Published on: May 23, 2023
ಚುಟುಕು ಸಮಾಚಾರ : 20 ಮೇ 2023
ಚುಟುಕು ಸಮಾಚಾರ : 20 ಮೇ 2023
- ಮೋದಿ ಅವರು ಮೇ 18 ರಂದು ನವದೆಹಲಿಯ ಪ್ರಗತಿ ಮೈದಾನದಲ್ಲಿ ಅಂತಾರಾಷ್ಟ್ರೀಯ ಮ್ಯೂಸಿಯಂ ಎಕ್ಸ್ಪೋ-2023 ಉದ್ಘಾಟಿಸಿದರು. 47 ನೇ ಅಂತರರಾಷ್ಟ್ರೀಯ ವಸ್ತುಸಂಗ್ರಹಾಲಯ ದಿನವನ್ನು ಆಚರಿಸಲು ಆಜಾದಿ ಕಾ ಅಮೃತ್ ಮಹೋತ್ಸವದ ಭಾಗವಾಗಿ ಅಂತರರಾಷ್ಟ್ರೀಯ ಮ್ಯೂಸಿಯಂ ಎಕ್ಸ್ಪೋವನ್ನು ಆಯೋಜಿಸಲಾಗಿದೆ. ಥೀಮ್:’ವಸ್ತುಸಂಗ್ರಹಾಲಯಗಳು, ಸುಸ್ಥಿರತೆ ಮತ್ತು ಯೋಗಕ್ಷೇಮ’ .ಮ್ಯಾಸ್ಕಾಟ್ (ಚಿಹ್ನೆ) : ಇಂಟರ್ನ್ಯಾಷನಲ್ ಮ್ಯೂಸಿಯಂ ಎಕ್ಸ್ಪೋದ ಮ್ಯಾಸ್ಕಾಟ್ ಚೆನ್ನಪಟ್ಟಣಂ ಕಲಾ ಶೈಲಿಯಲ್ಲಿ ಮರದಿಂದ ಮಾಡಿದ ಡ್ಯಾನ್ಸಿಂಗ್ ಗರ್ಲ್ನ (ನೃತ್ಯ ಮಾಡುತ್ತಿರುವ ಬಾಲಕಿ) ಸಮಕಾಲೀನ ಆವೃತ್ತಿಯಾಗಿದೆ.
- ದೆಹಲಿ ಸಂಚಾರ ದಟ್ಟಣೆಯ ಯೋಜನೆಯ ಭಾಗವಾಗಿ ನಿರ್ಮಾಣವಾಗುತ್ತಿರುವ ಭಾರತದ ಮೊದಲ 8 ಲೇನ್ ಎಲಿವೇಟೆಡ್ ಅರ್ಬನ್ ಎಕ್ಸ್ಪ್ರೆಸ್ವೇ ದ್ವಾರಕಾ ಎಕ್ಸ್ಪ್ರೆಸ್ವೇ ಮುಂದಿನ 3-4 ತಿಂಗಳುಗಳಲ್ಲಿ ಪೂರ್ಣಗೊಳ್ಳಲಿದೆ ಎಂದು ಕೇಂದ್ರ ಸಚಿವ ನಿತಿನ್ ಗಡ್ಕರಿ ಘೋಷಿಸಿದ್ದಾರೆ. ದೆಹಲಿಯ ಈ ಎಕ್ಸ್ಪ್ರೆಸ್ ವೇಯಲ್ಲಿ ದೇಶದ ಅತ್ಯಂತ ಅಗಲವಾದ 3.6 ಕಿಲೋಮೀಟರ್ ಉದ್ದದ 8 ಲೇನ್ ಸುರಂಗವನ್ನು ನಿರ್ಮಿಸಲಾಗುತ್ತಿದೆ. ಈ ಸಂಪೂರ್ಣ ಎಕ್ಸ್ಪ್ರೆಸ್ವೇ ಸ್ವಯಂಚಾಲಿತ ಟೋಲ್ ವ್ಯವಸ್ಥೆಯನ್ನು ಹೊಂದಿರುತ್ತದೆ ಮತ್ತು ಇಂಟೆಲಿಜೆಂಟ್ ಟ್ರಾನ್ಸ್ ಪೋರ್ಟ್ ಸಿಸ್ಟಮ್ ( ಐಟಿಎಸ್ ) ಸೌಲಭ್ಯವನ್ನು ಹೊಂದಿರುತ್ತದೆ.
- ದೇಶದ 75 ಮಿಲಿಯನ್ ಅಧಿಕ ರಕ್ತದೊತ್ತಡ, ಮಧುಮೇಹ ಜನಸಂಖ್ಯೆಯನ್ನು 2025 ರ ವೇಳೆಗೆ ಗುಣಮಟ್ಟದ ಆರೈಕೆಯಡಿ ತರುವುದಕ್ಕೆ ಕೇಂದ್ರ ಆರೋಗ್ಯ ಸಚಿವಾಲಯ 75/25 ಯೋಜನೆಯನ್ನು ಜಾರಿಗೆ ತಂದಿದೆ. ಸಾಂಕ್ರಾಮಿಕವಲ್ಲದ ರೋಗಗಳ ವಿರುದ್ಧದ ಜಗತ್ತಿನ ಅತಿ ದೊಡ್ಡ ಅಭಿಯಾನ ಇದಾಗಿದ್ದು ವಿಶ್ವ ಅಧಿಕ ರಕ್ತದೊತ್ತಡ ದಿನ (ಮೇ 17) ದಂದು ಅಭಿಯಾನವನ್ನು ಆರಂಭಿಸಲಾಗಿದೆ. ಕೇಂದ್ರ ಆರೋಗ್ಯ ಸಚಿವಾಲಯ ಮತ್ತು ಡಬ್ಲ್ಯುಎಚ್ಒ ಆಯೋಜಿಸಿದ “ಅಸಿಲರೇಟಿಂಗ್ ಪ್ರಿವೆನ್ಷನ್ ಅಂಡ್ ಮ್ಯಾನೇಜ್ಮೆಂಟ್ ಆಫ್ ಹೈಪರ್ಟೆನ್ಷನ್ ಅಂಡ್ ಡಯಾಬಿಟಿಸ್” ಎಂಬ G20 ಸಹ-ಬ್ರಾಂಡೆಡ್ ಈವೆಂಟ್ನಲ್ಲಿ ಇದನ್ನು ಘೋಷಿಸಲಾಗಿದೆ
- ಬಂದರುಗಳು, ಹಡಗು ಮತ್ತು ಜಲಮಾರ್ಗಗಳ ಸಚಿವಾಲಯ (MoPSW) ಒಳನಾಡು ಜಲಮಾರ್ಗಗಳನ್ನು ಅಭಿವೃದ್ಧಿಪಡಿಸಲು ಮುಂದಾಗಿದೆ. ಈ ಸಾಲಿನಲ್ಲಿ, ಬ್ರಹ್ಮಪುತ್ರ ನದಿಯ ಮೇಲೆ ಅಭಿವೃದ್ಧಿಪಡಿಸಲಾಗುತ್ತಿರುವ ‘ನದಿ ಆಧಾರಿತ ಪ್ರವಾಸೋದ್ಯಮ ಸರ್ಕ್ಯೂಟ್’ ಗಾಗಿ ಭಾರತದ ಒಳನಾಡು ಜಲಮಾರ್ಗಗಳ ಪ್ರಾಧಿಕಾರ (IWAI), ಸಾಗರಮಾಲಾ ಡೆವಲಪ್ಮೆಂಟ್ ಕಂಪನಿ ಲಿಮಿಟೆಡ್ (SDCL), ಅಸ್ಸಾಂ ಪ್ರವಾಸೋದ್ಯಮ ಅಭಿವೃದ್ಧಿ ನಿಗಮ ಲಿಮಿಟೆಡ್ (ATDC) ಮತ್ತು ಒಳನಾಡು ಜಲ ಸಾರಿಗೆ (DIWT) ಅಸ್ಸಾಂ ನಿರ್ದೇಶನಾಲಯದ ನಡುವೆ ಸಹಿ ಹಾಕಲಾಗುತ್ತದೆ. ಈ ಯೋಜನೆಯನ್ನು ಸಾಗರಮಾಲಾ ಕಾರ್ಯಕ್ರಮದ ಅಡಿಯಲ್ಲಿ ರೂ.40-45 ಕೋಟಿಗಳ ಆರಂಭಿಕ ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ
