ಸುದ್ಧಿಯಲ್ಲಿ ಏಕಿದೆ?  ದಕ್ಷಿಣ ಆಫ್ರಿಕಾದ ಲೇಖಕ ಡೇಮನ್‌ ಗಾಲ್ಗಟ್‌ ಅವರ ಕಾದಂಬರಿ ‘ದಿ ಪ್ರಾಮಿಸ್‌’ ಪ್ರತಿಷ್ಠಿತ ಬೂಕರ್‌ ಪ್ರಶಸ್ತಿಗೆ ಆಯ್ಕೆಯಾಗಿದೆ. ದಕ್ಷಿಣ ಆಫ್ರಿಕಾದಲ್ಲಿನ ವರ್ಣಭೇದ ನೀತಿ ಮತ್ತು ಬಿಳಿಯ ವರ್ಣದ ಕುಟುಂಬದ ಕಥೆಯನ್ನು ಕಾದಂಬರಿ ಒಳಗೊಂಡಿದೆ.

• ಪ್ರಶಸ್ತಿಯು 50,000 ಪೌಂಡ್‌ (ಸುಮಾರು ₹50 ಲಕ್ಷ) ಬಹುಮಾನವನ್ನು ಒಳಗೊಂಡಿದೆ.
• ಡೇಮನ್‌ ಗಾಲ್ಗಟ್‌ ಅವರ ಕಾದಂಬರಿಯು ಬೂಕರ್‌ ಪ್ರಶಸ್ತಿಯ ಆಯ್ಕೆ ಪಟ್ಟಿಗೆ ಈ ಹಿಂದೆಯೂ ಎರಡು ಬಾರಿ ಸೇರ್ಪಡೆಯಾಗಿತ್ತು. ಆದರೆ, ಮೂರನೇ ಬಾರಿಗೆ ಪ್ರಶಸ್ತಿ ಒಲಿದಿದೆ. 2003ರಲ್ಲಿ ‘ದಿ ಗುಡ್‌ ಡಾಕ್ಟರ್‌’ ಹಾಗೂ 2010ರಲ್ಲಿ ‘ಇನ್‌ ಎ ಸ್ಟ್ರೇಂಜ್‌ ರೂಂ’ ಕೃತಿಗಳು ಆಯ್ಕೆ ಪಟ್ಟಿಗೆ ಸೇರ್ಪಡೆಯಾಗಿದ್ದವು.
• 2021ರ ನೊಬೆಲ್‌ ಸಾಹಿತ್ಯ ಪುರಸ್ಕಾರ ಪಡೆದ ಸಾಹಿತಿ ಅಬ್ದುಲ್‌ ರಜಾಕ್‌ ಗುರ್ನಾ ಸಹ ಆಫ್ರಿಕಾದವರು ಎಂಬುದನ್ನು ಡೇಮನ್‌ ಗಾಲ್ಗಟ್‌ ಈ ಸಂದರ್ಭದಲ್ಲಿ ನೆನಪಿಸಿಕೊಂಡಿದ್ದಾರೆ.
• 1969ರಿಂದ ಇಂಗ್ಲಿಷ್‌ನಲ್ಲಿ ಪ್ರಕಟವಾಗಿರುವ ಕೃತಿಗಳಿಗೆ ಬೂಕರ್‌ ಪ್ರಶಸ್ತಿ ನೀಡಲಾಗುತ್ತಿದೆ.