Published on: May 7, 2024
ಚುಟುಕು ಸಮಾಚಾರ : 6 ಮೇ 2024
ಚುಟುಕು ಸಮಾಚಾರ : 6 ಮೇ 2024
- ದೇಶದ ಅತಿ ದೊಡ್ಡ ಡೈರಿ ಸರಕು ಉತ್ಪಾದಕ ಸಂಸ್ಥೆಗಳಲ್ಲಿ ಒಂದಾದ ಕರ್ನಾಟಕದ ನಂದಿನಿ ಡೈರಿ ಇದೀಗ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ತನ್ನ ಛಾಪು ಮೂಡಿಸಲು, ವೆಸ್ಟ್‌ ಇಂಡೀಸ್‌ ಮತ್ತು ಅಮೆರಿಕದ ಜಂಟಿ ಆತಿಥ್ಯದಲ್ಲಿ ನಡೆಯಲಿರುವ 2024ರ ಸಾಲಿನ ಐಸಿಸಿ ಟಿ20 ಕ್ರಿಕೆಟ್‌ ವಿಶ್ವಕಪ್‌ ಟೂರ್ನಿಯಲ್ಲಿ ಪಾಲ್ಗೊಳ್ಳುತ್ತಿರುವ ಐರ್ಲೆಂಡ್‌ ಮತ್ತು ಸ್ಕಾಟ್ಲೆಂಡ್‌ ತಂಡಗಳಿಗೆ ನಂದಿನಿ ಡೈರಿ (ಕರ್ನಾಟಕ ಮಿಲ್ಕ್ ಫೆಡರೇಷನ್‌, ಕೆಎಮ್ಎಫ್) ಪ್ರಾಯೋಜಕತ್ವ ನೀಡುತ್ತಿದೆ. ಈ ಟೂರ್ನಿಯಲ್ಲಿ 2 ತಂಡಗಳಿಗೆ ಸ್ಪಾನ್ಸರ್‌ಷಿಪ್‌ ಒದಗಿಸುವುದರ ಜೊತೆಗೆ ಕೆಎಮ್ಎಫ್, ಟೂರ್ನಿ ವೇಳೆ ‘ವೇ ಪ್ರೋಟೀನ್’ ಹೊಂದಿರುವ ನಂದಿನಿ ಸ್ಪ್ಲಾಷ್‌ ಎನರ್ಜಿ ಡ್ರಿಂಕ್‌ ಅನ್ನು ಅಮೆರಿಕದ ಮಾರುಕಟ್ಟೆಗೆ ಪರಿಚಯ ಮಾಡಲಿದೆ. ಈ ಬಾರಿಯ T20 ವಿಶ್ವಕಪ್‌ ಟೂರ್ನಿಯಲ್ಲಿ ಒಟ್ಟಾರೆ 20 ತಂಡಗಳು ಭಾಗವಹಿಸಲಿವೆ.
- ಒಂದು ರಾಷ್ಟ್ರ, ಒಂದು ವಾಯುಪ್ರದೇಶದ ಕಲ್ಪನೆಯೊಂದಿಗೆ, ಭಾರತವು ನಾಗ್ಪುರದಲ್ಲಿ ಇಂಡಿಯನ್ ಸಿಂಗಲ್ ಸ್ಕೈ ಹಾರ್ಮೋನೈಸ್ಡ್ ಏರ್ ಟ್ರಾಫಿಕ್ ಮ್ಯಾನೇಜ್ಮೆಂಟ್ (ISHAN) ಪ್ರಾಜೆಕ್ಟ್ ಅನ್ನು ಪ್ರಾರಂಭಿಸಿದೆ. ಈ ಯೋಜನೆಯು ಹೆಚ್ಚುತ್ತಿರುವ ದೇಶೀಯ ಪ್ರಯಾಣಿಕರ ಸಂಖ್ಯೆ ಇದು 2030 ರ ವೇಳೆಗೆ ದ್ವಿಗುಣಗೊಳ್ಳುವ ನಿರೀಕ್ಷೆಯಿದೆ ಇದನ್ನು ನಿಭಾಯಿಸಲು ವಾಯುಯಾನ ಉದ್ಯಮದ ಸಾಮರ್ಥ್ಯವನ್ನು ಹೆಚ್ಚಿಸುವ ಗುರಿಯನ್ನು ಹೊಂದಿದೆ. ಭಾರತವು ತನ್ನ ನಾಲ್ಕು ವಿಮಾನ ಮಾಹಿತಿ ಪ್ರದೇಶಗಳನ್ನು (ಎಫ್ಐಆರ್) ದೆಹಲಿ, ಮುಂಬೈ, ಕೋಲ್ಕತ್ತಾ ಮತ್ತು ಚೆನ್ನೈನಲ್ಲಿ ಒಂದು ನಿರಂತರ ವಾಯುಪ್ರದೇಶವಾಗಿ ನಾಗ್ಪುರದಲ್ಲಿ ಏಕೀಕರಿಸಲು ಮತ್ತು ನಾಗ್ಪುರದಿಂದ ವಾಯು ಸಂಚಾರ ನಿರ್ವಹಣೆಯನ್ನು ಸಮನ್ವಯಗೊಳಿಸಲು ಪ್ರಮುಖ ಕ್ರಮವನ್ನು ಯೋಜಿಸುತ್ತಿದೆ.
- ಸೂಪರ್ಸಾನಿಕ್ ಮಿಸೈಲ್-ಅಸಿಸ್ಟೆಡ್ ರಿಲೀಸ್ ಆಫ್ ಟಾರ್ಪಿಡೊ (SMART) ವ್ಯವಸ್ಥೆಯನ್ನು ಒಡಿಶಾ ಕರಾವಳಿಯಲ್ಲಿ DRDO ಯಶಸ್ವಿಯಾಗಿ ಹಾರಾಟ-ಪರೀಕ್ಷೆ ನಡೆಸಿತು. ವಿನ್ಯಾಸ ಮತ್ತು ಅಭಿವೃದ್ಧಿ: DRDO. ಹಗುರವಾದ ಟಾರ್ಪಿಡೊಗಳನ್ನು ಉಡಾವಣೆ ಮಾಡಲು ಈ ಕ್ಷಿಪಣಿ ಆಧಾರಿತ ಕಾರ್ಯವಿಧಾನವು ನೂರಾರು ಕಿಲೋಮೀಟರ್ ದೂರದಲ್ಲಿರುವ ಜಲಾಂತರ್ಗಾಮಿ ನೌಕೆಗಳನ್ನು ಗುರಿಯಾಗಿಸಬಹುದು.
- ಇತ್ತೀಚೆಗೆ, ಪೇಟೆಂಟ್ಗಳು, ವಿನ್ಯಾಸಗಳು ಮತ್ತು ಟ್ರೇಡ್ಮಾರ್ಕ್ಗಳ ನಿಯಂತ್ರಕ ಜನರಲ್ (CGPDTM) ಗುಜರಾತ್ನ ಕಚ್ನ ಪ್ರದೇಶದ ‘ಕಚ್ ಅಜ್ರಖ್’ ನ ಸಾಂಪ್ರದಾಯಿಕ ಕರಕುಶಲಕ್ಕೆ ಭೌಗೋಳಿಕ ಸೂಚಕ (GI) ಪ್ರಮಾಣಪತ್ರವನ್ನು ನೀಡಿದೆ. ಅಜ್ರಖ್ ಒಂದು ಜವಳಿ ಕರಕುಶಲವಾಗಿದೆ ವಿಶೇಷವಾಗಿ ಸಿಂಧ್, ಬಾರ್ಮರ್ ಮತ್ತು ಕಚ್ ಪ್ರದೇಶಗಳಲ್ಲಿ ವ್ಯಾಪಿಸಿದೆ. ಅಜ್ರಖ್ನ ಕಲೆಯು ಸಂಸ್ಕರಿಸಿದ ಹತ್ತಿ ಬಟ್ಟೆಯ ಮೇಲೆ ಹ್ಯಾಂಡ್-ಬ್ಲಾಕ್ ಪ್ರಿಂಟಿಂಗ್ನ ಒಂದು ವಿಧಾನವಾಗಿದೆ, ಅಜ್ರಖ್ ಅಂದರೆ ಇಂಡಿಗೊ, ನೀಲಿ ಬಣ್ಣವನ್ನು ಪ್ರಬಲವಾದ ಬಣ್ಣವಾಗಿ ಹೆಚ್ಚಾಗಿ ಬಳಸಲಾಗುವ ಪ್ರಸಿದ್ಧ ಕರಕುಶಲವಾಗಿದೆ.
- ಮಧ್ಯಪ್ರದೇಶ ಸರ್ಕಾರವು ಇತ್ತೀಚೆಗೆ ‘ಬ್ಯಾಗ್ಲೆಸ್ ಸ್ಕೂಲ್’ ದಿನ ಎಂಬ ಹೊಸ ಯೋಜನೆಯನ್ನು ಪರಿಚಯಿಸಿದೆ. ಎಲ್ಲ ಸರ್ಕಾರಿ ಹಾಗೂ ಖಾಸಗಿ ಶಾಲೆಗಳ 1ರಿಂದ 12ನೇ ತರಗತಿಯ ವಿದ್ಯಾರ್ಥಿಗಳಿಗೆ ವಾರಕ್ಕೊಮ್ಮೆ ‘ಬ್ಯಾಗ್ಲೆಸ್ ಸ್ಕೂಲ್’ ದಿನವನ್ನು ನಿಗದಿಪಡಿಸಲಾಗಿದ್ದು, 2024-25ರ ಶೈ ಕ್ಷಣಿಕ ವರ್ಷದಿಂದ ಜಾರಿಯಾಗಲಿದೆ
