ಸುದ್ದಿಯಲ್ಲಿ ಏಕಿದೆ? ಭಾರತದಲ್ಲಿ ಬಾಹ್ಯಾಕಾಶ ತಂತ್ರಜ್ಞಾನ ಸ್ಟಾರ್ಟ್‌ಅಪ್‌ಗಳ ಬೆಳವಣಿಗೆಗೆ ಉತ್ತೇಜನ ನೀಡಲು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಮತ್ತು ಮೈಕ್ರೋಸಾಫ್ಟ್ ಒಪ್ಪಂದಕ್ಕೆ (MoU) ಸಹಿ ಹಾಕಿವೆ

ಮುಖ್ಯಾಂಶಗಳು

• ಮೈಕ್ರೋಸಾಫ್ಟ್ ಅಧ್ಯಕ್ಷ ಮತ್ತು ಸಿಇಒ ಸತ್ಯ ನಡೆಲ್ಲಾ ಅವರು ಮೈಕ್ರೋಸಾಫ್ಟ್ ಫ್ಯೂಚರ್ ರೆಡಿ ಟೆಕ್ನಾಲಜಿ ಶೃಂಗಸಭೆಯಲ್ಲಿ ಭಾಗವಹಿಸಲು ಬೆಂಗಳೂರಿಗೆ ಬಂದಿದ್ದ ಸಮಯದಲ್ಲಿ ಈ ಒಪ್ಪಂದ ಮಾಡಿಕೊಳ್ಳಲಾಗಿದೆ.
• ಈ ಸಹಯೋಗವು ಭಾರತದ ಅತ್ಯಂತ ಭರವಸೆಯ ಬಾಹ್ಯಾಕಾಶ ತಂತ್ರಜ್ಞಾನದ ಆವಿಷ್ಕಾರಕರು ಮತ್ತು ಉದ್ಯಮಿಗಳ ಮಾರುಕಟ್ಟೆ ಸಾಮರ್ಥ್ಯವನ್ನು ಬಳಸಿಕೊಳ್ಳುವ ಇಸ್ರೋದ ದೃಷ್ಟಿಯನ್ನು ಬಲಪಡಿಸಲು ಪ್ರಯತ್ನಿಸುತ್ತದೆ ಎಂದು ಮೈಕ್ರೋಸಾಫ್ಟ್ ಪ್ರಕಟಣೆಯಲ್ಲಿ ತಿಳಿಸಿದೆ.

ಸ್ಟಾರ್ಟ್-ಅಪ್‌ಗಳಿಗೆ ಮಾರ್ಗದರ್ಶನ ಮತ್ತು ಬೆಂಬಲ: 

• ಇಸ್ರೋ ಗುರುತಿಸಿರುವ ಬಾಹ್ಯಾಕಾಶ ತಂತ್ರಜ್ಞಾನದ ಸ್ಟಾರ್ಟ್-ಅಪ್‌ಗಳನ್ನು ‘ಮೈಕ್ರೋಸಾಫ್ಟ್ ಫಾರ್ ಸ್ಟಾರ್ಟ್-ಅಪ್ಸ್ ಫೌಂಡರ್ಸ್ ಹಬ್ ಪ್ಲಾಟ್‌ಫಾರ್ಮ್’ಗೆ ಸೇರಿಸಲಾಗುತ್ತದೆ, ಯುನಿಕಾರ್ನ್‌ಗೆ ಪ್ರತಿಯೊಂದು ಹಂತದಲ್ಲೂ ಸ್ಟಾರ್ಟ್‌ಅಪ್‌ಗಳನ್ನು ಬೆಂಬಲಿಸುತ್ತದೆ.
• ತಂತ್ರಜ್ಞಾನಕ್ಕೆ ಪ್ರವೇಶ ಮಾತ್ರವಲ್ಲದೆ, ಮೈಕ್ರೋ ಸಾಫ್ಟ್ ಸಂಸ್ಥೆಯು ಬಾಹ್ಯಾಕಾಶ ತಂತ್ರಜ್ಞಾನದ ಉದ್ಯಮಿಗಳಿಗೆ ಸ್ಪೇ ಸ್ ಎಂಜಿನಿಯರಿಂಗ್ನಿಂದ ಆರಂಭಿಸಿ ಕ್ಲೌಡ್ ತಂತ್ರಜ್ಞಾನಗಳ ಉತ್ಪನ್ನ ಮತ್ತು ವಿನ್ಯಾಸ, ನಿಧಿಸಂಗ್ರಹ, ಮಾರಾಟ ಮತ್ತು ಮಾರ್ಕೆಟಿಂಗ್ವರೆಗಿನ ಕ್ಷೇತ್ರಗಳಲ್ಲಿ ಮಾರ್ಗದರ್ಶನ ಮತ್ತು ಬೆಂಬಲ ಒದಗಿಸುತ್ತದೆ.
• ಸಂಸ್ಥಾಪಕರು, ಉದ್ಯಮಗಳು ಮತ್ತು ಗ್ರಾಹಕರೊಂದಿಗೆ ಸಂಪರ್ಕವನ್ನು ಹೊಂದಲು ಮತ್ತು ಬೆಳವಣಿಗೆಯನ್ನು ತ್ವರಿತಗೊಳಿಸಲು ಸೂಕ್ತವಾದ ನವೋದ್ಯಮ ಕೇಂದ್ರಿತ ತರಬೇತಿ ವಿಷಯ ಮತ್ತು ಕಾರ್ಯಕ್ರಮಗಳಿಗಾಗಿ ಮೈಕ್ರೋ ಸಾಫ್ಟ್ ಲರ್ನ್ಗೆ ಪ್ರವೇಶ ಪಡೆಯುತ್ತಾರೆ.
• ಬಾಹ್ಯಾಕಾಶ ಉದ್ಯಮದ ತಜ್ಞರು ನವೋದ್ಯಮಗಳಿಗಾಗಿ ಜ್ಞಾನ ಹಂಚಿಕೆಯ ಕೆಲಸವನ್ನು ಮೈಕ್ರೋ ಸಾಫ್ಟ್ ಮತ್ತು ಇಸ್ರೋ ಸಂಸ್ಥೆಗಳು ಜಂಟಿಯಾಗಿ ಆಯೋಜಿಸಿದೆ. ಅಲ್ಲದೆ, ಈ ಸಹಯೋಗವು ನವೋದ್ಯಮಗಳ ಸಂಸ್ಥಾಪಕರಿಗೆ ಗೋ-ಟು-ಮಾರ್ಕೆಟ್ ತಂತ್ರಗಳು, ತಾಂತ್ರಿಕ ಬೆಂಬಲ ಮತ್ತು ಮೈಕ್ರೋ ಸಾಫ್ಟ್ ಚಾನೆಲ್ಗಳು ಮತ್ತು ಮಾರುಕಟ್ಟೆಯ ಮೂಲಕ ತಮ್ಮ ಪರಿಕರವನ್ನು ಮಾರಾಟ ಮಾಡಲು ಅವಕಾಶ ಒದಗಿಸುತ್ತವೆ.

ಪ್ರಯೋಜನಗಳು

• ಭಾರತದಲ್ಲಿನ ಬಾಹ್ಯಾಕಾಶ-ತಂತ್ರಜ್ಞಾನದ ಸ್ಟಾರ್ಟ್-ಅಪ್ ಸಂಸ್ಥಾಪಕರು ತಮ್ಮ ವ್ಯವಹಾರವನ್ನು ನಡೆಸಲು ಅಗತ್ಯವಿರುವ ಟೆಕ್ ಉಪಕರಣಗಳು ಮತ್ತು ಸಂಪನ್ಮೂಲಗಳನ್ನು ಪಡೆಯಲು ಅನುಕೂಲವಾಗುತ್ತದೆ. GitHub ಎಂಟರ್‌ಪ್ರೈಸ್, ವಿಷುಯಲ್ ಸ್ಟುಡಿಯೋ ಎಂಟರ್‌ಪ್ರೈಸ್ ಮತ್ತು ಮೈಕ್ರೋಸಾಫ್ಟ್ 365 ಮತ್ತು ಪವರ್ ಬಿಐ ಮತ್ತು ಡೈನಾಮಿಕ್ಸ್ 365 ನೊಂದಿಗೆ ಸ್ಮಾರ್ಟ್ ಅನಾಲಿಟಿಕ್ಸ್‌ಗೆ ಪ್ರವೇಶವನ್ನು ಒಳಗೊಂಡಂತೆ ಅತ್ಯುತ್ತಮ-ದರ್ಜೆಯ ಡೆವಲಪರ್ ಮತ್ತು ಉತ್ಪಾದಕತೆಯ ಪರಿಕರಗಳನ್ನು ಹೊಂದುತ್ತವೆ.
• ಎಂಒಯು ದೇಶದಾದ್ಯಂತ ಬಾಹ್ಯಾಕಾಶ ಟೆಕ್ ಸ್ಟಾರ್ಟ್-ಅಪ್‌ಗಳನ್ನು ತಂತ್ರಜ್ಞಾನ ಪರಿಕರಗಳು ಮತ್ತು ಪ್ಲಾಟ್‌ಫಾರ್ಮ್‌ಗಳೊಂದಿಗೆ(Platforms) ಸಶಕ್ತಗೊಳಿಸಲು ಪ್ರಯತ್ನಿಸುತ್ತದೆ. ಮಾರುಕಟ್ಟೆಯ ಪ್ರೋತ್ಸಾಹದೊಂದಿಗೆ ಉದ್ಯಮಶೀಲವಾಗಿ ಬೆಳೆಯಲು ಈ ಒಪ್ಪಂದದಿಂದ ಸಹಾಯವಾಗುತ್ತದೆ.
• ಮೈಕ್ರೋಸಾಫ್ಟ್ ಜೊತೆಗಿನ ಬಾಹ್ಯಾಕಾಶ ಸಂಸ್ಥೆಯ ಸಹಯೋಗವು AI, ಯಂತ್ರ ಕಲಿಕೆ ಮತ್ತು ಆಳವಾದ ಕಲಿಕೆಯಂತಹ ಅತ್ಯಾಧುನಿಕ ವಿಧಾನಗಳನ್ನು ಬಳಸಿಕೊಂಡು ವಿವಿಧ ಅಪ್ಲಿಕೇಶನ್‌ಗಳಿಗಾಗಿ ಅಪಾರ ಪ್ರಮಾಣದ ಉಪಗ್ರಹ ಡೇಟಾವನ್ನು ವಿಶ್ಲೇಷಿಸಲು ಮತ್ತು ಪ್ರಕ್ರಿಯೆಗೊಳಿಸಲು ಬಾಹ್ಯಾಕಾಶ ತಂತ್ರಜ್ಞಾನದ ಸ್ಟಾರ್ಟ್-ಅಪ್‌ಗಳಿಗೆ ಹೆಚ್ಚು ಪ್ರಯೋಜನವನ್ನು ನೀಡುತ್ತದೆ.

ಇಸ್ರೋ

• ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯಾಗಿದೆ
• ಕೇಂದ್ರ ಕಛೇರಿ: ಬೆಂಗಳೂರು
• ಸ್ಥಾಪನೆ: 15 ಆಗಸ್ಟ್ 1969
• ಸ್ಥಾಪಕ: ವಿಕ್ರಮ್ ಸಾರಾಭಾಯ್
• ಪೋಷಕ ಸಂಸ್ಥೆ: ಬಾಹ್ಯಾಕಾಶ ಆಯೋಗ

ಮೈಕ್ರೋಸಾಫ್ಟ್

• ಮೈಕ್ರೋಸಾಫ್ಟ್ ಕಾರ್ಪೊರೇಷನ್ ಕಂಪ್ಯೂಟರ್ ಸಾಫ್ಟ್‌ವೇರ್, ಗ್ರಾಹಕ ಎಲೆಕ್ಟ್ರಾನಿಕ್ಸ್, ಪರ್ಸನಲ್ ಕಂಪ್ಯೂಟರ್‌ಗಳು ಮತ್ತು ಸಂಬಂಧಿತ ಸೇವೆಗಳನ್ನು ಉತ್ಪಾದಿಸುವ ಅಮೇರಿಕನ್ ಬಹುರಾಷ್ಟ್ರೀಯ ತಂತ್ರಜ್ಞಾನ ಕಂಪನಿಯಾಗಿದೆ.
• ಸ್ಥಾಪಕರು: ಬಿಲ್ ಗೇಟ್ಸ್, ಪಾಲ್ ಅಲೆನ್
• ಪ್ರಧಾನ ಕಛೇರಿ: ರೆಡ್ಮಂಡ್, ವಾಷಿಂಗ್ಟನ್, ಯುನೈಟೆಡ್ ಸ್ಟೇಟ್ಸ್
• ಸ್ಥಾಪನೆ: 4 ಏಪ್ರಿಲ್ 1975
• ಅಧ್ಯಕ್ಷರು: ಸತ್ಯ ನಾಡೆಲ್ಲಾ (ಅಧ್ಯಕ್ಷರು ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ)