ಸುದ್ದಿಯಲ್ಲಿ ಏಕಿದೆ?

ಖೋ-ಖೋ, ಕಬಡ್ಡಿಯಂತೆ ದಹಿ ಹಂಡಿಗೂ ಈಗ ಮಹಾರಾಷ್ಟ್ರದಲ್ಲಿ ಆಟದ ಸ್ಥಾನಮಾನ ಸಿಕ್ಕಿದೆ. ಇದನ್ನು ಒಂದು ರೀತಿಯ ಸಾಹಸ ಕ್ರೀಡೆ ಎಂದು ಪರಿಗಣಿಸಲಾಗುವುದು.

ಮುಖ್ಯಾಂಶಗಳು

• ದಹಿ ಹಂಡಿ ಕ್ರೀಡೆಯಲ್ಲಿ ಭಾಗವಹಿಸುವವರಿಗೆ ಗೋವಿಂದರು ಎಂದು ಕರೆಯುತ್ತಾರೆ, ಈ ಗೋವಿಂದರಿಗೆ ಸರ್ಕಾರಿ ಯೋಜನೆಗಳ ಲಾಭ, ಸರ್ಕಾರಿ ಉದ್ಯೋಗಗಳಲ್ಲಿ ಶೇ 5ರಷ್ಟು ಮೀಸಲಾತಿ ನೀಡಲಾಗುವುದು ಎಂದು ಮುಖ್ಯಮಂತ್ರಿ ಏಕನಾಥ್ ಶಿಂಧೆ ವಿಧಾನಸಭೆಯಲ್ಲಿ ತಿಳಿಸಿದರು.
• ಇನ್ನು ಈ ಗೋವಿಂದರಿಗೆ ವಿಮಾ ರಕ್ಷಣೆಯನ್ನೂ ನೀಡಲಾಗುವುದು. ದಹಿ ಹಂಡಿ ಆಡುವಾಗ ಅಪಘಾತ ಸಂಭವಿಸಿ ಯಾರಾದರೂ ಮೃತಪಟ್ಟರೆ ಸಂಬಂಧಪಟ್ಟ ಕ್ರೀಡಾಪಟುವಿನ ಕುಟುಂಬ ಸದಸ್ಯರಿಗೆ 10 ಲಕ್ಷ ರೂ. ಗಳನ್ನು ಕೊಡಲಾಗುವುದು
• ಯಾವುದೇ ಕ್ರೀಡಾಪಟು ಎರಡು ಕಣ್ಣು ಅಥವಾ ಎರಡೂ ಕಾಲುಗಳು ಅಥವಾ ಎರಡೂ ಕೈಗಳು ಅಥವಾ ದೇಹದ ಯಾವುದೇ ಎರಡು ಪ್ರಮುಖ ಭಾಗಗಳನ್ನು ಕಳೆದುಕೊಂಡರೆ ಅಂತಹ ಗಂಭೀರ ಗಾಯದ ಸಂದರ್ಭದಲ್ಲಿ ಅವರಿಗೆ ರಾಜ್ಯ ಸರ್ಕಾರದಿಂದ 7.5 ಲಕ್ಷ ರೂಪಾಯಿಗಳ ಸಹಾಯವನ್ನು ನೀಡಲಾಗುತ್ತದೆ.
• ಇಂತಹ ಅವಘಡದಲ್ಲಿ ಯಾವುದೇ ಕ್ರೀಡಾಪಟು ಕೈ ಕಾಲು ಅಥವಾ ದೇಹದ ಯಾವುದೇ ಭಾಗ ಕಳೆದುಕೊಂಡರೆ ಅಂತಹ ಪರಿಸ್ಥಿತಿಯಲ್ಲಿ 5 ಲಕ್ಷ ರೂಪಾಯಿ ಸಹಾಯಧನ ನೀಡಲಾಗುವುದು.

ದಹಿ ಹಂಡಿ ಎಂದರೇನು?

• ಶ್ರೀಕೃಷ್ಣನ ಜನ್ಮದಿನವಾದ ಜನ್ಮಾಷ್ಟಮಿಯ ಸಂದರ್ಭದಲ್ಲಿ ದಹಿ ಹಂಡಿಯನ್ನು ಆಚರಿಸಲಾಗುತ್ತದೆ. ದಹಿ ಹಂಡಿ (ಮೊಸರು ತುಂಬಿದ ಮಣ್ಣಿನ ಮಡಕೆಗಳು) ಜನ್ಮಾಷ್ಟಮಿ ಹಬ್ಬದ ಭಾಗವಾಗಿದೆ, ಅಲ್ಲಿ ಯುವ ಭಾಗವತರು ‘ಗೋವಿಂದಾಸ್’, ವರ್ಣರಂಜಿತ ಬಟ್ಟೆಗಳನ್ನು ಧರಿಸಿ, ಗಾಳಿಯಲ್ಲಿ ತೂಗಾಡುವ ಮಡಕೆಯನ್ನು ತಲುಪಲು ಮಾನವ ಪಿರಮಿಡ್ ಅನ್ನು ತಯಾರಿಸುತ್ತಾರೆ ಮತ್ತು ಅದನ್ನು ಒಡೆಯುತ್ತಾರೆ.
• 1907 ರಲ್ಲಿ ಮುಂಬೈನಲ್ಲಿ ಪ್ರಾರಂಭವಾದ ದಹಿ ಹಂಡಿ ಸಂಪ್ರದಾಯವು ನವಿ ಮುಂಬೈ ಬಳಿಯ ಘನ್ಸೋಲಿ ಗ್ರಾಮದಲ್ಲಿ ಕಳೆದ 104 ವರ್ಷಗಳಿಂದ ನಡೆದುಕೊಂಡು ಬಂದಿದೆ ಎಂದು ನಂಬಲಾಗಿದೆ. 1907 ರಲ್ಲಿ ಕೃಷ್ಣ ಜನ್ಮಾಷ್ಟಮಿಯ ಸಂದರ್ಭದಲ್ಲಿ ದಹಿ ಹಂಡಿಯನ್ನು ಇಲ್ಲಿ ಮೊದಲು ಪ್ರಾರಂಭಿಸಲಾಯಿತು.

• ಮಾಯಾನಗರಿಯಲ್ಲಿ ಪ್ರತಿ ವರ್ಷ ನಡೆಯುವ ದಹಿ ಹಂಡಿ ಹಬ್ಬವನ್ನು ಪ್ರಪಂಚದಾದ್ಯಂತ ಆಚರಿಸಲಾಗುತ್ತದೆ. ದಹಿ ಹಂಡಿ ಹಬ್ಬವನ್ನು ನೋಡಲು ದೇಶ ಮಾತ್ರವಲ್ಲದೆ ವಿದೇಶಗಳಿಂದಲೂ ಜನರು ಇಲ್ಲಿಗೆ ಬರುತ್ತಾರೆ. ಕೆಲವು ವಲಯಗಳು ಹಂಡಿ ಒಡೆದವರಿಗೆ ಕೋಟಿಗಟ್ಟಲೆ ಬಹುಮಾನವನ್ನೂ ನೀಡುತ್ತವೆ.