Published on: July 24, 2024
ಚುಟುಕು ಸಮಾಚಾರ : 23 ಜುಲೈ 2024
ಚುಟುಕು ಸಮಾಚಾರ : 23 ಜುಲೈ 2024
- ಭಾರತೀಯ ವಾಯುಸೇನೆಯ ಕ್ಯಾಪ್ಟನ್ ಮೈಸೂರಿನ ಸುಪ್ರಿತಾ ಸಿ.ಟಿ. ಅವರು, ಪ್ರಪಂಚದ ಅತಿ ಎತ್ತರದ ಯುದ್ಧಭೂಮಿ ಸಿಯಾಚಿನ್ನಲ್ಲಿ ಕರ್ತವ್ಯ ನಿರ್ವಹಿಸಲು ಆಯ್ಕೆಯಾಗಿದ್ದಾರೆ. ಅಲ್ಲಿಗೆ ಆಯ್ಕೆಯಾದ ದೇಶದ ಮೊದಲ ಮಹಿಳಾ ಯೋಧೆ ಆಗಿದ್ದಾರೆ. ಮೈಸೂರಿನ ಜೆಎಸ್ಎಸ್ ಕಾನೂನು ಕಾಲೇಜಿನಲ್ಲಿ ಎಲ್ಎಲ್ಬಿ ಪದವಿ ಹಾಗೂ ಎನ್ಸಿಸಿ ‘ಸಿ’ ಸರ್ಟಿಫಿಕೇಟ್ ಪಡೆದಿದ್ದರು. 2021ರಲ್ಲಿ ಸೇನಾ ಪಡೆಯಲ್ಲಿ ಲೆಫ್ಟಿನೆಂಟ್ ಆಗಿ ಆಯ್ಕೆಯಾಗಿ ತರಬೇತಿಯ ನಂತರ ವಾಯುಪಡೆಗೆ ನಿಯೋಜನೆಯಾಗಿದ್ದರು. ಅನಂತನಾಗ್, ಜಬ್ಬಾಲ್ಪರ್ ಹಾಗೂ ಲೇಹ್ ನಲ್ಲಿ ಕರ್ತವ್ಯ ನಿರ್ವಹಿಸಿದ ಬಳಿಕ ಕಠಿಣ ತರಬೇತಿಯಲ್ಲಿ ತೇರ್ಗಡೆಯಾಗಿ ಅವರು ಸಿಯಾಚಿನ್ಗೆ ಆಯ್ಕೆಯಾಗಿದ್ದಾರೆ.
- ನೀತಿ ಆಯೋಗದ ಅಟಲ್ ಇನ್ನೋವೇಶನ್ ಮಿಷನ್ (AIM) ಮತ್ತು ವಿಶ್ವ ಬೌದ್ಧಿಕ ಆಸ್ತಿ ಸಂಸ್ಥೆ (WIPO) ಜೊತೆ, ಜಾಗತಿಕ ದಕ್ಷಿಣದಲ್ಲಿ ಜಂಟಿ ನಾವೀನ್ಯತೆ ಕಾರ್ಯಕ್ರಮಗಳನ್ನು ನಿರ್ಮಿಸಲು ಕೈಜೋಡಿಸಿತು. ಜಾಗತಿಕ ದಕ್ಷಿಣದಲ್ಲಿರುವ ದೇಶಗಳಿಗೆ ನಾವೀನ್ಯತೆ, ಉದ್ಯಮಶೀಲತೆ ಮತ್ತು ಬೌದ್ಧಿಕ ಆಸ್ತಿ (IP) ಗಾಗಿ ಕಾರ್ಯಕ್ರಮಗಳನ್ನು ನಿರ್ಮಿಸುವ ಗುರಿಯನ್ನು ಹೊಂದಿದೆ.
- ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಏರ್ ಬ್ರೀಥಿಂಗ್ ಪ್ರೊಪಲ್ಷನ್ ಟೆಕ್ನಾಲಜಿಯ ಎರಡನೇ ಪ್ರಾಯೋಗಿಕ ಹಾರಾಟವನ್ನು ಯಶಸ್ವಿಯಾಗಿ ನಡೆಸಿತು. ಈ ತಂತ್ರಜ್ಞಾನಗಳನ್ನು ಭೂಮಿಯ ವಾತಾವರಣದ ಕೆಳಪದರ(70 ಕಿಲೋಮೀಟರ್ ಎತ್ತರದವರೆಗೆ)ಗಳಲ್ಲಿ ಮಾತ್ರ ಬಳಸಬಹುದಾಗಿದೆ, ಅಲ್ಲಿ ಆಮ್ಲಜನಕದ ಸಾಕಷ್ಟು ಪೂರೈಕೆ ಇರುತ್ತದೆ. ನಂತರ ರಾಕೆಟ್ ಇಂಧನ ಮತ್ತುಆಕ್ಸಿಡೈಸರ್ ಎರಡನ್ನೂ ಹೊಂದಿರುವ ಮತ್ತೊಂದು ಹಂತಕ್ಕೆ ಬದಲಾಯಿಸಿಕೊಳ್ಳಬೇಕು.
- ಇತ್ತೀಚಿಗೆ ಕೋಲ್ ಇಂಡಿಯಾ ಲಿಮಿಟೆಡ್(ಸಿಐಎಲ್) ಮಧ್ಯಪ್ರದೇಶದ ಅಲಿರಾಜಪುರ ಜಿಲ್ಲೆಯಲ್ಲಿರುವ ಖತ್ತಾಲಿ ಚೊಟ್ಟಿ ಗ್ರ್ಯಾಫೈಟ್ ಗಣಿಗಾರಿಕೆಗೆ ಬಿಡ್ ಮಾಡುವ ಮೂಲಕ ಗ್ರ್ಯಾಫೈಟ್ ಗಣಿಗಾರಿಕೆಯಲ್ಲಿ ತೊಡಗಿಸಿಕೊಂಡಿದೆ. ಇದು ಕಂಪನಿಯ ಮೊದಲ ಕಲ್ಲಿದ್ದಲು ಅಲ್ಲದ ಖನಿಜ ಗಣಿಗಾರಿಕೆ ಉದ್ಯಮವಾಗಿದೆ.
- ಇತ್ತೀಚೆಗೆ, ವಿಶ್ವ ಪರಂಪರೆಯ ಸಮಿತಿಯ 46 ನೇ ಅಧಿವೇಶನದಲ್ಲಿ ಅಹೋಮ್ ರಾಜವಂಶದ ‘ಮೊಯಿಡಮ್'(ಸಮಾದಿ ದಿಬ್ಬಗಳು)ಗಳನ್ನು ವಿಶ್ವ ಪರಂಪರೆಯ ತಾಣಗಳ ಪಟ್ಟಿಯಲ್ಲಿ ಸೇರಿಸಲು ಪ್ರಸ್ತಾಪಿಸಲಾಗಿದೆ.ಮಧ್ಯಕಾಲೀನ (13ನೇ-19ನೇ ಶತಮಾನ CE) ದ ಅಸ್ಸಾಂನ ತೈ ಅಹೋಮ್ ರಾಜವಂಶದ ಸಂಪ್ರದಾಯ ಸಮಾಧಿ ದಿಬ್ಬಗಳಾಗಿವೆ.
- ಭಾರತದ ರಾಷ್ಟ್ರೀಯ ಧ್ವಜ ದಿನ: ಜುಲೈ 22, ರಂದು ಆಚರಿಸಲಾಗುತ್ತದೆ. ಜುಲೈ 22, 1947 ರಂದು ದೇಶವು ಬ್ರಿಟಿಷ್ ಆಳ್ವಿಕೆಯಿಂದ ಸ್ವಾತಂತ್ರ್ಯವನ್ನು ಪಡೆಯುವ ಕೆಲವೇ ದಿನಗಳ ಮೊದಲು ಸಂವಿಧಾನದ ಅಸೆಂಬ್ಲಿಯಿಂದ ಭಾರತದ ರಾಷ್ಟ್ರೀಯ ಧ್ವಜವನ್ನು ಅಂಗೀಕರಿಸಿದ ನೆನಪಿಗಾಗಿ ಆಚಾರಿಸಲಾಗುತ್ತದೆ. ಈ ದಿನವು ಭಾರತದ ಏಕತೆ, ಸಮಗ್ರತೆ ಮತ್ತು ಸಾರ್ವಭೌಮತ್ವದ ಸಂಕೇತವನ್ನು ಗೌರವಿಸುವ ಮಹತ್ವವನ್ನು ಹೊಂದಿದೆ.
- 78ನೇ ಸ್ವಾತಂತ್ರ್ಯೋತ್ಸವ: ಈ ಬಾರಿ ‘ವಿಕಸಿತ ಭಾರತ’ ಎನ್ನುವ ಪರಿಕಲ್ಪನೆಯಡಿ ಸ್ವಾತಂತ್ರ್ಯ ದಿನಾಚರಣೆ ಆಚರಿಸಲಾಗುತ್ತಿದೆ ಎಂದು ರಕ್ಷಣಾ ಸಚಿವಾಲಯ ಹೇಳಿದೆ. ಈ ಪರಿಕಲ್ಪನೆ 2047ರ ವೇಳೆಗೆ ಭಾರತವನ್ನು ಅಭಿವೃದ್ಧಿ ಹೊಂದಿದ ದೇಶವನ್ನಾಗಿಸುವ ಕೇಂದ್ರ ಸರ್ಕಾರದ ಗುರಿಯನ್ನುಆಧರಿಸಿದೆ. 2047ಕ್ಕೆ ಭಾರತ ವಸಾಹತು ಶಾಹಿ ಆಡಳಿತದಿಂದ ಮುಕ್ತವಾಗಿ 100 ವರ್ಷವಾಗಲಿದೆ.
- ಅಂತರರಾಷ್ಟ್ರೀಯ ಟೆನಿಸ್ ಹಾಲ್ ಆಫ್ ಫೇಮ್: ಭಾರತದ ಟೆನಿಸ್ ದಿಗ್ಗಜರಾದ ವಿಜಯ್ ಅಮೃತರಾಜ್ ಮತ್ತು ಲಿಯಾಂಡರ್ ಪೇಸ್ ಅವರಿಗೆ ಅಂತರರಾಷ್ಟ್ರೀಯ ಟೆನಿಸ್ ಹಾಲ್ ಆಫ್ ಫೇಮ್ ಗೌರವ ನೀ ಡಲಾಗಿದೆ. ಈ ಗೌರವಕ್ಕೆ ಪಾತ್ರರಾದ ಏಷ್ಯಾದ ಮೊದಲ ಟೆನಿಸ್ ಆಟಗಾರರು ಅವರಾಗಿದ್ದಾರೆ. ಆಟಗಾರರ ವಿಭಾಗದಲ್ಲಿ ಲಿಯಾಂಡರ್ ಪೇಸ್ ಅವರಿಗೆ, ಅಮೃತರಾಜ್ ಅವರನ್ನು ಟೆನಿಸ್ಗೆ ನೀಡಿದ ಗಣನೀಯ ಕೊಡುಗೆಗಾಗಿ ‘ಕಾಂಟ್ರಿಬ್ಯೂಟರ್ ಕೆಟಗರಿ’ಯಲ್ಲಿ ಆಯ್ಕೆ ಮಾಡಲಾಗಿದೆ. ಇವರ ಸೇರ್ಪಡೆಯಿಂದ ಹಾಲ್ ಆಫ್ ಫೇಮ್ ಅನ್ನು 28 ರಾಷ್ಟ್ರಗಳ 267 ಆಟಗಾರರು ಪ್ರತಿನಿಧಿಸಿದಂತಾಗಿದೆ’. ಅಮೃತರಾಜ್ ಅವರೊಂದಿಗೆ ರಿಚರ್ಡ್ ಇವಾನ್ಸ್ ಅವರಿಗೂ ಹಾಲ್ ಆಫ್ ಫೇಮ್ ಗೌರವ ನೀಡಲಾಗಿದೆ. ಇಂಟರ್‌ನ್ಯಾಶನಲ್ ಟೆನಿಸ್ ಹಾಲ್ ಆಫ್ ಫೇಮ್ ಯುನೈಟೆಡ್ ಸ್ಟೇಟ್ಸ್‌ನ ರೋಡ್ ಐಲ್ಯಾಂಡ್‌ನ ನ್ಯೂಪೋರ್ಟ್‌ನಲ್ಲಿದೆ. ಇದು ಟೆನಿಸ್ ಕ್ರೀಡೆಗೆ ಆಟಗಾರರು ಮತ್ತು ಇತರ ಕೊಡುಗೆದಾರರನ್ನು ಗೌರವಿಸುತ್ತದೆ. ಸ್ಥಾಪನೆ: 1880; 1954 (ಹಾಲ್ ಆಫ್ ಫೇಮ್ ಮತ್ತು ಮ್ಯೂಸಿಯಂ), ಸ್ಥಾಪಕ: ಜಿಮ್ಮಿ ವ್ಯಾನ್ ಅಲೆನ್ ಹಾಲ್ ಆಫ್ ಫೇಮ್ ಒಂದು ನಿರ್ದಿಷ್ಟ ಚಟುವಟಿಕೆಗೆ (ಕ್ರೀಡೆಯಂತಹ) ಸಂಬಂಧಿಸಿದ ಪ್ರಸಿದ್ಧ ವ್ಯಕ್ತಿಗಳು ಮತ್ತು ಘಟನೆಗಳನ್ನು ಗೌರವಿಸುವ ಪ್ರದರ್ಶನಗಳೊಂದಿಗೆ ವಸ್ತುಸಂಗ್ರಹಾಲಯದಂತಿರುವ ಸ್ಥಳ
- ಚೀನಾವು ಕಾರ್ಬನ್ ಫೈಬರ್‌ನಿಂದ ತಯಾರಿಸಿದ ವಿಶ್ವದ ಮೊದಲ ಪ್ಯಾಸೆಂಜರ್ ರೈಲನ್ನು ನಿರ್ಮಿಸಿದೆ, ಇದು ಸಾಂಪ್ರದಾಯಿಕ ರೈಲುಗಳಿಗಿಂತ ಹೆಚ್ಚು ಹಗುರ ಮತ್ತು ಹೆಚ್ಚು ಶಕ್ತಿ-ಸಮರ್ಥವಾಗಿದೆ. ಮೆಟ್ರೋ ರೈಲು – ಸೆಟ್ರೋವೊ0 ಅಥವಾ ಕಾರ್ಬನ್ ಸ್ಟಾರ್ ರಾಪಿಡ್ ಟ್ರಾನ್ಸಿಟ್ ಎಂದು ಕರೆಯಲ್ಪಡುತ್ತದೆ – ಶಾನ್ಡಾಂಗನ ಪೂರ್ವ ಪ್ರಾಂತ್ಯದ ಕಿಂಗ್ಡಾವೊದಲ್ಲಿ ಅನಾವರಣಗೊಳಿಸಲಾಯಿತು. ಕಾರ್ಬನ್ ಫೈಬರ್ ಇಂಗಾಲದ ತೆಳುವಾದ, ಶಕ್ತಿಯುತವಾದ ಸ್ಫಟಿಕದ ತಂತುಗಳನ್ನು ಒಳಗೊಂಡಿರುವ ವಸ್ತುವಾಗಿದೆ, ಮೂಲತಃ ಕಾರ್ಬನ್ ಪರಮಾಣುಗಳು ದೀರ್ಘ ಸರಪಳಿಗಳಲ್ಲಿ ಒಟ್ಟಿಗೆ ಬಂಧಿತವಾಗಿರುತ್ತವೆ.
