“12 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

ಕೃಷ್ಣರಾಜಸಾಗರ ಅಣೆಕಟ್ಟು

1.

ಸುದ್ಧಿಯಲ್ಲಿ ಏಕಿದೆ ?ಮಂಡ್ಯ ರೈತರ ಜೀವನಾಡಿ ಕಾವೇರಿ ನದಿಗೆ ಕೃಷ್ಣರಾಜ ಸಾಗರ ಅಣೆಕಟ್ಟೆ ನಿರ್ಮಾಣಕ್ಕೆ  ಶಂಕುಸ್ಥಾಪನೆ ನೆರವೇರಿಸಿ 107 ವರ್ಷಗಳು ಸಂದಿವೆ.

  • ಮೈಸೂರು ಸಂಸ್ಥಾನದ ನಾಲ್ವಡಿ ಕೃಷ್ಣರಾಜ ಒಡೆಯರ್ ದೂರದೃಷ್ಟಿ ಫಲವಾಗಿ ಮಂಡ್ಯದ ಕನ್ನಂಬಾಡಿ ಗ್ರಾಮದಲ್ಲಿ ಕೆಆರ್​ಎಸ್ ಜಲಾಶಯ ನಿರ್ಮಾಣವಾಯಿತು. ಅದರ ಫಲವೆಂಬಂತೆ ಬೆಂಗಾಡಾಗಿದ್ದ ಮಂಡ್ಯ ಜಿಲ್ಲೆ ಇಂದು ಸಮೃದ್ಧ ಕೃಷಿ ಭೂಮಿಯಿಂದ ನಳನಳಿಸವಂತಾಗಿದೆ.
  • ನಿರ್ಮಾಣಕ್ಕೆ ಕಾರಣ: ಕೋಲಾರ ಚಿನ್ನದ ಗಣಿಗೆ ನಿರಂತರವಾಗಿ ವಿದ್ಯುತ್ ಪೂರೈಕೆ ದೃಷ್ಟಿಯಿಂದ 1902ರಲ್ಲಿ ಶಿವನಸಮುದ್ರದಲ್ಲಿ ವಿದ್ಯುತ್ ಉತ್ಪಾದನೆ ಕೈಗೊಳ್ಳಲಾಯಿತು.
  • ಈ ಹಿನ್ನೆಲೆಯಲ್ಲಿ ನದಿಯ ನೀರಿನ ಹರಿವನ್ನು ನಿಯಂತ್ರಿಸುವ ಸಲುವಾಗಿ ನವೆಂಬರ್ 11ರ 1911ರಲ್ಲಿ ಜಲಾಶಯ ನಿರ್ಮಾಣ ಕಾರ್ಯವನ್ನು ಕೈಗೊಳ್ಳಲಾಯಿತು.
  • ಸರ್ ಎಂ. ವಿಶ್ವೇಶ್ವರಯ್ಯ ಅವರು ಮುಖ್ಯ ಇಂಜಿನಿಯರ್ ಆಗಿ ಅಣೆಕಟ್ಟೆ ನಿರ್ವಣಕ್ಕೆ ಸಂಬಂಧಿಸಿ ವರದಿ ಹಾಗೂ ವಿನ್ಯಾಸವನ್ನು ಅಂತಿಮಗೊಳಿಸಿ ನಿರ್ಮಾಣ ಕಾರ್ಯ ಕೈಗೆತ್ತಿಕೊಂಡರು. ಹೆಚ್ಚಿನ ಪ್ರಮಾಣದ ನೀರು ಶೇಖರಣೆ ಹಾಗೂ ಹೆಚ್ಚಿನ ಪ್ರದೇಶಕ್ಕೆ ನೀರೊದಗಿಸುವ ದೃಷ್ಟಿಯಿಂದ ಕನ್ನಂಬಾಡಿ ಗ್ರಾಮದ ಬಳಿ ಅಣೆಕಟ್ಟೆ ನಿರ್ವಣಕ್ಕೆ ಸ್ಥಳ ಆಯ್ಕೆ ಮಾಡಿಕೊಳ್ಳಲಾಯಿತು.

ಅಣೆಕಟ್ಟಿನ ಬಗ್ಗೆ

  • ಅಣೆಕಟ್ಟೆಯ ತಳಪಾಯವನ್ನು ಗ್ರಾನೈಟ್ ಮತ್ತು ಹಾರ್ನ್​ಬ್ಲೆಂಡ್ ಸಿಸ್ಟ್ ಪದರಗಳನ್ನೊಳಗೊಂಡ ನೆಲಹಾಸಿನ ಮೇಲೆ ನಿರ್ವಿುಸಲಾಗಿದೆ.
  • ಅಣೆಕಟ್ಟೆಯ ತಳಮಟ್ಟದ ಅಗಲವು 111 ಅಡಿ ಇದ್ದು ಎತ್ತರವು ನದಿ ತಳಮಟ್ಟದಿಂದ 140 ಅಡಿ ಇದೆ.
  • ಒಟ್ಟು ಉದ್ದ 8,600 ಅಡಿ (621 ಕಿ.ಮೀ) ಇದ್ದು, 124 ಅಡಿ ನೀರು ಶೇಖರಣೆ ಸಾಮರ್ಥ್ಯ ಇದೆ.
  • ಜಲಾಶಯವನ್ನು ಕಾವೇರಿ ನದಿಯ ಉಪನದಿಗಳಾದ ಲಕ್ಷ್ಮಣ ತೀರ್ಥ ಮತ್ತು ಹೇಮಾವತಿ ನದಿಗಳ ಸಂಗಮದ ನಂತರ ನಿರ್ವಿುಸಲಾಗಿದ್ದು, ಪೂರ್ಣ ಪ್ರಮಾಣದಲ್ಲಿ ನೀರು ತುಂಬಿದಾಗ ಜಲಾಶಯದ ಹಿಂಭಾಗ ಸುಮಾರು 23 ಕಿ.ಮೀ. ವರೆಗಿನ ಪ್ರದೇಶ ಮುಳುಗಡೆ ಆಗುತ್ತದೆ.
  • ‘ಅಣೆಕಟ್ಟೆಯ ನಿರ್ವಣದ ವೆಚ್ಚವು 1933ನೇ ಇಸವಿಯಲ್ಲಿ ಸುಮಾರು 50 ಕೋಟಿ ರೂ.ಗಳಾಗಿತ್ತು. ಅಣೆಕಟ್ಟೆ ಮತ್ತು ನಾಲೆಗಳಿಗಾಗಿ ಒಟ್ಟು 173 ಗೇಟುಗಳು ಇದ್ದು, ಇವುಗಳನ್ನು ವಿವಿಧ ಎತ್ತರಗಳಲ್ಲಿ ಅಳವಡಿಸಲಾಗಿದೆ.

ಕಾವೇರಿ ಆನ್​ಲೈನ್ ಸೇವೆ

ಸುದ್ಧಿಯಲ್ಲಿ ಏಕಿದೆ ?ನೋಂದಣಿ ಮತ್ತು ಮುದ್ರಾಂಕ ಇಲಾಖೆ ಸಾರ್ವಜನಿಕ ಉಪಯೋಗಕ್ಕಾಗಿ ರೂಪಿಸಿರುವ ವಿವಿಧ ಆನ್​ಲೈನ್ ಸೇವೆಗಳಿಗೆ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಚಾಲನೆ ನೀಡಲಿದ್ದಾರೆ.

  • ನೋಂದಣಿಗೆ ಸಂಬಂಧಿಸಿದ ಆಸ್ತಿಗಳ ಹಸ್ತಾಂತರ, ಅಡಮಾನ, ಭೋಗ್ಯ, ಅಧಿಕಾರಪತ್ರ ಮೊದಲಾದ ಸೇವೆಗಳು ಸಾರ್ವಜನಿಕರಿಗೆ ಸುಲಭವಾಗಿ ಸಿಗುವಂತೆ ಮಾಡಲು ‘ಕಾವೇರಿ ಆನ್​ಲೈನ್’ ಸೇವೆ ಆರಂಭಿಸಲಾಗುತ್ತಿದೆ.
  • ಕಾವೇರಿ ಆನ್​ಲೈನ್ ಸೇವೆಗಳ ಜಾಲದಲ್ಲಿ ಸ್ಥಿರಾಸ್ತಿಗಳ ಋಣಭಾರರಾಹಿತ್ಯ ಪ್ರಮಾಣಪತ್ರ (ಆನ್​ಲೈನ್ ಇಸಿಸಿಸಿ), ನೋಂದಾಯಿತ ದಸ್ತಾವೇಜುಗಳ ದೃಢೀಕೃತ ನಕಲು ಪ್ರತಿ ಪೂರೈಸುವಿಕೆ, ಸಾರ್ವಜನಿಕರಿಂದ ನೋಂದಣಿಪೂರ್ವ ಡೇಟಾ ಎಂಟ್ರಿ, ಆಸ್ತಿಪಾಸ್ತಿಗಳ ನೋಂದಣಿಗೆ ಮುಂಗಡವಾಗಿ ಕಾಲ ನಿಗದಿಪಡಿಸಿಕೊಳ್ಳುವಿಕೆ, ವಿವಾಹ ನೋಂದಣಿ ಕಚೇರಿಯ ಗುರುತಿಸುವಿಕೆ ಮುಂತಾದ ಸೇವೆ ಒದಗಿಸಲಾಗುವುದು.
  • ಕೆಎಸಿಒಎಂಪಿ ಕಾಯ್ದೆಯಡಿಯಲ್ಲಿ ಕೃಷಿ ಸಾಲಗಳಿಗೆ ಸಂಬಂಧಿಸಿದ ಡಿಕ್ಲರೇಷನ್ ಮತ್ತು ಸಾಲ ತೀರುವಳಿ ಪತ್ರಗಳ ಆನ್​ಲೈನ್ ಫೈಲಿಂಗ್ ಸೌಲಭ್ಯವನ್ನು ಬ್ಯಾಂಕುಗಳು ಮತ್ತು ಹಣಕಾಸು ಸಂಸ್ಥೆಗಳಿಗೆ ಒದಗಿಸಲಾಗಿದೆ.
  • ಈ ಸೇವೆಗಳ ಜಾಲದಲ್ಲಿ ಯಾವುದೇ ಸ್ಥಿರಾಸ್ತಿಯ ಮಾರ್ಗಸೂಚಿ ಮೌಲ್ಯ ತಿಳಿಯಲು ಅನುಕೂಲವಾಗುವಂತೆ ‘ಮೌಲ್ಯ’ ಎಂಬ ಜಿಐಎಸ್ ಆಧಾರಿತ ಮೊಬೈಲ್ ಆಪ್ ಅಭಿವೃದ್ಧಿಪಡಿಸಲಾಗಿದೆ ಎಂದಿದ್ದಾರೆ.

ತಿಥಿ ಊಟ ಯೋಜನೆ

3.

ಸುದ್ಧಿಯಲ್ಲಿ ಏಕಿದೆ ?ಶಾಲಾ ಮಕ್ಕಳಿಗೆ ಮಧ್ಯಾಹ್ನದ ಬಿಸಿಯೂಟ ಜತೆಗೆ ‘ತಿಥಿ ಊಟ’ ಹಾಕಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ. ಅರ್ಥಾತ್, ತಿಥಿ ಭೋಜನ ಶೀರ್ಷಿಕೆಯಲ್ಲೇ ಯೋಜನೆ ಜಾರಿಗೊಳಿಸಬೇಕೆಂಬ ಕೇಂದ್ರ ಸರ್ಕಾರದ ಆದೇಶವೀಗ ಇಕ್ಕಟ್ಟು ಸೃಷ್ಟಿಸಿದೆ.

  • 4 ವರ್ಷದ ನಂತರ ಮಾನವ ಸಂಪನ್ಮೂಲ ಅಭಿವೃದ್ಧಿ ಸಚಿವಾಲಯ (ಎಂಎಚ್​ಆರ್​ಡಿ) ‘ತಿಥಿ ಭೋಜನ’ (ಸಮುದಾಯ ಭೋಜನ) ಹೆಸರಿನಲ್ಲೇ ಯೋಜನೆ ಅನುಷ್ಠಾನಕ್ಕೆ ಮುಂದಾಗಿದೆ.
  • ಕೇಂದ್ರ ಸರ್ಕಾರದ ಕಲ್ಪನೆ ಉತ್ತಮವಾಗಿದೆ. ಆದರೆ ಶೀರ್ಷಿಕೆ ಸಮಸ್ಯೆ ತಂದೊಡ್ಡಿದೆ.
  • ತಿಥಿ ಎಂದರೆ ಹಿಂದಿಯಲ್ಲಿ ಒಳ್ಳೆಯ ಘಳಿಗೆ ಅಥವಾ ಸಮಯ. ಈ ಅರ್ಥವನ್ನೇ ಆಧರಿಸಿ ಯೋಜನೆಗೆ ತಿಥಿ ಭೋಜನ ಹೆಸರಿಡಲಾಗಿದೆ. ಆದರಿಲ್ಲಿ ತಿಥಿ ಎಂದರೆ ಮೃತಪಟ್ಟವರಿಗಾಗಿ ನಡೆಯುವ ಉತ್ತರ ಕ್ರಿಯೆ-ಕರ್ಮ. ಹೀಗಾಗಿ ತಿಥಿ ಹೆಸರಿನಲ್ಲಿ ಮಕ್ಕಳಿಗೆ ಭೋಜನ ಸೇವನೆ ಮಾಡುವುದು ಸಮಂಜಸವಲ್ಲ ಎಂದು ಬಹುತೇಕರ ವಿರೋಧವಿದೆ.
  • ನಾವು-ನೀವು ಆಗಬಹುದಲ್ಲ: ಕರ್ನಾಟಕದಲ್ಲಿ ಈಗಾಗಲೇ ‘ಶಾಲೆಗಾಗಿ ನಾವು ನೀವು’ ಶೀರ್ಷಿಕೆಯಲ್ಲಿ ಈ ಪರಿಕಲ್ಪನೆಯನ್ನು ಬಹಳ ವರ್ಷಗಳಿಂದ ರೂಢಿಸಿಕೊಂಡು ಬರಲಾಗುತ್ತಿದೆ. ಈಗ ತಿಥಿ ಭೋಜನ ಎಂದು ಬದಲಾಯಿಸಿದರೆ ಪಾಲಕರು ಮಕ್ಕಳಿಗೆ ಭೋಜನ ಸವಿಯಲು ಅವಕಾಶ ನೀಡಲು ಹಿಂಜರಿಯುವ ಸಾಧ್ಯತೆ ಜಾಸ್ತಿ. ಹೀಗಾಗಿ ನಾವು-ನೀವು ಹೆಸರಿನಲ್ಲೇ ಕೇಂದ್ರದ ಯೋಜನೆ ಅನುಷ್ಠಾನಕ್ಕೆ ತರಲು ಅವಕಾಶ ನೀಡಬೇಕು ಎಂಬುದು ರಾಜ್ಯ ಸರ್ಕಾರದ ವಾದವಾಗಿದೆ.

ಏನಿದು ಯೋಜನೆ?

  • ನಿಮ್ಮ ಕುಟುಂಬದ ಶುಭ ಸಮಾರಂಭಗಳಲ್ಲಿ (ಮದುವೆ, ವಾರ್ಷಿಕೋತ್ಸವ, ಹುಟ್ಟುಹಬ್ಬ) ಮಾಡಿದ ಅಡುಗೆಯನ್ನು ಶಾಲಾ ವಿದ್ಯಾರ್ಥಿ ಗಳಿಗೆ ಬಡಿಸುವುದು, ಅವರೊಟ್ಟಿಗೆ ಊಟ ಮಾಡುವುದು ತಿಥಿ ಭೋಜನ (ಸಮುದಾಯ ಭೋಜನ) ಪರಿಕಲ್ಪನೆ.
  • ಮೊದಲಿಗೆ 2014ರಲ್ಲೇ ಇದನ್ನು ಗುಜರಾತ್ ಸರ್ಕಾರ ಜಾರಿಗೆ ತಂದಿದೆ. ನಂತರ ಎಲ್ಲ ರಾಜ್ಯಗಳಲ್ಲೂ ಇದರ ಅನುಷ್ಠಾನಕ್ಕೆ ಸೂಚನೆ ನೀಡಿತ್ತು. ಆದರೆ ಮಾರ್ಗಸೂಚಿ ರಚಿಸಿರಲಿಲ್ಲ. ಇದೀಗ ರಚನೆ ಮಾಡಿ ಕಡ್ಡಾಯ ಅನುಷ್ಠಾನಕ್ಕೆ ತಿಳಿಸಿದೆ.

ನಿಯಮಗಳೇನು?

  • ಮಾಂಸಾಹಾರ ನೀಡುವಂತಿಲ್ಲ
  • ಜ್ಯೂಸ್, ಡ್ರೖೆಫ್ರೂಟ್ಸ್, ಐಸ್ ಕ್ರೀಂ, ಮೊಟ್ಟೆಗೂ ಪ್ರಾಮುಖ್ಯತೆ
  • ಯಾರಿಂದಲೂ ಹಣ ಸ್ವೀಕರಿಸಲ್ಲ, ಊಟವನ್ನೇ ನೀಡಬೇಕು
  • ಊಟ ಬಡಿಸುವಾಗ ಪ್ಲಾಸ್ಟಿಕ್ ವಸ್ತು ಬಳಸುವಂತಿಲ್ಲ, ಶುಚಿಗೆ ಆದ್ಯತೆ

ಉದ್ದೇಶವೇನು?

  • ಎಲ್ಲರೂ ಒಂದೇ ಎಂಬ ಪರಿಕಲ್ಪನೆ ಮಕ್ಕಳಲ್ಲಿ ಮೂಡಿಸುವುದು
  • ಸಹಪಂಕ್ತಿ ಭೋಜನ ಪರಿಕಲ್ಪನೆ ಶಾಲೆಯಲ್ಲಿ ಹುಟ್ಟುಹಾಕುವುದು
  • ಹೆಚ್ಚುವರಿ ಪೌಷ್ಟಿಕ ಆಹಾರ ನೀಡುವುದು
  • 12 ರಾಜ್ಯಗಳಲ್ಲಿ ಬೇರೆ ಹೆಸರಲ್ಲಿ ಜಾರಿ

ಎಷ್ಟು ರಾಜ್ಯಗಳಲ್ಲಿ ಜಾರಿ ?

  • ಈಗಾಗಲೇ ದೇಶದ 12 ರಾಜ್ಯಗಳಲ್ಲಿ ತಿಥಿ ಭೋಜನ ಬೇರೆ ಹೆಸರಿನಲ್ಲಿ ಅನುಷ್ಠಾನವಾಗಿದೆ. ಆದರೆ ಕೇಂದ್ರ ಸರ್ಕಾರ ಇದೇ ಹೆಸರಿನಲ್ಲೇ ಅನುಷ್ಠಾನ ಮಾಡಬೇಕೆಂದು ಮತ್ತೊಮ್ಮೆ ಸೂಚಿಸಿದೆ. ಅಲ್ಲದೆ, ಮಾರ್ಗಸೂಚಿ ಯನ್ನೂ ಬಿಡುಗಡೆ ಮಾಡಿದೆ.

ಯಾವ ಹೆಸರಿನಲ್ಲಿ ಜಾರಿಯಲ್ಲಿದೆ ?

  • ಕರ್ನಾಟಕ-ಶಾಲೆಗಾಗಿ ನಾವು-ನೀವು, ಆಂಧ್ರ ಪ್ರದೇಶ ಮತ್ತು ಅಸ್ಸಾಂ- ಸಂಪ್ರೀತಿ ಭೋಜನ, ಪಂಜಾಬ್- ಪ್ರೀತಿ ಭೋಜನ, ಡಿಯು-ಡಾಮನ್ ಮತ್ತು ಚಂಢಿಗಡ, ಗುಜರಾತ್, ಉತ್ತರಾಖಂಡ- ತಿಥಿ ಭೋಜನ, ಮಧ್ಯಪ್ರದೇಶ ಮತ್ತು ಮಹಾರಾಷ್ಟ್ರ- ಸ್ನೇಹ ಭೋಜನ, ಪುದುಚೇರಿ- ಅನ್ನದಾನಂ, ಹರಿಯಾಣ-ಭೇಟಿ ಕಾ ಜನ್ಮ ದಿನ್ ಹೆಸರಿನಲ್ಲಿ ಯೋಜನೆ ಜಾರಿಯಾಗಿದೆ.

ವಿಶ್ವ ಮಹಾಸಮರಕ್ಕೆ 100 ವರ್ಷ

4.

ಸುದ್ಧಿಯಲ್ಲಿ ಏಕಿದೆ ?ಮೊದಲ ಜಾಗತಿಕ ಮಹಾಸಮರ ಘಟಿಸಿ ನೂರು ವರ್ಷ ತುಂಬಿದ ಹಿನ್ನೆಲೆಯಲ್ಲಿ ಇದರ ಸ್ಮರಣಾರ್ಥ ಕದನ ವಿರಾಮ ಘೋಷಿಸಿದ ಸ್ಥಳವಾದ ಫ್ರಾನ್ಸ್‌ನ ಲ್ಯಾವೆಂಟಿ ಪಟ್ಟಣದಲ್ಲಿ ಪ್ರಧಾನ ಕಾರ್ಯಕ್ರಮ ನಡೆಯಿತು.

  • ಈ ವೇಳೆ, ವಿಶ್ವ ಸಮರದಲ್ಲಿ ಪಾಲ್ಗೊಂಡ ಭಾರತೀಯ ವೀರ ಯೋಧರ ಸ್ಮರಣಾರ್ಥ ಪ್ರತಿಮೆ ಸ್ಥಾಪಿಸಲಾಯಿತು.
  • ಇದೇ ಸ್ಥಳದಲ್ಲಿ ನಿರ್ಮಿಸಲಾಗಿರುವ ಯುದ್ಧ ಸ್ಮಾರಕವನ್ನು ಫ್ರಾನ್ಸ್‌ ಅಧ್ಯಕ್ಷ ಇಮ್ಯಾನ್ಯುಯಲ್‌ ಮ್ಯಾಕ್ರೊನ್‌ ಹಾಗೂ ಜರ್ಮನಿ ಚಾನ್ಸಲರ್‌ ಏಂಜೆಲಾ ಮರ್ಕೆಲ್‌ ಅನಾವರಣಗೊಳಿಸಿದರು. ಪ್ರಥಮ ವಿಶ್ವ ಯುದ್ಧ ಜುಲೈ 28, 1914ರಿಂದ ಪ್ರಾರಂಭವಾಗಿ ನವೆಂಬರ್‌ 11, 1918ರಂದು ಕೊನೆಗೊಂಡಿತ್ತು.

ಮೈತ್ರಿಕೂಟಗಳ ಯುದ್ಧ 

  • ಸೆಂಟ್ರಲ್‌ ಪವರ್ಸ್‌ (ಜರ್ಮನಿ, ಆಸ್ಟ್ರೀಯಾ-ಹಂಗೇರಿ, ದಿ ಒಟ್ಟೊಮನ್‌ ರಾಜಮನೆತನ ಹಾಗೂ ಬಲ್ಗೇರಿಯಾ) ಹಾಗೂ ತ್ರಿವಳಿ ಕೂಟ (ಬ್ರಿಟನ್‌, ಫ್ರಾಸ್ಸ್‌ ಹಾಗೂ ರಷ್ಯಾ) ನಡುವೆ ಮೊದಲ ಮಹಾಯುದ್ಧ ಸಂಭವಿಸಿತು.
  • ಆರಂಭದಲ್ಲಿ ಸೆಂಟ್ರಲ್‌ ಪವರ್ಸ್‌ ಜತೆ ಇದ್ದ ಇಟಲಿ 1915ರ ನಂತರ ಬ್ರಿಟನ್‌ ಮೈತ್ರಿಕೂಟಕ್ಕೆ ಬೆಂಬಲ ವ್ಯಕ್ತಪಡಿಸಿತು.
  • ನಂತರದ ದಿನಗಳಲ್ಲಿ ಮೈತ್ರಿಕೂಟಕ್ಕೆ ಜಪಾನ್‌, ಬೆಲ್ಜಿಯಂ, ಸರ್ಬಿಯಾ, ಗ್ರೀಸ್‌, ಮಾಂಟೆನೆಗ್ರೋ, ರೊಮೆನಿಯಾ, ಬ್ರೆಜಿಲ್‌ ಹಾಗೂ ಜಕೊಸ್ಲೋವಾಕ್‌ ಬೆಂಬಲ ವ್ಯಕ್ತಪಡಿಸಿದವು.
  • 1917ರ ನಂತರ ಜರ್ಮನಿ ವಿರುದ್ಧ ಅಮೆರಿಕ ಯುದ್ಧ ರಂಗ ಪ್ರವೇಶಿಸಿತು. ಈ ಮಹಾ ಯುದ್ಧದಲ್ಲಿ ವಸಾಹತು ದೇಶಗಳು ಸೇರಿದಂತೆ ವಿಶ್ವದ 70 ರಾಷ್ಟ್ರಗಳು ಭಾಗಿಯಾಗಿದ್ದವು. 20 ದೇಶಗಳು ಮಾತ್ರ ಸಂಘರ್ಷಕ್ಕೆ ಇಳಿಯದೇ ತಟಸ್ಥ ನಿಲುವು ತಳಿದವು.

6.5 ಕೋಟಿ ಸೈನಿಕರು ಭಾಗಿ

  • ಈ ಯುದ್ಧದಲ್ಲಿ ಒಟ್ಟು 5 ಕೋಟಿಗೂ ಅಧಿಕ ಸಂಖ್ಯೆಯ ಸೈನಿಕರು ಭಾಗಿಯಾಗಿದ್ದರು. ಫ್ರಾನ್ಸ್‌ನ 80 ಲಕ್ಷ , ಜರ್ಮನಿಯ 1.3 ಕೋಟಿ, ಆಸ್ಟ್ರಿಯಾ-ಹಂಗೇರಿಯ 90 ಲಕ್ಷ , ಇಟಲಿಯ 60 ಲಕ್ಷ ಹಾಗೂ ಅಮೆರಿಕದ 40 ಲಕ್ಷ ಸೈನಿಕರು ಹೋರಾಡಿದರು. ಇದರಲ್ಲಿ 85 ಲಕ್ಷ ಯೋಧರು ಮೃತಪಟ್ಟು, 3.7 ಕೋಟಿ ಸೈನಿಕರು ಗಾಯಗೊಂಡಿದ್ದರು.
  • 60 ಲಕ್ಷ ಯುದ್ಧ ಕೈದಿಗಳು ಸೇರಿದಂತೆ ಅಸಂಖ್ಯಾತ ಜನರನ್ನು ನಿರಾಶ್ರಿತರನ್ನಾಗಿಸಿತು. ಇದರಿಂದ ಅನೇಕ ರಾಷ್ಟ್ರಗಳ ಆರ್ಥಿಕ ಕುಸಿತಕ್ಕೆ ಕಾರಣವಾಯಿತು. ಕೋಟ್ಯಂತರ ರೂಪಾಯಿ ರಣಭೂಮಿಯಲ್ಲಿ ಕರಗಿ ಹೋಯಿತು.

62,000 ಭಾರತೀಯ ಯೋಧರು ಹುತಾತ್ಮ

  • ಬ್ರಿಟಿಷ್‌ ಸಾಮ್ರಾಜ್ಯದ ಪರವಾಗಿ ಭಾರತ ಸೇರಿದಂತೆ ಅನೇಕ ವಸಾಹತುಶಾಹಿ ರಾಷ್ಟ್ರಗಳ 90 ಲಕ್ಷ ಸೈನಿಕರು ಯುದ್ಧದಲ್ಲಿ ಪಾಲ್ಗೊಂಡಿದ್ದರು. ಭಾರತದ 13 ಲಕ್ಷ ಯೋಧರು ಹಾಗೂ 7 ಲಕ್ಷ ಕಾರ್ಮಿಕರು ಕಾದಾಡಿದರು. ಇದರಲ್ಲಿ 62,000 ಭಾರತೀಯ ಯೋಧರು ಹುತಾತ್ಮರಾದರು. ಅನೇಕರು ಯುದ್ಧ ಕೈದಿಗಳಾಗಿ ಸೆರೆವಾಸ ಅನುಭವಿಸಿದರು.

ಸೈಬರ್ ದಾಳಿ!

5.

ಸುದ್ಧಿಯಲ್ಲಿ ಏಕಿದೆ ?ಈ ವರ್ಷದ ಜನವರಿಯಿಂದ ಜೂನ್​ವರೆಗೆ ಭಾರತದ ಸೈಬರ್ ಕ್ಷೇತ್ರದ ಮೇಲೆ 6.95 ಲಕ್ಷ ದಾಳಿಗಳು ನಡೆದಿದ್ದು, ಈ ಪೈಕಿ 4.36 ಲಕ್ಷ ದಾಳಿ ವಿದೇಶಿ ನೆಲದಿಂದಲೇ ಆಗಿದೆ. ಪ್ರಮುಖವಾಗಿ ರಷ್ಯಾ, ಅಮೆರಿಕ, ಚೀನಾ, ನೆದರ್ಲೆಂಡ್, ಜರ್ಮನಿಗಳಿಂದ ಹ್ಯಾಕಿಂಗ್ ನಡೆದಿದೆ.

  • ಜಾಗತಿಕ ಸೈಬರ್ ದಾಳಿ ಪಟ್ಟಿಯಲ್ಲಿ ಭಾರತ 21ನೇ ರ್ಯಾಂಕ್​ನಲ್ಲಿದೆ ಎಂದು ಸೈಬರ್ ಸುರಕ್ಷತೆ ಕುರಿತು ಅಧ್ಯಯನ ನಡೆಸಿರುವ ‘ಎಫ್- ಸೆಕ್ಯೂರ್’ ಕಂಪನಿ ವರದಿಯಲ್ಲಿ ಹೇಳಿದೆ.
  • ಈ ವರದಿಯನ್ನು ‘ಹನಿಪಾಟ್ಸ್’ ಒದಗಿಸಿದ ಡೇಟಾವನ್ನು ಆಧರಿಸಿ ಸಿದ್ಧಪಡಿಸಲಾಗಿದೆ. ಜಾಗತಿಕವಾಗಿ ಅತಿ ಹೆಚ್ಚು ಸೈಬರ್ ದಾಳಿಗೆ ಗುರಿಯಾಗಿರುವ ದೇಶಗಳ ಪೈಕಿ ಬ್ರಿಟನ್ (76 ಕೋಟಿ), ನಂತರದ ಸ್ಥಾನದಲ್ಲಿ ಅಮೆರಿಕ (1.10 ಕೋಟಿ) ಇದೆ.

ಹನಿಪಾಟ್ಸ್ ಎಂದರೇನು?

  • ಕಂಪ್ಯೂಟರ್ ಪರಿಭಾಷೆಯಲ್ಲಿ ‘ಹನಿಪಾಟ್ಸ್’ ಒಂದು ರೀತಿಯ ಸುರಕ್ಷತಾ ಬಲೆ. ಕಂಪ್ಯೂಟರ್​ನ ಸರ್ವರ್ ರೀತಿಯಲ್ಲೆ ಕಾರ್ಯನಿರ್ವಹಿಸುವ ಇದು, ಮಾಹಿತಿ ಕೋಶಕ್ಕೆ ಅನಧಿಕೃತವಾಗಿ ಪ್ರವೇಶಿಸುವ ಅಥವಾ ಮಾಹಿತಿಗೆ ಕನ್ನ ಹಾಕಲು ಮಾಡಿದ ಪ್ರಯತ್ನಗಳ ಲೆಕ್ಕ ಇರಿಸುತ್ತದೆ.
  • ಸೈಬರ್ ಖದೀಮರು ಎಲ್ಲಿಂದ ಕನ್ನಹಾಕಲು ಯತ್ನಿಸಿದರು, ಬಳಸಿದ ಮಾಲ್​ವೇರ್ ಮಾದರಿ ಯಾವುದು, ಹ್ಯಾಕರ್​ಗಳಿಗೆ ಇಷ್ಟವಾದ ಮಾಹಿತಿ ಏನು ಎಂಬುದು ಸೇರಿದಂತೆ ಇನ್ನಿತರ ತಾಂತ್ರಿಕ ಮಾಹಿತಿಗಳನ್ನು ಹನಿಪಾಟ್ಸ್ ಕಲೆಹಾಕುತ್ತದೆ.
  • ‘ಎಫ್-ಸೆಕ್ಯೂರ್’ ವಿಶ್ವಾದ್ಯಂತ 41 ಸ್ಥಳಗಳಲ್ಲಿ ‘ಹನಿಪಾಟ್ಸ್’ಗಳನ್ನು ಅಳವಡಿಸಿ ಸೈಬರ್ ಸುರಕ್ಷತೆಯ ಅಧ್ಯಯನ ನಡೆಸಿದೆ.

ಚಾಬಹಾರ್ ಬಂದರು ಯೋಜನೆ

6.

ಸುದ್ಧಿಯಲ್ಲಿ ಏಕಿದೆ ?ಭಾರತ-ಅಫ್ಘಾನಿಸ್ತಾನದ ಒತ್ತಡಕ್ಕೆ ಮಣಿದಿರುವ ಅಮೆರಿಕ ಚಾಬಹಾರ್ ಬಂದರು ಯೋಜನೆ ಹಾಗೂ ಬಳಕೆ ಮೇಲಿನ ನಿರ್ಬಂಧವನ್ನು ಸಡಿಲಿಸಿದೆ.

  • ಇದರಿಂದ ಸುಮಾರು 5 ಲಕ್ಷ ಕೋಟಿ ರೂ.ಗಳ ಯೋಜನೆಯು ಭಾರತಕ್ಕೆ ಹೊಸ ಭರವಸೆ ಮೂಡಿಸಿದೆ. ಅಂದಹಾಗೆ ಭಾರತದ ಮಟ್ಟಿಗೆ ವಿದೇಶದಲ್ಲಿ ಬಂದರು ಅಭಿವೃದ್ಧಿ ಮಾಡುವ ಮೊದಲ ಯೋಜನೆ ಇದಾಗಿದೆ.

ಏನಿದು ಯೋಜನೆ?

  • ಇರಾನಿನ ಚಾಬಹಾರ್​ನಲ್ಲಿ ಬಂದರು ನಿರ್ಮಾಣ ಮಾಡುವ ಯೋಜನೆ ಪ್ರಸ್ತಾಪವು 2003ರಲ್ಲಿ ಬಂದಿತ್ತು. ಆದರೆ, ಇರಾನ್ ಮೇಲಿನ ನಿರ್ಬಂಧದ ಕಾರಣದಿಂದ ಯೋಜನೆ ಮುಂದುವರಿದಿರಲಿಲ್ಲ.
  • ಆದರೆ, ಪ್ರಧಾನಿ ನರೇಂದ್ರ ಮೋದಿ, ಇರಾನ್ ಅಧ್ಯಕ್ಷ ಹುಸೇನ್ ರುಹಾನಿ ಹಾಗೂ ಅಫ್ಘಾನಿಸ್ತಾನ ಅಧ್ಯಕ್ಷ ಅಶ್ರಫ್ ಘಾನಿ ಅವರು 2016ರಲ್ಲಿ ಮಹತ್ವದ ಒಪ್ಪಂದಕ್ಕೆ ಸಹಿ ಹಾಕಿ ಜಂಟಿಯಾಗಿ ಬಂದರು ಅಭಿವೃದ್ಧಿಪಡಿಸುವ ಯೋಜನೆಗೆ ಒಪ್ಪಿದರು. ಪರಿಣಾಮವಾಗಿ 2017ರಲ್ಲಿ ಈ ಬಂದರು ಕಾರ್ಯಾರಂಭ ಮಾಡಲು ಶುರುಮಾಡಿತು.
  • ಈ ಯೋಜನೆಯಿಂದ ಭಾರತ ಹಾಗೂ ಅಫ್ಘಾನಿಸ್ತಾನಕ್ಕೆ ದೊಡ್ಡ ಲಾಭವಾಗಲಿದೆ. ಪಾಕಿಸ್ತಾನದ ಕರಾಚಿ ಬಂದರಿನ ಮೇಲಿನ ಅವಲಂಬನೆಯಿಂದ ಭಾರತ ಮುಕ್ತವಾಗಬಹುದಾಗಿದೆ. ಭಾರತದ ಆರ್ಥಿಕ ಹಾಗೂ ಭದ್ರತಾ ಕಾರಣಗಳಿಂದ ಈ ಒಪ್ಪಂದಕ್ಕೆ ಮಹತ್ವವಿದೆ.

ಪಾಕಿಸ್ತಾನ, ಚೀನಾಕ್ಕೆ ಸೆಡ್ಡು!

  • ತೈಲ ಆಮದು ಹಾಗೂ ಅಫ್ಘಾನಿಸ್ತಾನಕ್ಕೆ ರಫ್ತು ಮಾಡಲು ಭಾರತವು ಕರಾಚಿ ಬಂದರಿನ ಮೇಲೆ ಅವಲಂಬಿತವಾಗಿತ್ತು. ಆದರೆ, ಪಾಕಿಸ್ತಾನದ ಮೇಲೆ ದೀರ್ಘಕಾಲೀನ ಸಂಬಂಧ ಇರಿಸಿಕೊಳ್ಳುವುದು ಭಾರತಕ್ಕೆ ಆತಂಕಕಾರಿ ವಿಚಾರ.
  • ಹೀಗಾಗಿ ಇದಕ್ಕೆ ಪ್ರತಿಯಾಗಿ ಇನ್ನೊಂದು ಬಂದರು ನಿರ್ಮಾಣ ಮಾಡುವುದು ಭಾರತಕ್ಕೆ ಅನಿವಾರ್ಯವಾಗಿತ್ತು. ಇನ್ನೊಂದೆಡೆ ಪಾಕಿಸ್ತಾನದ ಗ್ವಾದರ್​ನಲ್ಲಿ ಚೀನಾವು ಬಂದರು ನಿರ್ವಣಕ್ಕೆ ನೆರವು ನೀಡುತ್ತಿದೆ. ಇಲ್ಲಿಂದ ಕೇವಲ 400 ಕಿ.ಮೀ ದೂರದಲ್ಲಿ ಚಾಬಹಾರ್ ಇರುವುದು ಭವಿಷ್ಯದ ಸೇನಾ ಆತಂಕಗಳಿಗೆ ಉತ್ತರ ನೀಡಲು ಸುಲಭವಾಗುತ್ತದೆ.

ಇಷ್ಟೊಂದು ಮಹತ್ವವೇಕೆ?

  • ಚಾಬಹಾರ್ ಬಂದರು ಅಭಿವೃದ್ಧಿ ಒಪ್ಪಂದದ ಬಳಿಕವಷ್ಟೇ ಭಾರತ ಹಾಗೂ ಇರಾನ್ ನಡುವೆ ರೂಪಾಯಿಯಲ್ಲಿ ವ್ಯವಹಾರ ಆರಂಭವಾಗಿದೆ.
  • ಈ ಯೋಜನೆಗೆ ಭಾರತವು ರೂಪಾಯಿಯಲ್ಲೇ ಹೂಡಿಕೆ ಮಾಡುತ್ತಿದೆ.
  • ಭಾರತಕ್ಕೆ ತೈಲ ಆಮದಿಗೆ ಈ ಬಂದರು ಪ್ರಮುಖ ಪಾತ್ರವಹಿಸಲಿದ್ದು, ಅತಿ ಹತ್ತಿರದ ಮಾರ್ಗವೂ ಆಗಿದೆ.
  • ಸಾರಿಗೆ ವೆಚ್ಚ ಹಾಗೂ ದೂರಕ್ಕೆ ಸಂಬಂಧಿಸಿ ಶೇ.60 ವೆಚ್ಚವನ್ನು ಈ ಬಂದರು ಕಡಿಮೆ ಮಾಡಲಿದೆ.
  • ಇದರಿಂದ ಭಾರತೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಇಳಿಕೆಯಾಗುವ ಸಂಭವವಿದೆ
  • ಅಫ್ಘಾನಿಸ್ತಾನಕ್ಕೆ ಆಹಾರ ಪದಾರ್ಥ ಸೇರಿ ಇತರ ವಸ್ತುಗಳ ರಫ್ತಿಗೆ ಸುಲಭ ಮಾರ್ಗವಾಗಿದ್ದು, ಚಾಬಹಾರ್​ನಿಂದ ರೈಲ್ವೆ ಅಥವಾ ರಸ್ತೆ ಮೂಲಕ ಕಳುಹಿಸಬಹುದಾಗಿದೆ. ಅಲ್ಲಿಂದ ಕೇವಲ 880 ಕಿ.ಮೀ. ದೂರದಲ್ಲಿ ಅಫ್ಘಾನಿಸ್ತಾನವಿದೆ.
  • ಮಧ್ಯ ಏಷ್ಯಾ ಹಾಗೂ ಹಿಂದು ಮಹಾಸಾಗರದ ಮಟ್ಟಿಗೆ ಈ ಬಂದರು ಪ್ರಮುಖ ವಹಿವಾಟು ತಾಣವಾಗುವ ಸಾಧ್ಯತೆ ಇದೆ.
  • ಈ ಬಂದರು ಮೂಲಕ ಭಾರತವು ಅಫ್ಘಾನಿಸ್ತಾನದ 4 ಪ್ರಮುಖ ನಗರಗಳಿಗೆ ರಸ್ತೆ ಸಂಪರ್ಕ ಸಾಧಿಸಬಹುದಾಗಿದೆ.
  • ಪಾಕಿಸ್ತಾನ ಅಥವಾ ಅಫ್ಘಾನಿಸ್ತಾನದ ಅನಿವಾರ್ಯ ಪರಿಸ್ಥಿತಿಯಲ್ಲಿ ಭಾರತವು ಈ ಬಂದರನ್ನು ಸೇನಾ ಕಾರ್ಯಾಚರಣೆಗೂ ಬಳಸಬಹುದಾಗಿದೆ.

ನಿರ್ಬಂಧ ಸಡಿಲಿಸಿದ ಯುಎಸ್

  • ಚಾಬಹಾರ್ ಬಂದರು ಅಭಿವೃದ್ಧಿಯನ್ನು ಇರಾನ್ ನಿರ್ಬಂಧದಿಂದ ಹೊರಗಿಡಲು ಅಮೆರಿಕ ನಿರ್ಧರಿಸಿದೆ. ಭಾರತ ಹಾಗೂ ಅಫ್ಘಾನಿಸ್ತಾನಕ್ಕೆ ಅತ್ಯಗತ್ಯವಾಗಿರುವ ಈ ಯೋಜನೆಗೆ ವಿನಾಯಿತಿ ನೀಡಲಾಗಿದೆ.
  • ಯುದ್ಧಪೀಡಿತ ಅಫ್ಘಾನಿಸ್ತಾನಕ್ಕಾಗಿ ಈ ಕ್ರಮ ಅನಿವಾರ್ಯ ಎಂದು ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ ಮೈಕ್ ಪಾಂಪಿಯೋ ತಿಳಿಸಿದ್ದಾರೆ.
  • ಚಾಬಹಾರ್ ಬಂದರು ಅಭಿವೃದ್ಧಿಗೆ ಪೂರಕವಾಗಿರುವ ರೇಲ್ವೆ ಯೋಜನೆಗೂ ನಿರ್ಬಂಧ ಅನ್ವಯವಾಗುವುದಿಲ್ಲ.
  • ಈ ಬಂದರಿನಿಂದ ಭಾರತ ಹಾಗೂ ಅಫ್ಘಾನಿಸ್ತಾನಗಳು ನಿರ್ಬಂಧ ರಹಿತ ವಸ್ತುಗಳ ರವಾನೆಗೆ ಬಳಸಬಹುದಾಗಿದೆ.

ಸ್ತನ ಕ್ಯಾನ್ಸರ್ ಪತ್ತೆಗೆ ಎಐ ಆಧರಿತ ತಂತ್ರಾಂಶ

7.

ಸುದ್ಧಿಯಲ್ಲಿ ಏಕಿದೆ ?ಕೃತಕ ಬುದ್ಧಿಮತ್ತೆ (ಆರ್ಟಿಫಿಶಿಯಲ್ ಇಂಟೆಲಿಜೆನ್ಸ್) ಇದೀಗ ಆರೋಗ್ಯ ವಲಯದಲ್ಲಿಯೂ ಸದ್ದು ಮಾಡುತ್ತಿದ್ದು, ಈ ವಿನೂತನ ತಂತ್ರಜ್ಞಾನದ ಆಧಾರದಲ್ಲಿ ಸ್ತನ ಕ್ಯಾನ್ಸರ್ ಅನ್ನು ಆರಂಭಿಕ ಹಂತದಲ್ಲೇ ಪತ್ತೆ ಹಚ್ಚುವ ತಂತ್ರಾಂಶವೊಂದನ್ನು ಬೆಂಗಳೂರಿನಲ್ಲಿ ಬಿಡುಗಡೆಗೊಳಿಸಲಾಯಿತು.

  • ವೈಟ್‌ಫೀಲ್ಡ್‌ನಲ್ಲಿರುವ ಟೆಲಿರಾಡ್ ಟೆಕ್ ಹಾಗೂ ಇಮೇಜ್ ಕೋರ್ ಲ್ಯಾಬ್ ಮುಂದಾಳುತ್ವದಲ್ಲಿ ನಡೆದ ರೇಡಿಯಾಲಜಿಯಲ್ಲಿ ಕೃತಕ ಬುದ್ಧಿಮತ್ತೆ 2018′ ವಿಚಾರ ಸಂಕಿರಣಲ್ಲಿ ಈ ತಂತ್ರಾಂಶವನ್ನು ಅನಾವರಣಗೊಳಿಸಲಾಗಿದ್ದು, ಇದು ವಿಶೇಷವಾಗಿ ರೇಡಿಯಾಲಜಿಸ್ಟ್‌ಗಳಿಗೆ ಸ್ತನ ಕ್ಯಾನ್ಸರ್‌ನ ಲಕ್ಷಣವನ್ನು ಆರಂಭಿಕ ಹಂತದಲ್ಲೇ ಪತ್ತೆ ಹಚ್ಚಲು ನೆರವಾಗಲಿದೆ.
  • Mammo Assist ತಂತ್ರಾಂಶವು ಮ್ಯಾಮೋಗ್ರಾಮ್ ಮೂಲಕ ಬಂದಿರುವ ವರದಿಯನ್ನು ವಿಶ್ಲೇಷಿಸುತ್ತದೆ, ಅನೋಟೇಟ್ ಮಾಡುವ ಮೂಲಕ ರೋಗ ಪತ್ತೆ ಪ್ರಕ್ರಿಯೆಯನ್ನು ವೇಗವಾಗಿಸುತ್ತದೆ.
  • ಸ್ತನ ಕ್ಯಾನ್ಸರ್ ಪತ್ತೆಗೆ ಮ್ಯಾಮೋಗ್ರಾಮ್ ಪರೀಕ್ಷೆ ಇದ್ದರೂ ಅದರ ಫಲಿತಾಂಶದ ವಿಶ್ಲೇಷಣೆಯನ್ನು ಹೆಚ್ಚು ವೇಗವಾಗಿ ಮತ್ತು ನಿಖರವಾಗಿಸುವಲ್ಲಿ, ಈ ಮೂಲಕ, ಆರಂಭಿಕ ಹಂತದಲ್ಲೇ ಕ್ಯಾನ್ಸರ್ ಗುರುತಿಸುವಿಕೆಯಲ್ಲಿ ಕೃತಕ ಬುದ್ಧಿಮತ್ತೆ ತಂತ್ರಜ್ಞಾನದ ಆಧಾರದಲ್ಲಿ ಕೆಲಸ ಮಾಡುವ ‘ಮ್ಯಾಮೋ ಅಸಿಸ್ಟ್’ ನೆರವಾಗಲಿದೆ

Related Posts
“27th ಅಕ್ಟೋಬರ್  2018ರ ಕನ್ನಡ ಪ್ರಚಲಿತ ವಿದ್ಯಮಾನ”
'ಸ್ವಚ್ಛ ಬೆಂಗಳೂರು' ಸುದ್ಧಿಯಲ್ಲಿ ಏಕಿದೆ ? ಬೆಂಗಳೂರು ನಗರವನ್ನು ಸ್ವಚ್ಛ ಮಾಡಲು ಕರ್ನಾಟಕ ಹೈಕೋರ್ಟ್ ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಗೆ ಕಾಲಾವಧಿ ನಿಗದಿಪಡಿಸಿದೆ. ಆದರೆ ಸ್ವಚ್ಛ ಬೆಂಗಳೂರಿನ ಸವಾಲನ್ನು ಎದುರಿಸಿ ಅದನ್ನು ಸಾಧಿಸುವುದು ಕಷ್ಟ. ಸವಾಲುಗಳೇನು ? ಕಸದಿಂದ ಹಿಡಿದು ಉಗುಳುವವರೆಗೆ, ಸಾರ್ವಜನಿಕ ಶೌಚಾಲಯದಿಂದ ಹಿಡಿದು ...
READ MORE
“26 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
‘ಬಡವರ ಬಂಧು’ ನಿಯಮಾವಳಿ ಸಡಿಲ ಸುದ್ಧಿಯಲ್ಲಿ ಏಕಿದೆ ?ಬೀದಿಬದಿ ವ್ಯಾಪಾರಿಗಳಿಗೆ ಸಾಲ ನೀಡುವ 'ಬಡವರ ಬಂಧು' ಯೋಜನೆ ಅನುಷ್ಠಾನದಲ್ಲಿ ತೊಡಕಾಗಿದ್ದ ಕೆಲ ನಿಯಮಗಳನ್ನು ಸಡಿಲಗೊಳಿಸಲಾಗಿದೆ. ಯಾವ ನಿಯಮವನ್ನು ಸಡಿಲಿಸಲಾಗಿದೆ ? 'ಯೋಜನೆಯಡಿ ಫಲಾನುಭವಿಗಳ ಆಯ್ಕೆಗೆ ಸ್ಥಳೀಯ ಸಂಸ್ಥೆಗಳ ಗುರುತಿನ ಚೀಟಿ ಹಾಗೂ ರೇಷನ್‌ ಕಾರ್ಡ್‌ ದಾಖಲೆಯಾಗಿ ...
READ MORE
” 01 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಪ್ಯಾನಿಕ್ ಬಟನ್ ಕಡ್ಡಾಯ ಸುದ್ಧಿಯಲ್ಲಿ ಏಕಿದೆ ?ಮಹಿಳಾ ಪ್ರಯಾಣಿಕರ ಸುರಕ್ಷತೆ ದೃಷ್ಟಿಯಿಂದ ನೋಂದಣಿ ಆಗುವ ಎಲ್ಲ ಪಬ್ಲಿಕ್/ ಪ್ಯಾಸೆಂಜರ್ ವಾಹನ ಹಾಗೂ ರಾಷ್ಟ್ರೀಯ ರಹದಾರಿ ಹೊಂದಿರುವ ವಾಣಿಜ್ಯ ವಾಹನಗಳಲ್ಲಿ ವೆಹಿಕಲ್ ಲೊಕೇಷನ್ ಟ್ರ್ಯಾಕಿಂಗ್ ಯುನಿಟ್ (ವಿಎಲ್​ಟಿ)ಮತ್ತು ತುರ್ತು ಸಂದೇಶ(ಪ್ಯಾನಿಕ್)ಬಟನ್ ಅಳವಡಿಕೆ ಕಡ್ಡಾಯವಾಲಿಗದೆ. ಹಿನ್ನಲೆ ನಿರ್ಭಯಾ ಪ್ರಕರಣ ...
READ MORE
“21 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ರಾಜ್ಯವಾರು ಉತ್ಪಾದನೆಯಲ್ಲಿ ಕರ್ನಾಟಕ ನಂ.1 ಸುದ್ಧಿಯಲ್ಲಿ ಏಕಿದೆ ?ರಾಜ್ಯದ ತಲಾ ನಿವ್ವಳ ಆಂತರಿಕ ಉತ್ಪಾದನೆಯಲ್ಲಿ(ಎನ್‌ಎಸ್‌ಡಿಪಿ) ಕರ್ನಾಟಕವು 2017-18ರಲ್ಲಿ ದೇಶದಲ್ಲಿಯೇ ಮೊದಲ ಸ್ಥಾನದಲ್ಲಿದೆ. ಈ ಅವಧಿಯಲ್ಲಿ ರಾಜ್ಯ ಸರಾಸರಿ 1,81,788 ರೂ.ಗಳಷ್ಟು ತಲಾ ನಿವ್ವಳ ಆಂತರಿಕ ಉತ್ಪಾದನೆ ದಾಖಲಿಸಿದೆ. ತೆಲಂಗಾಣ 2ನೇ ಸ್ಥಾನದಲ್ಲಿದ್ದು, 1,81,034 ರೂ., ಮಹಾರಾಷ್ಟ್ರ ...
READ MORE
3rd ಮಾರ್ಚ್ 2018 ಕನ್ನಡ ಪ್ರಚಲಿತ ವಿದ್ಯಮಾನ
ನೌಕಾ ಪಡೆ ಸಮರಾಭ್ಯಾಸ ಮುಕ್ತಾಯ ಅರಬ್ಬಿ ಸಮುದ್ರದಲ್ಲಿ ಭಾರತೀಯ ನೌಕಾಪಡೆ ಮೂರು ವಾರಗಳ ಕಾಲ ಕೈಗೊಂಡ ಸಮರಾಭ್ಯಾಸ ಕೊನೆಗೊಂಡಿದೆ. ದೇಶದ ಪಶ್ಚಿಮ ಸಮುದ್ರದಲ್ಲಿರುವ ಪ್ರತಿಕೂಲ ಸನ್ನಿವೇಶಗಳನ್ನು ಎದುರಿಸುವ ಕುರಿತು ವ್ಯೂಹ ರಚನೆ ಮತ್ತು ಯುದ್ಧದ ಸಂದರ್ಭದಲ್ಲಿ ಕೈಗೊಳ್ಳಬೇಕಾದ ಕಾರ್ಯಾಚರಣೆ ಯೋಜನೆಗಳ ಬಗ್ಗೆ ನೌಕಾ ಪಡೆ ...
READ MORE
“18 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಆಯುಷ್ಮಾನ್​ಗೆ ಖಾಸಗಿ ಆಸ್ಪತ್ರೆಗಳ ನಿರ್ಲಕ್ಷ್ಯ ಸುದ್ಧಿಯಲ್ಲಿ ಏಕಿದೆ ?ವಿಶ್ವದಲ್ಲೇ ಅತಿ ದೊಡ್ಡ ಸರ್ಕಾರಿ ಪ್ರಾಯೋಜಿತ ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ (ಎಬಿ-ಎಆರ್​ಕೆ) ಯೋಜನೆಯಲ್ಲಿ ಹೆಸರು ನೋಂದಾ ಯಿಸಲು ಖಾಸಗಿ ಆಸ್ಪತ್ರೆಗಳು ನಿರಾಸಕ್ತಿ ತೋರಿರುವ ಸಂಗತಿ ಬೆಳಕಿಗೆ ಬಂದಿದೆ. ರಾಜ್ಯದಲ್ಲಿರುವ 26 ಸಾವಿರ ಖಾಸಗಿ ಆಸ್ಪತ್ರೆಗಳ ಪೈಕಿ ...
READ MORE
“02 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಹಂಪಿ ಉತ್ಸವ ಸುದ್ಧಿಯಲ್ಲಿ ಏಕಿದೆ ? ವಿಜಯನಗರ ಸಾಮ್ರಾಜ್ಯದ ಗತವೈಭವ ನೆನಪಿಸುವ ಹಂಪಿ ಉತ್ಸವವು ಇಂದಿನಿಂದ ಎರಡು ದಿನಗಳ ಕಾಲ ನಡೆಯಲಿದ್ದು, ಸಕಲ ಸಿದ್ಧತೆಯಾಗಿದೆ. ಮಾ.2ರಂದು ಕಲಾ ತಂಡಗಳಿಂದ ಶೋಭಾಯಾತ್ರೆ ಜರುಗಲಿದ್ದು, ಸಿಎಂ ಕುಮಾರಸ್ವಾಮಿ ಉತ್ಸವಕ್ಕೆ ಚಾಲನೆ ನೀಡುವರು. ವಿಶೇಷ ಆಹ್ವಾನಿತರಾಗಿ ನಟ ದರ್ಶನ್, ...
READ MORE
“11 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಕೈಗಾ ಅಣು ವಿದ್ಯುತ್ ಸ್ಥಾವರ ಸುದ್ಧಿಯಲ್ಲಿ  ಏಕಿದೆ ? ಯಾವುದೇ ತೊಂದರೆ ಇಲ್ಲದೆ ನಿರಂತರವಾಗಿ 941 ದಿನ ವಿದ್ಯುತ್ ಉತ್ಪಾದನೆ ಮಾಡುವ ಮೂಲಕ ಕೈಗಾ ಮೊದಲ ಅಣು ವಿದ್ಯುತ್​ ಘಟಕ ವಿಶ್ವ ದಾಖಲೆ ನಿರ್ಮಿಸಿ ರಾಜ್ಯದ ಕೀರ್ತಿಯನ್ನು ಮತ್ತಷ್ಟು ಹೆಚ್ಚಿಸಿದೆ. ಉತ್ತರಕನ್ನಡ ಜಿಲ್ಲೆಯ ಕಾರವಾರದಲ್ಲಿರುವ ...
READ MORE
“12 ಏಪ್ರಿಲ್   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಚುನಾವಣಾ ಬಾಂಡ್‌ ಸುದ್ಧಿಯಲ್ಲಿ ಏಕಿದೆ ?ಕೇಂದ್ರ ಸರಕಾರದ ಚುನಾವಣಾ ಬಾಂಡ್ ಯೋಜನೆಯನ್ನು ಪ್ರಶ್ನಿಸಿದ್ದ ಜನಹಿತಾಸಕ್ತಿ ಅರ್ಜಿಯ ಕುರಿತ ತೀರ್ಪುನ್ನು ಸುಪ್ರೀಂಕೋರ್ಟ್ ಕಾಯ್ದಿರಿಸಿದೆ. ರಾಜಕೀಯ ಪಕ್ಷಗಳಿಗೆ ಆರ್ಥಿಕ ನೆರವು ನೀಡುವ ಚುನಾವಣಾ ಬಾಂಡ್ ಯೋಜನೆಯ ಸಿಂಧುತ್ವವನ್ನು ಪ್ರಸ್ನಿಸಿ ಸರ್ಕಾರರೇತರ ಸಂಸ್ಥೆಯೊಂದು ನ್ಯಾಯಾಲಯದ ಮೆಟ್ಟಿಲೇರಿತ್ತು. ಚುನಾವಣಾ ...
READ MORE
“07 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಓಝೋನ್​ ಪದರ ರಂಧ್ರ ಕ್ರಮೇಣ ಕ್ಷೀಣ ಸುದ್ಧಿಯಲ್ಲಿ ಏಕಿದೆ ?ಭೂಮಿಯನ್ನು ಸೂರ್ಯನ ನೇರಳೆ ಕಿರಣಗಳಿಂದ ರಕ್ಷಣೆ ಮಾಡುವ ಓಝೋನ್​ ಪದರ ಸವಕಳಿ ಸುಧಾರಿಸುತ್ತಿದ್ದು ಪದರಕ್ಕೆ ಆಗಿದ್ದ ಹಾನಿ ಕ್ರಮೇಣ ಸರಿಯಾಗುತ್ತಿದೆ ಎಂದು ವಿಶ್ವಸಂಸ್ಥೆಯ ವರದಿ ತಿಳಿಸಿದೆ. ಹಿನ್ನೆಲೆ ಓಝೋನ್​ ಪದರ 1970ನೇ ಇಸ್ವಿಯಿಂದೀಚೆಗೆ ತೆಳುವಾಗುತ್ತಿದೆ ಎಂದು ...
READ MORE
“27th ಅಕ್ಟೋಬರ್ 2018ರ ಕನ್ನಡ ಪ್ರಚಲಿತ ವಿದ್ಯಮಾನ”
“26 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
” 01 ಜನವರಿ 2019 ರ ಕನ್ನಡ ಪ್ರಚಲಿತ
“21 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
3rd ಮಾರ್ಚ್ 2018 ಕನ್ನಡ ಪ್ರಚಲಿತ ವಿದ್ಯಮಾನ
“18 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“02 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“11 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“12 ಏಪ್ರಿಲ್ 2019 ರ ಕನ್ನಡ ಪ್ರಚಲಿತ
“07 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Leave a Reply

Your email address will not be published. Required fields are marked *