ಸುದ್ದಿಯಲ್ಲಿ ಏಕಿದೆ? ಭಾರತದ ಹೊರಗಿನ ಅತಿ ದೊಡ್ಡ ಹಿಂದೂ ದೇವಾಲಯ ಅಮೆರಿಕದಲ್ಲಿ ಉದ್ಘಾಟನೆಗೊಂಡಿದೆ. ಬೋಚಸನ್ವಾಸಿ ಶ್ರೀ ಅಕ್ಷರಪುರುಷೋತ್ತಮ ಸ್ವಾಮಿ ಸಂಸ್ಥಾನ್ (BAPS) ಸ್ವಾಮಿನಾರಾಯಣ ಅಕ್ಷರಧಾಮ ದೇವಾಲಯವು ಅಮೆರಿಕದ ನ್ಯೂಜೆರ್ಸಿಯ ರಾಬಿನ್ಸ್‌ವಿಲ್ಲೆ ನಗರದಲ್ಲಿ ಆರಂಭಗೊಂಡಿದೆ.

ಮುಖ್ಯಾಂಶಗಳು

• ಈ ದೇವಾಲಯವನ್ನು ಇಟಲಿ ಮತ್ತು ಬಲ್ಗೇರಿಯಾ ವಿಧದ ಅಮೃತಶಿಲೆಯಿಂದ ರಚಿಸಲಾಗಿದೆ.
• ದೇವಾಲಯವು 183 ಎಕರೆ ಪ್ರದೇಶದಲ್ಲಿ ವ್ಯಾಪಿಸಿದೆ.
• ದೇವಾಲಯದ ಗೋಡೆಗಳಲ್ಲಿ ಮಾರ್ಟಿನ್ ಲೂಥರ್ ಕಿಂಗ್ ಮತ್ತು ಅಬ್ರಹಾಂ ಲಿಂಕನ್ ಸೇರಿದಂತೆ ಐತಿಹಾಸಿಕ ವ್ಯಕ್ತಿಗಳ ಪ್ರತಿರೂಪವನ್ನು ಕೆತ್ತನೆ ಮಾಡಲಾಗಿದೆ.
• ಪ್ರಪಂಚದಾದ್ಯಂತದ 12,500 ಸ್ವಯಂಸೇವಕರು ಈ ದೇವಾಲಯವನ್ನು ನಿರ್ಮಿಸಿದ್ದಾರೆ.
• 2011 ರಲ್ಲಿ ಅಕ್ಷರಧಾಮ ದೇವಾಲಯ ನಿರ್ಮಾಣ ಕಾರ್ಯ ಪ್ರಾರಂಭವಾಯಿತು.

ಶಿಲ್ಪ ವಿನ್ಯಾಸ: ಪ್ರಾಚೀನ ಹಿಂದೂ ದೇವಸ್ಥಾನದ ಶಿಲ್ಪ ವಿನ್ಯಾಸ ಆಧರಿಸಿದ  10,000 ಮೂರ್ತಿಗಳನ್ನು ಮಂದಿರದ ಸುತ್ತಲೂ ಕಾಣಬಹುದಾಗಿದೆ

ವಿಶೇಷತೆ : ವಿಶ್ವದ 300 ಪ್ರಮುಖ ನದಿಗಳ ನೀರನ್ನು  ತುಂಬಿಸಲಾಗಿರುವ ಬ್ರಹ್ಮಕುಂಡವನ್ನು  ಮಂದಿರದ ಸಂಕೀರ್ಣದಲ್ಲಿ ಕಾಣಬಹುದಾಗಿದೆ 

ನಿಮಗಿದು ತಿಳಿದಿರಲಿ

• ವಿಶ್ವದಲ್ಲಿ ಅತ್ಯಂತ ದೊಡ್ಡ ದೇವಾಲಯ ಸಂಕೀರ್ಣ ಎಂಬ ಹೆಗ್ಗಳಿಕೆಗೆ 12ನೇ ಶತಮಾನದಲ್ಲಿ ನಿರ್ಮಿತ  ಕಾಂಬೋಡಿಯಾದ ಆಂಗ್ ಕೋರ್ ವ್ಯಾಟ್ (400 ಎಕರೆ) ಪಾತ್ರವಾಗಿದೆ. ಇದು ರಾಜ    ಸೂರ್ಯವರ್ಮನನಿಂದ  ನಿರ್ಮಿತ ಮಂದಿರವಾಗಿದೆ  ಸದ್ಯ ಯೂನೆಸ್ಕೋದ ಪಾರಂಪರಿಕ ತಾಣದ ಮಾನ್ಯತೆ ಪಡೆದಿದೆ.