Published on: January 17, 2022

ಭಾರತೀಯ ಸೇನೆಗೆ ಹೊಸ ವಿನ್ಯಾಸದ ಸಮವಸ್ತ್ರ

ಭಾರತೀಯ ಸೇನೆಗೆ ಹೊಸ ವಿನ್ಯಾಸದ ಸಮವಸ್ತ್ರ

Morong ಸುದ್ಧಿಯಲ್ಲಿ ಏಕಿದೆ ? ಭಾರತೀಯ ಸೇನೆ ವಿನೂತನ ಯುದ್ಧ ಸಮವಸ್ತ್ರವನ್ನು ಅನಾವರಣಗೊಳಿಸಿದೆ. ಇದು ಯೋಧರಿಗೆ ಹಿತಕರವಾದ, ಹವಾಮಾನ ಸ್ನೇಹಿ ಮತ್ತು ಡಿಜಿಟಲ್ ಡಿಸ್ರಪ್ಟಿವ್ ಮಾದರಿಯ ವೈಶಿಷ್ಟ್ಯವನ್ನು ಒಳಗೊಂಡಿದೆ.

generic Misoprostol from india ಮುಖ್ಯಾಂಶಗಳು

  • ಸೇನಾ ದಿನ ಪಥಸಂಚಲನ ಸಂದರ್ಭದಲ್ಲಿ ಪ್ಯಾರಾಚೂಟ್ ರೆಜಿಮೆಂಟ್‌ನ ಕಮಾಂಡೋ ತಂಡ ಹೊಸ ಸಮವಸ್ತ್ರಗಳನ್ನು ಧರಿಸಿ ಕಾಣಿಸಿಕೊಂಡಿದೆ.
  • ಆಲೀವ್ ಮತ್ತು ಮಣ್ಣಿನ ಬಣ್ಣಗಳ ಮಿಶ್ರಣವಾಗಿರುವ ಹೊಸ ಸೇನಾ ಸಮವಸ್ತ್ರ, ಸೇನಾ ಪಡೆಗಳನ್ನು ನಿಯೋಜಿಸುವ ಪ್ರದೇಶಗಳು ಮತ್ತು ಅವರು ಕಾರ್ಯ ನಿರ್ವಹಣೆ ಮಾಡುವ ವಾತಾವರಣ ಪರಿಸ್ಥಿತಿಗಳಂತಹ ಸಂಗತಿಗಳನ್ನು ಗಮನದಲ್ಲಿ ಇರಿಸಿಕೊಂಡು ವಿನ್ಯಾಸ ಮಾಡಲಾಗಿದೆ.

ಯಾರು ವಿನ್ಯಾಸಗೊಳಿಸಿದರು ?

  • ಇತರೆ ವಿವಿಧ ದೇಶಗಳಲ್ಲಿನ ಸೇನಾ ಪಡೆಗಳ ಯುದ್ಧ ಸಮವಸ್ತ್ರಗಳನ್ನು ವಿಶ್ಲೇಷಣೆ ಮಾಡಿದ ಬಳಿಕ, ರಾಷ್ಟ್ರೀಯ ಫ್ಯಾಷನ್ ತಂತ್ರಜ್ಞಾನ ಸಂಸ್ಥೆಯ ಸಹಯೋಗದಲ್ಲಿ ಹೊಸ ಸಮವಸ್ತ್ರವನ್ನು ವಿನ್ಯಾಸಗೊಳಿಸಲಾಗಿದೆ.
  • ರಾಷ್ಟ್ರೀಯ ಫ್ಯಾಷನ್ ತಂತ್ರಜ್ಞಾನ ಸಂಸ್ಥೆಯ (ಎನ್‌ಐಎಫ್‌ಟಿ) 12 ಜನರ ತಂಡ ಇದನ್ನು ವಿನ್ಯಾಸಗೊಳಿಸಿದೆ. ಏಳು ಪ್ರೊಫೆಸರ್‌ಗಳು, ಮೂವರು ವಿದ್ಯಾರ್ಥಿಗಳು, ಇಬ್ಬರು ಹಳೆಯ ವಿದ್ಯಾರ್ಥಿಗಳು ಸೇರಿಕೊಂಡು ಸೇನೆಯ ಅಭಿಪ್ರಾಯ, ಸಲಹೆಗಳನ್ನು ಪಡೆದುಕೊಂಡು ರೂಪಿಸಿದ್ದಾರೆ.

ಹೊಸ ಸಮವಸ್ತ್ರದ ಬಗ್ಗೆ

  • ಎಲ್ಲ ಮಾದರಿಯ ಪ್ರದೇಶಗಳಲ್ಲಿಯೂ ಇದನ್ನು ಧರಿಸಬಹುದಾಗಿದ್ದು, ಹೊಂದಿನ ಸಮವಸ್ತ್ರಕ್ಕಿಂತ ಹೆಚ್ಚು ಆರಾಮದಾಯಕವಾಗಿರುತ್ತದೆ. ಕಂಪ್ಯೂಟರ್ ನೆರವಿನಿಂದ ಅದರ ಡಿಜಿಟಲ್ ಡಿಸ್ರಪ್ಟಿವ್ ಮಾದರಿ (ಗೋಚರತೆಗೆ ತೊಡಕು ಉಂಟುಮಾಡುವ ಬಣ್ಣಗಳ ಮಿಶ್ರಣದ ವಿನ್ಯಾಸ) ಅನ್ನು ವಿನ್ಯಾಸ ಮಾಡಲಾಗಿದೆ
  • ಹೊಸ ಸಮವಸ್ತ್ರದಲ್ಲಿ ಅಂಗಿಯನ್ನು ಪ್ಯಾಂಟ್ ಒಳಗೆ ಸೇರಿಸುವ ಅಗತ್ಯವಿಲ್ಲ. ಹಳೆಯ ಸಮವಸ್ತ್ರದಲ್ಲಿ ಅಂಗಿಯನ್ನು ಒಳಗೆ (ಇನ್‌ ಶರ್ಟ್) ಸೇರಿಸಬೇಕಾಗುತ್ತಿತ್ತು. ಸೇನೆಯ ಸಮವಸ್ತ್ರದ ತರಹೇವಾರಿ ಉಡುಪುಗಳು ಈಗ ಮಾರುಕಟ್ಟೆಯಲ್ಲಿ ಸಿಗುತ್ತದೆ. ಆದರೆ ಈ ಹೊಸ ಸಮವಸ್ತ್ರದ ಮಾದರಿಯು ಮುಕ್ತ ಮಾರುಕಟ್ಟೆಯಲ್ಲಿ ಲಭ್ಯವಾಗುವುದಿಲ್ಲ.

ಹಳೆಯ ಸಮವಸ್ತ್ರಕ್ಕೆ ಹೋಲಿಸಿದರೆ ವಿಭಿನ್ನ

  • 2008ರಿಂದ ಬಳಕೆಯಲ್ಲಿದ್ದ ಹಿಂದಿನ ಸಮವಸ್ತ್ರಕ್ಕೆ ಹೋಲಿಸಿದರೆ, ಇದು ಹೊಸ ಬಗೆಯ ಕಚ್ಚಾ ವಸ್ತು, ವಿನ್ಯಾಸ ಹಾಗೂ ಸೇನಾ ಬಣ್ಣದ ಮಾದರಿಗಳನ್ನು ಹೊಂದಿದೆ. ಹಿಂದೆಯೂ ಆಲೀವ್ ಮತ್ತು ಮಣ್ಣಿನ ಬಣ್ಣದ ಬಳಕೆ ಇದ್ದರೂ, ಈಗಿನ ವಿನ್ಯಾಸವು ಡಿಜಿಟಲ್ ಆಗಿದೆ.
  • ಮರಳುಗಾಡು, ಎತ್ತರದ ಪ್ರದೇಶಗಳು, ಕಾಡು ಹಾಗೂ ತೆರೆದ ಮೈದಾನಗಳಂತಹ ಜಾಗಗಳಲ್ಲಿ ಸೈನಿಕರು ಕಾರ್ಯನಿರ್ವಹಣೆ ಮಾಡಲು ಸೂಕ್ತವಾಗಿದೆ.
  • ಈ ಹೊಸ ಉತ್ಪನ್ನದ ಹೆಣಿಗೆಯು ಹಗುರ, ದೃಢವಾದ, ಉಸಿರಾಟಕ್ಕೆ ಹೆಚ್ಚು ಅನುಕೂಲಕರವಾದ ಹಾಗೂ ಯೋಧರು ನಿಯೋಜನೆಗೊಂಡ ವಿಭಿನ್ನ ಪ್ರದೇಶಗಳಿಗೆ ಅಧಿಕ ಹೊಂದಿಕೆಯಾಗುತ್ತದೆ. ಇದರಲ್ಲಿ ಕಾಟನ್ ಮತ್ತು ಪಾಲಿಸ್ಟರ್ ಪ್ರಮಾಣ 70:30 ರಷ್ಟಿದೆ. ಹೀಗಾಗಿ ತೇವ ಇದ್ದಾಗ ಬೇಗ ಒಣಗುತ್ತದೆ. ಆರ್ದ್ರ ಹಾಗೂ ಬಿಸಿ ವಾತಾವರಣದಲ್ಲಿ ಹಿತಕರವಾಗಿದ್ದು, ಹಗುರವಾಗಿದೆ.
  • ಈ ಹೊಸ ಉಡುಪು ಹಿಂದಿನ ಸಮವಸ್ತ್ರಕ್ಕಿಂತ ಶೇ 15ರಷ್ಟು ಹಗುರ, ಹರಿದು ಹೋಗುವುದರಲ್ಲಿ ಹಳೆಯ ಉಡುಪಿಗೆ ಹೋಲಿಸಿದರೆ ಶೇ 23ರಷ್ಟು ಬಲವಾಗಿದೆ. ಜಾಕೆಟ್‌ನಂತಹ ಇದರ ಅಂಗಿಯ ಮೇಲಿನ ಜೇಬುಗಳು ಓರೆ ಆಕಾರದಲ್ಲಿ ಇದ್ದರೆ, ಕೆಳಗಿನ ಪಾಕೆಟ್‌ಗಳು ಲಂಬವಾಗಿವೆ. ಹಿಂಬದಿಯಲ್ಲಿ ಚಾಕು ಮಡಿಕೆಗಳಿವೆ. ಎಡ ತೋಳಿನಲ್ಲಿ ಒಂದು ಜೇಬು, ಎಡ ತೋಳಿನ ಮೇಲೆ ಪೆನ್ ಹೋಲ್ಡರ್ ಹಾಗೂ ಸುಧಾರಿತ ಗುಣಮಟ್ಟದ ಗುಂಡಿಗಳು ಇವೆ.
  • ಸಮವಸ್ತ್ರದ ಪ್ಯಾಂಟ್ ಸೊಂಟದ ಬಳಿ ಹೊಂದಾಣಿಕೆ ಮಾಡಬಹುದಾದ ಎಲಾಸ್ಟಿಕ್ ಮತ್ತು ಗುಂಡಿ ಹೊಂದಿದ್ದು, ತೊಡೆಯ ಬಳಿ ಎರಡು ಪದರ ಹೊಂದಿದೆ. ಸೇನೆಯ ಚಿಹ್ನೆ ಹಿಂದಿಗಿಂತ ಹೆಚ್ಚು ಸ್ಪಷ್ಟವಾಗಿ ಕಾಣಿಸುವಂತೆ ಸಮವಸ್ತ್ರ ವಿನ್ಯಾಸ ಮಾಡಲಾಗಿದೆ. ಮಹಿಳಾ ಅಧಿಕಾರಿಗಳು ಹಾಗೂ ಸೇನೆಯ ಪಡೆಗಳ ಅಗತ್ಯಗಳನ್ನು ಗಮನದಲ್ಲಿ ಇರಿಸಿಕೊಂಡು ಮೊದಲ ಬಾರಿಗೆ ವಿಭಿನ್ನ ಆವೃತ್ತಿಯ ಸಮವಸ್ತ್ರ ರೂಪಿಸಲಾಗಿದೆ.

ಸೇನಾ ಸಮವಸ್ತ್ರದ ಪ್ರಾಮುಖ್ಯತೆ

  • ಯಾವುದೇ ಸೇನಾ ಪಡೆಗಳಲ್ಲಿ ಸಮವಸ್ತ್ರಗಳು ಬಹಳ ವಿಶಿಷ್ಟ ಗುರುತಿನ ಲಕ್ಷಣಗಳಲ್ಲಿ ಒಂದಾಗಿದೆ. ಸೇನಾ ಸಿಬ್ಬಂದಿಯಿಂದ ಯೋಧರನ್ನು ಪ್ರತ್ಯೇಕವಾಗಿ ಗುರುತಿಸುವಂತೆ ಮಾಡುವುದು ಮಾತ್ರವಲ್ಲದೆ, ವಿಭಿನ್ನ ಸೇನೆಗಳ ಸಿಬ್ಬಂದಿಯ ವ್ಯತ್ಯಾಸವನ್ನು ಸಮವಸ್ತ್ರಗಳು ತೋರಿಸುತ್ತದೆ. ಹಾಗೆಯೇ ಸೇನಾ ಪಡೆಗಳ ಅನುಕೂಲತೆ, ಅವುಗಳ ನಡುವಿನ ಶಿಸ್ತಿಗೆ ಸಮವಸ್ತ್ರಗಳು ಮುಖ್ಯವಾಗಿವೆ.