ಸುದ್ದಿಯಲ್ಲಿ ಏಕಿದೆ? ಜಮ್ಮುವಿನ  ರಿಯಾಸಿ ಜಿಲ್ಲೆಯಲ್ಲಿ ಚೆನಾಬ್ ನದಿ ಮೇಲೆ ನಿರ್ಮಿಸುತ್ತಿರುವ ಜಗತ್ತಿನ ಅತಿ ಎತ್ತರದ ಉಕ್ಕಿನ ಕಮಾನು ರೈಲ್ವೆ ಸೇತುವೆಯನ್ನು ಪ್ರವಾಸಿ ತಾಣವಾಗಿ ಅಭಿವೃದ್ಧಿಪಡಿಸುವ ಉದ್ದೇಶದಿಂದ ಅಗತ್ಯ ಕ್ರಮ ಕೈಗೊಳ್ಳಲು ಸೂಚಿಸಲಾಗಿದೆ.

ಮುಖ್ಯಾಂಶಗಳು

• ಈವರೆಗೆ ಜಗತ್ತಿನ ಅತಿ ಎತ್ತರದ ರೈಲ್ವೆ ಸೇತುವೆ ಎಂಬ ಹೆಗ್ಗಳಿಕೆ ಗಳಿಸಿದ್ದ ಚೀನಾದ ಬೇಪಾನ್‌ಜಿಯಾಂಗ್‌ ನದಿಯ ಮೇಲಿನ ಉಕ್ಕಿನ ಸೇತುವೆಯನ್ನು (275 ಮೀಟರ್‌ ಎತ್ತರ) ಇದು ಹಿಂದಿಕ್ಕಿ ನಂ.1 ಎತ್ತರದ ಸೇತುವೆ ಎಂಬ ಹಿರಿಮೆಗೆ ಪಾತ್ರವಾಗಿದೆ.
• ಉಧಮ್‌ಪುರ-ಶ್ರೀನಗರ-ಬಾರಾಮುಲ್ಲಾ ರೈಲ್ವೆ ಸಂಪರ್ಕದ ಭಾಗವಾಗಿ (USBRL) ಈ ಸೇತುವೆ ನಿರ್ಮಾಣವಾಗುತ್ತಿದೆ.
• ವಾಸ್ತುಶಿಲ್ಪ ವಿಸ್ಮಯವನ್ನು ಪ್ರವಾಸಿತಾಣವಾಗಿ ಅಭಿವೃದ್ಧಿಪಡಿಸಲು ಯೋಜಿಸಲಾಗಿದೆ.

ಉಕ್ಕಿನ ಕಮಾನು ರೈಲ್ವೆ ಸೇತುವೆ

• 3 ಕಿ.ಮೀ ಉದ್ದದ ಸೇತುವೆಯು ನದಿಪಾತ್ರದಿಂದ 359 ಮೀಟರ್ ಎತ್ತರದಲ್ಲಿದೆ.
• 111 ಕಿಮೀ ಕತ್ರಾದಿಂದ ಬನಿಹಾಲ್ ಸ್ಟ್ರೆಚ್‌ನಲ್ಲಿ ಪ್ರಮುಖ ಪಾತ್ರವನ್ನು ಹೊಂದಿದೆ.
• ಈ ಸೇತುವೆಯನ್ನು 2800 ಕೋಟಿ ರೂ. ವೆಚ್ಚದಲ್ಲಿ ಉತ್ತರ ರೈಲ್ವೆ ನಿರ್ಮಿ ಸುತ್ತಿದೆ.
• ಸೇತುವೆಯು ಎರಡು ಕಡೆಯಲ್ಲಿರುವ ಸಲಾಲ್‌ ಎ ಮತ್ತು ದುಗ್ಗಾ ರೈಲ್ವೆ ನಿಲ್ದಾಣಗಳ ನಡುವೆ ಸಂಪರ್ಕ ಕಲ್ಪಿಸಲಿದೆ.

ಚೆನಾಬ್ ನದಿ

• ಚೆನಾಬ್ ನದಿಯು ಭಾರತ ಮತ್ತು ಪಾಕಿಸ್ತಾನದಲ್ಲಿ ಹರಿಯುವ ಪ್ರಮುಖ ನದಿಯಾಗಿದೆ
• ಇದು ಪಂಜಾಬ್ ಪ್ರದೇಶದ 5 ಪ್ರಮುಖ ನದಿಗಳಲ್ಲಿ ಒಂದಾಗಿದೆ.
• ಇದನ್ನು ಚಂದ್ರಭಾಗ ನದಿಯೆಂದು ಕರೆಯಲಾಗುತ್ತದೆ
• ಇದು ಭಾರತದ ಹಿಮಾಚಲ ಪ್ರದೇಶದ ಲಾಹೌಲ್ ಪ್ರದೇಶದಲ್ಲಿ ಮೇಲಿನ ಹಿಮಾಲಯದಲ್ಲಿ ಉದಯಿಸುವ ಚಂದ್ರ ಮತ್ತು ಭಾಗ ಎಂಬ ಎರಡು ಸಣ್ಣ ಹೊಳೆಗಳಿಂದ ರೂಪುಗೊಂಡಿದೆ.ಭಾಗಾ ನದಿಯು ಸೂರ್ಯ ತಾಲ್ ಸರೋವರದಿಂದ ಹುಟ್ಟುತ್ತದೆ, ಇದು ಹಿಮಾಚಲ ಪ್ರದೇಶದ ಬಾರಾ-ಲಾಚಾ ಲಾ ಪಾಸ್‌ನ ಪಶ್ಚಿಮಕ್ಕೆ ಕೆಲವು ಕಿಲೋಮೀಟರ್‌ಗಳಷ್ಟು ದೂರದಲ್ಲಿದೆ. ಚಂದ್ರ ನದಿಯು ಅದೇ ಪಾಸ್‌ನ ಪೂರ್ವಕ್ಕೆ ( ಚಂದ್ರ ತಾಲ್ ಬಳಿ ) ಹಿಮನದಿಗಳಿಂದ ಹುಟ್ಟುತ್ತದೆ.
• ಇದು ಪಾಕಿಸ್ತಾನವನ್ನು ಪ್ರವೇಶಿಸಿ, ಪಂಜಾಬ್ ಪ್ರಾಂತ್ಯದ ಮೂಲಕ ಹರಿದು, ಸಟ್ಲೆಜ್‌ ನದಿಯನ್ನು ಸೇರಿಕೊಂಡು ಪಂಜನಾಡ್ ನದಿಯನ್ನು ರೂಪಿಸುತ್ತದೆ.

ಉಪನದಿಗಳು

• ಎಡ ದಂಡೆ : ತಾವಿ ನದಿ , ರವಿ ನದಿ
• ಬಲ ದಂಡೆ : ಮರುಸುದಾರ್ ನದಿ , ಝೇಲಂ ನದಿ, ನೀರು ನದಿ ಮತ್ತು ಕಲ್ನೈ ನದಿ