ಸುದ್ದಿಯಲ್ಲಿ ಏಕಿದೆ? ಏಕಕಾಲದಲ್ಲಿ ಹಲವು ಸ್ಥಳಗಳಲ್ಲಿ ನಡೆದ ಸಾರ್ವಜನಿಕ ಸೇವಾ ಸಮಾರಂಭದಲ್ಲಿ ದಾಖಲೆ ಸಂಖ್ಯೆಯ ಜನರು ಪಾಲ್ಗೊಳ್ಳುವ ಮೂಲಕ ಭಾರತೀಯ ರೈಲ್ವೆಯು ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್‌ ಗೆ ಸೇರಿದೆ.

ಮುಖ್ಯಾಂಶಗಳು

• ರೈಲ್ವೆ ಸಚಿವಾಲಯವು 2024ರ ಫೆಬ್ರುವರಿ 26ರಂದು ದೇಶದ ವಿವಿಧೆಡೆ ರೈಲ್ವೆ ಬ್ರಿಡ್ಜ್, ವಿವಿಧ ರೈಲ್ವೆ ನಿಲ್ದಾಣಗಳ ನಿರ್ಮಾಣಕ್ಕೆ ಶಂಕುಸ್ಥಾಪನೆ ಕಾರ್ಯ ಕ್ರಮವನ್ನು ಪ್ರಧಾನಿ ಅವರು ವರ್ಚುವಲ್ ಆಗಿ ನೆರವೇರಿಸಿದ್ದರು.
• ರೈಲ್ವೇ ಸೇತುವೆಗಳ ಮೇಲಿನ ರಸ್ತೆ / ಸೇತುವೆ ಕೆಳಗಿನ ರಸ್ತೆ ಉದ್ಘಾಟನೆ ಮತ್ತು ರೈಲ್ವೆ ನಿಲ್ದಾಣಗಳ ಶಂಕುಸ್ಥಾಪನೆಗಾಗಿ ಪ್ರಧಾನಿ ಅವರು ಈ ಕಾರ್ಯಕ್ರಮವನ್ನು ಆಯೋಜಿಸಿದ್ದರು.
• ದೇಶದ 2,140 ಸ್ಥಳಗಳಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮಗಳಲ್ಲಿ 40,19, 516 ಜನರು ಭಾಗವಹಿಸಿದ್ದರು.

ಲಿಮ್ಕಾ ಬುಕ್ ಆಫ್ ರೆಕಾರ್ಡ್ಸ್

• ಭಾರತೀಯರ ವಿಶ್ವ ದಾಖಲೆಗಳನ್ನು ದಾಖಲಿಸುವ ವಾರ್ಷಿಕ ಪ್ರಕಟಣೆಯಾಗಿದೆ.
• 1990 ರಿಂದ 30 ಕ್ಕೂ ಹೆಚ್ಚು ಆವೃತ್ತಿಗಳೊಂದಿಗೆ, ಇದು ಭಾರತದ ಮೊದಲ ಮತ್ತು ಸುದೀರ್ಘವಾಗಿ ನಿರಂತರವಾಗಿ ಪ್ರಕಟವಾದ ದಾಖಲೆಗಳ ಪುಸ್ತಕವಾಗಿದೆ.
• ದಾಖಲೆಗಳನ್ನು ಶಿಕ್ಷಣ, ಸಾಹಿತ್ಯ, ಕೃಷಿ, ವೈದ್ಯಕೀಯ ವಿಜ್ಞಾನ, ವ್ಯಾಪಾರ, ಕ್ರೀಡೆ, ಪ್ರಕೃತಿ, ಸಾಹಸ, ರೇಡಿಯೋ ಮತ್ತು ಸಿನಿಮಾ ಎಂದು ವರ್ಗೀಕರಿಸಲಾಗಿದೆ.

ಭಾರತೀಯ ರೈಲ್ವೇ: ಜನರನ್ನು ಸಂಪರ್ಕಿಸುವುದು, ಪ್ರಗತಿ ಮತ್ತು ಸವಾಲುಗಳು

• ಹುಟ್ಟು: ಇದನ್ನು ಮೊದಲು 1853 ರಲ್ಲಿ ಪರಿಚಯಿಸಲಾಯಿತು, ಬಾಂಬೆಯಿಂದ ಥಾಣೆಗೆ (34 ಕಿಮೀ).
• ಉದ್ದೇಶ: ಒಳನಾಡುಗಳನ್ನು ಮುಖ್ಯ ನಗರ ಕೇಂದ್ರಗಳಿಗೆ ಸಂಪರ್ಕಿಸುವುದು, ಇದನ್ನು ಬ್ರಿಟಿಷರು ಪರಿಚಯಿಸಿದರು. ಭಾರತದ ಸಂಪನ್ಮೂಲಗಳನ್ನು ಕೊಳ್ಳೆ ಹೊಡೆಯುದಾಗಿತ್ತು ಅಂದರೆ ಕಚ್ಚಾ ವಸ್ತುಗಳ ರಫ್ತು ಮತ್ತು ಬ್ರಿಟಿಷ್ ಸರಕುಗಳ ಆಮದು.
• ರೈಲ್ವೆ ವ್ಯವಸ್ಥೆಯನ್ನು 16 ವಲಯಗಳಾಗಿ ವಿಂಗಡಿಸಲಾಗಿದೆ.
• ಮಹಾತ್ಮಾ ಗಾಂಧಿಯವರು ಭಾರತೀಯ ರೈಲ್ವೇ”ಭಾರತದ ಸ್ವಾತಂತ್ರ್ಯ ಹೋರಾಟಕ್ಕೆ ಕೊಡುಗೆ ನೀಡಲು ವೈವಿಧ್ಯಮಯ ಸಂಸ್ಕೃತಿಗಳ ಜನರನ್ನು ಒಟ್ಟುಗೂಡಿಸಿದೆ” ಎಂದು ಹೇಳಿದರು.
• ಭಾರತೀಯ ರೈಲ್ವೇ ನೆಟ್‌ವರ್ಕ್ ವಿಶ್ವದಲ್ಲೇ ಅತಿ ಉದ್ದವಾಗಿದೆ ಮತ್ತು ದೇಶದ ಅತಿದೊಡ್ಡ ಸರ್ಕಾರಿ ಉದ್ಯಮವಾಗಿದೆ.

ಕೊಂಕಣ ರೈಲ್ವೆ

• ನಿರ್ಮಾಣ: 1998 ರಲ್ಲಿ
• ಸಂಪರ್ಕ: ಇದು ಮಹಾರಾಷ್ಟ್ರದ ರೋಹಾದಿಂದ ಕರ್ನಾಟಕದ ಮಂಗಳೂರಿಗೆ ಸಂಪರ್ಕಿಸುವ 760 ಕಿಮೀ ಉದ್ದದ ರೈಲು ಮಾರ್ಗವಾಗಿದೆ.
• ಇದು 146 ನದಿಗಳು, ಹೊಳೆಗಳು, ಸುಮಾರು 2000 ಸೇತುವೆಗಳು ಮತ್ತು 91 ಸುರಂಗ ಮಾರ್ಗಗಳನ್ನು ಹೊಂದಿದೆ.
• ಸುಮಾರು 6.5 ಕಿಮೀ ಉದ್ದದ ಏಷ್ಯಾದ ಅತಿದೊಡ್ಡ ಸುರಂಗ ಕೂಡ ಈ ಮಾರ್ಗದಲ್ಲಿದೆ.
• ಮಹಾರಾಷ್ಟ್ರ, ಗೋವಾ ಮತ್ತು ಕರ್ನಾಟಕ ಪಾಲುದಾರ ರಾಜ್ಯಗಳಿವೆ

ಭಾರತೀಯ ರೈಲ್ವೆಯ ಹಳಿಗಳ ಅಗಲದ ಆಧಾರದ ಮೇಲೆ, ಮೂರು ವಿಭಾಗಗಳನ್ನು ಮಾಡಲಾಗಿದೆ:

1. ಬ್ರಾಡ್ ಗೇಜ್: ಬ್ರಾಡ್ ಗೇಜ್‌ನಲ್ಲಿ ಹಳಿಗಳ ನಡುವಿನ ಅಂತರ 1.676 ಮೀಟರ್. ಬ್ರಾಡ್ ಗೇಜ್ ಲೈನ್‌ಗಳ ಒಟ್ಟು ಉದ್ದ 63950 ಕಿಮೀ (2019-20).
2. ಮೀಟರ್ ಗೇಜ್: ಹಳಿಗಳ ನಡುವಿನ ಅಂತರವು ಒಂದು ಮೀಟರ್. ಇದರ ಒಟ್ಟು ಉದ್ದ 2402 ಕಿಮೀ (2019-20).
3. ನ್ಯಾರೋ ಗೇಜ್: ಈ ಸಂದರ್ಭದಲ್ಲಿ ಹಳಿಗಳ ನಡುವಿನ ಅಂತರವು 0.762 ಮೀಟರ್ ಅಥವಾ 0.610 ಮೀಟರ್. ಒಟ್ಟು ಉದ್ದ 1604 ಕಿಮೀ (2019-20).

ನಿಮಗಿದು ತಿಳಿದಿರಲಿ

ಕರ್ನಾಟಕದಲ್ಲಿ ಮೊದಲ ರೈಲು ಮಾರ್ಗವನ್ನು 1864 ರಲ್ಲಿ ಸಂಚಾರಕ್ಕಾಗಿ ತೆರೆಯಲಾಯಿತು. ಇದು ಬೆಂಗಳೂರಿನಿಂದ ಮದ್ರಾಸ್‌(ಜೋಲಾರಪೇಟ) ಗೆ ಪ್ರಾರಂಭವಾಯಿತು.

ರಾಜ್ಯದಲ್ಲಿ ಸ್ಥಾಪಿಸಲಾದ ಮೊದಲ ರೈಲು ಮಾರ್ಗವೆಂದರೆ ಬೆಂಗಳೂರು-ಮೈಸೂರು ಜಂಕ್ಷನ್ ಮೀಟರ್ ಗೇಜ್ ಮಾರ್ಗವಾಗಿದೆ.