ಸುದ್ದಿಯಲ್ಲಿ ಏಕಿದೆ? ನ್ಯಾವಿಗೇಷನ್ (ಪಥದರ್ಶಕ) ಉಪಗ್ರಹ ‘ಎನ್ವಿಎಸ್–01’ ಶ್ರೀ ಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಸುಮಾರು 19 ನಿಮಿಷಗಳಲ್ಲಿ 251 ಕಿಮೀ ಎತ್ತರದ ಜಿಯೋ ಸಿಂಕ್ರೊನಸ್ ವರ್ಗಾವಣೆ ಕಕ್ಷೆಯಲ್ಲಿ ಉಪಗ್ರಹ ವನ್ನು  ಸೇರಿಸುವಲ್ಲಿ ಇಸ್ರೋ ಯಶಸ್ವಿಯಾಗಿದೆ

ಮುಖ್ಯಾಂಶಗಳು

• ಅಮೆರಿಕಾ ಜಿಪಿಎಸ್ ರೀತಿ ಭಾರತದ್ದೇ ಆದ ದಿಕ್ಸೂಚಿ ವ್ಯವಸ್ಥೆ ರೂಪಿಸುವ ನಿಟ್ಟಿನಲ್ಲಿ ಇಸ್ರೋದ ಸರಣಿ ಉಪಗ್ರಹಗಳ ಸಾಲಿನ ಮುಂದಿನ ತಲೆಮಾರಿನ ಉಪಗ್ರಹ ಇದಾಗಿದೆ.
• ಈ ಉಪಗ್ರಹ 12 ವರ್ಷಗಳ ಕಾಲ ಕಾರ್ಯ ನಿರ್ವಹಿಸಲಿದೆ.
• ಅಹಮದಾಬಾದ್‌ನ ಬಾಹ್ಯಾಕಾಶ ಅಪ್ಲಿಕೇಶನ್‌ಗಳ ಕೇಂದ್ರದಿಂದ ಸ್ಥಳೀಯವಾಗಿ ಅಭಿವೃದ್ಧಿಪಡಿಸಲಾದ ರೂಬಿಡಿಯಮ್ ಪರಮಾಣು ಗಡಿಯಾರದೊಂದಿಗೆ ಇದನ್ನು ತಯಾರಿಸಲಾಗಿದ್ದು, ಇದು ಬೆರಳೆಣಿಕೆಯ ದೇಶಗಳು ಮಾತ್ರ ಹೊಂದಿರುವ ಪ್ರಮುಖ ತಂತ್ರಜ್ಞಾನವಾಗಿದೆ.
• ಲಾಂಚ್ ವೆಹಿಕಲ್: ಜಿಯೋ ಸಿಂಕ್ರೋನಸ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ (ಜಿಎಸ್ಎಲ್ವಿ– ಎಫ್12) ರಾಕೆಟ್.

ಉದ್ದೇಶ: ಬಳಕೆದಾರರಿಗೆ 20 ಮೀ ಹತ್ತಿರದಿಂದ ಹಾಗೂ 50 ನ್ಯಾನೋಸೆಕೆಂಡ್ ನಷ್ಟು ವೇಗದಲ್ಲಿ ಸೇವೆ ಒದಗಿಸಲು ಈ ಯೋಜನೆಯನ್ನು ಆರಂಭಿಸಲಾಗಿದೆ.

ಎನ್ವಿಎಸ್–01’ ಉಪಗ್ರಹ

• NavIC ಎಂಬುದು GPS ಗೆ ಸಮಾನವಾದ ಭಾರತೀಯ ಪ್ರಾದೇಶಿಕ ಉಪಗ್ರಹ ಸಂಚರಣೆ ವ್ಯವಸ್ಥೆಯಾಗಿದ್ದು ಅದು ಭಾರತದಲ್ಲಿ ನಿಖರವಾದ ಮತ್ತು ನೈಜ-ಸಮಯದ ಸಂಚರಣೆಯನ್ನು ಒದಗಿಸುತ್ತದೆ ಮತ್ತು 1,500 ಕಿಲೋಮೀಟರ್‌ಗಳ ಭೂಪ್ರದೇಶದಲ್ಲಿ ವಿಸ್ತರಿಸಿದೆ.
• ತೂಕ: ‘2,232 ಕೆ.ಜಿ
• ಉಪಗ್ರಹವು ಎರಡು ಸೌರ ಅರೇಗಳಿಂದ ಶಕ್ತಿಯನ್ನು ಹೊಂದಿದೆ. ಇದು 2.4 kW ವರೆಗೆ ಶಕ್ತಿಯನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಹೊಂದಿದೆ ಮತ್ತು ಗ್ರಹಣದ ಸಮಯದಲ್ಲಿ ಪೇಲೋಡ್ ಮತ್ತು ಬಸ್ ಲೋಡ್ ಅನ್ನು ಬೆಂಬಲಿಸುವ ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಹೊಂದಿದೆ.
• ನಾವಿಕ್ (ನ್ಯಾವಿಗೇಷನ್ ವಿತ್ ಇಂಡಿಯನ್ ಕಾನ್ಸ್ಟೆಲೇಷನ್) ಸೇವೆಗಳಿಗಾಗಿ ತಯಾರಿಸಲಾದ ಎರಡನೇ ತಲೆಮಾರಿನ ಉಪಗ್ರಹಗಳಲ್ಲಿ ಎನ್ವಿಎಸ್ -01 ಮೊದಲನೆಯದು.
• ಎನ್ವಿಎಸ್ ಸರಣಿಯ ಉಪಗ್ರಹಗಳು ನಾವಿಕ್ನ ಸುಧಾರಿತ ವೈಶಿಷ್ಟ್ಯಗಳನ್ನು ಹೊಂದಿವೆ. ಈ ಸರಣಿಯು ನಾವಿಕ್ ಸೇವೆಗಳನ್ನು ವಿಸ್ತರಿಸಲು ಹೆಚ್ಚುವರಿಯಾಗಿ ಎಲ್1 ಬ್ಯಾಂಡ್ ಸಂಕೇತಗಳನ್ನು ಸಂಯೋಜಿಸುತ್ತದೆ.
• ಈ ಹಿಂದೆ ಉಡಾವಣೆ ಮಾಡಿರುವ ಎಲ್ಲ ಒಂಬತ್ತು ನ್ಯಾವಿಗೇಷನ್ ಉಪಗ್ರಹಗಳಲ್ಲಿ ಆಮದು ಮಾಡಿಕೊಂಡ ಪರಮಾಣು ಗಡಿಯಾರಗಳನ್ನು (ಸಮಯ ಮತ್ತು ಸ್ಥಳ ನಿಖರವಾಗಿ ಗುರುತಿಸಲು ಇವನ್ನು ಬಳಸಲಾಗುತ್ತದೆ) ಬಳಸಲಾಗಿತ್ತು.
• ಮೊದಲ ಬಾರಿಗೆ ಸ್ವದೇಶಿ ಪರಮಾಣು ಗಡಿಯಾರವನ್ನು ನ್ಯಾವಿಗೇಷನ್ ಉಪಗ್ರಹದಲ್ಲಿ ಬಳಸಿರುವುದು ವಿಶೇಷವಾಗಿದೆ.