ಸುದ್ದಿಯಲ್ಲಿ ಏಕಿದೆ? ಟೊಯೊಟಾ ಮೊಬಿಲಿಟಿ ಫೌಂಡೇಷನ್ ವತಿಯಿಂದ ನಡೆಯುತ್ತಿರುವ ‘ಸುಸ್ಥಿರ ನಗರಗಳ ಸವಾಲು’ ಸ್ಪರ್ಧೆಯ ಅಂತಿಮ ಸುತ್ತಿನಲ್ಲಿರುವ 10 ನಗರಗಳಲ್ಲಿ ಬೆಂಗಳೂರು ನಗರ ಪ್ರಥಮ ಸ್ಥಾನ ಪಡೆದಿದೆ.

ಮುಖ್ಯಾಂಶಗಳು

• ಈ ಸ್ಪರ್ಧೆಯು 2023 ಜೂನನಲ್ಲಿ ಆರಂಭವಾಗಿತ್ತು.
• ವಿಶ್ವದ 46 ದೇಶಗಳಿಂದ 150ಕ್ಕೂ ಹೆಚ್ಚು ನಗರಗಳು ಈ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದವು.
• ಸಂಚಾರ ವ್ಯವಸ್ಥೆ (ಮೊಬಿಲಿಟಿ) ಸುಧಾರಣೆಗಾಗಿ ಅಳವಡಿಕೊಳ್ಳುವ ಯೋಜನೆಗಳನ್ನು ನಗರಗಳು ಪ್ರಸ್ತುತಪಡಿಸಿದ್ದವು.
• ನಗರಗಳು ಸಲ್ಲಿಸಿದ್ದ ಯೋಜನೆಗಳನ್ನು ಪರಿಗಣಿಸಿ ಪ್ರಕಟಿಸಲಾಗಿರುವ 10 ನಗರಗಳ ಆಯ್ಕೆ ಪೂರ್ವ ಪಟ್ಟಿಯಲ್ಲಿ (ಶಾರ್ಟ್‌ ಲಿಸ್ಟ್) ಬೆಂಗಳೂರು ಪ್ರಥಮ ಸ್ಥಾನದಲ್ಲಿದೆ. ಉತ್ತರ ಪ್ರದೇಶದ ವಾರಾಣಸಿ ನಗರ ಎಂಟನೇ ಸ್ಥಾನದಲ್ಲಿದೆ. ನಂತರ ಆಯ್ಕೆ ಪ್ರಕ್ರಿಯೆ ನಡೆದಿದೆ.
• ಅಂತಿಮವಾಗಿ ಆಯ್ಕೆಯಾಗುವ ಮೂರು ನಗರಗಳಿಗೆ ಟೊಯೊಟಾ ಮೊಬಿಲಿಟಿ ಫೌಂಡೇಷನ್ ಸಂಚಾರ ವ್ಯವಸ್ಥೆಯ ಆಧುನೀಕರಣಕ್ಕೆ ಪ್ರತಿ ವರ್ಷ ₹25 ಕೋಟಿಯಂತೆ 5 ವರ್ಷಗಳವರೆಗೆ ಅನುದಾನವನ್ನು ನೀಡಲಿದೆ
• 2024ರ ಫೆಬ್ರುವರಿಯಲ್ಲಿ ಅಂತಿಮ ಮೂರು ನಗರಗಳನ್ನು ಪ್ರಕಟಿಸಲಾಗುವುದು.

ಸ್ಪರ್ಧೆಯ ಆಶಯಗಳು

• ಸಂಚಾರ ವ್ಯವಸ್ಥೆಯನ್ನು ಸಮಗ್ರವಾಗಿ ಉತ್ತಮಗೊಳಿಸುವುದು
• ನಿವಾಸಿಗಳು/ ವಾಹನ ಸವಾರರಿಗೆ ಸುರಕ್ಷತೆ ಒದಗಿಸುವುದು
• ಸಂಚಾರ ವ್ಯವಸ್ಥೆಯಲ್ಲಿ ಸುಸ್ಥಿರತೆಯನ್ನು ಉತ್ತಮಗೊಳಿಸಿ ಇಂಗಾಲ ಹೊರಸೂಸುವಿಕೆ ಮತ್ತು ಪರಿಸರದ ಮೇಲಿನ ನಕಾರಾತ್ಮಕ ಪರಿಣಾಮವನ್ನು ಕಡಿಮೆಗೊಳಿಸುವುದು