ಸುದ್ಧಿಯಲ್ಲಿ ಏಕಿದೆ? ಪುರಾತತ್ವಶಾಸ್ತ್ರಜ್ಞರು ಇರಾಕ್‌ನಲ್ಲಿ 2,700 ವರ್ಷಗಳಷ್ಟು ಹಳೆಯ ವೈನ್ ತಯಾರಿಸುವ ಕಾರ್ಖಾನೆಯೊಂದನ್ನು ಪತ್ತೆ ಹಚ್ಚಿದ್ದಾರೆ. ಇದು ಅಸ್ಸೀರಿಯನ್ ರಾಜರ ಆಳ್ವಿಕೆಯ ಕಾಲದಲ್ಲಿ ನಿರ್ಮಿಸಿದ ವೈನ್ ತಯಾರಿಸುವ ಕಾರ್ಖಾನೆ ಎಂದು ಹೇಳಲಾಗಿದೆ.

• ಅಸ್ಸೀರಿಯನ್ ಸಾಮ್ರಾಜ್ಯದ ಆಳ್ವಿಕೆಯ ಕಾಲಘಟ್ಟದಲ್ಲಿ ರಾಜ ಮನೆತನ ಮತ್ತು ಉಚ್ಛ ವರ್ಗದ ಉಪಯೋಗಕ್ಕಾಗಿ ಈ ವೈನ್ ತಯಾರಿಸುವ ಕಾರ್ಖಾನೆಯನ್ನು ನಿರ್ಮಿಸಲಾಗಿತ್ತು ಎಂದು ಪುರಾತತ್ವಶಾಸ್ತ್ರಜ್ಞರು ಅಂದಾಜಿಸಿದ್ದಾರೆ.
• ದೋಹುಕ್‌ನ ಸಮೀಪವಿರುವ ಖಿನಿಸ್‌ನಲ್ಲಿ ಕ್ರಿಪೂ 7ನೇ ಶತಮಾನದ ಆರಂಭದಲ್ಲಿ, ಸೆನ್ನಾಚೆರಿಬ್ ಆಳ್ವಿಕೆಯ ಕಾಲದಲ್ಲಿ ನಿರ್ಮಿಸಿದ ವೈನ್ ಘಟಕ ಪತ್ತೆಯಾಗಿದೆ. ಬಿಳಿ ಬಣ್ಣದ ಬೃಹತ್ ಬಂಡೆಯನ್ನು ಈ ಘಟಕವನ್ನು ನಿರ್ಮಿಸಲು ಕೆತ್ತಲಾಗಿದೆ
• ದ್ರಾಕ್ಷಿ ಹಣ್ಣುಗಳಿಂದ ರಸ ಹೊರತಗೆದು ಸಂಗ್ರಹಿಸಿ ನಂತರ ಅದನ್ನು ವೈನ್ ಆಗಿ ಪರಿವರ್ತಿಸುವ ಇಂತಹ ಪುರಾತನ ಘಟಕ ಇರಾಕ್‌ನಲ್ಲಿ ಇದೇ ಮೊದಲ ಬಾರಿಗೆ ಪತ್ತೆಯಾಗಿದೆ
• ಅದೇ ರೀತಿ ಉತ್ತರ ಇರಾಕ್‌ನ ಫೈಡಾದಲ್ಲಿ ಸುಮಾರು ಒಂಬತ್ತು-ಕಿಲೋಮೀಟರ್ ಉದ್ದದ (5.5-ಮೈಲಿ) ನೀರಾವರಿ ಕಾಲುವೆ ದೊರೆತಿದ್ದು, ಇದಕ್ಕೆ ಹೊಂದಿಕೊಂಡಂತೆ ವೈನ್ ತಯಾರಿಸುವ ಘಟಕವನ್ನು ಕೂಡ ಶೋಧಿಸಲಾಗಿದೆ.
• ಈ ನೀರಾವರಿ ಕಾಲುವೆ ಐದು ಮೀಟರ್ (16 ಅಡಿ) ಅಗಲ ಮತ್ತು ಎರಡು ಮೀಟರ್ ಎತ್ತರದ 12 ಫಲಕಗಳನ್ನು ಹೊಂದಿವೆ. ಇದರಲ್ಲಿ ವಿವಿಧ ದೇವರು, ರಾಜರು ಮತ್ತು ಪವಿತ್ರ ಪ್ರಾಣಿಗಳನ್ನು ಸುಂದರವಾಗಿ ಕೆತ್ತಲಾಗಿದೆ. ಇದು ಸರ್ಗಾನ್ II (ಕ್ರಿ.ಪೂ. 721-705) ಮತ್ತು ಆತನ ಮಗ ಸೆನ್ಚೆರಿಬ್ ಆಳ್ವಿಕೆಯ ಕಾಲದಲ್ಲಿ ನಿರ್ಮಿಸಿದವು
• ಈ ಗೋಡೆಗಳ ಮೇಲೆ ಪ್ರೀತಿ ಮತ್ತು ಯುದ್ಧದ ದೇವತೆಯಾದ ಇಶ್ತಾರ್ ಸೇರಿದಂತೆ ಏಳು ಪ್ರಮುಖ ದೇವರುಗಳನ್ನು ಸಿಂಹದ ಮೇಲೆ ಕುಳಿತಿರುವಂತೆ ಚಿತ್ರಿಸಲಾಗಿದೆ. ಅಲ್ಲದೇ ಈ ದೇವರುಗಳನ್ನು ಅಸ್ಸೀರಿಯನ್ ರಾಜರು ಪೂಜಿಸುವ ರೀತಿಯಲ್ಲಿ ತೋರಿಸಲಾಗಿದೆ.
• ಇನ್ನು ಈ ನೀರಾವರಿ ಕಾಲುವೆಯನ್ನು ರೈತರ ಜಮೀನಿಗೆ ನೀರುಣಿಸಲು ನಿರ್ಮಿಸಲಾಗಿದ್ದು, ಈ ಕಾಲುವೆಯ ನಿರ್ಮಾಣಕ್ಕೆ ರಾಜ ಹೊರಡಿಸಿದ ಆದೇಶದ ಪ್ರತಿಯನ್ನೂ ಕೆತ್ತನೆಯಲ್ಲಿ ತೋರಿಸಲಾಗಿದೆ.