“08 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

ಎಲೆಕ್ಟ್ರಿಕ್ ಬಸ್ ಯೋಜನೆ

1.

ಸುದ್ಧಿಯಲ್ಲಿ ಏಕಿದೆ ?ಕೇಂದ್ರದ ಫಾಸ್ಟರ್ ಅಡಾಪ್ಷನ್ ಆಂಡ್ ಮಾನ್ಯುಫ್ಯಾಕ್ಚರಿಂಗ್ ಆಫ್ ಎಲೆಕ್ಟ್ರಿಕ್ ವೆಹಿಕಲ್ಸ್ (ಫೇಮ್ ಅನುದಾನದಲ್ಲಿ ಗುತ್ತಿಗೆ ಆಧಾರದಡಿ 150 ಎಲೆಕ್ಟ್ರಿಕ್ ಬಸ್​ಗಳನ್ನು ಬಿಎಂಟಿಸಿ ಹೊಂದಲಿದೆ. ಕಳೆದ ಸರ್ಕಾರದ ಅವಧಿಯಲ್ಲಿ ನಿಗಮ ಕರೆದಿದ್ದ ಟೆಂಡರ್​ನಲ್ಲಿ ಹೈದರಾಬಾದ್ ಮೂಲದ ಒಲೆಕ್ಟ್ರಾ ಕಂಪನಿ ಗುತ್ತಿಗೆ ಪಡೆದುಕೊಂಡಿತ್ತು.

  • ಗುತ್ತಿಗೆ ಆಧಾರದಲ್ಲಿ ಅತಿಕಡಿಮೆ ದರದಲ್ಲಿ ನಿಗಮಕ್ಕೆ ಎಲೆಕ್ಟ್ರಿಕ್ ಬಸ್ ದೊರೆಯಲಿದೆ ಎಂದು ಬಿಎಂಟಿಸಿ ವಾದಿಸಿದ್ದರೆ, ಖಾಸಗಿ ಕಂಪನಿಗೇಕೆ ಲಾಭ ಮಾಡಿಕೊಡಬೇಕು ಎನ್ನುವುದು ಸಚಿವರ ಅಭಿಪ್ರಾಯವಾಗಿತ್ತು.

ಮೊದಲ ಹಂತದಲ್ಲಿ 80 ಬಸ್

  • ಮೊದಲ ಹಂತದಲ್ಲಿ 80 ಬಸ್​ಗಳನ್ನು ಗುತ್ತಿಗೆ ಆಧಾರದಲ್ಲಿ ನಿಗಮ ಪಡೆಯಲಿದೆ. ಇದರಲ್ಲಿ 12 ಮೀಟರ್ ಉದ್ದದ 39 ಸೀಟು ಸಾಮರ್ಥ್ಯದ 60 ಎಸಿ ಬಸ್​ಗಳು ಹಾಗೂ 9 ಮೀ. ಉದ್ದದ 31 ಸೀಟಿನ 20 ಎಸಿರಹಿತ ಬಸ್ ಇರಲಿವೆ. ಕಂಪನಿಯೇ ಎಲೆಕ್ಟ್ರಿಕ್ ಬಸ್​ಗಳನ್ನು ನಿರ್ವಹಣೆ ಮಾಡಲಿದ್ದರೆ, ಪರ್ವಿುಟ್ ಮತ್ತು ವಿದ್ಯುತ್ ದರದ ಜವಾಬ್ದಾರಿಯನ್ನು ಬಿಎಂಟಿಸಿ ವಹಿಸಲಿದೆ.

ಫೇಮ್ ಇಂಡಿಯಾ ಯೋಜನೆ

  • ಭಾರತ ಸರ್ಕಾರವು 2011 ರಲ್ಲಿ ರಾಷ್ಟ್ರೀಯ ಮಿಷನ್ ಆನ್ ಎಲೆಕ್ಟ್ರಿಕ್ ಮೊಬಿಲಿಟಿಗೆ ಅನುಮೋದನೆ ನೀಡಿತು ಮತ್ತು ತರುವಾಯ ನ್ಯಾಷನಲ್ ಎಲೆಕ್ಟ್ರಿಕ್ ಮೊಬಿಲಿಟಿ ಮಿಷನ್ ಪ್ಲಾನ್ 2020 ಅನ್ನು 2013 ರಲ್ಲಿ ಅನಾವರಣಗೊಳಿಸಲಾಯಿತು.
  • ಮಿಷನ್ ಭಾಗವಾಗಿ, ಹೆವಿ ಇಂಡಸ್ಟ್ರಿ ಇಲಾಖೆಯು ಫೇಮ್-ಇಂಡಿಯಾ (ಭಾರತದ ಹೈಬ್ರಿಡ್ ಮತ್ತು ಎಲೆಕ್ಟ್ರಿಕ್ ವಾಹನಗಳ ವೇಗವಾದ ಅಡಾಪ್ಷನ್ ಮತ್ತು ಮ್ಯಾನುಫ್ಯಾಕ್ಚರಿಂಗ್) ಎಂಬ ಯೋಜನೆಯನ್ನು ರೂಪಿಸಿದೆ.
  • ಇದನ್ನು ಹೆವಿ ಇಂಡಸ್ಟ್ರೀಸ್ ಸಚಿವಾಲಯವು ನಿರ್ವಹಿಸುತ್ತಿದೆ.
  • 2020 ರ ವರೆಗೆ 6 ವರ್ಷಗಳ ಅವಧಿಯಲ್ಲಿ ಒಟ್ಟಾರೆ ಯೋಜನೆಯನ್ನು ಜಾರಿಗೆ ತರಲು ಪ್ರಸ್ತಾಪಿಸಲಾಗಿದೆ, ಇದರಲ್ಲಿ ಹೈಬ್ರಿಡ್ / ಎಲೆಕ್ಟ್ರಿಕ್ ವಾಹನಗಳ ಮಾರುಕಟ್ಟೆ ಅಭಿವೃದ್ಧಿ ಮತ್ತು ಅದರ ಉತ್ಪಾದನಾ ಪರಿಸರ-ವ್ಯವಸ್ಥೆಯನ್ನು ನಿಗದಿತ ಅವಧಿಯ ಅಂತ್ಯದಲ್ಲಿ ಸ್ವಯಂ-ಜೀವಿತಾವಧಿಯನ್ನು ಸಾಧಿಸಲು ನೆರವಾಗುತ್ತದೆ.
  • ಯೋಜನೆಯು 4 ಕೇಂದ್ರಿತ ಪ್ರದೇಶಗಳನ್ನು ಹೊಂದಿದೆ ಅಂದರೆ ತಂತ್ರಜ್ಞಾನ ಅಭಿವೃದ್ಧಿ, ಬೇಡಿಕೆ ಸೃಷ್ಟಿ, ಪೈಲಟ್ ಯೋಜನೆಗಳು ಮತ್ತು ಚಾರ್ಜಿಂಗ್ ಮೂಲಸೌಕರ್ಯ.
  • ಪರಿಸರ ಸ್ನೇಹಿ ವಾಹನಗಳನ್ನು ಉತ್ತೇಜಿಸುವ ಗುರಿಯೊಂದಿಗೆ, 2015 ರಲ್ಲಿ ವಿದ್ಯುತ್ ಮತ್ತು ಹೈಬ್ರಿಡ್ ವಾಹನಗಳ ದ್ವಿಚಕ್ರ ವಾಹನಗಳು ಮತ್ತು ಕಾರುಗಳಿಗೆ 38 ಲಕ್ಷ ರೂ.
  • ಈ ಯೋಜನೆಯು ಪ್ರಸ್ತುತ ವರ್ಷದಲ್ಲಿ ಮೊದಲ ಎರಡು ಹಣಕಾಸಿನ ವ್ಯವಹಾರಗಳಲ್ಲಿ 795 ಕೋಟಿ ರೂಪಾಯಿಗಳನ್ನು ಬೆಂಬಲಿಸುತ್ತದೆ.
  • ಫೇಮ್ ಇಂಡಿಯಾ ಯೋಜನೆ ಅಡಿಯಲ್ಲಿ ಸೌಮ್ಯ ಹೈಬ್ರಿಡ್ ವಾಹನಗಳಿಗೆ ಸರಕಾರ ಪ್ರೋತ್ಸಾಹ ನೀಡಿದೆ.
  • ಫೇಮ್ ಇಂಡಿಯಾ ಯೋಜನೆಯಡಿ 11 ಲಕ್ಷ ವಿದ್ಯುತ್ ಮತ್ತು ಹೈಬ್ರಿಡ್ ವಾಹನಗಳು ಖರೀದಿಸಲು 127.77 ಕೋಟಿ ಮೌಲ್ಯದ ಬೇಡಿಕೆ ಪ್ರೋತ್ಸಾಹವನ್ನು ಸರ್ಕಾರ ವಿಸ್ತರಿಸಿದೆ.

ದೀಪಾವಳಿ ಸ್ಟ್ಯಾಂಪ್‌ ಬಿಡುಗಡೆ

2.

ಸುದ್ಧಿಯಲ್ಲಿ ಏಕಿದೆ ?ವಿಶ್ವಸಂಸ್ಥೆಯ ಅಂಚೆ ಆಡಳಿತ ವಿಭಾಗವು ದೀಪಾವಳಿ ಸ್ಮರಣಾರ್ಥ ವಿಶೇಷ ಅಂಚೆ ಚೀಟಿಗಳನ್ನು ಬಿಡುಗಡೆ ಮಾಡಿದೆ.

  • 15 ಡಾಲರ್‌ ಮುಖಬೆಲೆಯ 10 ಅಂಚೆ ಚೀಟಿಗಳು ದೀಪಾವಳಿ ಹಬ್ಬದ ಮಹತ್ವ ಸಾರುವ ವಿಶೇಷ ಚಿತ್ರಗಳನ್ನು ಒಳಗೊಂಡಿವೆ. ವಿಶ್ವಸಂಸ್ಥೆಯ ಈ ಕ್ರಮವನ್ನು ಭಾರತ ಅಭಿನಂದಿಸಿದೆ.
  • ”ವಿಶ್ವಸಂಸ್ಥೆಯಲ್ಲಿ ನಿತ್ಯವೂ ಒಳಿತು-ಕೆಡುಕಿನ ನಡುವೆ ಕದನ ನಡೆಯುತ್ತಲೇ ಇದೆ. ಒಳಿತು ಗೆಲ್ಲಬೇಕು ಎನ್ನುವ ನಮ್ಮ ಹಂಬಲಕ್ಕೆ ಸ್ಟ್ಯಾಂಪ್‌ ಮೂಲಕ ಸಾಥ್‌ ನೀಡಿದ ವಿಶ್ವಸಂಸ್ಥೆಗೆ ಅಭಿನಂದನೆಗಳು,” ಎಂದು ಭಾರತದ ಕಾಯಂ ಪ್ರತಿನಿಧಿ ಸಯ್ಯದ್‌ ಅಕ್ಬರುದ್ದಿನ್‌ ಟ್ವೀಟ್‌ ಮಾಡಿದ್ದಾರೆ.

ಫೈಜಾಬಾದ್ ಆಯ್ತು ಅಯೋಧ್ಯೆ

3.

ಸುದ್ಧಿಯಲ್ಲಿ ಏಕಿದೆ ?ಫೈಜಾಬಾದ್‌ ಜಿಲ್ಲೆಗೆ ಅಯೋಧ್ಯೆ ಎಂದು ಮರುನಾಮಕರಣ ಮಾಡಲಾಗಿದೆ. ಅಯೋಧ್ಯೆಯಲ್ಲಿ ನಡೆಯುತ್ತಿರುವ ದೀಪೋತ್ಸವದಲ್ಲಿ ಪಾಲ್ಗೊಂಡಿದ್ದ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಈ ಘೋಷಣೆ ಮಾಡಿದ್ದಾರೆ.

  • ಶ್ರೀರಾಮನ ಹೆಸರಲ್ಲಿ ಹೊಸ ವಿಮಾನ ನಿಲ್ದಾಣ ಮತ್ತು ಶ್ರೀರಾಮನ ತಂದೆ ದಶರಥ ಮಹಾರಾಜನ ಹೆಸರಲ್ಲಿ ಜಿಲ್ಲೆಯಲ್ಲಿ ಒಂದು ವೈದ್ಯಕೀಯ ಕಾಲೇಜು ಸ್ಥಾಪಿಸುವುದಾಗಿ ಸಹ ಅವರು ಘೋಷಿಸಿದ್ದಾರೆ.
  • ಇಲ್ಲಿಯವರೆಗೆ ಅಯೋಧ್ಯೆ ಫೈಜಾಬಾದ್‌ನಲ್ಲಿರುವ ಒಂದು ನಗರವಾಗಿತ್ತು. ಮತ್ತೀಗ ಜಿಲ್ಲೆಯನ್ನೇ ಫೈಜಾಬಾದ್ ಬದಲಾಗಿ ಅಯೋಧ್ಯೆ ಎಂದು ಕರೆಯಲಾಗುತ್ತದೆ.
  • ಅಲಹಾಬಾದನ್ನು ಪ್ರಯಾಗ್ ರಾಜ್ ಎಂದು ನಾಮಕರಣ ಮಾಡಿದ ಬೆನ್ನಲ್ಲೇ ( ಒಂದು ತಿಂಗಳ ಬಳಿಕ) ಫೈಜಾಬಾದ್ ಹೆಸರನ್ನು ಸಹ ಬದಲಾಯಿಸಲಾಗಿದೆ ಎಂಬುದು ಇಲ್ಲಿ ಗಮನಾರ್ಹ.

ಅಹಮದಾಬಾದ್‌ಗೆ ಕರ್ಣಾವತಿ ಎಂದು ಹೆಸರಿಡಲು ಗುಜರಾತ್ ಸರ್ಕಾರ ಸಿದ್ಧ

  • ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್‌ ಅವರು ಫೈಜಾಬಾದ್‌ಗೆ ಅಯೋಧ್ಯೆ ನಾಮಕರಣ ಮಾಡಿದ ಬೆನ್ನಲ್ಲೇ ಗುಜರಾತ್‌ ಸರ್ಕಾರವು ಕೂಡ ಯಾವುದೇ ಕಾನೂನು ಅಡೆತಡೆಗಳು ಇಲ್ಲದಿದ್ದರೆ ಅಹಮದಾಬಾದ್‌ಗೆ ಕರ್ಣಾವತಿ ಎಂದು ಹೆಸರಿಡಲು ಸಿದ್ಧ ಎಂದು ಘೋಷಿಸಿದೆ.

ಹಿನ್ನಲೆ

  • ಐತಿಹಾಸಿಕವಾಗಿ ಅಹಮದಾಬಾದ್ ಸುತ್ತಲಿನ ಪ್ರದೇಶವು 11 ನೇ ಶತಮಾನದಿಂದಲೂ ಅಶಾವಾಲ್ ಎಂದು ಕರೆಯಲ್ಪಡುತ್ತಿತ್ತು.
  • ಚಾಲುಕ್ಯರ ದೊರೆ ಕರ್ಣ ಸಬರಿಮತಿ ದಂಡೆಯ ಮೇಲೆ ಕರ್ಣವತಿ ನಗರವನ್ನು ಸ್ಥಾಪಿಸಿದ್ದ. ನಂತರ ಸುಲ್ತಾನ ಅಹಮದ್‌ ಶಾ ಕ್ರಿ.ಶ. 1411ರಲ್ಲಿ ಕರ್ಣವತಿ ನಗರವನ್ನು ಮರುನಾಮಕರಣ ಮಾಡಿ ಅಹಮದಾಬಾದ್‌ ಎಂದು ಹೆಸರಿಟ್ಟಿದ್ದನು.
  • ಹಾಗಾಗಿ ಸರಿಯಾದ ಸಮಯದಲ್ಲಿ ಅಹಮದಾಬಾದ್‌ನ ಹೆಸರನ್ನು ಬದಲಾಯಿಸಲು ಯೋಚಿಸುತ್ತಿದ್ದೇವೆ ಎಂದು ಹೇಳಿದರು.

ಭಾರತದ ರಕ್ಷಣಾ ವ್ಯವಸ್ಥೆಗೆ ಅರಿಹಂತ್‌

4.

ಸುದ್ಧಿಯಲ್ಲಿ ಏಕಿದೆ ?ಭಾರತದ ಚೊಚ್ಚಲ ಪರಮಾಣು ಚಾಲಿತ, ಬ್ಯಾಲಿಸ್ಟಿಕ್‌ ಕ್ಷಿಪಣಿ ಹೊತ್ತೊಯ್ಯಬಲ್ಲ ಜಲಾಂತರ್ಗಾಮಿ ನೌಕೆ ಐಎನ್‌ಎಸ್‌ ಅರಿಹಂತ್‌ ತನ್ನ ಪ್ರಥಮ ರಹಸ್ಯ ಗಸ್ತನ್ನು ಯಶಸ್ವಿಯಾಗಿ ಪೂರೈಸಿದೆ. ಇದರೊಂದಿಗೆ ಚೀನಾ ಮತ್ತು ಪಾಕಿಸ್ತಾನ ಒಡ್ಡಿದ್ದ ‘ಅಣು’ ಭೀತಿ ಸವಾಲನ್ನು ಭಾರತ ಯಶಸ್ವಿಯಾಗಿ ಮೆಟ್ಟು ನಿಂತಿದೆ.

  • ‘ಒಂದು ವಿಶ್ವಾಸಾರ್ಹ ಪರಮಾಣು ಪ್ರತಿರೋಧವು ಇಂದಿನ ತುರ್ತು ಅಗತ್ಯವಾಗಿದೆ. ಶತ್ರು ದೇಶಗಳ ‘ಅಣ್ವಸ್ತ್ರ’ ಬೆದರಿಕೆಗೆ ಭಾರತದ ದಿಟ್ಟ ಉತ್ತರ ಇದಾಗಿದೆ. ಹೆಸರಿಗೆ ತಕ್ಕಂತೆ ಅರಿಹಂತ್‌, 130 ಕೋಟಿ ಭಾರತೀಯರನ್ನು ರಕ್ಷಣೆ ಮಾಡಲಿದೆ. ಈ ಭಾಗದಲ್ಲಿ ಶಾಂತಿಯ ವಾತಾವರಣ ನೆಲೆಗೊಳ್ಳಲು ನೆರವಾಗಲಿದೆ
  • ರಹಸ್ಯ ಯೋಜನೆಗೆ ಪ್ರಧಾನಿ ನೇತೃತ್ವ: ಅತ್ಯಂತ ಗುಪ್ತ ಯೋಜನೆಯಡಿ ಅಭಿವೃದ್ದಿಪಡಿಸಲಾದ ‘ಅರಿಹಂತ್‌ ಸಬ್‌ಮೆರಿನ್‌’ ನೇರವಾಗಿ ಪ್ರಧಾನಿ ಮೋದಿ ಅವರ ನಿಯಂತ್ರಣಕ್ಕೆ ಒಳಪಟ್ಟಿದೆ. ಪ್ರಧಾನಿ ಅವರ ನಿಯಂತ್ರಣದಲ್ಲಿರುವ ‘ನ್ಯೂಕ್ಲಿಯರ್‌ ಕಮಾಂಡ್‌ ಅಥಾರಿಟಿ’ ಅಡಿಯಲ್ಲಿ ಈ ನೌಕೆ ಕಾರ್ಯನಿರ್ವಹಿಸುತ್ತದೆ.
  • ಚೊಚ್ಚಲ ಹಿರಿಮೆ: ‘ಅರಿಹಂತ್‌’- ಹೆಸರೇ ಸೂಚಿಸುವಂತೆ ಅರ್ಥ ಶತ್ರು ಸಂಹಾರಕ. ಇದು ದೇಶೀಯವಾಗಿ ತಯಾರಿಸಿದ ಭಾರತದ ಮೊದಲ ಅಣ್ವಸ್ತ್ರಚಾಲಿತ ಬ್ಯಾಲೆಸ್ಟಿಕ್‌ ಕ್ಷಿಪಣಿ ಹೊತ್ತೊಯ್ಯಬಲ್ಲ ಜಲಾಂತರ್ಗಾಮಿ ನೌಕೆ.

ಹಿನ್ನಲೆ

  • 30 ವರ್ಷಗಳ ಕನಸಿದು. ರಷ್ಯಾದ ಚಾರ್ಲಿ-1 ವಿನ್ಯಾಸವನ್ನು ಆಧರಿಸಿ ಇದನ್ನು ಅಭಿವೃದ್ಧಿಡಿಸಲಾಗಿದೆ. 1970ರಲ್ಲಿ ಆಗಿನ ಪ್ರಧಾನಿ ಇಂದಿರಾ ಗಾಂಧಿ ಅವರು ಪರಮಾಣು ಚಾಲಿತ ಜಲಾಂತರ್ಗಾಮಿ ನೌಕೆ ತಯಾರಿಸುವಂತೆ ಡಿಆರ್‌ಡಿಒಗೆ ಸೂಚಿಸುವುದರೊಂದಿಗೆ ಇದರ ಈ ಕನಸು ಆರಂಭವಾಗಿತ್ತು.
  • ಇದುವರೆಗೂ ಭಾರತ ರಷ್ಯಾ ಸಹಯೋಗದೊಂದಿಗೆ ತಯಾರಿಸಿದ ಐಎನ್‌ಎಸ್‌ ಚಕ್ರಾ ಸಬ್‌ಮೆರಿನ್‌ಗಳನ್ನು ಬಳಸುತ್ತಿತ್ತು. 2012ರಿಂದ 10 ವರ್ಷಗಳಿಗೆ ಇವುಗಳನ್ನು ಭೋಗ್ಯಕ್ಕೆ ಪಡೆಯಲಾಗಿದೆ.

ಶತ್ರುದೇಶಗಳ ಮಹಾನಗರವೇ ನಾಶ!

  • ‘ಐಎನ್‌ಎಸ್‌ ಅರಿಹಂತ್‌’ ಶತ್ರು ದೇಶಗಳ ಮಹಾನಗರಗಳನ್ನೇ ಸರ್ವನಾಶ ಮಾಡಬಲ್ಲ ಸಾಮರ್ಥ್ಯ‌ವುಳ್ಳ ಕ್ಷಿಪಣಿಗಳನ್ನು ಸಮುದ್ರದ ಯಾವುದೇ ಮೂಲೆಯಿಂದ ಪ್ರಯೋಗಿಸಬಲ್ಲದು.
  • ಶತ್ರು ದೇಶಗಳ ಸಾಗರ ತೀರಗಳಲ್ಲಿ ಸದ್ದಿಲ್ಲದೆ ಸುದೀರ್ಘ ಕಾಲ ಲಂಗರು ಹಾಕಬಲ್ಲದು, ಇದರ ಉಪಸ್ಥಿತಿಯನ್ನು ಗುರುತಿಸುವುದು ಕಷ್ಟ.
  • ಭೂಮಿಯಿಂದ ಭೂಮಿಗೆ ಹಾರಿಸಬಲ್ಲ ದೂರಗಾಮಿ ಕ್ಷಿಪಣಿಗಳಿಂದ ತಲುಪಲಾಗದ ಶತ್ರು ದೇಶಗಳ ಪ್ರದೇಶಕ್ಕೂ ಇದು ಕ್ಷಿಪಣಿ ಹಾರಿಸಬಲ್ಲದು. ಶತ್ರು ದೇಶಗಳ ಸಾಗರ ತೀರಕ್ಕೆ ತೆರಳಿ ಅಲ್ಲಿಂದ ಕ್ಷಿಪಣಿ ಪ್ರಯೋಗಿಸುವುದರಿಂದ ಇದು ಸಾಧ್ಯವಾಗಲಿದೆ.
  • ಇದುವರೆಗೂ ಭಾರತ ಭೂಮಿಯಿಂದ ಮತ್ತು ಆಗಸದಿಂದ ಮಾತ್ರ ಅಣ್ವಸ್ತ್ರ ಪ್ರಯೋಗಿಸುವ ಸಾಮರ್ಥ್ಯ‌ ಹೊಂದಿತ್ತು. ‘ಅರಿಹಂತ್‌’ ಯಶಸ್ಸಿನೊಂದಿಗೆ ನೀರಿನಿಂದಲೂ ಅಣ್ವಸ್ತ್ರ ಪ್ರಯೋಗ ಸಾಮರ್ಥ್ಯ‌ ಪಡೆದಿದೆ.

ಐಎನ್‌ಎಸ್‌ ಅರಿಹಂತ್‌ ವಿಶೇಷತೆ

  • 3,500 ಕಿ.ಮೀ: ದಾಳಿ ನಡೆಸಬಲ್ಲ ಪ್ರದೇಶ ವ್ಯಾಪ್ತಿ
  • 6000 ಟನ್‌: ನೌಕೆಯ ಒಟ್ಟು ತೂಕ
  • 28 ಕಿ.ಮೀ/ಗಂಟೆಗೆ ನೀರಿನ ಮೇಲ್ಮೈಮೇಲೆ ವೇಗ
  • 44 ಕಿ.ಮೀ./ಗಂಟೆಗೆ: ಆಳ ಸಾಗರದಲ್ಲಿ ನೌಕೆಯ ವೇಗ
  • 100: ಜಲಾಂತರ್ಗಾಮಿಯ ಒಟ್ಟು ಸಿಬ್ಬಂದಿ
  • 30 ವರ್ಷ: ಐಎನ್‌ಎಸ್‌ ಅರಿಹಂತ್‌ ಕನಸು ನನಸಾಗಲು ಹಿಡಿದ ಸಮಯ
  • 2009, ಜು.26: ಕಾರ್ಗಿಲ್‌ ವಿಜಯ್‌ ದಿವಸ್‌ನಂದು ಲೋಕಾರ್ಪಣೆ
  • 2016 ಆಗಸ್ಟ್‌: ಸುದೀರ್ಘ ಪರೀಕ್ಷೆಯ ಬಳಿಕ ನೌಕಾಪಡೆ ಸೇವೆಗೆ ಸೇರ್ಪಡೆ

ನೋಟು ಅಮಾನ್ಯೀಕರಣ

5.

ಸುದ್ಧಿಯಲ್ಲಿ ಏಕಿದೆ ?ದೇಶದಲ್ಲಿ ಸಂಚಲನ ಮೂಡಿಸಿದ್ದ ನೋಟು ಅಮಾನ್ಯೀಕರಣ ಘೋಷಣೆಗೆ ಇಂದಿಗೆ 2 ವರ್ಷ.

ಹಿನ್ನಲೆ

  • ನ.8ರಂದು ರಾತ್ರಿ 8 ಗಂಟೆಗೆ ಪ್ರಧಾನಿ ನರೇಂದ್ರ ಮೋದಿ ಈ ನಿರ್ಧಾರ ಘೋಷಿಸಿದರು. ಮಧ್ಯರಾತ್ರಿ 12 (ನ.9)ಕ್ಕೆ ಈ ಘೋಷಣೆ ಜಾರಿಯಾಗಿ 500 ಹಾಗೂ 1 ಸಾವಿರ ರೂ. ಮುಖಬೆಲೆಯ ನೋಟುಗಳು ಮಾನ್ಯತೆ ಕಳೆದುಕೊಂಡವು.

ಪ್ರಯೋಜನಗಳು

  • ಕಪ್ಪು ಹಣ ಹಾವಳಿ ತಡೆ, ಭ್ರಷ್ಟಾಚಾರಕ್ಕೆ ನಿಯಂತ್ರಣ, ತೆರಿಗೆ ಹಾಗೂ ಡಿಜಿಟಲ್ ಪಾವತಿ ಹೆಚ್ಚಳ ಉದ್ದೇಶದಿಂದ ಕೇಂದ್ರ ಈ ಮಧ್ಯರಾತ್ರಿ ಸರ್ಜರಿ ನಡೆಸಿತ್ತು.
  • ಭಾರತೀಯ ಮಾರುಕಟ್ಟೆಯಲ್ಲಿ 500 ಹಾಗೂ 1 ಸಾವಿರ ರೂ. ಮುಖಬೆಲೆಯ 41 ಲಕ್ಷ ಕೋಟಿ ರೂ. ಮೊತ್ತದ ನೋಟುಗಳಿದ್ದವು. ಈ ಪೈಕಿ 15.31 ಲಕ್ಷ ಕೋಟಿ ರೂ. ಹಿಂತಿರುಗಿ ಆರ್​ಬಿಐಗೆ ಬಂದಿತ್ತು.
  • ನೋಟು ಅಮಾನ್ಯೀಕರಣ ಬಳಿಕ ಆದಾಯ ತೆರಿಗೆ 8 ಲಕ್ಷ ಕೋಟಿ ರೂ.ಗಳಿಂದ 6.86 ಲಕ್ಷ ಕೋಟಿ ರೂ.ಗಳಿಗೆ ಹೆಚ್ಚಳಗೊಂಡರೆ, ಡಿಜಿಟಲ್ ಪಾವತಿ ಪ್ರಮಾಣ ಶೇ.2.5ರಿಂದ ಶೇ.7.5ಕ್ಕೆ ಏರಿಕೆಯಾಯಿತು.
  • ಹಾಗೆಯೇ 5 ಲಕ್ಷಕ್ಕೂ ಅಧಿಕ ಬೇನಾಮಿ ಕಂಪನಿಗಳ ಮಾಹಿತಿ ಸಿಕ್ಕಿತು.
  • ಇದರ ಜತೆಗೆ ಬ್ಯಾಂಕಿಂಗ್ ವಲಯಕ್ಕೆ ಹಣ ಬಂದಿರುವುದರಿಂದ ಹಣದ ಮೂಲ ಹುಡುಕುವುದು ಸುಲಭ ಎನ್ನುವುದು ಕೇಂದ್ರ ಸರ್ಕಾರದ ವಾದವಾಗಿದೆ.

ಕಾಂಗ್ರೆಸ್ ಪ್ರತಿಭಟನೆ: ಕಪ್ಪು ಹಣ ಹಾಗೂ ಭ್ರಷ್ಟಾಚಾರ ನಿಯಂತ್ರಣಕ್ಕೆ ನೋಟು ಅಮಾನ್ಯೀಕರಣ ಸಹಕಾರ ನೀಡಲಿಲ್ಲ ಎಂದು ವಿರೋಧಿಸುತ್ತಿರುವ ಕಾಂಗ್ರೆಸ್, ಆರ್​ಬಿಐ ಕಚೇರಿಗಳೆದುರು ನ.9ರಂದು ಪ್ರತಿಭಟಿಸಲು ನಿರ್ಧರಿಸಿದೆ.

Related Posts
“18 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಆಯುಷ್ಮಾನ್​ಗೆ ಖಾಸಗಿ ಆಸ್ಪತ್ರೆಗಳ ನಿರ್ಲಕ್ಷ್ಯ ಸುದ್ಧಿಯಲ್ಲಿ ಏಕಿದೆ ?ವಿಶ್ವದಲ್ಲೇ ಅತಿ ದೊಡ್ಡ ಸರ್ಕಾರಿ ಪ್ರಾಯೋಜಿತ ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ (ಎಬಿ-ಎಆರ್​ಕೆ) ಯೋಜನೆಯಲ್ಲಿ ಹೆಸರು ನೋಂದಾ ಯಿಸಲು ಖಾಸಗಿ ಆಸ್ಪತ್ರೆಗಳು ನಿರಾಸಕ್ತಿ ತೋರಿರುವ ಸಂಗತಿ ಬೆಳಕಿಗೆ ಬಂದಿದೆ. ರಾಜ್ಯದಲ್ಲಿರುವ 26 ಸಾವಿರ ಖಾಸಗಿ ಆಸ್ಪತ್ರೆಗಳ ಪೈಕಿ ...
READ MORE
“14 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಅತ್ಯಮೂಲ್ಯ ಖನಿಜ ಪೈರೋಕ್ಲಾಸ್ಟಿಕ್‌ ರಾಕ್ಸ್‌ ಪತ್ತೆ ಸುದ್ಧಿಯಲ್ಲಿ ಏಕಿದೆ ? ಭಾರತದಲ್ಲೇ ಅಪರೂಪವಾಗಿರುವ ಖನಿಜವೊಂದು ಕೋಲಾರ ಗೋಲ್ಡ್‌ ಫೀಲ್ಡ್‌ ಖ್ಯಾತಿಯ ಕೆಜಿಎಫ್‌ ಬಳಿ ಪತ್ತೆಯಾಗಿದ್ದು, ಭಾರತೀಯ ಭೂವಿಜ್ಞಾನ ಇಲಾಖೆಯು ಇದರ ಸಂರಕ್ಷಣೆಗೆ ಮುಂದಾಗಿದೆ. ಕೆಜಿಎಫ್‌ ಬಳಿಯ ಪೆದ್ದಪಲ್ಲಿ ಗ್ರಾಮದಲ್ಲಿ ಈ ಅಪರೂಪದ ಖನಿಜವಿದ್ದು, ಮೇಲ್ನೋಟಕ್ಕೆ ...
READ MORE
27 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು
ಕರ್ನಾಟಕದ ಕಾರ್ಖಾನೆಯಲ್ಲಿ ಟೊಯೋಟಾದಿಂದ ಪರಿಸರಸ್ನೇಹಿ ವ್ಯವಸ್ಥೆ ಸುದ್ಧಿಯಲ್ಲಿ ಏಕಿದೆ ?ಇಂಗಾಲದ ಮಾಲಿನ್ಯವನ್ನು ಉತ್ಪಾದನಾ ಸ್ಥಳದಲ್ಲಿ ಗಣನೀಯವಾಗಿ ತಗ್ಗಿಸುವ ನಿಟ್ಟಿನಲ್ಲಿ ಜಪಾನ್‌ ಮೂಲದ ಟೊಯೋಟಾ ಕಿರ್ಲೋಸ್ಕರ್‌ ಮೋಟಾರ್‌(ಟಿಕೆಎಂ) ಪ್ರಯತ್ನ ನಡೆಸಿದ್ದು, ಈ ನಿಟ್ಟಿನಲ್ಲಿ ಯಶಸ್ಸನ್ನೂ ಪಡೆದಿದೆ. ಕರ್ನಾಟಕದ ಬಿಡದಿಯಲ್ಲಿರುವ ತನ್ನ ಕಾರ್ಖಾನೆಯಲ್ಲಿ ಪರಿಸರಸ್ನೇಹಿ ವ್ಯವಸ್ಥೆಯನ್ನು ...
READ MORE
“29 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ದಕ್ಷಿಣದಲ್ಲಿ ಕುಸಿಯುತ್ತಿದೆ ಲಿಂಗ ಅನುಪಾತ ಪ್ರಮಾಣ ಸುದ್ಧಿಯಲ್ಲಿ ಏಕಿದೆ ?ಉತ್ತರ ಭಾರತದ ಬದಲಿಗೆ ದಕ್ಷಿಣದಲ್ಲಿ ಲಿಂಗಾನುಪಾತ ವ್ಯತ್ಯಾಸ ಹೆಚ್ಚುತ್ತಿದೆ. ಆಶ್ಚರ್ಯಕರ ಬೆಳವಣಿಗೆಯಲ್ಲಿ ಕರ್ನಾಟಕ, ಆಂಧ್ರಪ್ರದೇಶ, ತಮಿಳುನಾಡು, ಗೋವಾಗಳಲ್ಲಿ ಜನಿಸುತ್ತಿರುವ ಶಿಶುಗಳಲ್ಲಿ ಹೆಣ್ಣುಮಕ್ಕಳ ಸಂಖ್ಯೆ ತೀವ್ರ ಕುಸಿತ ಕಂಡಿದೆ. ಅಭಿವೃದ್ಧಿ ಪಥದಲ್ಲಿ ಮುಂದಿರುವ ಈ ...
READ MORE
“17 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಆರೋಗ್ಯ ಇಲಾಖೆಯ ವಾಟ್ಸ್‌ಆ್ಯಪ್‌ ಪ್ಲಾನ್‌ ಸುದ್ಧಿಯಲ್ಲಿ ಏಕಿದೆ ?ಮಗುವಿನ ಜನನಕ್ಕೆ ನೆರವಾಗುವ ಉದ್ದೇಶದಿಂದ 'ಸುರಕ್ಷಿತ ಗರ್ಭದಿಂದ ಸಂತಸದ ಕೈಗಳಿಗೆ' ಎಂಬ ಘೋಷ ವಾಕ್ಯದೊಂದಿಗೆ ವಿನೂತನ ಕಾರ್ಯಕ್ರಮವನ್ನು ಆರೋಗ್ಯ ಇಲಾಖೆಯ ಸಂತಾನೋತ್ಪತ್ತಿ ಮತ್ತು ಮಕ್ಕಳ ಆರೋಗ್ಯ ವಿಭಾಗ ಆಯೋಜಿಸಿದೆ ವ್ಯಾಟ್ಸ್‌ಆ್ಯಪ್‌ ಗ್ರೂಪ್‌ ಮೂಲಕ ವೈದ್ಯರು ಗರ್ಭಿಣಿಯರು ...
READ MORE
“27 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಏಪ್ರಿಲ್‌ಗೆ ಕರ್ನಾಟಕ ಪೂರ್ತಿ ಉಜ್ವಲ! ಸುದ್ಧಿಯಲ್ಲಿ ಏಕಿದೆ ? ರಾಜ್ಯದಲ್ಲಿ ವಿಸ್ತರಿತ ಪ್ರಧಾನಮಂತ್ರಿ ಉಜ್ವಲ ಯೋಜನೆ-2(ಇಪಿಎಂಯುವೈ) ಅಡಿ ಹೊಸದಾಗಿ ಐದು ಲಕ್ಷ ಬಡ ಕುಟುಂಬಗಳಿಗೆ ಅನಿಲ ಸಂಪರ್ಕ ಕಲ್ಪಿಸಲು ಭಾರತೀಯ ತೈಲ ನಿಗಮ ಮುಂದಾಗಿದೆ. 2019ರ ಜ.1ರಿಂದ ಉಜ್ವಲ-2ರ ಯೋಜನೆಗೆ ಚಾಲನೆ ಸಿಗಲಿದೆ. ಸದ್ಯ ...
READ MORE
“15 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ದ ಮೆರ್ಸರ್ಸ್‌ ಕ್ವಾಲಿಟಿ ಆಫ್‌ ಲಿವಿಂಗ್‌ ರ‍್ಯಾಂಕ್ ಪಟ್ಟಿ  ಸುದ್ಧಿಯಲ್ಲಿ ಏಕಿದೆ ?ಗುಣಮಟ್ಟದ ಜೀವನಕ್ಕೆ ಅತ್ಯುತ್ತಮ ನಗರ ಯಾವುದೆಂದು ತೀರ್ಮಾನಿಸುವ 2019ರ ದ ಮೆರ್ಸರ್ಸ್‌ ಕ್ವಾಲಿಟಿ ಆಫ್‌ ಲಿವಿಂಗ್‌ ರ‍್ಯಾಂಕ್ ಪಟ್ಟಿ (21ನೇ ಆವೃತ್ತಿ) ಬಿಡುಗಡೆಯಾಗಿದ್ದು, ಬೆಂಗಳೂರು ಜಾಗತಿಕ ಮಟ್ಟದಲ್ಲಿ 149ನೇ ಸ್ಥಾನ ...
READ MORE
“25 ಫೆಬ್ರವರಿ   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ರಾಷ್ಟ್ರೀಯ ಯುದ್ಧ ಸ್ಮಾರಕ ಸಿದ್ಧ ಸುದ್ಧಿಯಲ್ಲಿ ಏಕಿದೆ ?ದೇಶಕ್ಕಾಗಿ ಪ್ರಾಣಾರ್ಪಣೆ ಮಾಡಿದ ಯೋಧರನ್ನು ಗೌರವದಿಂದ ಸ್ಮರಿಸುವುದು ನಮ್ಮ ಕರ್ತವ್ಯ. ಹೀಗಾಗಿ ಇಂಡಿಯಾ ಗೇಟ್ ಬಳಿ ನಿರ್ವಿುಸಲಾಗಿರುವ ಸ್ಮಾರಕವನ್ನು ದೇಶಕ್ಕೆ ಅರ್ಪಿಸಲಾಗುವುದು. ರಾಷ್ಟ್ರೀಯ ಯುದ್ಧ ಸ್ಮಾರಕ ನಿರ್ಮಿಬೇಕು ಎಂದು ದಶಕಗಳಿಂದ ಒತ್ತಾಯಿಸಲಾಗುತ್ತಿತ್ತು. ಎನ್​ಡಿಎ ಸರ್ಕಾರ ಅಧಿಕಾರಕ್ಕೆ ...
READ MORE
“10 ಏಪ್ರಿಲ್   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ರಾಜ್ಯದಲ್ಲಿ ತಂಬಾಕು ಮಾರಾಟ ಕುಸಿತ ಸುದ್ಧಿಯಲ್ಲಿ ಏಕಿದೆ ?ರಾಜ್ಯದ ತಂಬಾಕು ಮಾರುಕಟ್ಟೆಯಲ್ಲಿ ಒಟ್ಟು 8.5 ಕೋಟಿ ಕೆ.ಜಿ ತಂಬಾಕು ಮಾರಾಟವಾಗಿದ್ದು, ಕಳೆದ ಬಾರಿಗೆ ಹೋಲಿಸಿದರೆ 2.1 ಕೋಟಿ ಕೆ.ಜಿ ತಂಬಾಕು ಮಾರಾಟ ಕುಸಿತ ಕಂಡಿದೆ. ಒಟ್ಟು 11 ತಂಬಾಕು ಹರಾಜು ಮಾರುಕಟ್ಟೆಗಳಿದ್ದು , ...
READ MORE
“17 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಕಾವೇರಿ ಆನ್‌ಲೈನ್ ಸೇವೆ ಸುದ್ಧಿಯಲ್ಲಿ ಏಕಿದೆ ?ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಅವರು ನೋಂದಣಿ ಮತ್ತು ಮುದ್ರಾಂಕ ಇಲಾಖೆ ಅಭಿವೃದ್ಧಿ ಪಡಿಸಿರುವ ಕಾವೇರಿ-ಆನ್‌ಲೈನ್ ಸೇವೆಗಳಿಗೆ ಚಾಲನೆ ನೀಡಿದರು. ಉದ್ದೇಶ ಸಬ್​ರಿಜಿಸ್ಟ್ರಾರ್ ಕಚೇರಿಗಳಲ್ಲಿ ಬೇರೂರಿರುವ ಮಧ್ಯವರ್ತಿಗಳ ಹಾವಳಿಗೆ ತಿಲಾಂಜಲಿ ಇಡುವ ಉದ್ದೇಶದಿಂದ ನೋಂದಣಿ ಮತ್ತು ಮುದ್ರಾಂಕ ಇಲಾಖೆ ‘ಕಾವೇರಿ’ ...
READ MORE
“18 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“14 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
27 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು
“29 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“17 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“27 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“15 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“25 ಫೆಬ್ರವರಿ 2019 ರ ಕನ್ನಡ ಪ್ರಚಲಿತ
“10 ಏಪ್ರಿಲ್ 2019 ರ ಕನ್ನಡ ಪ್ರಚಲಿತ
“17 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Leave a Reply

Your email address will not be published. Required fields are marked *