತು ಸಂಭಾವ್ಯವಾಗಿ, ಬ್ಯಾಟ್ ಮಾಂಸ, ಲಾಲಾರಸ, ಮತ್ತು ಭ್ರೂಣದ ದ್ರವಗಳಲ್ಲಿ ಇರುತ್ತದೆ.

ಹಿಮಾಲಯಕ್ಕೆ ಎಚ್ಚರಿಕೆಯ ಗಂಟೆ: ಭೂಕಂಪ ಸಾಧ್ಯತೆ

6.

ಸುದ್ಧಿಯಲ್ಲಿ ಏಕಿದೆ ?ದೇಶಕ್ಕೆ ಉತ್ತರದಲ್ಲಿ ನೈಸರ್ಗಿಕ ತಡೆಗೋಡೆಯಂತಿರುವ ಹಿಮಾಲಯದಲ್ಲಿಯೇ ಭೂಕಂಪವಾಗುವ ಸಾಧ್ಯತೆಯಿದೆ ಎಂದು ವಿಜ್ಞಾನಿಗಳು ಎಚ್ಚರಿಸಿದ್ದಾರೆ.

  • ಹಿಮಾಲಯದ ಹಲವಡೆ ಭೂಕಂಪದ ಕೇಂದ್ರಗಳಿದ್ದು, 8.5 ತೀವ್ರತೆಯ ಭೂಕಂಪವಾಗುವ ಸಾಧ್ಯತೆಯಿದೆ. ಹಿಮಾಲಯದಲ್ಲಿ ಭೂಕಂಪವಾದರೆ ಅದರ ಪರಿಣಾಮ ಭೀಕರವಾಗಿರಲಿದೆ ಎಂದು ವಿಜ್ಞಾನಿಗಳು ತಿಳಿಸಿದ್ದಾರೆ.
  • ಬೆಂಗಳೂರಿನ ಜವಾಹರಲಾಲ್ ನೆಹರೂ ಸೆಂಟರ್ ಫಾರ್ ಅಡ್ವಾನ್ಸ್ಡ್‌ ಸೈಂಟಿಫಿಕ್ ರಿಸರ್ಚ್‌ನ ಭೂಕಂಪಶಾಸ್ತ್ರಜ್ಞ ಸಿ ಪಿ ರಾಜೇಂದ್ರನ್ ನೇತೃತ್ವದ ತಜ್ಞರ ತಂಡ, ಹಿಮಾಲಯದಲ್ಲಿ ಮುಂದಿನ ದಿನಗಳಲ್ಲಿ ಭೂಕಂಪ ಸಂಭವಿಸುವ ಸಾಧ್ಯತೆಗಳು ಹೇರಳವಾಗಿವೆ. ಕೇಂದ್ರ ಹಿಮಾಲಯದಲ್ಲಿ ಯಾವಾಗ ಬೇಕಾದರೂ ಭೂಕಂಪ ಸಂಭವಿಸಬಹುದು ಎಂದು ಹೇಳಿದ್ದಾರೆ.
  • ಜಿಯೋಲಾಜಿಕಲ್ ಜರ್ನಲ್‌ನಲ್ಲಿ ತಜ್ಞರ ಅಧ್ಯಯನ ವರದಿ ಪ್ರಕಟವಾಗಿದ್ದು, ಭೂಕಂಪದ ಕೇಂದ್ರ ಹಿಮಾಲಯದಲ್ಲಿ ಪತ್ತೆಯಾಗಿದ್ದು, ಅಲ್ಲಿ ದುರಂತ ಸಂಭವಿಸಿದರೆ ಅದರಿಂದ ಹಿಮದ ರಾಶಿಯೂ ಹೆಚ್ಚಿನ ಪ್ರಮಾಣದಲ್ಲಿ ಸುರಿದು ಹೋಗುವುದರಿಂದ ಹಾನಿಯ ಪ್ರಮಾಣ ಹೆಚ್ಚಾಗಲಿದೆ ಎಂದಿದ್ದಾರೆ.
  • ವಿಜ್ಞಾನಿಗಳು ಸ್ಥಳೀಯ ಭೂಪ್ರದೇಶ ಮತ್ತು ಜಿಯಾಲಾಜಿಕಲ್ ಸರ್ವೇ ಆಫ್ ಇಂಡಿಯಾ, ಗೂಗಲ್ ಅರ್ತ್‌ ಮತ್ತು ಇಸ್ರೋ ಕಾರ್ಟೋಸ್ಯಾಟ್-1 ಉಪಗ್ರಹದ ಸಹಾಯದಿಂದ ಅಧ್ಯಯನ ನಡೆಸಿದ್ದಾರೆ.

ಪಿಒಕೆಯ ಶಾರದಾ ಪೀಠ

7.

ಸುದ್ಧಿಯಲ್ಲಿ ಏಕಿದೆ ?ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿರುವ ಶಾರದಾ ಪೀಠಕ್ಕೆ (ಮಂದಿರ) ಭೇಟಿ ನೀಡಲು ಹಿಂದುಗಳಿಗೂ ಅನುವು ಮಾಡಿಕೊಡಬೇಕು ಎಂದು ಕಾಶ್ಮೀರಿ ಪಂಡಿತರು ಒತ್ತಾಯಿಸಿದ್ದಾರೆ.

  • ಪಿಒಕೆಯ ಶಾರದಾ ಗ್ರಾಮದ ಕಿಷನ್​ಗಂಗಾ ನದಿ ದಡದಲ್ಲಿರುವ ಪುರಾತನ ಶಾರದಾ ಮಂದಿರ ಹಿಂದುಗಳಿಗೆ ಪವಿತ್ರ ಕ್ಷೇತ್ರ. ಈ ಮಂದಿರಕ್ಕೆ ಭೇಟಿ ನೀಡಲು ಅವಕಾಶ ಕಲ್ಪಿಸಬೇಕು ಎಂದು ಅನೇಕ ವರ್ಷಗಳಿಂದ ಹೋರಾಟ ಮಾಡಲಾಗುತ್ತಿದೆ.
  • ಈಗ ಕರ್ತಾರ್​ಪುರ ಗುರುದ್ವಾರಕ್ಕೆ ಕಾರಿಡಾರ್ ನಿರ್ಮಾಣ ಆಗುತ್ತಿರುವುದು ಶಾರದಾ ಮಂದಿರ ಭಕ್ತರ ದರ್ಶನಕ್ಕೆ ಮತ್ತೆ ತೆರೆಯುವ ಭರವಸೆ ಮೂಡಿಸಿದೆ ಎಂದು ಕಾಶ್ಮೀರಿ ಪಂಡಿತರು ಹೇಳಿದ್ದಾರೆ.
  • ಪುರಾತನ ಕಾಲದಲ್ಲಿ ಬಹುದೊಡ್ಡ ವೇದ ಅಧ್ಯಯನ ಪೀಠವಾಗಿದ್ದ ಶಾರದಾ ಮಂದಿರಕ್ಕೆ ದಶಕಗಳ ಹಿಂದೆ ಕಾಶ್ಮೀರಿ ಪಂಡಿತರು ಯಾತ್ರೆ ಕೈಗೊಳ್ಳುತ್ತಿದ್ದರು. ಅಲ್ಲಿನ ಭೇಟಿಗೆ ಮತ್ತೆ ಅವಕಾಶ ಕಲ್ಪಿಸಿದರೆ ವಲಸೆ ಹೋಗಿರುವ ಕಾಶ್ಮೀರಿ ಪಂಡಿತ ಸಮುದಾಯಕ್ಕೂ ಒಗ್ಗೂಡಲು ಸಹಾಯವಾಗುತ್ತದೆ ಎಂಬ ಆಶಯವೂ ಇದೆ.

ಶಾರದಾ ಪೀಠ

  • ಶಾರದಾ ಪೀಠವು ತೊರೆದುಹೋದ ಹಿಂದೂ ದೇವಸ್ಥಾನ ಮತ್ತು ನೀಲಾಮ್ ನದಿಯ ಉದ್ದಕ್ಕೂ ಕಲಿಯುವ ಪ್ರಾಚೀನ ಕೇಂದ್ರವಾಗಿದ್ದು, ಪಾಕಿಸ್ತಾನದ ಆಜಾದ್ ಕಾಶ್ಮೀರ ಪ್ರದೇಶದ ಶಾರದಾ  ಹಳ್ಳಿಯಲ್ಲಿದೆ.
  • 6 ನೇ ಮತ್ತು 12 ನೇ ಶತಮಾನಗಳ ನಡುವೆ , ಭಾರತೀಯ ಉಪಖಂಡದಲ್ಲಿ ಉನ್ನತ ಶಿಕ್ಷಣದ ಪ್ರಮುಖ ಕೇಂದ್ರಗಳಲ್ಲಿ ಒಂದಾಗಿತ್ತು, ಕಲ್ಹಣ, ಆದಿ ಶಂಕರ, ವೈರೋಟ್ಸಾನಾ, ಕುಮಾರಜಿವಾ ಮತ್ತು ಥೋನ್ಮಿ ಸಂಭೊಟಾದಂತಹ ವಿದ್ವಾಂಸರು ಅಧ್ಯಯನ ಮಾಡಿದರು.
  • ಪಾಣಿಣಿ ಮತ್ತು ಹೇಮಚಂದ್ರ ತಮ್ಮ ಬರಹಗಳನ್ನು ಸಂಸ್ಕೃತ ವ್ಯಾಕರಣದಲ್ಲಿ ಪೂರ್ಣಗೊಳಿಸಿದ ಮತ್ತು ಸಂಗ್ರಹಿಸಿದ ಸ್ಥಳವೆಂದು ಹೇಳಲಾಗುತ್ತದೆ
  • ಶಾರದಾ ಪೀಠವು 18 ಮಹಾ ಶಕ್ತಿ ಪೀಠಗಳಲ್ಲಿ ಒಂದಾಗಿದೆ – ದಕ್ಷಿಣ ಏಷ್ಯಾದಾದ್ಯಂತ ಹೆಚ್ಚು ಪೂಜ್ಯವಾದ ದೇವಾಲಯಗಳು ಹಿಂದೂ ದೇವತೆ ಸತಿ ಸ್ಥಳದ ದೇಹವನ್ನು ನೆನಪಿಸುತ್ತವೆ.

Related Posts
“24 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಕ್ಷ-ಕಿರಣ ಸುರಕ್ಷತಾ ನಿರ್ದೇಶನಾಲಯ ಸ್ಥಾಪನೆ ಸುದ್ಧಿಯಲ್ಲಿ ಏಕಿದೆ ? ರಾಜ್ಯದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಎಕ್ಸ್​ರೇ ಕೇಂದ್ರಗಳ ಮೇಲೆ ನಿಗಾ ಇಡುವ ಉದ್ದೇಶದಿಂದ ಕ್ಷ-ಕಿರಣ ಸುರಕ್ಷತಾ ನಿರ್ದೇಶನಾಲಯ ಸ್ಥಾಪನೆಗೆ ಸರ್ಕಾರ ಮುಂದಾಗಿದೆ. ಈ ನಿಟ್ಟಿನಲ್ಲಿ ಮುಂಬೈನ ಆಟೊಮಿಕ್ ಎನರ್ಜಿ ರೆಗ್ಯೂ ಲೇಟರಿ ಬೋರ್ಡ್ (ಎಇಆರ್​ಬಿ) ಜತೆಗೆ ...
READ MORE
” 23 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಮನೆಮನೆಗೂ ಅನಿಲ ಭಾಗ್ಯ ಸುದ್ಧಿಯಲ್ಲಿ ಏಕಿದೆ ? ದೇಶದ 129 ಜಿಲ್ಲೆಗಳಲ್ಲಿ ನಗರ ಅನಿಲ ವಿತರಣಾ ವ್ಯವಸ್ಥೆ(ಸಿಜಿಡಿ) ಕಾಮಗಾರಿಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಚಾಲನೆ ನೀಡಿದ್ದಾರೆ. ಕೊಳವೆಗಳ ಮೂಲಕ ನೈಸರ್ಗಿಕ ಅನಿಲ (ಸಿಎನ್‌ಜಿ) ವನ್ನು ಮನೆಮನೆಗೂ ತಲುಪಿಸುವ ಯೋಜನೆ ಇದು. ನಗರ ಅನಿಲ ...
READ MORE
“29 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ವಿಶ್ವ ಕನ್ನಡ ಸಮ್ಮೇಳನ ಸುದ್ಧಿಯಲ್ಲಿ ಏಕಿದೆ ? ನಾವಿಕ ಸಂಸ್ಥೆಯು ಅಮೆರಿಕದ ಓಹಾಯೋ ರಾಜ್ಯದಲ್ಲಿ ಆ. 30 ರಿಂದ ಸೆ. 1ರವರೆಗೆ '5ನೇ ವಿಶ್ವ ಕನ್ನಡ ಸಮ್ಮೇಳನ' ಆಯೋಜಿಸಿದೆ. ಕನ್ನಡದ ಸೊಗಡನ್ನು ಈ ಉತ್ಸವದಲ್ಲಿ ಬಿಂಬಿಸಲಾಗುವುದು.ಕನ್ನಡದ ನಾಟಕಗಳು,ಕವಿ ಗೋಷ್ಠಿಗಳು, ಕನ್ನಡ ಗೀತಗಾಯನ,ಸಂಗೀತ ಸಂಜೆ,ಸ್ವಾತಂತ್ರ್ಯದ ...
READ MORE
“04 ಏಪ್ರಿಲ್   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
'ಶ್ರೇಯಸ್‌' ಯೋಜನೆ ಸುದ್ಧಿಯಲ್ಲಿ ಏಕಿದೆ ? ಬಹು ನಿರೀಕ್ಷಿತ 'ಶ್ರೇಯಸ್‌' ಯೋಜನೆ ಜುಲೈನಿಂದ ಜಾರಿಗೆ ಬರಲಿದೆ.ಇದೇ ಮೊದಲ ಬಾರಿಗೆ ತಾಂತ್ರಿಕೇತರ ಪದವೀಧರರಿಗೆ ಜಾರಿಗೊಳಿಸಿರುವ ಅಪ್ರೆಂಟಿಸ್‌ಷಿಪ್‌ ಯೋಜನೆ ಇದಾಗಿದ್ದು, 5 ಲಕ್ಷ ವಿದ್ಯಾರ್ಥಿಗಳಿಗೆ ಆರು ತಿಂಗಳ ತರಬೇತಿ ನೀಡಲಾಗುತ್ತದೆ. ತರಬೇತಿ ಅವಧಿಯಲ್ಲಿ 6,000 ರೂ. ...
READ MORE
“18 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಆಯುಷ್ಮಾನ್​ಗೆ ಖಾಸಗಿ ಆಸ್ಪತ್ರೆಗಳ ನಿರ್ಲಕ್ಷ್ಯ ಸುದ್ಧಿಯಲ್ಲಿ ಏಕಿದೆ ?ವಿಶ್ವದಲ್ಲೇ ಅತಿ ದೊಡ್ಡ ಸರ್ಕಾರಿ ಪ್ರಾಯೋಜಿತ ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ (ಎಬಿ-ಎಆರ್​ಕೆ) ಯೋಜನೆಯಲ್ಲಿ ಹೆಸರು ನೋಂದಾ ಯಿಸಲು ಖಾಸಗಿ ಆಸ್ಪತ್ರೆಗಳು ನಿರಾಸಕ್ತಿ ತೋರಿರುವ ಸಂಗತಿ ಬೆಳಕಿಗೆ ಬಂದಿದೆ. ರಾಜ್ಯದಲ್ಲಿರುವ 26 ಸಾವಿರ ಖಾಸಗಿ ಆಸ್ಪತ್ರೆಗಳ ಪೈಕಿ ...
READ MORE
“11 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಟಾಪ್ ಪ್ರವಾಸಿ ತಾಣಗಳ ಪಟ್ಟಿಯಲ್ಲಿ ಹಂಪಿ ಸುದ್ಧಿಯಲ್ಲಿ   ಏಕಿದೆ ?ಈ ವರ್ಷ ನೀವು ನೋಡಲೇಬೇಕಾದ ಜಗತ್ತಿನ 52 ಟಾಪ್ ಪ್ರವಾಸಿ ತಾಣಗಳ ಪಟ್ಟಿಯಲ್ಲಿ ರಾಜ್ಯದ ಪಾರಂಪರಿಕ ನಗರಿ ಹಂಪಿ ಟಾಪ್ 2 ಸ್ಥಾನ ಪಡೆದಿದೆ. ದಿ ನ್ಯೂಯಾರ್ಕ್ ಟೈಮ್ಸ್ ಬಿಡುಗಡೆ ಮಾಡಿದ 2019ರ ಟಾಪ್ ...
READ MORE
“1st  ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಸುಲಲಿತ ವ್ಯವಹಾರ: ಸುದ್ಧಿಯಲ್ಲಿ ಏಕಿದೆ ? ಭಾರತದಲ್ಲಿ ವ್ಯವಹಾರ ನಡೆಸುವುದು ಅತ್ಯಂತ ಸುಲಲಿತ. ಅತ್ಯಂತ ಸುಲಲಿತ ವ್ಯವಹಾರ ದೇಶಗಳ ಪಟ್ಟಿಯಲ್ಲಿ ಭಾರತ 77ನೇ ಸ್ಥಾನಕ್ಕೇರಿದೆ. ವಿಶ್ವಸಂಸ್ಥೆ ಬಿಡುಗಡೆ ಮಾಡಿರುವ ನೂತನ ಪಟ್ಟಿಯಲ್ಲಿ ಭಾರತ ಭಾರಿ ಪ್ರಗತಿ ಕಂಡಿದೆ. 190 ದೇಶಗಳ ಪಟ್ಟಿಯಲ್ಲಿ ಕಳೆದ ಬಾರಿ 30 ...
READ MORE
” 12 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಮೈಸೂರು ಲ್ಯಾಂಫ್ಸ್‌ ಕಾರ್ಖಾನೆ ಸ್ಥಗಿತ  ಸುದ್ಧಿಯಲ್ಲಿ ಏಕಿದೆ? ಸರಕಾರಿ ಒಡೆತನದ ಮೈಸೂರು ಲ್ಯಾಂಫ್ಸ್‌ ಕಾರ್ಖಾನೆ ಮುಚ್ಚುವ ಪ್ರಕ್ರಿಯೆ ಬಗ್ಗೆ ವಿವರ ನೀಡುವಂತೆ ರಾಜ್ಯ ಸರಕಾರಕ್ಕೆ ಹೈಕೋರ್ಟ್‌ ನಿರ್ದೇಶನ ನೀಡಿತು. ಮೈಸೂರು ಲ್ಯಾಂಫ್ಸ್‌ ಕಾರ್ಖಾನೆಯ ಕಾರ್ಮಿಕರ ಒಕ್ಕೂಟ ಸಲ್ಲಿಸಿದ್ದ ಮೇಲ್ಮನವಿ ಆಲಿಸಿದ ಸಿಜೆ ದಿನೇಶ್‌ ಮಹೇಶ್ವರಿ ...
READ MORE
“15th ಅಕ್ಟೋಬರ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
‘ಸಿವಿಜಿಲ್’ ಮೊಬೈಲ್ ಆಪ್ ಸುದ್ಧಿಯಲ್ಲಿ ಏಕಿದೆ ?ಚುನಾವಣಾ ಅಕ್ರಮಗಳ ಬಗ್ಗೆ ಸಾರ್ವಜನಿಕರು ಮಾಹಿತಿ ನೀಡಲು ಚುನಾವಣಾ ಆಯೋಗ ’ ಸಿವಿಜಿಲ್’ ಮೊಬೈಲ್ ಆಪ್ ಹೊರತರುತ್ತಿದೆ. ಆಪ್​ನಲ್ಲಿ ಅಕ್ರಮದ ಫೋಟೋ, ವೀಡಿಯೋ ಅಪ್​ಲೋಡ್ ಮಾಡಿದ 100 ನಿಮಿಷಗಳಲ್ಲಿ ಅಧಿಕಾರಿಗಳು ತೆಗೆದುಕೊಂಡ ಕ್ರಮದ ಬಗ್ಗೆ ಮಾಹಿತಿಯೂ ಲಭಿಸಲಿದೆ. ಹಿನ್ನಲೆ ಕಳೆದ ...
READ MORE
“15 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ದೇಶದ ಮೊದಲ ರೈಲ್ವೆ ವಿವಿ  ಸುದ್ಧಿಯಲ್ಲಿ ಏಕಿದೆ ?ಗುಜರಾತ್​ನ ವಡೋದರಾದಲ್ಲಿ ಸ್ಥಾಪಿತವಾಗಿರುವ ‘ದಿ ನ್ಯಾಷನಲ್ ರೈಲ್ ಆಂಡ್ ಟ್ರಾನ್ಸ್ ಪೋರ್ಟೆಷನ್ ಇನ್​ಸ್ಟಿಟ್ಯೂಟ್ (ಎನ್​ಆರ್​ಟಿಐ)’ಗೆ ರೈಲ್ವೆ ಸಚಿವ ಪಿಯೂಷ್ ಗೋಯಲ್ ಮತ್ತು ಗುಜರಾತ್ ಸಿಎಂ ವಿಜಯ್ ರೂಪಾಣಿ ಅಧಿಕೃತವಾಗಿ ಚಾಲನೆ ನೀಡಲಿದ್ದಾರೆ. ರೈಲ್ವೆ ಇಲಾಖೆಯೇ ಆರಂಭಿಸಿರುವ ...
READ MORE
“24 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
” 23 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“29 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“04 ಏಪ್ರಿಲ್ 2019 ರ ಕನ್ನಡ ಪ್ರಚಲಿತ
“18 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“11 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“1st ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
” 12 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“15th ಅಕ್ಟೋಬರ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
“15 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Leave a Reply

Your email address will not be published. Required fields are marked *