ಸುದ್ದಿಯಲ್ಲಿ  ಏಕಿದೆ?

ನೇಪಾಳದಿಂದ ಕಣ್ಮರೆಯಾಗಿದ್ದ ಅಳಿವಿನಂಚಿನಲ್ಲಿರುವ ಅಪರೂಪದ ರಣಹದ್ದು ಬಿಹಾರದ ದರ್ಭಾಂಗ ಸಮೀಪದ ಪಕ್ಷಿಧಾಮವೊಂದರಲ್ಲಿ ಪತ್ತೆಯಾಗಿದೆ.

ಮುಖ್ಯಾಂಶಗಳು

• ಈ ರಣಹದ್ದಿನ ಮೇಲೆ ನಿಗಾ ಇರಿಸಲು ರೇಡಿಯೊ ಕಾಲರ್‌ ಕಟ್ಟಲಾಗಿತ್ತು. ಹೀಗಿರುವಾಗಲೂ ಅದು ತನ್ನ ಆವಾಸ ತಾಣದಿಂದ ಹಠಾತ್‌ ಕಣ್ಮರೆಯಾಗಿ ವಾರದ ಬಳಿಕ, ದರ್ಭಾಂಗ ಸಮೀಪ ಕಾಣಿಸಿಕೊಂಡಿದೆ.
• ಎಲ್ಲೆಡೆ ಅಳಿದು ಹೋಗಿರುವ ಈ ರಣಹದ್ದು ಸದ್ಯ ನೇಪಾಳದ ತನಹುನ್‌ ಜಿಲ್ಲೆಯಲ್ಲಿ ಮಾತ್ರ ಬೆರಳೆಣಿಕೆಯ ಸಂತತಿ ಉಳಿದಿದೆ.
• 2000ನೇ ಇಸ್ವಿಯಲ್ಲಿಯೇ ಇದು ತುಂಬ ಅಳಿವಿನ ಅಪಾಯದಲ್ಲಿರುವ ಪಕ್ಷಿ ಎಂದು ಘೋಷಣೆ ಮಾಡಲಾಗಿತ್ತು.

ಬಿಳಿ ಕತ್ತಿನ ರಣ ಹದ್ದಿನ  ವಿವರ

• ಕುಟುಂಬ: ಅಸಿಪಿಟ್ರಿಡೆ
• ಜಾತಿ : ಜಿಪ್ಸ್
• ವೈಜ್ಞಾನಿಕ ಹೆಸರು : ಜಿಪ್ಸ್ ಬೆಂಗಾಲೆನ್ಸಿಸ್
• ಸಂತಾನಭಿವೃದ್ಧಿ: ಒಂದು ವರ್ಷದಲ್ಲಿ ಒಂದು ಮೊಟ್ಟೆಯನ್ನು ಇಡುತ್ತದೆ.
• ಸಂತಾನೋತ್ಪತ್ತಿ ಸಮಯ: ಅಕ್ಟೋಬರ್ ನಿಂದ ಮಾರ್ಚ್
• ಇದು ಜಿಪ್ಸ್ ಜಾತಿಯ ರಣಹದ್ದುಗಳಲ್ಲಿ ಚಿಕ್ಕದಾಗಿದೆ,
• ಈ ರಣಹದ್ದು ಸಾಮಾನ್ಯವಾಗಿ ಉತ್ತರ ಮತ್ತು ಮಧ್ಯ ಭಾರತ, ಪಾಕಿಸ್ತಾನ, ನೇಪಾಳ, ಬಾಂಗ್ಲಾದೇಶ ಮತ್ತು ಆಗ್ನೇಯ ಏಷ್ಯಾದ ಮಾನವ ವಸತಿಗಳ ಬಳಿ ಎತ್ತರದ ಮರಗಳ ಮೇಲೆ ತನ್ನ ಗೂಡನ್ನು ನಿರ್ಮಿಸುತ್ತದೆ

ಜಾನುವಾರುಗಳ ಮಾಂಸವೇ ಇವುಗಳಿಗೆ  ಕಂಟಕ

• ಮರ ಹಾಗೂ ಎತ್ತರದ ಶಿಖರ ಪ್ರದೇಶಗಳಲ್ಲಿ ಇವು ಸಂತಾನಭಿವೃದ್ಧಿಗೆ ಗೂಡುಕಟ್ಟುತ್ತವೆ. ದೊಡ್ಡ ಗಾತ್ರದ ರೆಕ್ಕೆ ಉಳ್ಳ ‘ವೈಟ್‌ ರಂಪ್‌’ಸಂತತಿ ನಶಿಸಲು ಮುಖ್ಯ ಕಾರಣ ಜಾನುವಾರುಗಳ ಮಾಂಸವೇ ಆಗಿರುವುದು ವಿಪರ್ಯಾಸ. ಕಾಲು-ಬಾಯಿ ರೋಗಕ್ಕೆ ಜಾನುವಾರುಗಳಿಗೆ ನೀಡುವ‘ಡೆಕ್ಲೋಫೆನಾಕ್‌’ ಔಷಧವೇ ಇದಕ್ಕೆ ವಿಷವಾಗಿ ಪರಿಣಮಿಸಿದೆ.
• ಈ ಔಷಧ ನೀಡಿದ ಜಾನುವಾರುಗಳು ಮೃತಪಟ್ಟಾಗ, ಅವುಗಳ ಮಾಂಸ ತಿನ್ನುವ ರಣಹದ್ದುಗಳೂ ಬದುಕುಳಿಯುವುದಿಲ್ಲ.
• ಡೆಕ್ಲೋಫೆನಾಕ್‌ ಪೀಡಿತ ಮಾಂಸ ತಿನ್ನುವ ಹದ್ದುಗಳ ಯಕೃತ್‌ ವಿಫಲಗೊಳ್ಳುವುದು ಸಂಶೋಧನೆಯಿಂದ ದೃಢಪಟ್ಟಿದೆ.