“31st ಅಕ್ಟೋಬರ್ 2018ರ ಕನ್ನಡ ಪ್ರಚಲಿತ ವಿದ್ಯಮಾನ”

ಎನ್​ಪಿಎಸ್ ಶೀಘ್ರ ರದ್ದು

1.

ಸುದ್ಧಿಯಲ್ಲಿ ಏಕಿದೆ ?ನೂತನ ಪಿಂಚಣಿ ಯೋಜನೆ (ಎನ್​ಪಿಎಸ್) ರದ್ದು ಮಾಡಬೇಕೆಂಬ ನೌಕರರ ಹೋರಾಟಕ್ಕೆ ರಾಜ್ಯ ಸರ್ಕಾರ ಕೊನೆಗೂ ಸ್ಪಂದಿಸಿದೆ. ಈ ಸಂಬಂಧ ಶೀಘ್ರ ಕಡತ ಮಂಡಿಸುವಂತೆ ಮುಖ್ಯಮಂತ್ರಿ ಎಚ್.ಡಿ. ಕುಮಾರಸ್ವಾಮಿ ಆರ್ಥಿಕ ಇಲಾಖೆಗೆ ಸೂಚನೆ ನೀಡಿದ್ದಾರೆ.

ಹಿನ್ನಲೆ

  • ಸರ್ಕಾರದ ವಿವಿಧ ಇಲಾಖೆಗಳಿಗೆ, ಸ್ವಾಯತ್ತ ಸಂಸ್ಥೆಗಳಿಗೆ, ಅನುದಾನಿತ ಸಂಸ್ಥೆಗಳಿಗೆ 2006ರಿಂದ ನೇಮಕವಾಗಿರುವ ಎನ್​ಪಿಎಸ್ ನೌಕರರು, ಈ ಪಿಂಚಣಿ ಯೋಜನೆ ರದ್ದು ಮಾಡಿ ಹಳೆಯ ಯೋಜನೆಯನ್ನೇ ಮುಂದುವರಿ ಸಬೇಕೆಂದು ಹೋರಾಟ ನಡೆಸಿದ್ದಾರೆ. ಇತ್ತೀಚೆಗಷ್ಟೇ ರಕ್ತದಾನದ ಮೂಲಕ ಆಕ್ರೋಶ ವ್ಯಕ್ತಪಡಿಸಿ ಮುಖ್ಯಮಂತ್ರಿಗೆ ಮನವಿಯನ್ನೂ ಸಲ್ಲಿಸಿದ್ದರು. ಇದೇ ಸಂದರ್ಭದಲ್ಲಿ ಮುಖ್ಯಮಂತ್ರಿಗಳು ಕಡತದಲ್ಲಿ ಮಂಡಿಸುವಂತೆ ಆರ್ಥಿಕ ಇಲಾಖೆಯ ಅಪರ ಮುಖ್ಯ ಕಾರ್ಯದರ್ಶಿಗೆ ಸೂಚನೆ ನೀಡಿದ್ದಾರೆ
  • ಆರ್ಥಿಕ ಇಲಾಖೆ ಒಪ್ಪಿಗೆ ಮುಖ್ಯ: ಪಿಂಚಣಿ ನಿರ್ಧರಿಸುವುದು ಹಣಕಾಸಿಗೆ ಸಂಬಂಧಿಸಿದ ವಿಚಾರ ಆಗಿರುವುದರಿಂದ ಆರ್ಥಿಕ ಇಲಾಖೆ ನೀಡುವ ಅಭಿಪ್ರಾಯ ಮುಖ್ಯವಾಗಿದೆ. ಆದ್ದರಿಂದಲೇ ಇಲಾಖೆಯಲ್ಲಿ ಸಾಧಕ ಬಾಧಕಗಳ ಬಗ್ಗೆ ರ್ಚಚಿಸಲು ಅಧಿಕಾರಿಗಳು ಉದ್ದೇಶಿಸಿದ್ದಾರೆಂದು ಮೂಲಗಳು ಹೇಳಿವೆ.

ಸರ್ಕಾರಕ್ಕೆ ಹೊರೆಯೇ?

ಎನ್​ಪಿಎಸ್ ರದ್ದು ಮಾಡುವುದು ಬೊಕ್ಕಸಕ್ಕೆ ಹೊರೆ ಆಗುವುದೇ ಅಥವಾ ಇಲ್ಲವೇ ಎಂಬ ಪ್ರಶ್ನೆ ಸರ್ಕಾರದಲ್ಲಿ ಕಾಡುತ್ತಿದೆ. ಈ ವಿಚಾರವಾಗಿ ಎರಡು ರೀತಿಯ ಅಭಿಪ್ರಾಯಗಳು ಆರ್ಥಿಕ ಇಲಾಖೆಯಲ್ಲಿವೆ.

  1. ಹೊರೆ ಏಕೆ?
  • ಎನ್​ಪಿಎಸ್ ನೌಕರರನ್ನು ಹಳೆಯ ಪಿಂಚಣಿ ಯೋಜನೆಯ ವ್ಯಾಪ್ತಿಗೆ ಒಳಪಡಿಸಿದರೆ ಸರ್ಕಾರಕ್ಕೆ ಪಿಂಚಣಿಯ ಹೊರೆ ಬೀಳುತ್ತದೆ. ಈಗಾಗಲೇ ಕುಟುಂಬ ಪಿಂಚಣಿ ನೀಡಲಾಗುತ್ತಿದೆ.
  • ಆದರೆ ಈ ವಾದವನ್ನು ಒಪ್ಪದವರೂ ಇದ್ದಾರೆ. ನೌಕರರಿಂದ ಕಡಿತ ಮಾಡಿರುವ 03 ಕೋಟಿ ರೂ.ಗಳ ಜತೆಗೆ, ಸರ್ಕಾರ ಸಹ ಅಷ್ಟೇ ಪ್ರಮಾಣದ ಮೊತ್ತವನ್ನು ಪಿಎಫ್​ಗಾಗಿ ಪಾವತಿಸಿದೆ. ಅದಕ್ಕೆ ವರ್ಷಕ್ಕೆ ಸರಾಸರಿ 3 ಕೋಟಿ ರೂ. ತೆರಿಗೆಯನ್ನು ಪಾವತಿಸುತ್ತಿದೆ. ನೌಕರರ ನಿವೃತ್ತಿ ಆರಂಭವಾಗುವುದು 2037ರಿಂದ.
  • ಈಗ ಇರುವ 5000 ಕೋಟಿ ರೂ.ಗಳನ್ನು ಸರ್ಕಾರ ಅಭಿವೃದ್ಧಿ ಯೋಜನೆಗಳಿಗೆ ಬಳಕೆ ಮಾಡಿಕೊಳ್ಳಬಹುದು. ಹೊರೆಯೇನೂ ಆಗುವುದಿಲ್ಲ ಎಂಬ ಅಭಿಪ್ರಾಯ ನೌಕರರಲ್ಲಿದೆ. ಹಣಕಾಸು ಇಲಾಖೆಯ ಕೆಲ ಅಧಿಕಾರಿಗಳದೂ ಇದೇ ಅಭಿಪ್ರಾಯ.
  • ಖಾಸಗಿ ಸಂಸ್ಥೆ ನಿರ್ವಹಣೆ: ಎನ್​ಪಿಎಸ್ ಅನ್ನು ಖಾಸಗಿ ಸಂಸ್ಥೆ ನಿರ್ವಹಣೆ ಮಾಡುತ್ತಿದೆ. ಖಾಸಗಿ ಸ್ವಾಮ್ಯದ ಬ್ಯಾಂಕ್ ಹಣಕಾಸಿನ ಉಸ್ತುವಾರಿ ನೋಡುತ್ತಿದೆ. ಯಾವ ಗ್ಯಾರಂಟಿಯೂ ಇಲ್ಲ, ಅದೇ ಹಣವನ್ನು ಸರ್ಕಾರ ಕೆಜಿಐಡಿಯಲ್ಲಿ ಹಾಕಿದರೆ ಗ್ಯಾರಂಟಿ ಇರುತ್ತದೆ ಎಂಬುದು ನೌಕರರ ಅಭಿಪ್ರಾಯ.

ಎಲ್ಲ ರಾಜ್ಯಗಳಲ್ಲೂ ಭರವಸೆ

  • ಚುನಾವಣೆ ನಡೆಯುತ್ತಿರುವ ತೆಲಂಗಾಣ ಸೇರಿ ವಿವಿಧ ರಾಜ್ಯಗಳಲ್ಲಿ ಬೇರೆ ಬೇರೆ ಪಕ್ಷಗಳು ಸಹ ತಮ್ಮ ಪ್ರಣಾಳಿಕೆಯಲ್ಲಿ ಎನ್​ಪಿಎಸ್ ರದ್ದು ಮಾಡುವ ಭರವಸೆ ನೀಡಿವೆ.

ಸಂಸತ್ ಚಲೋ

  • ಎನ್​ಪಿಎಸ್ ರದ್ದು ಮಾಡುವಂತೆ ಕೇಂದ್ರ ಸರ್ಕಾರದ ಮೇಲೆ ಒತ್ತಡ ತರುವ ಸಲುವಾಗಿ ವಿವಿಧ ರಾಜ್ಯಗಳ ಎನ್​ಪಿಎಸ್ ನೌಕರರು ನ.26ಕ್ಕೆ ದೆಹಲಿ ಚಲೋ ನಡೆಸಲಿದ್ದು, ರಾಜ್ಯದ 2000 ಜನ ಭಾಗವಹಿಸುತ್ತಿದ್ದಾರೆ.

ಸಮಿತಿ ಬೇಡ

  • ಮುಖ್ಯಮಂತ್ರಿ ಕುಮಾರಸ್ವಾಮಿ ಸಮಿತಿಯೊಂದನ್ನು ರಚಿಸುವ ಆಲೋಚನೆ ಮಾಡಿದ್ದರಾದರೂ ತಮಿಳುನಾಡಿನಲ್ಲಿ ಸಮಿತಿ ಅಸ್ತಿತ್ವಕ್ಕೆ ಬಂದು ನಾಲ್ಕು ವರ್ಷವಾದರೂ ಯಾವುದೇ ನಿರ್ಧಾರ ಮಾಡಿಲ್ಲ. ಆದ್ದರಿಂದ ಸಮಿತಿ ಬೇಡ, ಸಭೆ ಮಾಡಿ ನಿರ್ಧಾರ ಮಾಡುವಂತೆ ಒತ್ತಡ ತರಲಾಗಿತ್ತು.

ಎರಡು ಲಕ್ಷ ನೌಕರರು

  • ಎನ್​ಪಿಎಸ್ ಆರಂಭವಾದ 2006ರ ಏ.1 ರಿಂದ ಈವರೆಗೆ ವಿವಿಧ ಇಲಾಖೆಗಳಿಗೆ ನೇಮಕವಾಗಿರುವ 2,00,898 ನೌಕರರಿದ್ದಾರೆ. ಅಲ್ಲದೇ ಅರೆ ಸರ್ಕಾರಿ, ಸ್ವಾಯತ್ತ ಸಂಸ್ಥೆಗಳು, ಅನುದಾನಿತ ಸಂಸ್ಥೆಗಳಿಗೆ ನೇಮಕವಾಗಿರುವ 50 ಲಕ್ಷ ನೌಕರರಿದ್ದಾರೆಂಬುದು ಸರ್ಕಾರದಿಂದಲೇ ಲಭ್ಯವಾಗಿರುವ ಮಾಹಿತಿ.

ಮರಳು ಸಮಿತಿ ರಚನೆ

ಸುದ್ಧಿಯಲ್ಲಿ ಏಕಿದೆ ?ಮರಳು ಗಣಿಗಾರಿಕೆಯಿಂದ ನದಿ ಪಾತ್ರಗಳಲ್ಲಿ ಉಂಟಾಗುತ್ತಿರುವ ಅನಾಹುತಗಳ ಬಗ್ಗೆ ಎಚ್ಚರವಹಿಸಲು ಮುಂದಾಗಿರುವ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ನದಿಗಳ ಅಧ್ಯಯನಕ್ಕೆ ತಜ್ಞರ ಸಮಿತಿ ರಚಿಸಲು ಮುಂದಾಗಿದೆ.

  • ಮಲಪ್ರಭಾ, ತುಂಗಭದ್ರಾ, ಕೃಷ್ಣಾ ಹಾಗೂ ಭೀಮಾ ಸೇರಿ ಹಲವು ನದಿ ಪಾತ್ರಗಳಲ್ಲಿ ಸಾಮರ್ಥ್ಯಕ್ಕೆ ಮೀರಿದ ಗಣಿಗಾರಿಕೆ ನಡೆದಿರುವ ಅಂದಾಜಿದ್ದು, ಅಂಥ ನದಿ ಪಾತ್ರಗಳ ಅಧ್ಯಯನ ತಜ್ಞರ ಮೂಲಕ .
  • 8 ತಂಡಗಳ ರಚನೆ: ನದಿ ಪಾತ್ರಗಳಲ್ಲಿ ನಡೆಯುತ್ತಿರುವ ಮರಳು ಗಣಿಗಾರಿಕೆಗೆ ಬ್ರೇಕ್ ಹಾಕುವ ನಿಟ್ಟಿನಲ್ಲಿ 8 ಸಮಿತಿಗಳು ಅಧ್ಯಯನ ನಡೆಸಲಿವೆ. ಭೌಗೋಳಿಕ ತಜ್ಞರನ್ನು ಒಳಗೊಂಡಿರುವ 8 ಸಮಿತಿಗಳು ರಚನೆ ಆಗಲಿದ್ದು, ತುಂಗಭದ್ರಾ, ಭೀಮಾ, ಕೃಷ್ಣಾ, ಮಲಪ್ರಭಾ, ಕಾಗಿನಾ, ವೇದಾವತಿ ಸೇರಿ ಇತರ ನದಿ ಪಾತ್ರಗಳಲ್ಲಿ ಮರಳು ಗಣಿಗಾರಿಕೆಯಿಂದ ಉಂಟಾಗಿರುವ ಅನಾಹುತಗಳ ಅಧ್ಯಯನ ನಡೆಸಲಿದೆ.
  • ಅಕ್ರಮ ಮರಳುಗಾರಿಕೆಯಿಂದ ಬೃಹದಾಕಾರದ ಗುಂಡಿಗಳಾಗಿ ನೀರಿಗೆ ಅಭಾವವಾಗಿದ್ದು, ಈ ಎಲ್ಲವನ್ನೂ ಪರಿಗಣಿಸಲಾಗುತ್ತದೆ.

ಎಂ-ಸ್ಯಾಂಡ್​ಗೆ ಆದ್ಯತೆ

  • ನದಿಪಾತ್ರಗಳಲ್ಲಿ ಮರಳು ಗಣಿಗಾರಿಕೆಗೆ ಅವಕಾಶ ಕೊಟ್ಟರೆ ಮುಂದೆಯೂ ಅದು ಅನಾಹುತಕ್ಕೆ ಕಾರಣವಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಅಕ್ರಮ ಮರಳು ಗಣಿಗಾರಿಕೆಗೆ ತಕ್ಷಣದಲ್ಲಿ ಕಡಿವಾಣ ಹಾಕಲು ನಿರ್ಧರಿಸಿರುವ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆ ಎಂ- ಸ್ಯಾಂಡ್​ಗೆ ಹೆಚ್ಚಿನ ಒತ್ತು ನೀಡಲು ನಿರ್ಧರಿಸಿದೆ.

ಪಟಾಕಿ ನಿರ್ಬಂಧ ಸಡಿಲಿಕೆ

3.

ಸುದ್ಧಿಯಲ್ಲಿ ಏಕಿದೆ ?ಪಟಾಕಿ ಸಿಡಿಸುವ ಅವಧಿಯ ಮೇಲಿನ ನಿರ್ಬಂಧದ ಆದೇಶವನ್ನು ಸ್ವಲ್ಪ ಮಟ್ಟಿಗೆ ಸಡಿಲಿಸಿರುವ ಸುಪ್ರೀಂ ಕೋರ್ಟ್, ಅವಧಿಯನ್ನು ಆಯಾ ರಾಜ್ಯ ಸರ್ಕಾರಗಳು ನಿಗದಿಗೊಳಿಸಬಹುದು ಹಾಗೂ ಹಸಿರು ಪಟಾಕಿ ಕೇವಲ ರಾಷ್ಟ್ರ ರಾಜಧಾನಿ ದೆಹಲಿಗೆ ಮಾತ್ರ ಸೀಮಿತ ಎಂದು ಸ್ಪಷ್ಟಪಡಿಸಿದೆ.

  • ಪಟಾಕಿಯನ್ನು ರಾತ್ರಿ 8ರಿಂದ 10 ಗಂಟೆವರೆಗೆ ಮಾತ್ರ ಸಿಡಿಸಬೇಕು ಎಂದು ನಿಗದಿಪಡಿಸಿರುವುದನ್ನು ಬದಲಾಯಿಸ ಬೇಕು ಎಂದು ತಮಿಳುನಾಡು ಸರ್ಕಾರ ಸುಪ್ರೀಂಕೋರ್ಟ್​ನಲ್ಲಿ ಅರ್ಜಿ ಸಲ್ಲಿಸಿತ್ತು.
  • ಅರ್ಜಿ ವಿಚಾರಣೆ ನಡೆಸಿದ ನ್ಯಾ.ಎ.ಕೆ.ಸಿಕ್ರಿ ನೇತೃತ್ವದ ನ್ಯಾಯಪೀಠ, ಕಾಲಮಿತಿ (2 ಗಂಟೆ) ಹೆಚ್ಚಿಸಲು ಸಾಧ್ಯವೇ ಇಲ್ಲ.
  • ಆದರೆ ಆಯಾ ರಾಜ್ಯ ಸರ್ಕಾರಗಳು ಸ್ಥಳೀಯ ಅನುಕೂಲತೆಗೆ ತಕ್ಕಂತೆ 2 ಗಂಟೆ ಕಾಲಾವಧಿಯನ್ನು ಬೆಳಗ್ಗೆ, ಮಧ್ಯಾಹ್ನ ಅಥವಾ ಸಂಜೆಗೆ ಬದಲಾಯಿಸಿಕೊಳ್ಳಬಹುದು ಎಂದು ಕೋರ್ಟ್ ತಿಳಿಸಿದೆ. ಈ ಅವಕಾಶವನ್ನು ದಕ್ಷಿಣ ಭಾರತದ ರಾಜ್ಯಗಳಿಗೆ ಮಾತ್ರ ನೀಡಲಾಗಿದೆ.
  • ಇದಲ್ಲದೇ ಹಸಿರು ಪಟಾಕಿ ವಿಚಾರವು ದೆಹಲಿಗೆ ಮಾತ್ರ ಸೀಮಿತವಾಗಿದೆ. ದೀಪಾವಳಿಗೆ ಒಂದು ವಾರ ಬಾಕಿ ಇರುವ ಹಿನ್ನೆಲೆ ಈ ಅಲ್ಪಾವಧಿಯಲ್ಲಿ ಹಸಿರು ಪಟಾಕಿಯನ್ನು ಮಾರುಕಟ್ಟೆಗೆ ಬಿಡಲು ಸಾಧ್ಯವಿಲ್ಲ ಎಂದು ಪಟಾಕಿ ತಯಾರಕರ ಸಂಘ ಕೋರ್ಟ್​ಗೆ ಮನವಿ ಮಾಡಿತ್ತು.

ತಮಿಳುನಾಡು ವಾದವೇನು?

  • ಪ್ರತಿ ರಾಜ್ಯದಲ್ಲಿಯೂ ದೀಪಾವಳಿ ಆಚರಣೆ ಭಿನ್ನವಾಗಿದೆ. ಕೆಲ ರಾಜ್ಯಗಳಲ್ಲಿ ಮುಂಜಾನೆ ದೀಪ ಹಚ್ಚಿ, ಪಟಾಕಿ ಸಿಡಿಸಲಾಗುತ್ತದೆ. ಅಂಥ ಸ್ಥಳಗಳಲ್ಲಿ ಬೆಳಗ್ಗೆ 30ರಿಂದ 6.30ರವರೆಗೆ ಪಟಾಕಿ ಸಿಡಿಸಲು ಅವಕಾಶ ನೀಡಬೇಕು. ಪಟಾಕಿ ಹಚ್ಚುವ ವೇಳೆ ನಿಗದಿ ಆಯಾ ಧರ್ಮದವರ ನಂಬಿಕೆಯನ್ನು ಕೂಡ ಅವಲಂಬಿಸಿದೆ. ಹೀಗಾಗಿ 2 ಗಂಟೆ ಕಾಲಮಿತಿಯನ್ನು ಹೆಚ್ಚಿಸಬೇಕು ಎನ್ನುವುದು ಸರ್ಕಾರದ ವಾದವಾಗಿತ್ತು. ಇದಕ್ಕೆ ಒಪ್ಪದ ಸುಪ್ರೀಂ, ಪೂರ್ವ ಆದೇಶದಲ್ಲಿ ನಿಗದಿಪಡಿಸಲಾಗಿರುವ ಕಾಲಮಿತಿಯನ್ನು ಪಾಲಿಸುವುದು ಕಡ್ಡಾಯ ಎಂದಿದೆ.

ಸುಪ್ರೀಂ ಹೇಳಿದ್ದೇನು?

  • ದಿನದಲ್ಲಿ 2 ಗಂಟೆ ಮಾತ್ರ ಪಟಾಕಿ ಸಿಡಿಸಲು ಅವಕಾಶ. ಆಯಾ ರಾಜ್ಯ ಸರ್ಕಾರಗಳು ಈ 2 ಗಂಟೆಯನ್ನು ಸ್ಥಳೀಯ ಅಗತ್ಯಕ್ಕೆ ತಕ್ಕಂತೆ ನಿಗದಿ ಮಾಡಿಕೊಳ್ಳಬಹುದು.

ಮುಂದಿನ ವರ್ಷ ಹಸಿರು ಪಟಾಕಿ

  • ಸುಪ್ರೀಂಕೋರ್ಟ್ ಆದೇಶದಂತೆ ಹಸಿರು ಪಟಾಕಿಗಳನ್ನು ತಯಾರಿಸಲಾಗಿದೆ. ಆದರೆ ನವೆಂಬರ್ ಮೊದಲ ವಾರದ ದೀಪಾವಳಿ ಹಬ್ಬಕ್ಕೆ ಸರಿಯಾಗಿ ಬೇಡಿಕೆ ಈಡೇರಿಸುವುದು ಕಷ್ಟಸಾಧ್ಯ.
  • ಸುಮಾರು 6 ಸಾವಿರ ಕೋಟಿ ರೂ. ವಾರ್ಷಿಕ ವ್ಯವಹಾರ ಹಾಗೂ 5 ಲಕ್ಷ ಜನರಿಗೆ ಉದ್ಯೋಗಾವಕಾಶ ನೀಡುವ ಈ ಉದ್ಯಮದ ಅವಶ್ಯಕತೆಗೆ ತಕ್ಕಂತೆ ಹಸಿರು ಪಟಾಕಿ ರೂಪಿಸಲಾಗಿದೆ.
  • ಇದರ ಬಳಕೆಯಿಂದ ಶೇ.30 ಕಡಿಮೆ ಮಾಲಿನ್ಯವಾಗಲಿದೆ. ಇದರಲ್ಲಿ ರಾಸಾಯನಿಕಗಳ ಪ್ರಮಾಣ ಕೂಡ ತೀರ ಕಡಿಮೆ ಇರಲಿವೆ. ಮುಂದಿನ ವರ್ಷದ ದೀಪಾವಳಿಗೆ ಅಗತ್ಯ ಪ್ರಮಾಣದಲ್ಲಿ ಹಸಿರು ಪಟಾಕಿ ಪೂರೈಸಲಾಗುವುದು

ಮೊದಲ ದೇಶೀ ನಿರ್ಮಿತ ಟ್ರೇನ್ 18 

4.

ಸುದ್ಧಿಯಲ್ಲಿ ಏಕಿದೆ ?ಸಂಪೂರ್ಣ ಸ್ವದೇಶಿ ನಿರ್ಮಾಣದ ಇಂಜಿನ್ ರಹಿತ ಟ್ರೇನ್ 18 ಪರೀಕ್ಷಾರ್ಥ ಚಾಲನೆಗೆ ಅನುವಾಗುತ್ತಿದೆ. ನೋಡಲು ಬುಲೆಟ್ ಟ್ರೇನ್‌ನಂತಿರುವ ಟ್ರೇನ್ 18 ಹಲವು ವೈಶಿಷ್ಟ್ಯಗಳನ್ನು ಹೊಂದಿದ್ದು, ದೇಶದ ರೈಲು ಯಾನದಲ್ಲಿ ಹೊಸ ಗುರುತಾಗಲಿದೆ.

  • ಟ್ರೇನ್ 18 ನಿರ್ಮಾಣ, ವಿನ್ಯಾಸ ಪೂರ್ಣವಾಗಿ ಸ್ವದೇಶಿ ಆಗಿದ್ದು, ಚೆನ್ನೈನ ಅಂತರ್ಗತ ಕೋಚ್ ಫ್ಯಾಕ್ಟರಿಯಲ್ಲಿ ನಿರ್ಮಾಣಗೊಂಡಿದೆ.
  • 16 ಕೋಚ್‌ಗಳ ಟ್ರೇನ್ 18 ನಿರ್ಮಾಣಕ್ಕೆ 18 ತಿಂಗಳ ಸಮಯಾವಕಾಶ ತಗುಲಿದೆ. ದೇಶದಲ್ಲಿ ಪ್ರಸ್ತುತ ಇರುವ ರೈಲುಗಳಲ್ಲಿ ಟ್ರೇನ್ 18 ಹೆಚ್ಚು ವೇಗ ಹೊಂದಿರುವ ರೈಲು ಆಗಿದ್ದು, ಗಂಟೆಗೆ 220 ಕಿಮೀ. ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಹೊಂದಿದ್ದರೂ, ಪ್ರಸ್ತುತ 160 ಕಿಮೀ. ವೇಗದಲ್ಲಿ ಚಲಾಯಿಸಿ ಪರೀಕ್ಷಿಸಲಾಗುತ್ತದೆ.
  • ಕಡಿಮೆ ಇಂಧನ ಬಳಕೆ, ವೈ-ಫೈ ಸೌಲಭ್ಯ, 100 ಕೋಟಿ ರೂ. ವೆಚ್ಚದಲ್ಲಿ ನಿರ್ಮಾಣ, ಒಟ್ಟು 1,128 ಆಸನ ವ್ಯವಸ್ಥೆ ಹೊಂದಿದೆ. ಆರಾಮದಾಯಕ ಸವಾರಿಗೆ ಹೆಚ್ಚು ಪ್ರಾಶಸ್ತ್ಯ ಕಲ್ಪಿಸಲಾಗಿದ್ದು, ಶತಾಬ್ಧಿ ಎಕ್ಸ್‌ಪ್ರೆಸ್ ರೈಲಿನ ಪ್ರಯಾಣಕ್ಕೆ ಹೋಲಿಸಿದರೆ ಶೇ. 15 ಪ್ರಯಾಣದ ಅವಧಿ ಉಳಿತಾಯವಾಗಲಿದೆ.
  • ಏಪ್ರಿಲ್ 2020 ವೇಳೆಗೆ ಒಟ್ಟು 5 ರೈಲುಗಳು ಸಿದ್ದವಾಗಿ ರೈಲ್ವೆಗೆ ಸೇರ್ಪಡೆಯಾಗಲಿವೆ.

ಸಾಮಾಜಿಕ ಭದ್ರತಾ ಯೋಜನೆಗಳ ನಿರ್ವಹಣೆಗೆ ಪ್ರತ್ಯೇಕ ವಿಭಾಗ

ಸುದ್ಧಿಯಲ್ಲಿ ಏಕಿದೆ ?ಸಾಮಾಜಿಕ ಭದ್ರತೆ ಯೋಜನೆಗಳನ್ನು ನಿರ್ವಹಿಸಲು ಕೇಂದ್ರ ಸರಕಾರಿ ಅಧಿಕಾರಿಗಳ ಪ್ರತ್ಯೇಕ ವಿಭಾಗವನ್ನು ರಚಿಸಲು ಮೋದಿ ಸರಕಾರವು ಮುಂದಾಗಿದೆ. ಸಾಮಾಜಿಕ ಯೋಜನೆಗಳ ಪರಿಣಾಮಕಾರಿ ಅನುಷ್ಠಾನಕ್ಕೆ ಇದರಿಂದ ಅನುಕೂಲವಾಗುವ ನಿರೀಕ್ಷೆ ಇದೆ.

  • ಅಧಿಕಾರಿಗಳ ಉದ್ದೇಶಿತ ವಿಭಾಗವನ್ನು ಇಂಡಿಯನ್‌ ಸೋಶಿಯಲ್‌ ಸೆಕ್ಯುರಿಟಿ ಸರ್ವೀಸ್‌(ಐಎಸ್‌ಎಸ್‌ಎಸ್‌) ಎಂದು ಕರೆಯಲಾಗುವುದು. ಅಧಿಕಾರಿಗಳನ್ನು ಹುಡುಕಿ ಅವರನ್ನು ಈ ವಿಭಾಗಕ್ಕೆ ನಿಯೋಜನೆ ಮಾಡಲು ಸರಕಾರ ಆಲೋಚಿಸುತ್ತಿದೆ.
  • ಇದರ ಅಡಿಯಲ್ಲಿ ಇಪಿಎಫ್‌ಒ ಮತ್ತು ಇಎಸ್‌ಐಸಿಯಲ್ಲಿನ(ಉದ್ಯೋಗಿಗಳ ರಾಜ್ಯ ವಿಮೆ ಕಾರ್ಪೊರೇಷನ್‌) ಗ್ರೂಪ್‌ ಎ ಅಧಿಕಾರಿಗಳ ವಿಭಾಗವನ್ನು ವಿಲೀನಗೊಳಿಸಿ ಪುನಾರಚಿಸಲು ಸರಕಾರ ಪರಿಶೀಲಿಸುತ್ತಿದೆ.
  • ಹಲವು ಲಕ್ಷ ಕೋಟಿ ರೂ.ಗಳ ಫಂಡ್‌ ಹೊಂದಿರುವ ಇಪಿಎಫ್‌ ಫಂಡ್‌ ನಿರ್ವಹಣೆಗೆ ಪ್ರತ್ಯೇಕ ಅಧಿಕಾರಿಗಳ ಪಡೆ ಅಗತ್ಯ ಎಂದು ಸರಕಾರ ಭಾವಿಸಿದೆ. ಪ್ರಸ್ತುತ ಇಪಿಎಫ್‌ಒ ಕೇಂದ್ರೀಯ ಮತ್ತು ಪ್ರಾಂತೀಯ ಕಚೇರಿಗಳಲ್ಲಿ 18,000 ಸಿಬ್ಬಂದಿಯಿದ್ದು, 2,000 ಮಂದಿ ಗ್ರೂಪ್‌ ಎ ಅಧಿಕಾರಿಗಳಿದ್ದಾರೆ.

ಏನಿದರ ಪ್ರಯೋಜನ?

  • ಇಪಿಎಫ್‌ಒ ಮತ್ತು ಇಎಸ್‌ಐಸಿ ಎನ್ನುವ ಕೇಂದ್ರ ಸರಕಾರದ ಈ ಸಂಸ್ಥೆಗಳು ಪಿಂಚಣಿ, ಭವಿಷ್ಯನಿಧಿ, ಆರೋಗ್ಯ ವಿಮೆ ಸೇರಿದಂತೆ ನಾನಾ ಸಾಮಾಜಿಕ ಭದ್ರತೆ ಯೋಜನೆಗಳನ್ನು ನಿರ್ವಹಿಸುತ್ತಿವೆ. 10 ಕೋಟಿಗೂ ಅಧಿಕ ಉದ್ಯೋಗಿಗಳ ಇದರ ಲಾಭ ಪಡೆಯುತ್ತಿದ್ದು, ಫಲಾನುಭವಿಗಳ ಸಂಖ್ಯೆ ಏರಿಕೆಯಾಗುತ್ತಿದ್ದು, ಇದರ ವ್ಯವಸ್ಥಿತ ನಿರ್ವಹಣೆಗೆ ಪ್ರತ್ಯೇಕ ವಿಭಾಗ ರಚನೆಗೆ ಸರಕಾರ ಮುಂದಾಗಿದೆ.

ಹೊಸ ದಾಖಲೆ ಸೃಷ್ಟಿಸಿದ ನಾಸಾದ ಬಾಹ್ಯಾಕಾಶ ನೌಕೆ

6.

ಸುದ್ಧಿಯಲ್ಲಿ ಏಕಿದೆ ?ಸೂರ್ಯನ ಬಗ್ಗೆ ಅಧ್ಯಯನ ಮಾಡಲು ಈ ವರ್ಷ ತೆರಳಿದ್ದ ನಾಸಾದ ಪಾರ್ಕರ್ ಸೋಲಾರ್ ಪ್ರೋಬ್ ಹೊಸ ದಾಖಲೆ ಸೃಷ್ಟಿಸಿದೆ. ”ಇದುವರೆಗೆ ಯಾವ ಮಾನವ ನಿರ್ಮಿತ ವಸ್ತುವೂ ಸೂರ್ಯನ ಸನಿಹ ತಲುಪದಷ್ಟು ನೌಕೆ ತಲುಪುವ ಮೂಲಕ ದಾಖಲೆ ಸೃಷ್ಟಿಸಿದೆ” ಎಂದು ಅಮೆರಿಕದ ಬಾಹ್ಯಾಕಾಶ ಸಂಸ್ಥೆ ಘೋಷಿಸಿದೆ.

  • ”ಸೂರ್ಯನ ಮೇಲ್ಮೈ ಪ್ರದೇಶದಿಂದ 55 ಮಿಲಿಯನ್ ಮೈಲುಗಳಷ್ಟು ದೂರ ( 42.73 ಮಿಲಿಯನ್ ಕಿ.ಮೀ. ) ಗಳಷ್ಟು ದೂರದ ಸದ್ಯದ ದಾಖಲೆಯನ್ನು ಬಾಹ್ಯಾಕಾಶ ನೌಕೆ ಅಕ್ಟೋಬರ್ 29, 2018ರಂದು ಅಂತಾರಾಷ್ಟ್ರೀಯ ಕಾಲಮಾನದ ಪ್ರಕಾರ 1704 ಜಿಎಂಟಿಯ ಸಮಯದಲ್ಲಿ ಅಳಿಸಿಹಾಕಿದೆ” ಎಂದು ನಾಸಾ ಮಾಹಿತಿ ನೀಡಿದೆ.
  • ಈ ಹಿಂದೆ ಏಪ್ರಿಲ್ 1976ರಲ್ಲಿ ಜರ್ಮನ್ – ಅಮೆರಿಕದ ಹೀಲಿಯೋಸ್ 2 ಬಾಹ್ಯಾಕಾಶ ಸೂರ್ಯನ ಹತ್ತಿರ ಹೋಗಿ ದಾಖಲೆ ಸೃಷ್ಟಿಸಿತ್ತು.
  • ಆಗಸ್ಟ್‌ ತಿಂಗಳಲ್ಲಿ 150 ಕೋಟಿ ಡಾಲರ್‌ ಮೌಲ್ಯದ ಮಾನವ ರಹಿತ ಬಾಹ್ಯಾಕಾಶ ನೌಕೆ ಸೂರ್ಯನ ಅಪಾಯಕಾರಿ ಬಿರುಗಾಳಿಯ ರಹಸ್ಯಗಳನ್ನು ತಿಳಿಯುವ ಮೂಲಕ ಭೂಮಿಯನ್ನು ರಕ್ಷಿಸುವ ಕಾರ್ಯತಂತ್ರದಿಂದ ಗಗನಕ್ಕೆ ಚಿಮ್ಮಿತ್ತು. ಇನ್ನು, ಸೂರ್ಯನ ಸುತ್ತ 24 ಸುತ್ತುಗಳನ್ನು ಹಾಕುವುದು ನೌಕೆಯ ಗುರಿಯಾಗಿದೆ.
  • ಅಲ್ಲದೆ, ಸೂರ್ಯನ ಬಳಿ ಪ್ರಯಾಣಿಸುತ್ತಿರುವ ಅತ್ಯಂತ ವೇಗದ ಬಾಹ್ಯಾಕಾಶ ನೌಕೆ ಎಂಬ ದಾಖಲೆಗೂ ಪಾತ್ರವಾಗುವ ನಿರೀಕ್ಷೆ ಇದೆ ಎಂದೂ ನಾಸಾ ತಿಳಿಸಿದೆ. ಸದ್ಯ, 246,960 ಕಿ.ಮೀ.ಗಳಷ್ಟು ವೇಗದಲ್ಲಿ ಪ್ರಯಾಣ ಬೆಳೆಸಿದ ದಾಖಲೆಯನ್ನು ಹೀಲಿಯೋಸ್ 2 ನೌಕೆ ಹೊಂದಿದೆ.
  • ಜತೆಗೆ, ಅಕ್ಟೋಬರ್ 31ರಂದು ಪಾರ್ಕರ್ ಸೂರ್ಯನಿಗೆ ಮತ್ತಷ್ಟು ಹತ್ತಿರ ಹೋಗಲಿದೆ. ಇನ್ನು, 2024ರ ವೇಳೆಗೆ ಸೂರ್ಯನ ಮೇಲ್ಮೈ ಪ್ರದೇಶದಿಂದ 83 ಮಿಲಿಯನ್ ಮೈಲುಗಳಷ್ಟು ಸನಿಹ ಹೋಗುವ ಮೂಲಕ ಮತ್ತಷ್ಟು ಹೊಸ ದಾಖಲೆ ನಿರ್ಮಿಸಲಿದೆ ಎಂದೂ ನಾಸಾ ತಿಳಿಸಲಿದೆ.
Related Posts
15th  ಮಾರ್ಚ್ 2018 ಕನ್ನಡ ಪ್ರಚಲಿತ ವಿದ್ಯಮಾನ
ಚೀನಾ ಗಡಿ ಬಳಿ ಐತಿಹಾಸಿಕ ಲ್ಯಾಂಡಿಂಗ್ ಆಯಕಟ್ಟಿನ ಗಡಿ ಭಾಗದಲ್ಲಿ ಕಾರ್ಯತಂತ್ರ ಬಲಿಷ್ಠಗೊಳಿಸುತ್ತಿರುವ ಭಾರತೀಯ ವಾಯುಪಡೆ ಚೀನಾ ಗಡಿಯಿಂದ ಕೇವಲ 30 ಕಿ.ಮೀ. ದೂರದಲ್ಲಿರುವ ಅರುಣಾಚಲ ಪ್ರದೇಶದ ಟ್ಯುಟಿಂಗ್​ನಲ್ಲಿ ಅತಿ ದೊಡ್ಡ ಸರಕು ಸಾಗಣೆ ವಿಮಾನ ಸಿ-17 ಗ್ಲೋಬಲ್​ವಾಸ್ಟರ್ ಅನ್ನು ಇಳಿಸುವ ಮೂಲಕ ...
READ MORE
“04 ಫೆಬ್ರವರಿ   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಉಪ್ಪು ನೀರು ಸಿಹಿಯಾಗೋ ಕಾಲ ಸುದ್ಧಿಯಲ್ಲಿ ಏಕಿದೆ ?ಸಮುದ್ರದ ಉಪ್ಪು ನೀರು ಸಿಹಿಯಾಗಿ ಮನೆ ಮನೆಗೆ ತಲುಪುವ ಕಾಲ ಸನ್ನಿಹಿತವಾಗುತ್ತಿದೆ. ಮಂಗಳೂರು ತೈಲಾಗಾರ (ಎಂಆರ್‌ಪಿಎಲ್‌) ಕೈಗೆತ್ತಿಕೊಂಡಿರುವ ಬಹು ನಿರೀಕ್ಷೆಯ ಉಪ್ಪು ನೀರು ಸಂಸ್ಕರಣಾ ಘಟಕ 2020ರ ವೇಳೆಗೆ ಕಾರ್ಯಗತಗೊಳ್ಳುವ ನಿರೀಕ್ಷೆಯಿದ್ದು, ರಾಜ್ಯದಲ್ಲೇ ಪ್ರಥಮ ...
READ MORE
“27 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಮುಖ್ಯ ಚುನಾವಣಾ ಆಯುಕ್ತ ಸುದ್ಧಿಯಲ್ಲಿ ಏಕಿದೆ ?ಮುಖ್ಯ ಚುನಾವಣಾ ಆಯುಕ್ತ ಓಂಪ್ರಕಾಶ್ ರಾವತ್ ಮಾಸಾಂತ್ಯಕ್ಕೆ ನಿವೃತ್ತರಾಗಲಿದ್ದು, ಅವರ ಸ್ಥಾನಕ್ಕೆ ಸುನೀಲ್ ಅರೋರಾ ಅವರನ್ನು ನೇಮಕ ಮಾಡಲಾಗಿದೆ. ಅರೋರಾ ಅವರು ಡಿಸೆಂಬರ್‌ 2ರಿಂದ ಅಧಿಕಾರ ವಹಿಸಿಕೊಳ್ಳಲಿದ್ದು, ಡಿ.7ರಂದು ನಡೆಯುವ ರಾಜಸ್ಥಾನ ಮತ್ತು ತೆಲಂಗಾಣ ವಿಧಾನಸಭೆ ಹಾಗೂ ...
READ MORE
“21 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ರಾಜ್ಯವಾರು ಉತ್ಪಾದನೆಯಲ್ಲಿ ಕರ್ನಾಟಕ ನಂ.1 ಸುದ್ಧಿಯಲ್ಲಿ ಏಕಿದೆ ?ರಾಜ್ಯದ ತಲಾ ನಿವ್ವಳ ಆಂತರಿಕ ಉತ್ಪಾದನೆಯಲ್ಲಿ(ಎನ್‌ಎಸ್‌ಡಿಪಿ) ಕರ್ನಾಟಕವು 2017-18ರಲ್ಲಿ ದೇಶದಲ್ಲಿಯೇ ಮೊದಲ ಸ್ಥಾನದಲ್ಲಿದೆ. ಈ ಅವಧಿಯಲ್ಲಿ ರಾಜ್ಯ ಸರಾಸರಿ 1,81,788 ರೂ.ಗಳಷ್ಟು ತಲಾ ನಿವ್ವಳ ಆಂತರಿಕ ಉತ್ಪಾದನೆ ದಾಖಲಿಸಿದೆ. ತೆಲಂಗಾಣ 2ನೇ ಸ್ಥಾನದಲ್ಲಿದ್ದು, 1,81,034 ರೂ., ಮಹಾರಾಷ್ಟ್ರ ...
READ MORE
“19 ಮಾರ್ಚ್  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
‘ಜ್ಯೋತಿ ಸಂಜೀವಿನಿ’  ಸುದ್ಧಿಯಲ್ಲಿ ಏಕಿದೆ ? ಸರಕಾರಿ ನೌಕರರಿಗೆ ನೀಡುತ್ತಿರುವ 'ಜ್ಯೋತಿ ಸಂಜೀವಿನಿ' ಸೌಲಭ್ಯವನ್ನು ನಿವೃತ್ತ ಸರಕಾರಿ ನೌಕರರಿಗೂ ವಿಸ್ತರಿಸಬೇಕು ಎಂದು ಕರ್ನಾಟಕ ರಾಜ್ಯ ನಿವೃತ್ತ ನೌಕರರ ಸಂಘ ಸರಕಾರವನ್ನು ಆಗ್ರಹಿಸಿದೆ. ಜ್ಯೋತಿ ಸಂಜೀವಿನಿ ಯೋಜನೆ (ಜೆಎಸ್ಎಸ್) ಕರ್ನಾಟಕ ಸರ್ಕಾರವು "ಜ್ಯೋತಿ ಸಂಜೀವಿನಿ" ಎಂಬ ...
READ MORE
“20 ಅಕ್ಟೋಬರ್  2018ರ  ಕನ್ನಡ ಪ್ರಚಲಿತ ವಿದ್ಯಮಾನ”
ಗಿಡ ಬೆಳೆಸಿ ಅಂಕ ಗಳಿಸಿ! ಯೋಜನೆ ಸುದ್ಧಿಯಲ್ಲಿ ಏಕಿದೆ ?ಇನ್ನು ಮುಂದೆ 8ರಿಂದ 10ನೇ ತರಗತಿಯವರೆಗೆ ಸರ್ಕಾರಿ ಶಾಲೆಗಳಲ್ಲಿ ಅಧ್ಯಯನ ಮಾಡುತ್ತಿರುವ ವಿದ್ಯಾರ್ಥಿಗಳು ಗಿಡಗಳನ್ನು ನೆಟ್ಟು ಚೆನ್ನಾಗಿ ಪೋಷಿಸಿದರೆ ಅಂಕಗಳನ್ನು ಪಡೆಯಬಹುದು. ಅರಣ್ಯ, ಪರಿಸರ ಮತ್ತು ಜೈವಿಕ ಇಲಾಖೆ ಈ ಸಂಬಂಧ ಸದ್ಯದಲ್ಲಿಯೇ ...
READ MORE
“14 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಅತ್ಯಮೂಲ್ಯ ಖನಿಜ ಪೈರೋಕ್ಲಾಸ್ಟಿಕ್‌ ರಾಕ್ಸ್‌ ಪತ್ತೆ ಸುದ್ಧಿಯಲ್ಲಿ ಏಕಿದೆ ? ಭಾರತದಲ್ಲೇ ಅಪರೂಪವಾಗಿರುವ ಖನಿಜವೊಂದು ಕೋಲಾರ ಗೋಲ್ಡ್‌ ಫೀಲ್ಡ್‌ ಖ್ಯಾತಿಯ ಕೆಜಿಎಫ್‌ ಬಳಿ ಪತ್ತೆಯಾಗಿದ್ದು, ಭಾರತೀಯ ಭೂವಿಜ್ಞಾನ ಇಲಾಖೆಯು ಇದರ ಸಂರಕ್ಷಣೆಗೆ ಮುಂದಾಗಿದೆ. ಕೆಜಿಎಫ್‌ ಬಳಿಯ ಪೆದ್ದಪಲ್ಲಿ ಗ್ರಾಮದಲ್ಲಿ ಈ ಅಪರೂಪದ ಖನಿಜವಿದ್ದು, ಮೇಲ್ನೋಟಕ್ಕೆ ...
READ MORE
“26 ಫೆಬ್ರವರಿ   2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಶ್ರೀಗಂಧ ಮಂಡಳಿ ರಚನೆ ಸುದ್ಧಿಯಲ್ಲಿ ಏಕಿದೆ ?ಕರ್ನಾಟಕ ಶ್ರೀಗಂಧ ಮಂಡಳಿ ರಚನೆ ಮಾಡುವ ನಿಟ್ಟಿನಲ್ಲಿ ರಾಜ್ಯ ಸರ್ಕಾರ ಚಿಂತನೆ ನಡೆಸಿದೆ ಎಂದು ಉಪಮುಖ್ಯಮಂತ್ರಿ ಡಾ.ಜಿ. ಪರಮೇಶ್ವರ್ ಹೇಳಿದ್ದಾರೆ. ಬೆಂಗಳೂರಿನಲ್ಲಿ ಸ್ಯಾಂಡಲ್ ವುಡ್ ಸೊಸೈಟಿ ಆಪ್ ಇಂಡಿಯಾ ವತಿಯಿಂದ ಏರ್ಪಡಿಸಲಾಗಿದ್ದ ಶ್ರೀಗಂಧದ ಪ್ರಸ್ತುತ ಸ್ಥಿತಿಗತಿ ಮತ್ತು ...
READ MORE
“03 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಮಲೆನಾಡಿನಲ್ಲಿ ಮಂಗನಕಾಯಿಲೆ: ಸುದ್ಧಿಯಲ್ಲಿ ಏಕಿದೆ ?ಮಹಾಮಾರಿ ಮಂಗನಕಾಯಿಲೆಗೆ ನಾಲ್ವರು ಬಲಿಯಾಗಿದ್ದು, 50ಕ್ಕೂ ಹೆಚ್ಚು ಜನರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬೇಸಿಗೆಯಲ್ಲಿ ತೀರ್ಥಹಳ್ಳಿಯಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಿದ್ದ ಮಂಗನ ಕಾಯಿಲೆ ಈ ಬಾರಿ ಬೇಸಿಗೆಗೂ ಮುಂಚೆ ಕಾಣಿಸಿಕೊಂಡಿದೆ. ಜತೆಗೆ ಸಾಗರಕ್ಕೂ ವ್ಯಾಪಿಸಿದೆ. ಮಂಗನಕಾಯಿಲೆ ಹರಡದಂತೆ ಪ್ರತಿವರ್ಷ ಲಸಿಕೆ ಹಾಕಲಾಗುತ್ತಿತ್ತು. ಆದರೆ ...
READ MORE
“09 ಜನವರಿ  2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
ಪೌರತ್ವ ವಿಧೇಯಕ ಸುದ್ಧಿಯಲ್ಲಿ ಏಕಿದೆ ?ಅಕ್ರಮ ವಲಸಿಗರ ಪಿಡುಗಿಗೆ ತಡೆ ಹಾಕುವ ಮಹತ್ವದ ಪೌರತ್ವ ತಿದ್ದುಪಡಿ ವಿಧೇಯಕ ಲೋಕಸಭೆಯಲ್ಲಿ ಭಾರಿ ಗದ್ದಲದ ನಡುವೆ ಅಂಗೀಕಾರಗೊಂಡಿದೆ. ಏನಿದು ಪೌರತ್ವ ವಿಧೇಯಕ? ಪ್ರಸ್ತುತ ದೇಶದಲ್ಲಿ ಪೌರತ್ವ ಕಾಯಿದೆ-1955ರ ಪ್ರಕಾರ ವಲಸಿಗರನ್ನು ಗುರುತಿಸಲಾಗುತ್ತಿದೆ. ಈ ಕಾಯಿದೆಗೆ ತಿದ್ದುಪಡಿ ಮಾಡುವ ...
READ MORE
15th ಮಾರ್ಚ್ 2018 ಕನ್ನಡ ಪ್ರಚಲಿತ ವಿದ್ಯಮಾನ
“04 ಫೆಬ್ರವರಿ 2019 ರ ಕನ್ನಡ ಪ್ರಚಲಿತ
“27 ನವೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“21 ಡಿಸೆಂಬರ್ 2018 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“19 ಮಾರ್ಚ್ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“20 ಅಕ್ಟೋಬರ್ 2018ರ ಕನ್ನಡ ಪ್ರಚಲಿತ ವಿದ್ಯಮಾನ”
“14 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“26 ಫೆಬ್ರವರಿ 2019 ರ ಕನ್ನಡ ಪ್ರಚಲಿತ
“03 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”
“09 ಜನವರಿ 2019 ರ ಕನ್ನಡ ಪ್ರಚಲಿತ ವಿದ್ಯಮಾನಗಳು”

Leave a Reply

Your email address will not be published. Required fields are marked *