ಸುದ್ದಿಯಲ್ಲಿ ಏಕಿದೆ? ಮಹಾರಾಷ್ಟ್ರದ ನಾಗ್ಪುರದಲ್ಲಿ ಬಸ್ ಸಖಿ(ಬಸ್ ಹೊಸ್ಟೆಸ್) ಯರನ್ನು  ಒಳಗೊಂಡ ವಿಮಾನದಂತಹ ಆಸನಗಳ್ಳುಳ್ಳ 132 ಆಸನಗಳ ಎಸಿ ಬಸ್‌ ಅನ್ನು ಪ್ರಾಯೋಗಿಕವಾಗಿ ಸಂಚಾರ ಆರಂಭಿಸಲಿದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್‌ ಗಡ್ಕರಿ ಹೇಳಿದ್ದಾರೆ.

ಮುಖ್ಯಾಂಶಗಳು

• ತಯಾರಕರು: ಸ್ಕೋಡಾ ಮತ್ತು ಟಾಟಾ ಮೊಟಾರ್ಸ್‌ ಸಹಭಾಗಿತ್ವ
• ಇದಕ್ಕೆ ಸ್ಪೂರ್ತಿ ಜೆಕ್‌ ಗಣರಾಜ್ಯ ದೇಶವಾಗಿದೆ
• ವಿಮಾನದಂತಹ ಅನುಭವವನ್ನು ನೀಡಲು ಹಣ್ಣುಗಳು, ಪ್ಯಾಕ್ ಮಾಡಿದ ಆಹಾರ ಮತ್ತು ಪಾನೀಯಗಳಂತಹ ಪ್ರೀಮಿಯಂ ಸೌಕರ್ಯಗಳನ್ನು ಬಸ್ ಹೊಸ್ಟೆಸ್‌ಗಳು ಒದಗಿಸುತ್ತಾರೆ.

ವಿಶೇಷತೆಗಳು

• ಇದು ನಿಸರ್ಗ ಸ್ನೇಹಿ ಬಸ್‌ ಆಗಿದೆ ಏಕೆಂದರೆ ಶೇ. 60 ವಿದ್ಯುತ್‌, ಶೇ. 40 ಎಥೆನಾಲ್‌ ಇದರ ಇಂಧನ ಶಕ್ತಿಯಾಗಿದೆ.
• ಇದರ ಪ್ರಯಾಣ ದರ ಡೀಸೆಲ್‌ ಬಸ್‌ಗಳಿಗಿಂತಲೂ ಶೇ. 30ರಷ್ಟು ಕಡಿಮೆ ಇರುತ್ತದೆ.
• ಇದು ಮೂರು ಬಸ್‌ ಜೋಡಣೆಗೊಂಡಂತೆ ಕಾಣುತ್ತದೆ.

ಉದ್ದೇಶ

ಭಾರತ ಎದುರಿಸುತ್ತಿರುವ ದೊಡ್ಡ ಸಮಸ್ಯೆಗಳಲ್ಲಿ ಮಾಲಿನ್ಯ ಕೂಡ ಒಂದಾಗಿದೆ. ಭಾರತದ ಅನೇಕ ಮಹಾನಗರಗಳಲ್ಲಿ ಮಾಲಿನ್ಯ ಹೆಚ್ಚಾಗಿದೆ. ಮಾಲಿನ್ಯ ಮುಕ್ತ ಸಾರಿಗೆ ವ್ಯವಸ್ಥೆಯನ್ನು ಕಲ್ಪಿಸುವ ಉದ್ದೇಶವನ್ನಿಟ್ಟುಕೊಂಡು ಪ್ರಾಯೋಗಿಕ ಸಂಚಾರವನ್ನು ಆರಂಭಿಸಲಾಗುತ್ತಿದೆ.