Published on: May 14, 2024
ಚುಟುಕು ಸಮಾಚಾರ :13 ಮೇ 2024
ಚುಟುಕು ಸಮಾಚಾರ :13 ಮೇ 2024
- ಶಿವಮೊಗ್ಗದ ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾನಿಲಯದ ಅಡಿಕೆ ಸಂಶೋಧನಾ ಕೇಂದ್ರವು ನಡೆಸಿದ ವಿಶ್ಲೇಷಣೆಯಲ್ಲಿ ತೀರ್ಥಹಳ್ಳಿ ಪ್ರದೇಶದಲ್ಲಿ ಬೆಳೆಯುವ ಅಡಿಕೆ ಕರ್ನಾಟಕದಲ್ಲಿ ಬೆಳೆಯುವ ತಳಿಗಳಲ್ಲಿ ಉತ್ತಮ ಗುಣಮಟ್ಟದ ಅಡಿಕೆಯಾಗಿ ಹೊರಹೊಮ್ಮಿದೆ. ತೀರ್ಥಹಳ್ಳಿ ಬೆಳೆಗಾರರು ವಿಶೇಷವಾಗಿ ನುಲಿ ಮತ್ತು ಹಸ ಅಡಿಕೆಯನ್ನು ಉತ್ಪಾದಿಸುತ್ತಾರೆ. ಈ ಬೆಳೆಯನ್ನು ಬೆಳೆಯುವ ಪ್ರಮುಖ ರಾಜ್ಯಗಳೆಂದರೆ ಕರ್ನಾಟಕ (40%), ಕೇರಳ (25%), ಅಸ್ಸಾಂ (20%), ತಮಿಳುನಾಡು, ಮೇಘಾಲಯ ಮತ್ತು ಪಶ್ಚಿಮ ಬಂಗಾಳ. ಮೊಟ್ಟ ಮೊದಲ ಬಾರಿಗೆ ಅಡಕೆ ವಲಯದಲ್ಲಿ, ಉತ್ತರ ಕನ್ನಡದಲ್ಲಿ ಬೆಳೆಯುವ ‘ಶಿರಸಿ ಸುಪಾರಿ’ ಅಡಕೆಗೆ ಭೌಗೋಳಿಕ ಹೆಗ್ಗುರುತು (ಜಿಯೋಗ್ರಾಫಿಕಲ್ ಇಂಡಿಕೇಶನ್-ಜಿಐ) ಮಾನ್ಯತೆ ಲಭಿಸಿದೆ.
- ಬೆಂಗಳೂರು ಉಪನಗರ ರೈಲು ಯೋಜನೆಗೆ ರೂ. 2,693 ಕೋಟಿ (300 ಮಿಲಿಯನ್ ಯೂರೋ) ಸಾಲ ನೀಡಲು ವಿಶ್ವದ ಅತಿದೊಡ್ಡ ಬಹುಪಕ್ಷೀಯ ಹಣಕಾಸು ಸಂಸ್ಥೆಯಾದ ಯುರೋಪಿಯನ್ ಇನ್ವೆಸ್ಟ್ಮೆಂಟ್ ಬ್ಯಾಂಕ್ (ಯುರೋಪಿಯನ್ ಒಕ್ಕೂಟದ ಹೂಡಿಕೆ ಬ್ಯಾಂಕ್) ಒಪ್ಪಿಗೆ ನೀಡಿದೆ. ಮತ್ತೊಂದು ಪ್ರಮುಖ ಸಾಲದಾತ ಬ್ಯಾಂಕ್ ಆಗಿರುವ ಜರ್ಮನಿಯ Kreditanstalt für Wiederaufbau (KfW) ಡೆವಲಪ್ಮೆಂಟ್ ಬ್ಯಾಂಕ್, 2023 ರ ಡಿಸೆಂಬರ್ ನಲ್ಲಿ ರೂ. 4,552 ಕೋಟಿ (500 ಮಿಲಿಯನ್ ಯುರೋ) ಸಾಲ ಒಪ್ಪಂದಕ್ಕೆ ಸಹಿ ಹಾಕಿದೆ ಮತ್ತು ರೂ 40.96 ಕೋಟಿ (4.5 ಮಿಲಿಯನ್ ಯುರೋಗಳು) ಅನುದಾನ ನೀಡಿದೆ.
- ಯುನೈಟೆಡ್ ನೇಷನ್ಸ್ ಫೋರಮ್ ಆನ್ ಫಾರೆಸ್ಟ್ಸ್ (UNFF19) 19 ನೇ ಅಧಿವೇಶನ ನ್ಯೂ ಯಾರ್ಕ್ ನಲ್ಲಿ ನಡೆಯಿತು. 19ನೇ ಅಧಿವೇಶನದ ಘೋಷಣೆಯು ಯುಎನ್ಎಫ್ಎಫ್ ಮತ್ತು ಅದರ ಮಧ್ಯಸ್ಥಗಾರರಿಂದ ಅರಣ್ಯಕ್ಕಾಗಿ ಯುಎನ್ ಸ್ಟ್ರಾಟೆಜಿಕ್ ಪ್ಲಾನ್ (ಯುಎನ್ಎಸ್ಪಿಎಫ್) ಪರಿಣಾಮಕಾರಿ ಅನುಷ್ಠಾನಕ್ಕಾಗಿ ನಿರ್ದಿಷ್ಟ ಕ್ರಮಗಳೊಂದಿಗೆ ಅರಣ್ಯ ರಕ್ಷಣೆಗೆ ಉನ್ನತ ಮಟ್ಟದ ರಾಜಕೀಯ ಬದ್ಧತೆಯ ಒಪ್ಪಂದವನ್ನು ಸಾಧಿಸುವ ಗುರಿಯನ್ನು ಹೊಂದಿದೆ. UNFF ಅನ್ನು 2000 ರಲ್ಲಿ UN ಆರ್ಥಿಕ ಮತ್ತು ಸಾಮಾಜಿಕ ಮಂಡಳಿಯು ಯುನೈಟೆಡ್ ನೇಷನ್ಸ್ (ECOSOC) ಸ್ಥಾಪಿಸಿತು.
- ಮಲೇಷಿಯಾ ಅಳಿವಿನಂಚಿನಲ್ಲಿರುವ ಒರಾಂಗುಟಾನ್ ಜಾತಿಗಳನ್ನು ದೇಶದ ತಾಳೆ ಎಣ್ಣೆಯನ್ನು ಖರೀದಿಸುವ ವ್ಯಾಪಾರ ಪಾಲುದಾರರಿಗೆ ರಾಜತಾಂತ್ರಿಕ ಉಡುಗೊರೆಯಾಗಿ ಬಳಸುವ ಗುರಿಯನ್ನು ಹೊಂದಿದೆ. ಚೀನಾದ ಯಶಸ್ವಿ ಪಾಂಡಾ ರಾಜತಾಂತ್ರಿಕತೆ ಯಿಂದ ಸ್ಫೂರ್ತಿ ಪಡೆದ ಮಲೇಷ್ಯಾವು ಒರಾಂಗುಟನ್ಗಳನ್ನು ಕೆಲವು ಮೌಲ್ಯಗಳಿಗೆ ಬದ್ಧತೆಯನ್ನು ಸೂಚಿಸುವ ಮಾರ್ಗವಾಗಿ ಕಂಡುಕೊಂಡಿದೆ.
