ಸುದ್ದಿಯಲ್ಲಿ ಏಕಿದೆ? ವಿಶ್ವ ಆರೋಗ್ಯ ಸಂಸ್ಥೆ (WHO) ಇತ್ತೀಚೆಗೆ ಬಿಡುಗಡೆ ಮಾಡಿದ ಜಾಗತಿಕ ಹೆಪಟೈಟಿಸ್ ವರದಿ 2024, ವೈರಲ್ ಹೆಪಟೈಟಿಸ್, ವಿಶೇಷವಾಗಿ ಹೆಪಟೈಟಿಸ್ ಬಿ ಮತ್ತು ಸಿ ಸೋಂಕುಗಳ ಹೊರೆಯನ್ನು ಎದುರಿಸುತ್ತಿರುವ ರಾಷ್ಟ್ರಗಳಲ್ಲಿ ಭಾರತವನ್ನು ಹೈಲೈಟ್ ಮಾಡಿದೆ.

ಮುಖ್ಯಾಂಶಗಳು

ಜಾಗತಿಕವಾಗಿ

• ವೈರಲ್ ಹೆಪಟೈಟಿಸ್ 2022 ರಲ್ಲಿ ಜಾಗತಿಕವಾಗಿ 1.3 ಮಿಲಿಯನ್ ಸಾವುಗಳಿಗೆ ಕಾರಣವಾಯಿದೆ.
• ಹೆಪಟೈಟಿಸ್ ಬಿ 83% ನಷ್ಟು ಸಾವುಗಳಿಗೆ ಕಾರಣವಾದರೆ, ಹೆಪಟೈಟಿಸ್ ಸಿ 17% ನಷ್ಟಿದೆ.
• ಜಾಗತಿಕವಾಗಿ, 2022 ರಲ್ಲಿ ಅಂದಾಜು 304 ಮಿಲಿಯನ್ ಜನರು ಹೆಪಟೈಟಿಸ್ ಬಿ ಮತ್ತು ಸಿ ಯೊಂದಿಗೆ ವಾಸಿಸುತ್ತಿದ್ದಾರೆ.
• WHO ಅಂದಾಜಿನ ಪ್ರಕಾರ 2022 ರಲ್ಲಿ 254 ಮಿಲಿಯನ್ ಜನರು ಹೆಪಟೈಟಿಸ್ ಬಿ ಮತ್ತು 50 ಮಿಲಿಯನ್ ಹೆಪಟೈಟಿಸ್ ಸಿ ಯೊಂದಿಗೆ ವಾಸಿಸುತ್ತಿದ್ದರು.
• 12% ರಷ್ಟು ಹೊರೆಯು ಮಕ್ಕಳಲ್ಲಿದೆ, ವಿಶೇಷವಾಗಿ ಹೆಪಟೈಟಿಸ್ ಬಿ

ಭಾರತದಲ್ಲಿ ಹೆಪಟೈಟಿಸ್

• ವೈರಲ್ ಹೆಪಟೈಟಿಸ್‌ನ ಅತಿ ಹೆಚ್ಚು ಹೊರೆ ಹೊಂದಿರುವ ದೇಶಗಳಲ್ಲಿ ಭಾರತವೂ ಒಂದಾಗಿದೆ.
• ಭಾರತದಲ್ಲಿ ಅಂದಾಜು 2.9 ಕೋಟಿ ಜನರು ಹೆಪಟೈಟಿಸ್ ಬಿ ಸೋಂಕಿನೊಂದಿಗೆ ಮತ್ತು 0.55 ಕೋಟಿ ಹೆಪಟೈಟಿಸ್ ಸಿ ಸೋಂಕಿನೊಂದಿಗೆ ವಾಸಿಸುತ್ತಿದ್ದಾರೆ.
• 2022 ರಲ್ಲಿ ಭಾರತದಲ್ಲಿ 50,000 ಹೊಸ ಹೆಪಟೈಟಿಸ್ ಬಿ ಪ್ರಕರಣಗಳು ಮತ್ತು 1.4 ಲಕ್ಷ ಹೊಸ ಹೆಪಟೈಟಿಸ್ ಸಿ ಪ್ರಕರಣಗಳು ವರದಿಯಾಗಿವೆ.
• ಈ ಸೋಂಕಿನಿಂದ 2022 ರಲ್ಲಿ ಭಾರತದಲ್ಲಿ 1.23 ಲಕ್ಷ ಜನರ ಸಾವನ್ನಪ್ಪಿದ್ದಾರೆ.

ಭಾರತದಲ್ಲಿ ಹೇಗೆ ಹರಡುತ್ತದೆ

• ಹೆಪಟೈಟಿಸ್ ಬಿ ಮತ್ತು ಸಿ ಎರಡೂ ಸೋಂಕುಗಳು ತಾಯಿಯಿಂದ ಮಗುವಿಗೆ ಹರಡುವಿಕೆ, ಅಸುರಕ್ಷಿತ ರಕ್ತ ವರ್ಗಾವಣೆಗಳು, ಸೋಂಕಿತ ರಕ್ತದ ಸಂಪರ್ಕ ಮತ್ತು ಮಾದಕವಸ್ತು ಬಳಕೆದಾರರಲ್ಲಿ ಸೂಜಿ-ಹಂಚಿಕೆ ಸೇರಿದಂತೆ ವಿವಿಧ ವಿಧಾನಗಳ ಮೂಲಕ ಹರಡುತ್ತವೆ.
• ಭಾರತದಲ್ಲಿ ಹೆಪಟೈಟಿಸ್ ಬಿ ಸೋಂಕು ಪ್ರಾಥಮಿಕವಾಗಿ ತಾಯಿಯಿಂದ ಮಗುವಿಗೆ ಹರಡುತ್ತದೆ.

ಹೆಪಟೈಟಿಸ್

• ಹೆಪಟೈಟಿಸ್ ಯಕೃತ್ತಿನ (Liver) ಒಂದು ಸಾಂಕ್ರಾಮಿಕ ರೋಗ. ಹೆಪಟೈಟಿಸ್ ಎಂಬ ವೈರಸ್ಸಿನಿಂದ ರೋಗ ಬರುತ್ತದೆ.
• ಹೆಪಟೈಟಿಸ್ ವೈರಸ್‌ನ ಐದು ಮುಖ್ಯ ವಿಧಗಳಿವೆ: ಎ, ಬಿ, ಸಿ, ಡಿ ಮತ್ತು ಇ, ಪ್ರತಿಯೊಂದೂ ವಿಭಿನ್ನ ಪ್ರಸರಣ ವಿಧಾನಗಳು, ತೀವ್ರತೆ, ರೋಗಲಕ್ಷಣಗಳು ಮತ್ತು ತಡೆಗಟ್ಟುವ ವಿಧಾನಗಳನ್ನು ಹೊಂದಿದೆ.
• ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಹೆಪಟೈಟಿಸ್ ಬಿ ಮತ್ತು ಹೆಪಟೈಟಿಸ್ ಸಿ ದೀರ್ಘಕಾಲದ ಕಾಯಿಲೆಗಳಾಗಿವೆ. ಹೆಪಟೈಟಿಸ್ ಬಿ ಹೆಪಟೈಟಿಸ್ ಸಿ ಗಿಂತ ಐದರಿಂದ ಹತ್ತು ಪಟ್ಟು ಗಂಭೀರವಾದ ಸಾಂಕ್ರಾಮಿಕ ರೋಗವಾಗಿದೆ.
• ಬಿ ಮತ್ತು ಸಿ ವಿಧಗಳು ತೀವ್ರ ಮತ್ತು ದೀರ್ಘಕಾಲದ ಯಕೃತ್ತಿನ ಸಮಸ್ಯೆಯನ್ನು ಉಂಟು ಮಾಡಬಹುದು. ಇದು ಸಿರೋಸಿಸ್ ಮತ್ತು ಯಕೃತ್ತಿನ ಕ್ಯಾನ್ಸರ್ ಅಪಾಯವನ್ನು ಉಂಟುಮಾಡುವ ಕಾರಣದಿಂದ ಕ್ರಮೇಣ ಮಾರಣಾಂತಿಕವಾಗಬಹುದು.

ಹೆಪಟೈಟಿಸ್ ತಡೆಗಟ್ಟಲು ಭಾರತದ ಉಪಕ್ರಮಗಳು:

ರಾಷ್ಟ್ರೀಯ ವೈರಲ್ ಹೆಪಟೈಟಿಸ್ ನಿಯಂತ್ರಣ ಕಾರ್ಯಕ್ರಮ.

ರಾಷ್ಟ್ರೀಯ ಆರೋಗ್ಯ ಅಭಿಯಾನ.

ಭಾರತದ ಯುನಿವರ್ಸಲ್ ಇಮ್ಯುನೈಸೇಶನ್ ಪ್ರೋಗ್ರಾಂ (UIP).

ಹೆಪಟೈಟಿಸ್ ತಡೆಗಟ್ಟಲು ಜಾಗತಿಕ ಉಪಕ್ರಮಗಳು:

ವಿಶ್ವ ಹೆಪಟೈಟಿಸ್ ದಿನ(ಜುಲೈ 28)

WHO 2030 ರ ಹೊತ್ತಿಗೆ ಹೆಪಟೈಟಿಸ್ ಅನ್ನು ನಿರ್ಮೂಲನೆ ಮಾಡುವ ಗುರಿಯನ್ನು  ಹೊಂದಿದೆ