ಸುದ್ದಿಯಲ್ಲಿ ಏಕಿದೆ? ಗುಜರಾತ್​ನ ಸಬರಕಾಂತ ಜಿಲ್ಲೆಯಲ್ಲಿ ಚಂಡೀಪುರ ವೈರಸ್ ಸೋಂಕಿಗೆ ನಾಲ್ಕು ಮಕ್ಕಳು ಸಾವನ್ನಪ್ಪಿದ್ದಾರೆ. ಸೋಂಕು ಉಲ್ಬಣವಾಗಿರುವ ಹಿನ್ನೆಲೆ ಜಿಲ್ಲಾಧಿಕಾರಿಗಳು ಸೋಂಕಿನ ತಡೆಗೆ ಸೋಂಕಿತ ಪ್ರದೇಶದಲ್ಲಿ ಮರಳುನೊಣ(sandfly)ಗಳನ್ನು ತಡೆಗಟ್ಟಲು ಮುಂದಾಗಿದ್ದಾರೆ.

ವೈರಸ್ ಬಗ್ಗೆ

• ಚಂಡಿಪುರ ವೆಸಿಕ್ಯುಲೋವೈರಸ್ (CHPV) ಮಾನವರಲ್ಲಿ ಎನ್ಸೆಫಾಲಿಟಿಕ್(ಮಿದುಳಿಗೆ ಸಂಬಂಧಿಸಿದ) ಕಾಯಿಲೆಗೆ ಸಂಬಂಧಿಸಿದ ರಾಬ್ಡೋವಿರಿಡೆ ಕುಟುಂಬಕ್ಕೆ ಸೇರಿದೆ.
• ವೈರಸ್ ಸೊಳ್ಳೆಗಳು, ಉಣ್ಣಿ ಮತ್ತು ಮರಳುನೊಣಗಳಂತಹ ವಾಹಕಗಳ ಮೂಲಕ ಹರಡುತ್ತದೆ.
• ಇದನ್ನು ಮೊದಲು 1965 ರಲ್ಲಿ ಭಾರತದ ಮಹಾರಾಷ್ಟ್ರ ರಾಜ್ಯದ ಚಂಡಿಪುರ ಗ್ರಾಮದಲ್ಲಿ ಕಂಡುಬಂದಿದ್ದರಿಂದ ಈ ಹೆಸರಿನಿಂದ ಕರೆಯಲಾಗುತ್ತದೆ.
• ಭಾರತವನ್ನು ಹೊರತುಪಡಿಸಿ ಸೆನೆಗಲ್ ಮತ್ತು ನೈಜೀರಿಯಾದಲ್ಲಿ ಕಂಡುಬಂದಿದೆ
• ವೈರಸ್ ಪ್ರಧಾನವಾಗಿ 2-16 ವರ್ಷದೊಳಗಿನ ಮಕ್ಕಳಿಗೆ ತಗುಲುತ್ತದೆ.
• ಇದು ರೇಬೀಸ್‌ಗೆ ಕಾರಣವಾಗುವ ವೈರಸ್‌ ನ ಸಂಬಂಧವನ್ನು ಹೊಂದಿದೆ ಮತ್ತು 55-75 ಪ್ರತಿಶತದಷ್ಟು ಸಾವು ಸಂಭವಿಸುತ್ತದೆ.
• ವೈಯಕ್ತಿಕ ರಕ್ಷಣಾ ಕ್ರಮಗಳು ಮತ್ತು ಪರಿಸರ ನಿಯಂತ್ರಣದ ಮೂಲಕ ಈ ರೋಗವನ್ನು ತಡೆಗಟ್ಟಬಹುದಾಗಿದೆ.

ರೋಗಲಕ್ಷಣಗಳು

ತಲೆನೋವು ಮತ್ತು ಹಠಾತ್ ಅಧಿಕ ಜ್ವರ, ನಡುಕ, ವಾಂತಿ ಮತ್ತು ವಾಕರಿಕೆ ಮತ್ತು ಪ್ರಜ್ಞಾಹೀನತೆ, ಅನಾರೋಗ್ಯ, ಕೋಮಾ ಮತ್ತು ಸಾವಿಗೆ ಕಾರಣವಾಗಬಹುದು.