ಸುದ್ದಿಯಲ್ಲಿ ಏಕಿದೆ? ಕೇರಳದ ನಿಲಂಬೂರಿನಿಂದ ಕರ್ನಾಟಕದ ನಂಜನಗೂಡಿಗೆ ಸಂಪರ್ಕ ಕಲ್ಪಿಸಲು ಬಂಡೀಪುರ ರಾಷ್ಟ್ರೀಯ ಉದ್ಯಾನವನದ ಮೂಲಕ ಹಾದುಹೋಗುವ ರೈಲು ಮಾರ್ಗದ ಯೋಜನೆಗೆ ಪರಿಸರಕ್ಕೆ ಹಾನಿಯುಂಟು ಮಾಡಬಹುದೆಂದು ವಿರೋಧ ವ್ಯಕ್ತವಾಗುತ್ತಿದೆ.

ಮುಖ್ಯಾಂಶಗಳು

• ಗೋಲ್ಡನ್ ಐಟಿ ಕಾರಿಡಾರ್: ಇದು ಕೇರಳದ ನಿಲಂಬೂರ್‌ನಿಂದ ಕರ್ನಾಟಕದ ನಂಜನಗೂಡಿಗೆ ಸಂಪರ್ಕಿಸುವ 236 ಕಿಮೀ ಬ್ರಾಡ್-ಗೇಜ್ ರೈಲು ಮಾರ್ಗವಾಗಿದ್ದು, ಬಂಡೀಪುರ ರಾಷ್ಟ್ರೀಯ ಉದ್ಯಾನವನದ ಮೂಲಕ 19.7 ಕಿಲೋಮೀಟರ್ ಹಾಡು ಹೋಗುತ್ತದೆ.
• ಯೋಜನಾ ವೆಚ್ಚವನ್ನು ಆರಂಭದಲ್ಲಿ 2010 ರಲ್ಲಿ ಯೋಜನಾ ಆಯೋಗವು ಅನುಮೋದಿಸಿತು ಮತ್ತು ಕೇರಳ ಸರ್ಕಾರವು ತಾಂತ್ರಿಕವಾಗಿ ಕಾರ್ಯಸಾಧ್ಯವೆಂದು ಪರಿಗಣಿಸಿತು, ಈ ಮಾರ್ಗ ಕೇರಳದಿಂದ ಬೆಂಗಳೂರಿಗೆ 70 ಕಿಮೀ ನಷ್ಟು ಹೆಚ್ಚಿನ ಪ್ರಯಾಣವನ್ನು ಕಡಿತಗೊಳಿಸುತ್ತದೆ.

ಯೋಜನೆಯ ಉದ್ದೇಶ:

ಅಂತರರಾಜ್ಯ ಸಂಪರ್ಕವನ್ನು ಸುಧಾರಿಸಲು ಮತ್ತು ಪ್ರಯಾಣದ ಸಮಯ ಮತ್ತು ದೂರವನ್ನು ಕಡಿಮೆ ಮಾಡುತ್ತದೆ. ಕೇರಳದ ಕೋಝಿಕ್ಕೋಡ್ ಮತ್ತು ಕರ್ನಾಟಕದ ಕೊಳ್ಳೇಗಾಲಕ್ಕೆ ಸಂಪರ್ಕ ಕಲ್ಪಿಸುವ ರಾಷ್ಟ್ರೀಯ ಹೆದ್ದಾರಿ-766ರಲ್ಲಿ ಸಂಚಾರ ದಟ್ಟಣೆಯನ್ನು ನಿವಾರಿಸುತ್ತದೆ.

ಬಂಡೀಪುರ ರಾಷ್ಟ್ರೀಯ ಉದ್ಯಾನ:

• ಉದ್ಯಾನವನವು ಚಾಮರಾಜನಗರ ಜಿಲ್ಲೆಯ ಗುಂಡುಲಪೇಟೆ ತಾಲ್ಲೂಕಿನಲ್ಲಿದೆ.
• ರಚನೆ: ವೇಣುಗೋಪಾಲ ವನ್ಯಜೀವಿ ಉದ್ಯಾನವನದ ಅರಣ್ಯ ಪ್ರದೇಶಗಳನ್ನು ಸೇರಿಸಿ 1985 ರಲ್ಲಿ 874.20 ಚ.ಕಿ.ಮೀ ವಿಸ್ತೀರ್ಣದಲ್ಲಿ ಬಂಡೀಪುರ ರಾಷ್ಟ್ರೀಯ ಉದ್ಯಾನವನವನ್ನು ರಚಿಸಲಾಯಿತು. ಈ ಮೀಸಲು ಪ್ರದೇಶವನ್ನು 1973 ರಲ್ಲಿ ಪ್ರಾಜೆಕ್ಟ್ ಟೈಗರ್ ಅಡಿಯಲ್ಲಿ ತರಲಾಯಿತು.
• ಉದ್ಯಾನವನವು ನೀಲಗಿರಿ ಬಯೋಸ್ಫಿಯರ್ ರಿಸರ್ವ್‌ನ ಭಾಗವಾಗಿದ್ದು, ಇದು ದಕ್ಷಿಣ ಭಾರತದಲ್ಲಿ ಅತಿ ದೊಡ್ಡ ಸಂರಕ್ಷಿತ ಪ್ರದೇಶವಾಗಿದೆ ಮತ್ತು ದಕ್ಷಿಣ ಏಷ್ಯಾದಲ್ಲಿ ಕಾಡು ಆನೆಗಳ ಅತಿದೊಡ್ಡ ವಾಸಸ್ಥಾನವಾಗಿದೆ.
• ಇದು ದಕ್ಷಿಣದಲ್ಲಿ ಮುದುಮಲೈ ಟೈಗರ್ ರಿಸರ್ವ್ (ತಮಿಳುನಾಡು), ನೈಋತ್ಯದಲ್ಲಿ ವಯನಾಡ್ ವನ್ಯಜೀವಿ ಅಭಯಾರಣ್ಯ (ಕೇರಳ) ಮತ್ತು ವಾಯುವ್ಯ ಭಾಗದಲ್ಲಿ ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶವನ್ನು ಹೊಂದಿದೆ. (ಕಬಿನಿ ಜಲಾಶಯವು ಬಂಡೀಪುರ ಮತ್ತು ನಾಗರಹೊಳೆ ಹುಲಿ ಸಂರಕ್ಷಿತ ಪ್ರದೇಶವನ್ನು ಪ್ರತ್ಯೇಕಿಸುತ್ತದೆ)
• ಭಾರತದಲ್ಲಿನ 12 UNESCO ಬಯೋಸ್ಪಿಯರ್ ರಿಸರ್ವ್‌ಗಳಲ್ಲಿ ಒಂದಾಗಿದೆ.