ಸುದ್ದಿಯಲ್ಲಿ ಏಕಿದೆ? ಇತ್ತೀಚೆಗೆ, CSIR ತನ್ನ ಆರೋಗ್ಯ ಮೇಲ್ವಿಚಾರಣಾ ಯೋಜನೆಯಾದ ಫಿನೋಮ್ ಇಂಡಿಯಾದ ಮೊದಲ ಹಂತವನ್ನು ಮುಕ್ತಾಯಗೊಳಿಸಿತು ಮತ್ತು ಫಿನೋಮ್ ಇಂಡಿಯಾ ಅನ್‌ಬಾಕ್ಸಿಂಗ್ 1.0 ಎಂಬ ವಿಶೇಷ ಕಾರ್ಯಕ್ರಮವನ್ನು ಆಯೋಜಿಸಿತು.

ಮುಖ್ಯಾಂಶಗಳು

• ಇದು ಕಾರ್ಡಿಯೋ-ಮೆಟಬಾಲಿಕ್ ಕಾಯಿಲೆಗಳ ಮೇಲೆ ಕೇಂದ್ರೀಕರಿಸಿದ ಮೊದಲ ಪ್ಯಾನ್-ಇಂಡಿಯಾ ಆರೋಗ್ಯ ಮೇಲ್ವಿಚಾರಣಾ ಅಧ್ಯಯನವಾಗಿದೆ.’
• ಭಾಗವಹಿಸುವವರು: 17 ರಾಜ್ಯಗಳು ಮತ್ತು 24 ನಗರಗಳಿಂದ CSIR ಉದ್ಯೋಗಿಗಳು, ಪಿಂಚಣಿದಾರರು ಮತ್ತು ಅವರ ಸಂಗಾತಿಗಳು ಸೇರಿದಂತೆ ಸುಮಾರು 10,000 ಭಾಗವಹಿಸುವವರು ಅಧ್ಯಯನಕ್ಕೆ ಕೊಡುಗೆ ನೀಡಿದ್ದಾರೆ.

‘ಫೀನೋಮ್ ಇಂಡಿಯಾ’ ಯೋಜನೆಯ ಬಗ್ಗೆ:

ಫಿನೋಮ್ ಇಂಡಿಯಾ-CSIR ಹೆಲ್ತ್ ಕೊಹಾರ್ಟ್ ನಾಲೆಡ್ಜ್‌ಬೇಸ್ (PI-CheCK) ಕೌನ್ಸಿಲ್ ಆಫ್ ಸೈಂಟಿಫಿಕ್ ಅಂಡ್ ಇಂಡಸ್ಟ್ರಿಯಲ್ ರಿಸರ್ಚ್ (CSIR) ನ ಉಪಕ್ರಮವಾಗಿದ್ದು, 7ನೇ ಡಿಸೆಂಬರ್ 2023 ರಂದು ಪ್ರಾರಂಭಿಸಲಾಗಿದೆ.

ಉದ್ದೇಶ: ಮಧುಮೇಹ, ಪಿತ್ತಜನಕಾಂಗದ ಕಾಯಿಲೆಗಳು ಮತ್ತು ಹೃದಯ ಸಂಬಂಧಿ ಕಾಯಿಲೆಗಳು ಸೇರಿದಂತೆ ಕಾರ್ಡಿಯೋ-ಮೆಟಬಾಲಿಕ್(ಹೃದಯ ಮತ್ತು ಚಯಾಪಚಯ ಕ್ರಿಯೆಗೆ ಸಂಬಂಧಿಸಿದ ರೋಗಗಳು) ಕಾಯಿಲೆಗಳಿಗೆ ಭಾರತ-ನಿರ್ದಿಷ್ಟ ಅಪಾಯದ ಮುನ್ಸೂಚನೆಯ ಮಾದರಿಗಳನ್ನು ಅಭಿವೃದ್ಧಿಪಡಿಸುವ ಗುರಿಯನ್ನು ಯೋಜನೆ ಹೊಂದಿದೆ.

ಪ್ರಾಮುಖ್ಯತೆ: ಜನಾಂಗೀಯ ವೈವಿಧ್ಯತೆ ಮತ್ತು ವೈವಿಧ್ಯಮಯ ಜೀವನಶೈಲಿಯಿಂದ ಪಾಶ್ಚಿಮಾತ್ಯ ಜನಸಂಖ್ಯೆಗಿಂತ ಭಿನ್ನವಾಗಿರುವ ಭಾರತೀಯ ಜನಸಂಖ್ಯೆಯಲ್ಲಿ ಕಾರ್ಡಿಯೋ-ಮೆಟಬಾಲಿಕ್ ಅಸ್ವಸ್ಥತೆಗಳ ಅಪಾಯ ಮತ್ತು ಘಟನೆಗಳನ್ನು ಅರ್ಥಮಾಡಿಕೊಳ್ಳಲು ಅಧ್ಯಯನವು ನಿರ್ಣಾಯಕವಾಗಿದೆ.

ನಿಖರವಾದ ಔಷಧ ಉಪಕ್ರಮ: ಈ ಯೋಜನೆಯ ಮೂಲಕ, CSIR ಪ್ರೆಡಿಕ್ಟಿವ್, ಪರ್ಸನಲೈಸ್ಡ್, ಪಾರ್ಟಿಸಿಪೇಟರಿ  ಮತ್ತು ಪ್ರಿವೆಂಟಿವ್ (P4) ಆರೋಗ್ಯ ರಕ್ಷಣೆಯನ್ನು ಉತ್ತೇಜಿಸುತ್ತಿದೆ.

ಕಾರ್ಡಿಯೋ-ಮೆಟಬಾಲಿಕ್ ರೋಗಗಳು

ಹೃದಯಾಘಾತ, ಪಾರ್ಶ್ವವಾಯು, ಮಧುಮೇಹ, ಇನ್ಸುಲಿನ್ ಪ್ರತಿರೋಧ ಮತ್ತು ಆಲ್ಕೊಹಾಲ್ ಯುಕ್ತವಲ್ಲದ  ಪಿತ್ತಜನಕಾಂಗದ ಕೊಬ್ಬಿನ ಕಾಯಿಲೆ

ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿ (CSIR) ಕುರಿತು:

• ಸ್ಥಾಪನೆ: ಸೆಪ್ಟೆಂಬರ್ 1942
• ಪ್ರಧಾನ ಕಛೇರಿ: ನವದೆಹಲಿ
• ಧನಸಹಾಯ: CSIR ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯದಿಂದ.
• ಸ್ವಾಯತ್ತ ಸಂಸ್ಥೆ: ಇದು 1860 ರ ಸೊಸೈಟೀಸ್ ರಿಜಿಸ್ಟ್ರೇಶನ್ ಆಕ್ಟ್ ಅಡಿಯಲ್ಲಿ ಸ್ವಾಯತ್ತ ಸಂಸ್ಥೆಯಾಗಿ ಕಾರ್ಯನಿರ್ವಹಿಸುತ್ತದೆ.
• ಉದ್ದೇಶಗಳು:

CSIR ಪ್ರಾಥಮಿಕವಾಗಿ ಏರೋಸ್ಪೇಸ್, ​​ಜೀವಶಾಸ್ತ್ರ, ರಸಾಯನಶಾಸ್ತ್ರ, ಭೂ ವಿಜ್ಞಾನ, ಎಂಜಿನಿಯರಿಂಗ್ ಮತ್ತು ವೈದ್ಯಕೀಯ ವಿಜ್ಞಾನಗಳಂತಹ ವಿವಿಧ ಕ್ಷೇತ್ರಗಳಲ್ಲಿ ವೈಜ್ಞಾನಿಕ ಸಂಶೋಧನೆ ಮತ್ತು ಅಭಿವೃದ್ಧಿಯ ಮೇಲೆ ಕೇಂದ್ರೀಕರಿಸುತ್ತದೆ

• ಸಾಂಸ್ಥಿಕ ರಚನೆ:

ಅಧ್ಯಕ್ಷರು: ಭಾರತದ ಪ್ರಧಾನ ಮಂತ್ರಿ (ಎಕ್ಸ್-ಆಫೀಶಿಯೋ)

ಉಪಾಧ್ಯಕ್ಷರು: ಕೇಂದ್ರ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವರು (ಎಕ್ಸ್-ಆಫೀಶಿಯೋ)

• ಆಡಳಿತ ಮಂಡಳಿ:

ಮುಖ್ಯಸ್ಥ: ಡೈರೆಕ್ಟರ್-ಜನರಲ್ ಆಡಳಿತ ಮಂಡಳಿಯನ್ನು ಮುನ್ನಡೆಸುತ್ತಾರೆ.

ಇತರೆ ಪದನಿಮಿತ್ತ ಸದಸ್ಯರು: ಹಣಕಾಸು ಕಾರ್ಯದರ್ಶಿ (ವೆಚ್ಚಗಳು).

 ಅವಧಿ: 3 ವರ್ಷ

CSIR ಸಲಹಾ ಮಂಡಳಿ:

ವಿವಿಧ ವೈಜ್ಞಾನಿಕ ಮತ್ತು ತಾಂತ್ರಿಕ ಕ್ಷೇತ್ರಗಳ ಪ್ರಮುಖ ತಜ್ಞರನ್ನು ಒಳಗೊಂಡ 15-ಸದಸ್ಯರು ಇರುತ್ತಾರೆ.

ಆಡಳಿತ ಮಂಡಳಿಗೆ ವಿಜ್ಞಾನ ಮತ್ತು ತಂತ್ರಜ್ಞಾನದ ಒಳನೋಟಗಳನ್ನು ಒದಗಿಸುವುದು ಮಂಡಳಿಯ ಪಾತ್ರವಾಗಿದೆ.