“12 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

ರಾಷ್ಟ್ರೀಯ ಯುವ ದಿನ

ಸುದ್ಧಿಯಲ್ಲಿ ಏಕಿದೆ ?ಸ್ವಾಮಿ ವಿವೇಕಾನಂದರ ಸ್ವರಣಾರ್ಥ ಜ.12ನ್ನು ರಾಷ್ಟ್ರೀಯ ಯುವ ದಿನವನ್ನಾಗಿ ಆಚರಿಸಲಾಗುತ್ತದೆ.

ರಾಷ್ಟ್ರೀಯ ಯುವ ದಿನ

  • ಸ್ವಾಮಿ ವಿವೇಕಾನಂದರ ಹುಟ್ಟುಹಬ್ಬ ಜನವರಿ 12 ರಂದು ರಾಷ್ಟ್ರೀಯ ಯುವ ದಿನವನ್ನು ಆಚರಿಸಲಾಗುತ್ತದೆ. 1984 ರಲ್ಲಿ ಭಾರತ ಸರಕಾರ ದಿನವನ್ನು ರಾಷ್ಟ್ರೀಯ ಯುವ ದಿನವೆಂದು ಘೋಷಿಸಿತು ಮತ್ತು 1985 ರಿಂದ ಪ್ರತಿವರ್ಷ ಭಾರತದಲ್ಲಿ ಆಚರಿಸಲಾಗುತ್ತದೆ.
  • ಈ ವರ್ಷ ಇದು ಸ್ವಾಮಿ ವಿವೇಕಾನಂದರ 155 ನೇ ಜನ್ಮ ದಿನಾಚರಣೆಯಾಗಿದೆ. ದಿನದ ಆಚರಣೆಯು ತತ್ವಶಾಸ್ತ್ರವನ್ನು ಮತ್ತು ಸ್ವಾಮಿ ವಿವೇಕಾನಂದದ ಆದರ್ಶಗಳನ್ನು ಪ್ರಸಾರ ಮಾಡಲು ಮತ್ತು ಅವರ ಧ್ಯೇಯ ಮತ್ತು ಉದ್ದೇಶವನ್ನು ಪ್ರಸಾರ ಮಾಡಲು ಪ್ರಯತ್ನಿಸುತ್ತದೆ. ಇದು ಭಾರತೀಯ ಯುವಜನತೆಗೆ ಸಹಾ ಪ್ರೇರಣೆಗೆ ಸಹಾಯ ಮಾಡುತ್ತದೆ ಮತ್ತು ಕಾರ್ಯನಿರ್ವಹಿಸುತ್ತದೆ.

ಸ್ವಾಮಿ ವಿವೇಕಾನಂದ ಬಗ್ಗೆ

  • ಸ್ವಾಮಿ ವಿವೇಕಾನಂದ 12 ಜನವರಿ 1863 ರಂದು ನರೇಂದ್ರನಾಥ ದತ್ತಾನಾಗಿ ಜನಿಸಿದರು ಮತ್ತು 4 ಜುಲೈ 1902 ರಂದು ನಿಧನರಾದರು. 19 ನೇ ಶತಮಾನದ ಸಂತ ರಾಮಕೃಷ್ಣ ಪರಮಹಂಸದ ಮುಖ್ಯ ಶಿಷ್ಯರಾಗಿದ್ದರು.
  • “ಪಾಶ್ಚಾತ್ಯ” ಜಗತ್ತಿಗೆ ವೇದಾಂತ ಮತ್ತು ಯೋಗದ ಭಾರತೀಯ ತತ್ತ್ವಗಳನ್ನು ಪರಿಚಯಿಸಿದ ಭಾರತದ ಅತ್ಯಂತ ಪ್ರಮುಖ ವ್ಯಕ್ತಿಗಳಲ್ಲಿ ಒಬ್ಬರಾಗಿದ್ದರು.
  • 19 ಹಾಗೂ 20ನೇ ಶತಮಾನದಲ್ಲಿ ರಾಷ್ಟ್ರೀಯತೆಯನ್ನು ಜನರ ಮನದಲ್ಲಿ ಬಿತ್ತುವ ಕೈಂಕರ್ಯದಲ್ಲಿ ವಿವೇಕಾನಂದರ ಪಾತ್ರ ಮಹತ್ವದ್ದು.
  • ಅವರ ಮೌಲ್ಯಾಧಾರಿತ ವಿಚಾರಧಾರೆಗಳು ಹಿಂದುತ್ವ, ಹಿಂದೂ ಸಂಸ್ಕೃತಿ ಹಾಗೂ ಅದರ ಪ್ರಾಚೀನತೆ ಜನರ ಮನದಲ್ಲಿ ನೆಲೆಯೂರಿಸಿತು.
  • 1893ರಲ್ಲಿ ಅಮೆರಿಕದ ಚಿಕಾಗೋದಲ್ಲಿ ನಡೆದ ಜಾಗತಿಕ ಧರ್ಮ ಸಮ್ಮೇಳದಲ್ಲಿ ಅವರ ಭಾಷಣ, ಇಡೀ ವಿಶ್ವವನ್ನೇ ನಿಬ್ಬೆರಗಾಗಿಸಿತು.
  • 1897ರಲ್ಲಿ ವಿವೇಕಾನಂದರು ರಾಮಕೃಷ್ಣ ಮಿಶನ್‌ ಸ್ಥಾಪಿಸುವ ಮೂಲಕ ಸಾಮಾಜಿಕ ಚಟುವಟಿಕೆಗಳನ್ನು ಕೈಗೊಂಡರು.

ಚಾರ್‌ಧಾಮ್‌ ಯೋಜನೆ

ಸುದ್ಧಿಯಲ್ಲಿ ಏಕಿದೆ ?ಕೇಂದ್ರ ಸರಕಾರದ ಮಹತ್ವಾಕಾಂಕ್ಷೆಯ ಚಾರ್‌ಧಾಮ್‌ ಅಭಿವೃದ್ಧಿ ಯೋಜನೆಗೆ ಸುಪ್ರೀಂ ಕೋರ್ಟ್‌ ಸಮ್ಮತಿ ಸೂಚಿಸಿದೆ.

ಯೋಜನೆಯ ಉದ್ದೇಶ

  • ಉತ್ತರಾಖಂಡದ ನಾಲ್ಕು ಪವಿತ್ರ ಪಟ್ಟಣಗಳಿಗೆ ಎಲ್ಲಾ ಹವಾಮಾನಕ್ಕೆ ಒಗ್ಗುವ ರಸ್ತೆಗಳನ್ನು ನಿರ್ಮಿಸುವ ಮೂಲಕ ಸಂಪರ್ಕ ಕಲ್ಪಿಸುವುದು ಈ ಯೋಜನೆಯ ಉದ್ದೇಶವಾಗಿದೆ.
  • ಚಾರ್‌ಧಾಮ್‌ ಯೋಜನೆ ಎಲ್ಲ ಹವಾಮಾನ ರಸ್ತೆಗಳ ಮೂಲಕ ಉತ್ತರಾಖಂಡದ ನಾಲ್ಕು ಪಟ್ಟಣಗಳಾದ ಯಮುನೋತ್ರಿ, ಗಂಗೋತ್ರಿ, ಕೇದಾರನಾಥ್‌ ಮತ್ತು ಬದ್ರಿನಾಥ್‌ ಸಂಪರ್ಕಿಸಲು ಉದ್ದೇಶಿಸಿದೆ.
  • ವಿಚಾರಣೆ ನಡೆಸುತ್ತಿರುವ ನ್ಯಾ.ಆರ್‌.ಎಫ್‌.ನಾರಿಮನ್‌ ಮತ್ತು ನ್ಯಾ.ವಿನೀತ್‌ ಸರಣ್‌ ಅವರನ್ನು ಒಳಗೊಂಡ ದ್ವಿಸದಸ್ಯ ಪೀಠ, ರಾಷ್ಟ್ರೀಯ ಹಸಿರು ಪೀಠ(ಎನ್‌ಜಿಟಿ) ನೀಡಿರುವ ಆದೇಶಕ್ಕೆ ತಡೆ ಕೋರಿ ಸಲ್ಲಿಸಿರುವ ಅರ್ಜಿ ಸಂಬಂಧ ಅಫಿಡೆವಿಟ್‌ ಸಲ್ಲಿಸುವಂತೆ ಕೇಂದ್ರ ಸರಕಾರಕ್ಕೆ ಸೂಚಿಸಿದೆ.
  • ಎನ್‌ಜಿಟಿ ಈ ಯೋಜನೆಗೆ ಸಮ್ಮತಿಸಿದ್ದು, ಇದರ ಮೇಲ್ವಿಚಾರಣೆಗೆ ಸಮಿತಿಯೊಂದನ್ನು ರಚಿಸಿದೆ.

ಸುಪ್ರೀಂಕೋರ್ಟ್‌ಗೆ ನ್ಯಾ.ದಿನೇಶ್‌ ಮಹೇಶ್ವರಿ

ಸುದ್ಧಿಯಲ್ಲಿ ಏಕಿದೆ ?ಹಾಲಿ ಕರ್ನಾಟಕ ಹೈಕೋರ್ಟ್‌ನ ಸಿಜೆಯಾಗಿ ಸೇವೆ ಸಲ್ಲಿಸುತ್ತಿರುವ ನ್ಯಾ.ದಿನೇಶ್‌ ಮಹೇಶ್ವರಿ ಅವರಿಗೆ ಸುಪ್ರೀಂಕೋರ್ಟ್‌ನ ನ್ಯಾಯಮೂರ್ತಿಯಾಗಿ ಪದೋನ್ನತಿ ನೀಡಲು ಸುಪ್ರೀಂಕೋರ್ಟ್‌ನ ಕೊಲಿಜಿಯಂ ನಿರ್ಧರಿಸಿದೆ.

ಸುಪ್ರೀಂಕೋರ್ಟ್ ನ್ಯಾಯಾಧೀಶರ ಆಯ್ಕೆ ಹೇಗೆ ನಡೆಯುತ್ತದೆ ?

  • ಕೊಲಿಜಿಯಂ ನಿಯಮದಂತೆ ತನ್ನ ತೀರ್ಮಾನವನ್ನು ಕೇಂದ್ರ ಕಾನೂನು ಮತ್ತು ನ್ಯಾಯ ಸಚಿವಾಲಯಕ್ಕೆ ಕಳುಹಿಸಿಕೊಡಲಿದೆ.ಅದು ರಾಷ್ಟ್ರಪತಿ ಅವರಿಗೆ ಕಳುಹಿಸಲಿದೆ, ಮುಂದಿನ ಒಂದು ವಾರದಲ್ಲಿ ರಾಷ್ಟ್ರಪತಿ ಅವರಿಂದ ಅಧಿಕೃತ ಆದೇಶ ಹೊರಬೀಳುವ ಸಾಧ್ಯತೆ ಇದೆ.

ದಿನೇಶ್ ಮಹೇಶ್ವರಿ ಬಗ್ಗೆ

  • 2004 ಸೆ.2ರಂದು ರಾಜಸ್ತಾನ ಹೈಕೋರ್ಟ್‌ನ ನ್ಯಾಯಮೂರ್ತಿಯಾಗಿ ನೇಮಕಗೊಂಡಿದ್ದ ದಿನೇಶ್‌ ಮಹೇಶ್ವರಿ, 2014 ಜುಲೈನಲ್ಲಿ ಅಲಹಾಬಾದ್‌ಗೆ ವರ್ಗಾವಣೆಗೊಂಡಿದ್ದರು. ನಂತರ 2016ರ ಫೆಬ್ರವರಿಯಲ್ಲಿ ಮೇಘಾಲಯ ಸಿಜೆಯಾಗಿ ಪದೋನ್ನತಿ ಹೊಂದಿದ್ದ ಅವರು, 2018ರ ಫೆ.12ರಂದು ಕರ್ನಾಟಕ ಹೈಕೋರ್ಟ್‌ ಸಿಜೆಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಬಿಬಿಎಂಪಿಗೆ ಬಿಸಿಮುಟ್ಟಿಸಿದ್ದರು

  • ಸುಮಾರು 11 ತಿಂಗಳ ಅವಧಿಯಲ್ಲಿ ಅನಗತ್ಯ ಪಿಐಎಲ್‌ಗಳಿಗೆ ಕಡಿವಾಣ ಹಾಕಿದ್ದ ಅವರು, ರಸ್ತೆ ಗುಂಡಿ, ಅನಧಿಕೃತ ಜಾಹೀರಾತುಗಳ ವಿರುದ್ಧ ಸಮರ ಸಾರಿ ಬಿಬಿಎಂಪಿಯನ್ನು ತರಾಟೆಗೆ ತೆಗೆದುಕೊಂಡು ಹಗಲು-ರಾತ್ರಿ ಕೆಲಸ ಮಾಡಿಸಿದ್ದರು. ಅದರ ಪರಿಣಾಮ ನಗರದಲ್ಲಿ ಒಂದೂ ಅನಧಿಕೃತ ಬ್ಯಾನರ್‌, ಫ್ಲೆಕ್ಸ್‌ ಇಲ್ಲದಂತಾಯಿತು, ರಸ್ತೆಗಳ ಗುಣಮಟ್ಟವೂ ಸುಧಾರಿಸುತ್ತಿದೆ. ರಸ್ತೆ ಗುಣಮಟ್ಟ ಪರಿಶೀಲನೆಗಾಗಿ ಕೋರ್ಟ್‌ ಕಮೀಷನರ್ಸ್‌ ಸಹ ನೇಮಕ ಮಾಡಿದ್ದರು.

ಮಾನವಸಹಿತ ಗಗನಯಾನ

ಸುದ್ಧಿಯಲ್ಲಿ ಏಕಿದೆ ?ಮಾನವಸಹಿತ ಗಗನ್​ಯಾನ್ ಯೋಜನೆಗೆ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಇಸ್ರೋ ಸಿದ್ಧತೆ ಆರಂಭಿಸಿದೆ.

  • 2021ರ ಡಿಸೆಂಬರ್​ನಲ್ಲಿ ಈ ಯೋಜನೆ ಕೈಗೊಳ್ಳಲು ಸ್ವಯಂ ಗಡುವು ವಿಧಿಸಿಕೊಂಡಿರುವ ಇಸ್ರೋ ಇದಕ್ಕೆ ಪೂರಕವಾಗಿ ಪ್ರತ್ಯೇಕ ಮಾನವ ಬಾಹ್ಯಾಕಾಶಯಾನ ಕೇಂದ್ರ ಸ್ಥಾಪಿಸಿದೆ.
  • ಮಹಿಳಾ ಗಗನಯಾತ್ರಿ?: ಗಗನ್​ಯಾನ್ ಯೋಜನೆ ಯಲ್ಲಿ ಬಾಹ್ಯಾ ಕಾಶಯಾನ ಕೈಗೊಳ್ಳುವವರೆಲ್ಲರೂ ಭಾರತೀಯ ವಾಯುಪಡೆ ಅಧಿಕಾರಿ ಗಳು ಆಗಿರುತ್ತಾರೆ. ಮೊದಲ ಯೋಜನೆಯಲ್ಲಿ ಗಗನ ಯಾತ್ರಿಗಳು ಒಟ್ಟು 7 ದಿನ ಬಾಹ್ಯಾಕಾಶದಲ್ಲಿ ಇರುತ್ತಾರೆ. ಒಟ್ಟಾರೆ ಮೂವರು ಗಗನಯಾತ್ರಿಗಳನ್ನು ಕಳುಹಿಸಲು ನಿರ್ಧರಿಸಲಾಗಿದೆ. ಇವರಲ್ಲಿ ಒಬ್ಬ ಮಹಿಳೆಯೂ ಇರಲಿದ್ದಾರೆ.
  • 3 ಪ್ರಮುಖ ಯೋಜನೆಗೆ ಆದ್ಯತೆ: ಪ್ರಸಕ್ತ ವರ್ಷದಲ್ಲಿ ಇಸ್ರೋ 3 ಯೋಜನೆಗಳಿಗೆ ಹೆಚ್ಚಿನ ಒತ್ತು ನೀಡಲಿದೆ. 2019ರ ಜುಲೈನಲ್ಲಿ ಅತಿಕಡಿಮೆ ತೂಕದ, ಸಣ್ಣ ಉಪಗ್ರಹ ಕಳುಹಿಸುವ ರಾಕೆಟ್ ಉಡಾವಣೆ ಮಾಡಲಿದೆ. ಕೇವಲ 72 ಗಂಟೆಗಳ ಒಳಗೆ 100 ಟನ್ ತೂಕದ ಈ ಉಡಾಹಕ ಸಿದ್ಧಗೊಳ್ಳಲಿದೆ. 30 ಕೋಟಿ ರೂ. ವೆಚ್ಚದಲ್ಲಿ ತಯಾರಾಗಲಿದ್ದು, 6 ಜನರು ನಿಯಂತ್ರಿಸಲಿದ್ದಾರೆ. ಗರಿಷ್ಠ 500 ಕೆ.ಜಿ. ಭಾರದ ಉಪಗ್ರಹವನ್ನು ಇದು ಹೊತ್ತೊಯ್ಯಲಿದೆ. ದೇಶಕ್ಕೆ 100 ಜಿಬಿಪಿಎಸ್ ವೇಗದ ಇಂಟರ್​ನೆಟ್ ಸೌಲಭ್ಯ ಒದಗಿಸಲಿರುವ ಜಿಸ್ಯಾಟ್ 20 ಸೆಪ್ಟಂಬರ್/ ಅಕ್ಟೋಬರ್​ನಲ್ಲಿ ಉಡಾವಣೆಯಾಗಲಿದೆ. ಜತೆಗೆ ಮರುಬಳಸಬಹುದಾದ ಉಡಾಹಕದ ಪರೀಕ್ಷೆಗೂ ಇಸ್ರೋ ಸಜ್ಜಾಗುತ್ತಿದೆ. ಅಂದಾಜು 2-3 ಕಿ.ಮೀ. ಎತ್ತರಕ್ಕೆ ಹೆಲಿಕಾಪ್ಟರ್​ನಲ್ಲಿ ಈ ಉಡಾವಣಾ ವಾಹನವನ್ನು ಹೊತ್ತೊಯ್ದು ಉಡಾವಣೆ ಮಾಡಿ ಸುರಕ್ಷಿತವಾಗಿ ಭೂಮಿಗೆ ಇಳಿಸಲಾಗುವುದು.

ಎರಡು ಮಾನವ ರಹಿತ ನೌಕೆ

  • ಗಗನ್​ಯಾನ್​ನ ಅಂತಿಮ ಉಡಾವಣೆಗೂ ಮುನ್ನ 2 ಮಾನವರಹಿತ ನೌಕೆಗಳು ಪರೀಕ್ಷಾರ್ಥ ಹಾರಾಟ ಕೈಗೊಳ್ಳಲಿವೆ. ಜಿಎಸ್​ಎಲ್​ವಿ ಮಾರ್ಕ್ 3 ಉಡಾಹಕಗಳನ್ನು ಬಳಸಿ 2020ರ ಡಿಸೆಂಬರ್ ಹಾಗೂ 2021ರ ಜುಲೈನಲ್ಲಿ ಪರೀಕ್ಷಾರ್ಥ ಹಾರಾಟ ನಡೆಯಲಿದೆ. ಬಾಹ್ಯಾಕಾಶಯಾನಿಗಳ ಸುರಕ್ಷತೆ ಸೇರಿ ಹಲವು ಅಂಶಗಳನ್ನು ಗಮನಿಸಲಾಗುವುದು. ಲಭಿಸುವ ಮಾಹಿತಿ ಆಧರಿಸಿ, ಕೆಲ ಬದಲಾವಣೆ ಮಾಡಲಾಗುವುದು.

2019ರಲ್ಲಿ ಮಿಷನ್ 32!

  • ಇಸ್ರೋ 2018ರಲ್ಲಿ 17 ಯೋಜನೆ ಕೈಗೆತ್ತಿಕೊಂಡಿದ್ದು, 16 ಯೋಜನೆಗಳು ಯಶಸ್ವಿಯಾಗಿವೆ. 2019ರಲ್ಲಿ 32 ಯೋಜನೆ ಕೈಗೊಳ್ಳಲು ನಿರ್ಧರಿಸಿದೆ. 8 ಪಿಎಸ್​ಎಲ್​ವಿ, 2 ಜಿಎಸ್​ಎಲ್​ವಿ, 2 ಮಾರ್ಕ್ 3 ಹಾಗೂ 2 ಎಸ್​ಎಸ್​ಎಲ್​ವಿ ಸೇರಿ 14 ಉಡಾಹಕಗಳು, 18 ಉಪಗ್ರಹ ಉಡಾವಣೆಯಾಗಲಿವೆ.

ಚಂದ್ರನ ಮೇಲೂ ಭಾರತದ ಹೆಜ್ಜೆ ಗುರುತು!

  • ಪ್ರಸಕ್ತ ಸಾಲಿನಲ್ಲಿ ಗಗನ್​ಯಾನ್ ಯೋಜನೆ ಹೆಚ್ಚಿನ ಒತ್ತು ನೀಡಲಾಗುತ್ತದೆ. ಪ್ರಸ್ತುತ ಇಸ್ರೋದ ಚಟುವಟಿಕೆಗಳು ಉಡಾವಣಾ ವಾಹನ ನಿರ್ಮಾಣ ಮತ್ತು ಉಪಗ್ರಹಗಳ ಉಡಾವಣೆಗೆ ಸೀಮಿತವಾಗಿದೆ. ಆದರೆ, ಗಗನ್​ಯಾನ್ ಯೋಜನೆಯಿಂದ ಸಂಸ್ಥೆಯ ಕಾರ್ಯಚಟುವಟಿಕೆ ಮತ್ತಷ್ಟು ವಿಸ್ತಾರವಾಗಲಿದೆ.
  • ಈ ಬಾರಿ ಉಡಾವಣೆಗೊಳ್ಳುವ ರಾಕೆಟ್​ನಲ್ಲಿ ಉಪಗ್ರಹದ ಬದಲು ಮಾನವರು ಇರಲಿದ್ದಾರೆ. ಇದಕ್ಕೆ ಪೂರಕವಾಗಿ ಇಸ್ರೋದ ಬೆಂಗಳೂರು ಕೇಂದ್ರದಲ್ಲಿ ಮೊದಲ ಬಾರಿಗೆ ಪ್ರತ್ಯೇಕ ಮಾನವ ಬಾಹ್ಯಾಕಾಶಯಾನ ಕೇಂದ್ರವನ್ನು (ಹ್ಯೂಮನ್ ಸ್ಪೇಸ್​ಫ್ಲೈಟ್ ಸೆಂಟರ್) ಸ್ಥಾಪಿಸಲಾಗುತ್ತಿದೆ. ಭವಿಷ್ಯದಲ್ಲಿ ಅಂತಾರಾಷ್ಟ್ರೀಯ ಬಾಹ್ಯಾಕಾಶ ಕೇಂದ್ರಕ್ಕೆ ಸಮಾನವಾಗಿ ಭಾರತದ ಬಾಹ್ಯಾಕಾಶ ಕೇಂದ್ರ ಸ್ಥಾಪನೆಗೆ ಹಾಗೂ ಚಂದ್ರನ ಮೇಲೆ ಮಾನವರನ್ನು ಇಳಿಸುವ ಯೋಜನೆಗಳಿಗೆ ಇದರಿಂದ ಹೆಚ್ಚಿನ ಅನುಕೂಲವಾಗಲಿದೆ.

ನಿರ್ದೇಶಕರಾಗಿ ಉನ್ನಿಕೃಷ್ಣನ್ ನಾಯರ್

  • ಮಾನವ ಬಾಹ್ಯಾಕಾಶಯಾನ ಕೇಂದ್ರದ ನಿರ್ದೇಶಕರಾಗಿ ಹಿರಿಯ ವಿಜ್ಞಾನಿ ಡಾ. ಉನ್ನಿಕೃಷ್ಣನ್ ನಾಯರ್ ನೇಮಕಗೊಂಡಿದ್ದಾರೆ. ಇದಕ್ಕೂ ಮುನ್ನ ಇವರು ವಿಕ್ರಮ್ ಸಾರಾಬಾಯ್ ಕೇಂದ್ರದಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು. ಈ ಹಿಂದೆ ಪಿಎಸ್​ಎಲ್​ವಿ ಯೋಜನಾ ನಿರ್ದೇಶಕರಾಗಿದ್ದ ಆರ್. ಹಟ್ಟನ್ ಗಗನ್​ಯಾನ್ ಯೋಜನೆಯ ನಿರ್ದೇಶಕರಾಗಿ ಕಾರ್ಯನಿರ್ವಹಿಸಲಿದ್ದಾರೆ.

ಏಪ್ರಿಲ್​ನಲ್ಲಿ ಚಂದ್ರಯಾನ-2

  • 2008ರ ಚಂದ್ರಯಾನ 1ರ ಯಶಸ್ಸಿನಿಂದ ಉತ್ತೇಜನಗೊಂಡಿರುವ ಇಸ್ರೋ, 2019ರ ಏಪ್ರಿಲ್​ನಲ್ಲಿ ಚಂದ್ರಯಾನ 2ರ ಉಡಾವಣೆಗೆ ಸಜ್ಜಾಗಿದೆ. ಉಡಾವಣೆಗೊಂಡ ಬಳಿಕ ಉಪಗ್ರಹವು ಚಂದ್ರನ ಮೇಲೆ ಇಳಿಯಲು ಕನಿಷ್ಠ 35-45 ದಿನ ಬೇಕಾಗುತ್ತದೆ. ಉಪಗ್ರಹವು 6 ಹಂತಗಳಲ್ಲಿ ಚಂದ್ರನ ಕಕ್ಷೆ ಸೇರಲಿದೆ. ಬಳಿಕ ಇದರಲ್ಲಿರುವ ರೋವರ್ ವಾಹನ ಚಂದ್ರನ ಮೇಲೆ ಇಳಿಯಲಿದೆ. ಇದು ಅಂದಾಜು 500 ಮೀ. ಸಂಚರಿಸಿ ಚಂದ್ರನ ಮೇಲ್ಮೈ ಪರೀಕ್ಷಿಸಲಿದೆ. ಉಪಗ್ರಹ 1 ವರ್ಷ ಕಾರ್ಯನಿರ್ವಹಿಸಲಿದ್ದು, ರೋವರ್ ವಾಹನ 14 ದಿನ ಕಾರ್ಯನಿರ್ವಹಿಸಲಿದೆ.
Related Posts
16th ಜುಲೈ 2018 ಕನ್ನಡ ಪ್ರಚಲಿತ ವಿದ್ಯಮಾನ
ಸ್ವಚ್ಛ ಗ್ರಾಮ ಸಮೀಕ್ಷೆ ಸುದ್ಧಿಯಲ್ಲಿ ಏಕಿದೆ? ನಗರ ಪ್ರದೇಶಗಳಲ್ಲಿ ಸ್ವಚ್ಛ ಸರ್ವೆಕ್ಷಣೆ ನಡೆಸಿದ್ದ ಕೇಂದ್ರ ಸರ್ಕಾರ ಗ್ರಾಮೀಣ ಭಾರತದಲ್ಲಿಯೂ ಸಮೀಕ್ಷೆ ನಡೆಸಲು ನಿರ್ಧರಿಸಿದೆ. ದೇಶದ ಎಲ್ಲ ಜಿಲ್ಲೆಗಳಲ್ಲಿ ಸ್ವತಂತ್ರ ಸಂಸ್ಥೆಯಿಂದ ಆಗಸ್ಟ್ 1ರಿಂದ 31ರವರೆಗೆ ಸಮೀಕ್ಷೆ ನಡೆಯಲಿದೆ. ಈ ಸಮೀಕ್ಷೆಯ ಫಲಿತಾಂಶವನ್ನು ಅಕ್ಟೋಬರ್ 2ರಂದು ...
READ MORE
“28th  ಆಗಸ್ಟ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
'ಕಾವೇರಿ' ಸಾಫ್ಟ್‌ವೇರ್‌ ಸುದ್ಧಿಯಲ್ಲಿ ಏಕಿದೆ ?ಆಸ್ತಿಗಳ ನೋಂದಣಿ ಸಂದರ್ಭದಲ್ಲಿ ನಡೆಯುವ ಅಕ್ರಮ ತಡೆಗೆ 'ಕಾವೇರಿ' ಸಾಫ್ಟ್‌ವೇರ್‌ ಅನ್ನು ನಗರಾಭಿವೃದ್ಧಿ ಇಲಾಖೆಯೊಂದಿಗೆ ಜೋಡಣೆ ಮಾಡಲು ನಿರ್ಧರಿಸಲಾಗಿದೆ ಹಿನ್ನಲೆ ನಗರ ಪ್ರದೇಶಗಳಲ್ಲಿ ದಾಖಲೆ ಪತ್ರಗಳನ್ನು ಆಧರಿಸಿ ನಡೆಯುತ್ತಿರುವ ಆಸ್ತಿ ನೋಂದಣಿಯಿಂದ ಬಹಳಷ್ಟು ವಂಚನೆಗಳು ನಡೆಯುತ್ತಿವೆ. ಇದನ್ನು ತಪ್ಪಿಸಲು ನೋಂದಣಿ ಮತ್ತು ಮುದ್ರಾಂಕ ಇಲಾಖೆಯ ಕಾವೇರಿ ...
READ MORE
ವಿದೇಶಿ ನೇರ ಹೂಡಿಕೆ (ಎಫ್‌ಡಿಐ) ನಿಯಮಗಳನ್ನು ಕೇಂದ್ರ ಸರ್ಕಾರ ಸಡಿಲಗೊಳಿಸಿದೆ. ರಿಯಲ್‌ ಎಸ್ಟೇಟ್‌, ರಕ್ಷಣೆ, ನಾಗರಿಕ ವಿಮಾನ ಯಾನ ಮತ್ತು ಸುದ್ದಿ ಪ್ರಸಾರ ಸೇರಿದಂತೆ 15 ಕ್ಷೇತ್ರಗಳನ್ನು ವಿದೇಶಿ ಹೂಡಿಕೆಗೆ ತೆರೆದಿರಿಸಿದೆ. ನಿರ್ಮಾಣ ರಂಗದಲ್ಲಿ ಹೂಡಿಕೆ ಮಾಡುವುದಕ್ಕೆ ಇರುವ ನಿರ್ಬಂಧಗಳನ್ನು ಸಡಿಲಿಸಲಾಗಿದೆ. ಯೋಜನೆ ಪೂರ್ಣಗೊಳ್ಳುವ ...
READ MORE
28th ಜುಲೈ 2018 ಕನ್ನಡ ಪ್ರಚಲಿತ ವಿದ್ಯಮಾನ
ಡೋಕ್ಲಾಂ ಬಿಕ್ಕಟ್ಟು ಸುದ್ಧಿಯಲ್ಲಿ ಏಕಿದೆ? ಸಿಕ್ಕಿಂ ಗಡಿಯ ವಿವಾದಿತ ಡೋಕ್ಲಾಂ ಪ್ರದೇಶದಲ್ಲಿ ಚೀನಾ ಸದ್ದಿಲ್ಲದೇ ಕಾರ್ಯಚಟುವಟಿಕೆ ಚುರುಕುಗೊಳಿಸಿದೆ ಎಂಬ ಆತಂಕಕಾರಿ ಮಾಹಿತಿಯನ್ನು ಅಮೆರಿಕದ ಅಧಿಕಾರಿಯೊಬ್ಬರು ನೀಡಿದ್ದಾರೆ. ದೇಶದ ಉತ್ತರ ಭಾಗದಲ್ಲಿನ ಅತಿಕ್ರಮಣ ವಿರುದ್ಧ ಕಠಿಣ ನಿಲುವು ಪ್ರದರ್ಶಿಸುತ್ತಿರುವ ಭಾರತ, ಡೋಕ್ಲಾಂ ಬಗ್ಗೆ ಕಾಳಜಿ ವಹಿಸಬೇಕಿದೆ ಎಂದು ...
READ MORE
“14th  ಸೆಪ್ಟೆಂಬರ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
ಪ್ರಮುಖ ಔಷಧಿಗಳ ಬ್ಯಾನ್‌ ಸುದ್ಧಿಯಲ್ಲಿ ಏಕಿದೆ ? 28 ಸ್ಥಿರ ಸಂಯೋಜನೆಯ ಔಷಧಿಗಳನ್ನು ಕೇಂದ್ರ ಆರೋಗ್ಯ ಸಚಿವಾಲಯ ಬ್ಯಾನ್‌ ಮಾಡಿದೆ. ಔಷಧಿಗಳ ತಯಾರಿಕೆ, ಮಾರಾಟ ಮತ್ತು ವಿತರಣೆಯನ್ನು ತಕ್ಷಣವೇ ಜಾರಿಗೆ ಬರುವಂತೆ ನಿಷೇಧ ಮಾಡಲಾಗಿದ್ದು, ಇತರೆ 6 ಔಷಧವನ್ನು ನಿರ್ಬಂಧಿಸಿದೆ. ಇದರಿಂದ 2016ರಿಂದ ಸಂಯೋಜನೆಯ ...
READ MORE
“13th  ಆಗಸ್ಟ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
'ಜನಪ್ರತಿನಿಧಿ (ತಿದ್ದುಪಡಿ) ವಿಧೇಯಕ-2017'  ಸುದ್ದಿಯಲ್ಲಿ ಏಕಿದೆ? ಈ ಬಾರಿಯ ಮುಂಗಾರು ಅಧಿವೇಶನದಲ್ಲಿ 'ಜನಪ್ರತಿನಿಧಿ (ತಿದ್ದುಪಡಿ) ವಿಧೇಯಕ-2017' ಸಂಸತ್ತಿನ ಅನುಮೋದನೆ ಪಡೆಯುವುದರೊಂದಿಗೆ ಭಾರತದಲ್ಲಿ ಅನಿವಾಸಿ ಭಾರತೀಯರ (ಎನ್‌ಆರ್‌ಐ) 'ಪ್ರಾಕ್ಸಿ' ವೋಟಿಂಗ್‌ ಕಾನೂನುಬದ್ಧವಾಗಿದೆ. ಇದರೊಂದಿಗೆ ವಿದೇಶದಲ್ಲಿರುವ ಸುಮಾರು ಒಂದು ಕೋಟಿಗೂ ಹೆಚ್ಚು ಎನ್‌ಆರ್‌ಐಗಳ ಮತದಾನ ಸರಳವಾಗಿದೆ. ಏನಿದು ಪ್ರಾಕ್ಸಿ ...
READ MORE
ಹಣದುಬ್ಬರವನ್ನು ತಡೆಗಟ್ಟಲು ಕೇಂದ್ರ ಸರ್ಕಾರ ಮೊದಲ ಬಾರಿಗೆ ರಿಸರ್ವ್ ಬ್ಯಾಂಕ್ ಜೊತೆಗೆ ವಿತ್ತೀಯ ಚೌಕಟ್ಟು ಒಪ್ಪಂದ ಮಾಡಿಕೊಂಡಿದೆ. ಏನಿದು ವಿತ್ತೀಯ ಚೌಕಟ್ಟು ಒಪ್ಪಂದ?: ಕೇಂದ್ರ ಸರ್ಕಾರ ಮತ್ತು ಭಾರತೀಯ ರಿಸರ್ವ್ ಬ್ಯಾಂಕ್ ಫೆಬ್ರುವರಿ 20, 2015ರಲ್ಲಿ Monetary Policy Framework Agreement ಅಥವಾ ವಿತ್ತೀಯ ...
READ MORE
“15 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಬೃಂದಾವನಕ್ಕೆ ಡಿಸ್ನಿಲ್ಯಾಂಡ್‌ ಮಾದರಿ ಲುಕ್‌ ಸುದ್ಧಿಯಲ್ಲಿ ಏಕಿದೆ ?ಕೃಷ್ಣರಾಜಸಾಗರ ಜಲಾಶಯದ ಬೃಂದಾವನ ಉದ್ಯಾನವನ್ನು ಅಮೆರಿಕದ ಡಿಸ್ನಿಲ್ಯಾಂಡ್ ಮಾದರಿಯಲ್ಲಿ 1,200 ಕೋಟಿ ರೂ. ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲು ಸರ್ಕಾರ ನೀಲಿನಕ್ಷೆ ಸಿದ್ಧಪಡಿಸಿದೆ. ಈಗಿನ ಪಾರಂಪರಿಕ ತಾಣದ ಮೂಲ ಸ್ವರೂಪಕ್ಕೆ ಧಕ್ಕೆ ಆಗದಂತೆ ಬೃಂದಾವನವನ್ನು ವಿಶ್ವದ ಪ್ರವಾಸಿ ತಾಣಗಳಲ್ಲೇ ...
READ MORE
“24th ಏಪ್ರಿಲ್  2018 ಕನ್ನಡ ಪ್ರಚಲಿತ ವಿದ್ಯಮಾನ”
ಮೇಘಾಲಯದಿಂದ ಸಶಸ್ತ್ರ ಪಡೆ ಹೊರಗೆ ಕಳೆದ ನಾಲ್ಕು ವರ್ಷಗಳಲ್ಲಿ ದಂಗೆ ಪ್ರಕರಣಗಳು ಶೇ. 63 ಇಳಿಕೆಯಾದ ಕಾರಣ ಮೇಘಾಲಯದಿಂದ ಸಶಸ್ತ್ರ ಪಡೆಗಳ ವಿಶೇಷ ಅಧಿಕಾರ ಕಾಯ್ದೆಯನ್ನು (ಎಎಫ್​ಎಸ್​ಪಿಎ)ಕೇಂದ್ರ ಗೃಹ ಸಚಿವಾಲಯ ಹಿಂಪಡೆದಿದೆ. 2017ರಲ್ಲಿ ಉಗ್ರರ ದಾಳಿಯಲ್ಲಿ ಭದ್ರತಾ ಪಡೆ ಸಿಬ್ಬಂದಿ ಹತ್ಯೆ ಪ್ರಮಾಣ ಶೇ. ...
READ MORE
ಹೆಣ್ಣುಮಕ್ಕಳ ಸುರಕ್ಷತೆ ಹಾಗೂ ಭವಿಷ್ಯದ ದೃಷ್ಟಿಯಿಂದ ರೂಪಿಸಲಾಗಿರುವ ಯೋಜನೆ. ‘ಬೇಟಿ ಬಚಾವೋ, ಬೇಟಿ ಪಢಾವೋ’ ಯೋಜನೆಯ ಒಂದು ಭಾಗ. ಸ್ಮಾಲ್ ಸೇವಿಂಗ್ ಸ್ಕೀಮ್. ಹತ್ತು ವರ್ಷ ವಯಸ್ಸಿನ ಮಿತಿ ದಾಟದ ಬಾಲಕಿಯರಿಗೆ ಈ ಯೋಜನೆ ಅನ್ವಯವಾಗುತ್ತದೆ. ಬಾಲಕಿಯ ಹೆಸರಿನಲ್ಲಿ ಆಕೆಯ ಪಾಲಕರು , ಲೀಗಲ್ ಗಾರ್ಡಿಯನ್ಈ ಖಾತೆ ...
READ MORE
16th ಜುಲೈ 2018 ಕನ್ನಡ ಪ್ರಚಲಿತ ವಿದ್ಯಮಾನ
“28th ಆಗಸ್ಟ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
ವಿದೇಶಿ ಹೂಡಿಕೆ ನಿಯಮ ಸಡಿಲ
28th ಜುಲೈ 2018 ಕನ್ನಡ ಪ್ರಚಲಿತ ವಿದ್ಯಮಾನ
“14th ಸೆಪ್ಟೆಂಬರ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
“13th ಆಗಸ್ಟ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
ಹಣದುಬ್ಬರ ತಡೆಗಟ್ಟಲು ಆರ್ ಬಿಐ ಜೊತೆ ವಿತ್ತೀಯ ಒಪ್ಪಂದ
“15 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“24th ಏಪ್ರಿಲ್ 2018 ಕನ್ನಡ ಪ್ರಚಲಿತ ವಿದ್ಯಮಾನ”
ಸುಕನ್ಯಾ ಸಮೃದ್ಧಿ

Leave a Reply

Your email address will not be published. Required fields are marked *