ಸುದ್ದಿಯಲ್ಲಿ ಏಕಿದೆ? ಮಾಹಿತಿ ತಂತ್ರಜ್ಞಾನ ವಲಯದಲ್ಲಿ ಬಂಡವಾಳ ಆಕರ್ಷಿಸುವ ಹಾಗೂ ಭಾರತೀಯ ಕಂಪನಿಗಳ ಸಾಮರ್ಥ್ಯ ವೃದ್ಧಿಗೆ ಕೇಂದ್ರ ಸರಕಾರವು ಐಟಿ ಹಾರ್ಡ್‌ವೇರ್‌ ಕ್ಷೇತ್ರಕ್ಕೆ 17,000 ಕೋಟಿ ರೂಪಾಯಿ ಉತ್ಪಾದನೆ ಆಧಾರಿತ ಇನ್ಸೆಂಟಿವ್‌ ಯೋಜನೆಯನ್ನು ಘೋಷಿಸಿದೆ.

ಮುಖ್ಯಾಂಶಗಳು

• ಲ್ಯಾಪ್‌ಟಾಪ್‌ಗಳು, ಟ್ಯಾಬ್ಲೆಟ್‌ಗಳು, ಆಲ್‌-ಇನ್‌-ಒನ್‌ ಪಿಸಿಗಳು, ಸರ್ವರ್‌ಗಳು ಹಾಗೂ ಅತಿ ಚಿಕ್ಕ ಡಿವೈಸ್‌ ಅಲ್ಟ್ರಾ-ಸ್ಮಾಲ್ ಫಾರ್ಮ್ ಫ್ಯಾಕ್ಟರ್ ಸಾಧನಗಳ ಉತ್ಪಾದನೆ ಹೆಚ್ಚಿಸಲು ಸರಕಾರವು 6 ವರ್ಷಗಳ ಅವಧಿಗೆ ಈ 17,000 ಕೋಟಿ ರೂಪಾಯಿಗಳ ನೆರವು ನೀಡಲಿದೆ.

ಪ್ರಯೋಜನಗಳು

• 2025-26ರ ವೇಳೆಗೆ 300 ಶತಕೋಟಿ ಡಾಲರ್ (ಸುಮಾರು ರೂ.25 ಲಕ್ಷ ಕೋಟಿ) ಮೌಲ್ಯದ ದೇಶೀಯ ಎಲೆಕ್ಟ್ರಾನಿಕ್ಸ್ ಉತ್ಪಾದನೆಯೊಂದಿಗೆ ಡಿಜಿಟಲ್ ಆರ್ಥಿಕತೆಯ ಗುರಿಯನ್ನು ರೂ.82 ಲಕ್ಷ ಕೋಟಿಗೆ ತಲುಪಿಸಲು ಯೋಜನೆಯು ಸಹಾಯ ಮಾಡುತ್ತದೆ.
• ಪ್ರೋತ್ಸಾಹಧನ ಹೆಚ್ಚಾಗಲಿದೆ: PLI 2.O ಯೋಜನೆಯಡಿ, ಕಂಪನಿಗಳು 5 ಪ್ರತಿಶತದವರೆಗೆ ಪ್ರೋತ್ಸಾಹವನ್ನು ಪಡೆಯುತ್ತವೆ. ಅಲ್ಲದೆ, ಸರಕುಗಳ ಉತ್ಪಾದನೆಗೆ ದೇಶೀಯವಾಗಿ ತಯಾರಿಸಿದ ಭಾಗಗಳನ್ನು ಬಳಸಿದರೆ 4 ಪ್ರತಿಶತದಷ್ಟು ಹೆಚ್ಚುವರಿ ಪ್ರೋತ್ಸಾಹ ಲಭ್ಯವಿದೆ. ಹಳೆಯ ಪಿಎಲ್ಐ ಯೋಜನೆಯಲ್ಲಿ ಶೇ.2ರಷ್ಟಿತ್ತು.
• 75,000 ಉದ್ಯೋಗಗಳು: ಇತ್ತೀಚಿನ ಯೋಜನೆಯು ರೂ.2,430 ಕೋಟಿ ಹೂಡಿಕೆಗಳನ್ನು ಉತ್ಪಾದಿಸುತ್ತದೆ ಎಂದು ಅಂದಾಜಿಸಲಾಗಿದೆ. ಇದು 3.35 ಲಕ್ಷ ಕೋಟಿ ರೂಪಾಯಿ ಮೌಲ್ಯದ ಹೆಚ್ಚುವರಿ ಉತ್ಪಾದನೆಯನ್ನು ಉತ್ಪಾದಿಸುತ್ತದೆ ಮತ್ತು ನಿಗದಿತ ಅವಧಿಯಲ್ಲಿ 75,000 ಜನರಿಗೆ ನೇರ ಉದ್ಯೋ ಗಾವಕಾಶಗಳನ್ನು ಒದಗಿಸುತ್ತದೆ

ಉದ್ದೇಶ

• ಈ ವಲಯದಲ್ಲಿ ಬಜೆಟ್ ವೆಚ್ಚವನ್ನು ಹೆಚ್ಚಿಸಲು ಉದ್ಯಮ ಗುಂಪುಗಳು ಸರ್ಕಾರಕ್ಕೆ ವಿನಂತಿಸಿದ ಹಿನ್ನೆಲೆಯಲ್ಲಿ ಇತ್ತೀಚಿನ PLI 2.O ಯೋಜನೆಯನ್ನು ಘೋಷಿಸಲಾಗಿದೆ. “ಸರಕಾರದ ಈ ಇನ್ಸೆಂಟಿವ್‌ ಯೋಜನೆಯು ದೇಶೀಯವಾಗಿ ಐಟಿ ಹಾರ್ಡ್‌ವೇರ್‌ ಸರಕುಗಳನ್ನು ಉತ್ಪಾದಿಸಲು ಕಂಪನಿಗಳಿಗೆ ಉತ್ತೇಜನ ನೀಡಲಿದ್ದು, ಬೃಹತ್‌ ಪ್ರಮಾಣದಲ್ಲಿ ರಫ್ತಿಗೂ ಅನುಕೂಲವಾಗಲಿದೆ.

ಪಿಎಲ್‌ಐ ಯೋಜನೆ

• PLI ಯೋಜನೆಯನ್ನು ಏಪ್ರಿಲ್ 2020 ರಿಂದ ಪ್ರಾರಂಭಿಸಲಾಗಿದೆ. ಈ ಯೋಜನೆಯನ್ನು ಮುಖ್ಯವಾಗಿ ಮೊಬೈಲ್ ಫೋನ್ಗಳ ಉತ್ಪಾದನೆಯನ್ನು ಗಮನದಲ್ಲಿಟ್ಟುಕೊಂಡು ತರಲಾಗಿದೆ. ಸರಕಾರ ಈ ಹಿಂದೆ 2021ರಲ್ಲಿ ನಾಲ್ಕು ವರ್ಷಗಳ ಅವಧಿಗೆಂದು ಐಟಿ ಹಾರ್ಡ್‌ವೇರ್‌ ವಲಯಕ್ಕೆ 7,300 ಕೋಟಿ ರೂ. ಉತ್ಪಾದನೆ ಆಧಾರಿತ ಇನ್ಸೆಂಟಿವ್‌ ಯೋಜನೆ ಘೋಷಿಸಿತ್ತು. ಆಗಲೂ ಇದನ್ನು ಲ್ಯಾಪ್ಟಾಪ್ಗಳು, ಟ್ಯಾಬ್ಲೆಟ್ PCಗಳು, ಆಲ್ ಇನ್ ಒನ್ ಪಿಸಿಗಳು ಮತ್ತು ಸರ್ವರ್ಗಳಿಗೆ ಅನ್ವಯಿಸಲಾಯಿತು.

ಈ ಕ್ಷೇತ್ರದಲ್ಲಿ ಭಾರತದ ಸಾಧನೆ

• ಭಾರತವು ವಿಶ್ವದಲ್ಲಿ ಮೊಬೈಲ್ ಫೋನ್ಗಳ ಎರಡನೇ ಅತಿದೊಡ್ಡ ಉತ್ಪಾದಕವಾಗಿದೆ.
• 2023 ಮಾರ್ಚ್‌ನಲ್ಲಿ ಮೊಬೈಲ್ ಫೋನ್ ರಫ್ತು 11 ಶತಕೋಟಿ ಡಾಲರ್ (ಸುಮಾರು 90,000 ಕೋಟಿ ರೂ.) ಮೈಲಿಗಲ್ಲನ್ನು ದಾಟಿದೆ.
• ಚೀನಾ ಹಾಗೂ ಇತರೆ ದೇಶಗಳಲ್ಲಿ ಉತ್ಪಾದನೆ ಆರಂಭಿಸಲು ಮುಂದಾಗಿರುವ ಅಂತಾರಾಷ್ಟ್ರೀಯ ಎಲೆಕ್ಟ್ರಾನಿಕ್ಸ್ ತಯಾರಿಕಾ ಕಂಪನಿಗಳು ನಮ್ಮ ದೇಶವನ್ನು ಆಯ್ಕೆ ಮಾಡಿಕೊಳ್ಳುತ್ತಿ ವೆ.
• ಎಲೆಕ್ಟ್ರಾನಿಕ್ಸ್‌ ಕ್ಷೇತ್ರದಲ್ಲಿ ಭಾರತ ದೊಡ್ಡ ಮಟ್ಟದ ಸಾಧನೆ ಮಾಡಿದೆ. ದೂರಸಂಪರ್ಕ ವಲಯದಲ್ಲೂ ಭಾರತದ ಎರಡು ಕಂಪನಿಗಳು ಬಾಹ್ಯಾಕಾಶ ವಲಯದಲ್ಲಿ ಹೆಚ್ಚು ಬಳಕೆಯಾಗುವಂಥಹ ಅತ್ಯುನ್ನತ ರೇಡಿಯೊ ಉಪಕರಣಗಳ ಉತ್ಪಾದನೆಯಲ್ಲಿ ಮುಂಚೂಣಿಯಲ್ಲಿವೆ.
• ಅಮೆರಿಕ, ಜರ್ಮನಿ, ಫ್ರಾನ್ಸ್‌ ಕೂಡ ಭಾರತದಿಂದ ಈ ಉಪಕರಣಗಳನ್ನು ಆಮದು ಮಾಡಿಕೊಳ್ಳುತ್ತಿವೆ. ಅದರಂತೆ ಈ ಐಟಿ ಹಾರ್ಡ್‌ವೇರ್‌ ವಲಯದ ಇನ್ಸೆಂಟಿವ್‌ ಯೋಜನೆ ಉತ್ತಮ ಫಲ ಕೊಡಲಿದೆ.