ಸುದ್ದಿಯಲ್ಲಿ ಏಕಿದೆ? ಕಣಿವೆ, ದುರ್ಗಮ ಹಾದಿ, ಯಾವುದೇ ಸಾರಿಗೆ ಸೌಕರ್ಯಗಳಿಲ್ಲದ ಜನವಸತಿ ಪ್ರದೇಶಗಳಿಗೆ ತ್ವರಿತಗತಿಯಲ್ಲಿ ಅಗತ್ಯ ವಸ್ತುಗಳನ್ನು ಪೂರೈಸಲು ಇಂಡೋ ಟಿಬೆಟಿಯನ್ ಗಡಿ ಭದ್ರತಾ ಪಡೆ (ಐಟಿಬಿಪಿ) ಡ್ರೋನ್ ಆಧಾರಿತ ಲಾಜಿಸ್ಟಿಕ್ಸ್ ಸೇವೆ ಆರಂಭಿಸಿದೆ.

ಮುಖ್ಯಾಂಶಗಳು

• 110 ಕೆಜಿ ತೂಕದ ಈ ಮಾನವರಹಿತ ವೈಮಾನಿಕ ವಾಹನ (ಯುಎವಿ) ದೂರದ ಗಡಿ ಪೋಸ್ಟ್‌ಗಳಲ್ಲಿ ನಿಯೋಜಿಸಲಾದ ಐಟಿಬಿಪಿ ಜವಾನರಿಗೆ ಮತ್ತು ಸ್ಥಳೀಯರಿಗೆ ಸುಮಾರು 15-20 ಕೆಜಿ ಅಗತ್ಯ ಔಷಧಗಳು ಮತ್ತು ಪಡಿತರವನ್ನುತಲುಪಿಸಿತು.
• ಡ್ರೋನ್ 14,000 ಅಡಿ ಎತ್ತರದವರೆಗೆ ಭಾರವನ್ನು ಎತ್ತುತ್ತದೆ ಮತ್ತು 28-43 ಕಿಮೀ ವೇಗದಲ್ಲಿ 40 ನಿಮಿಷಗಳ ಕಾಲ ಹಾರಾಟ ನಡೆಸುತ್ತದೆ.

ಉದ್ದೇಶ

ಪ್ರತಿಕೂಲ ಹವಾಮಾನ, ಮೇಘ ಸ್ಫೋಟ, ಪ್ರವಾಹ ಹಾಗೂ ಇನ್ನಿತರ ತುರ್ತು ಸಂದರ್ಭಗಳಲ್ಲಿ ಕಣಿವೆ ಪ್ರದೇಶಗಳಲ್ಲಿ ವಾಸಿಸುವ ಜನರಿಗೆ ಆಹಾರ, ಔಷಧ ಪೂರೈಸಲು ಆರಂಭಿಸಿದೆ.

ಇಂಡೋ-ಟಿಬೆಟಿಯನ್ ಬಾರ್ಡರ್ ಪೋಲೀಸ್

• ಇದು ಭಾರತದ ಗಡಿ ಕಾವಲು ಪಡೆಯಾಗಿದ್ದು, ಟಿಬೆಟ್ ಸ್ವಾಯತ್ತ ಪ್ರದೇಶದ ಗಡಿಯಲ್ಲಿ ನಿಯೋಜಿಸಲಾಗಿದೆ.
• ಇದು ಏಳು ಕೇಂದ್ರೀಯ ಸಶಸ್ತ್ರ ಪೊಲೀಸ್ ಪಡೆಗಳಲ್ಲಿ ಒಂದಾಗಿದೆ,
• ಸ್ಥಾಪನೆ: 1962 ರ ಭಾರತ ಚೀನಾ ಯುದ್ಧದ ನಂತರ 1962 ರಲ್ಲಿ ಸ್ಥಾಪಿಸಲಾಯಿತು.
• ಪ್ರಧಾನ ಕಛೇರಿ: ನವದೆಹಲಿ, ಭಾರತ