ಸುದ್ದಿಯಲ್ಲಿ ಏಕಿದೆ? ತಮಿಳುನಾಡು ಆಹಾರ ಸುರಕ್ಷತಾ ಇಲಾಖೆಯು ದ್ರವ ಸಾರಜನಕ(ಲಿಕ್ವಿಡ್ ನೈಟ್ರೋಜನ್)ದ ಬಳಕೆಯ ಬಗ್ಗೆ ಸುತ್ತೋಲೆ ಹೊರಡಿಸಿದ್ದು, ಪ್ಯಾಕ್ ಮಾಡಿದ ಆಹಾರವನ್ನು ಸಂರಕ್ಷಣೆಯಲ್ಲಿ ಬಳಸುವುದನ್ನು ಹೊರತುಪಡಿಸಿ ಇದರ ಇತರ ಬಳಕೆಯನ್ನು ನಿಷೇಧಿಸಲಾಗಿದೆ. ಮತ್ತು ಇತ್ತೀಚಿಗೆ ದ್ರವರೂಪದ ಸಾರಜನಕದ ಆವಿಯನ್ನು ಉಸಿರಾಡುವುದರಿಂದ ಉಸಿರಾಟದ ತೊಂದರೆ ಉಂಟಾಗುತ್ತದೆ ಮತ್ತು ಅಂಗಾಂಶ ಹಾನಿಯ ಕೆಲವು ಪ್ರಕರಣಗಳು ವರದಿಯಾಗಿವೆ.

ಮುಖ್ಯಾಂಶಗಳು

• ಲಿಕ್ವಿಡ್ ನೈಟ್ರೋಜನ್ ಅನ್ನು ಪ್ರಾಥಮಿಕವಾಗಿ ಆಹಾರ ಸಂರಕ್ಷಕಗಳಾಗಿ ಬಳಸಲಾಗುತ್ತದೆ ಏಕೆಂದರೆ ಇದು ಪ್ಯಾಕೇಜ್ ಮಾಡಿದ ಆಹಾರಗಳ ಶೆಲ್ಫ್-ಲೈಫ್(ಆಹಾರವನ್ನು ಕೆಡದಂತೆ ಧೀರ್ಘಕಾಲ ಸಂರಕ್ಷಿಸುವುದು) ಅನ್ನು ಹೆಚ್ಚಿಸುತ್ತದೆ.
• ಇದು ಆವಿಯಾದಾಗ 700 ಬಾರಿ ಹಿಗ್ಗುತ್ತದೆ, ಆಹಾರ ಪ್ಯಾಕ್‌ನಲ್ಲಿ ಆಮ್ಲಜನಕವನ್ನು ಸ್ಥಳಾಂತರಿಸುತ್ತದೆ ಮತ್ತು ಸೂಕ್ಷ್ಮಜೀವಿಯ ಕ್ರಿಯೆಯನ್ನು ತಡೆಯುತ್ತದೆ, ಆಹಾರ ಶೆಲ್ಫ್-ಲೈಫ್ ಮತ್ತು ತಾಜಾತನವನ್ನು ಸುಧಾರಿಸುತ್ತದೆ.
• ಇದನ್ನು ಕ್ಯಾನ್ಸರ್ ಚಿಕಿತ್ಸೆಗಾಗಿ ಕ್ರೈಯೊಥೆರಪಿಯಲ್ಲಿಯೂ ಬಳಸಲಾಗುತ್ತದೆ. ಇದು ಚರ್ಮ, ಮೂಳೆ, ಸ್ತನ, ಗರ್ಭಕಂಠ, ಕಣ್ಣು, ಮೂತ್ರಪಿಂಡ, ಯಕೃತ್ತು, ಶ್ವಾಸಕೋಶ ಮತ್ತು ಪ್ರಾಸ್ಟೇಟ್ ಸೇರಿದಂತೆ ಅನೇಕ ಕ್ಯಾನ್ಸರ್‌ಗಳಿಗೆ ಚಿಕಿತ್ಸೆ ನೀಡಬಲ್ಲದು.

ದ್ರವ ಸಾರಜನಕದ ಬಗ್ಗೆ

ಇದು ಜಡ, ಬಣ್ಣರಹಿತ, ವಾಸನೆಯಿಲ್ಲದ, ನಾಶವಾಗದ, ದಹಿಸಲಾಗದ ಮತ್ತು ಅತ್ಯಂತ ಶೀತ ಅಂಶವಾಗಿದೆ.

ಇದು ಕ್ರಯೋಜೆನಿಕ್ ದ್ರವವಾಗಿದೆ (ಕ್ರಯೋಜೆನಿಕ್ ದ್ರವಗಳು -130 ° F (-90 ° C) ಕೆಳಗೆ ಸಾಮಾನ್ಯ ಕುದಿಯುವ ಬಿಂದುವನ್ನು ಹೊಂದಿರುವ ದ್ರವೀಕೃತ ಅನಿಲಗಳಾಗಿವೆ.

ದ್ರವ ಸಾರಜನಕವು –320°F (–196°C) ಕುದಿಯುವ ಬಿಂದುವನ್ನು ಹೊಂದಿರುತ್ತದೆ.