Published on: July 8, 2024
ಚುಟುಕು ಸಮಾಚಾರ :6 and 8 ಜುಲೈ 2024
ಚುಟುಕು ಸಮಾಚಾರ :6 and 8 ಜುಲೈ 2024
- ಕಾವೇರಿಯಲ್ಲಿನ ಮಾಲಿನ್ಯದ ಮಟ್ಟವನ್ನು ಅಧ್ಯಯನ ಮಾಡಲು ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿಯ ಮುಖ್ಯ ಪರಿಸರ ಅಧಿಕಾರಿ ನಿರಂಜನ್ ಅವರ ನೇತೃತ್ವದಲ್ಲಿ ಕರ್ನಾಟಕ ಸರ್ಕಾರವು ತಜ್ಞರ ಸಮಿತಿಯನ್ನು ರಚಿಸಿದೆ. ಈ ಸಂಬಂಧ ಅರಣ್ಯ ಇಲಾಖೆಯು ಆದೇಶ ಹೊರಡಿಸಿದೆ. ಆದೇಶ ತಲುಪಿದ 10 ದಿನಗಳ ಒಳಗೆ ಅಧ್ಯಯನ ವರದಿಯನ್ನು ಸಲ್ಲಿಸಬೇಕು ಎಂ ದು ಸೂಚಿಸಿದೆ. ಮಾಲಿನ್ಯ ನಿಯಂತ್ರಣ ಮಂಡಳಿಯ ಮೈಸೂರು ಪ್ರಾದೇಶಿಕ ಕಚೇರಿಯ ಹಿರಿಯ ಪರಿಸರ ಅಧಿಕಾರಿ ಸದಸ್ಯ ಸಂಯೋಜಕರಾಗಿರುತ್ತಾರೆ.
- ಭಾರತವು ತನ್ನ ಮೊದಲ ಸ್ವದೇಶಿ ವಿಕಿರಣ ವಿರೋಧಿ ಕ್ಷಿಪಣಿ ‘ರುದ್ರಂ-1’ ಅನ್ನು ಯಶಸ್ವಿಯಾಗಿ ಪರೀಕ್ಷಿಸಿದೆ. ಕ್ಷಿಪಣಿಯ ವಿವರ: ಇದನ್ನು ಭಾರತೀಯ ವಾಯುಪಡೆಗಾಗಿ DRDO ಅಭಿವೃದ್ಧಿಪಡಿಸಿದೆ ಇದು ಭಾರತದ ಮೊದಲ ಸ್ಥಳೀಯ ವಿಕಿರಣ ವಿರೋಧಿ ಕ್ಷಿಪಣಿಯಾಗಿದೆ. ಇದು ಸುಖೋಯ್-30MKI ಫೈಟರ್ ಜೆಟ್ಗಳಿಂದ ಉಡಾವಣೆಯಾದ ಆಕಾಶದಿಂದ ಭೂ ಮೇಲ್ಮೈಗೆ ಹಾರುವ ವಿಕಿರಣ ವಿರೋಧಿ ಕ್ಷಿಪಣಿಯಾಗಿದೆ. 500 ಮೀಟರ್ಗಳಿಂದ 15 ಕಿಮೀ ಎತ್ತರದಲ್ಲಿ ಮತ್ತು 250 ಕಿಮೀ ದೂರದವರೆಗೆ ಪರಿಣಾಮಕಾರಿ ವ್ಯಾಪ್ತಿಯನ್ನು ಹೊಂದಿದೆ. ವೇಗ: ಮ್ಯಾಕ್ 2
- ಭಾರತ-ಮಂಗೋಲಿಯಾ ಜಂಟಿ ಮಿಲಿಟರಿ ವ್ಯಾಯಾಮ NOMADIC ELEPHANT ಅನ್ನು ಮೇಘಾಲಯದ ಉಮ್ರೋಯ್ನಲ್ಲಿ ನಡೆಸಲಾಗುತ್ತಿದೆ. ವ್ಯಾಯಾಮದ ಬಗ್ಗೆ: ಆವೃತ್ತಿ: 16 ನೇ ಭಾರತೀಯ ತುಕಡಿಯನ್ನು ಸಿಕ್ಕಿಮ್ ಸ್ಕೌಟ್ಸ್ನ ಬೆಟಾಲಿಯನ್ ಮತ್ತು ಇತರ ಶಸ್ತ್ರಾಸ್ತ್ರಗಳು ಮತ್ತು ಸೇವೆಗಳ ಸಿಬ್ಬಂದಿ ಪ್ರತಿನಿಧಿಸುತ್ತಿದ್ದಾರೆ. ಇದು ಭಾರತ ಮತ್ತು ಮಂಗೋಲಿಯಾದಲ್ಲಿ ಪರ್ಯಾಯವಾಗಿ ನಡೆಸುವ ವಾರ್ಷಿಕ ತರಬೇತಿ ಕಾರ್ಯಕ್ರಮವಾಗಿದೆ. ಕೊನೆಯ ಆವೃತ್ತಿಯನ್ನು ಜುಲೈ 2023 ರಲ್ಲಿ ಮಂಗೋಲಿಯಾದಲ್ಲಿ ನಡೆಸಲಾಯಿತು.
- ಇತ್ತೀಚೆಗೆ, ಬೋರ್ನಿಯೊ ಆನೆಗಳನ್ನು (ಎಲಿಫಾಸ್ ಮ್ಯಾಕ್ಸಿಮಸ್ ಬೊರ್ನೆನ್ಸಿಸ್) IUCN ಕೆಂಪು ಪಟ್ಟಿಯಲ್ಲಿ ‘ಅಳಿವಿನಂಚಿನಲ್ಲಿ ವೆ ಎಂದು ವರ್ಗೀಕರಿಸಲಾಗಿದೆ. ಸುಮಾರು 1,000 ಬೊರ್ನಿಯೊ ಆನೆಗಳು ಮಾತ್ರ ಉಳಿದಿವೆ, ಅವುಗಳಲ್ಲಿ 400 ಆನೆಗಳು ವೃದ್ಧಾಪ್ಯವನ್ನು ಹೊಂದಿವೆ. ಮಾನವ-ಆನೆಗಳ ಸಂಘರ್ಷ, ಬೇಟೆಯಾಡುವಿಕೆ, ಮರಗಳನ್ನು ಕಡಿಯುವುದು ಮತ್ತು ತಾಳೆ ಎಣ್ಣೆ ತೋಟಗಳಿಂದ ಉಂಟಾದ ಆವಾಸಸ್ಥಾನದ ನಷ್ಟವು ಅವುಗಳಿಗೆ ಮುಖ್ಯ ಬೆದರಿಕೆಯಾಗಿದೆ.
- ಇತ್ತೀಚೆಗೆ, ಅಂಕಿಅಂಶ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯ (MoSPI) ರಾಷ್ಟ್ರೀಯ ಖಾತೆಗಳ ಮೂಲ ವರ್ಷದ ಪರಿಷ್ಕರಣೆಯನ್ನು ಮೇಲ್ವಿಚಾರಣೆ ಮಾಡಲು ಸಮಿತಿಯನ್ನು ರಚಿಸಿದೆ ಸ್ಥಾಪಿಸಿದೆ. 26-ಸದಸ್ಯ ಸಮಿತಿಯು ಬಿಸ್ವಂತ ಗೋಲ್ಡರ್ ಅವರ ಅಧ್ಯಕ್ಷತೆಯಲ್ಲಿ ನಡೆಯಲಿದೆ. ಪ್ರಸ್ತುತ ಮೂಲ ವರ್ಷ 2011-12 ಆಗಿದೆ ಅದನ್ನು 2020-21 ಕ್ಕೆ ಪರಿಷ್ಕರಿಸಲು ಪ್ರಸ್ತಾಪಿಸಲಾಗಿದೆ.
- ರಾಷ್ಟ್ರೀಯ ಉಪ ಭದ್ರತಾ ಸಲಹೆಗಾರ (deputy NSA) ರಾಜಿಂದರ್ ಖನ್ನಾ ಅವರನ್ನು ಹೆಚ್ಚುವರಿ(additional) NSA ಆಗಿ ನೇಮಿಸಲಾಗಿದೆ. ಇದೇ ಮೊದಲ ಬಾರಿಗೆ ಹೆಚ್ಚುವರಿ ಎನ್ಎಸ್ಎ ಹುದ್ದೆ ಭರ್ತಿಯಾಗಿದ್ದು, ಈ ಹುದ್ದೆಯು ಮೊದಲಿನಿಂದಲೂ ಅಸ್ತಿತ್ವದಲ್ಲಿದ್ದರು ಕೂಡ ಇಲ್ಲಿಯವರೆಗೆ ಯಾರನ್ನು ಈ ಹುದ್ದೆಗೆ ನೇಮಕ ಮಾಡಿರಲಿಲ್ಲ. ಇಂಟೆಲಿಜೆನ್ಸ್ ಬ್ಯೂರೋ ವಿಶೇಷ ನಿರ್ದೇಶಕ ಟಿ.ವಿ.ರವಿಚಂದ್ರನ್ ಅವರನ್ನು ರಾಷ್ಟ್ರೀಯ ಉಪ ಭದ್ರತಾ ಸಲಹೆಗಾರ ಆಗಿ ನೇಮಿಸಲಾಗಿದೆ.
- ಇತ್ತೀಚೆಗೆ, ಸ್ಟೀಲ್ ಸ್ಲ್ಯಾಗ್ ರಸ್ತೆ(ಕಬ್ಬಿಣ ಅಥವಾ ಉಕ್ಕಿನ ಉಪಉತ್ಪನ್ನ ಬಳಕೆ ಮಾಡಿ ನಿರ್ಮಿಸಿದ ರಸ್ತೆ)ಯ 1 ನೇ ಅಂತರರಾಷ್ಟ್ರೀಯ ಸಮ್ಮೇಳನ ನವದೆಹಲಿಯಲ್ಲಿ ನಡೆಯಿತು. ಆಯೋಜಿಸಿದವರು: ಕೇಂದ್ರ ರಸ್ತೆ ಸಂಶೋಧನಾ ಸಂಸ್ಥೆ, ವೈಜ್ಞಾನಿಕ ಮತ್ತು ಕೈಗಾರಿಕಾ ಸಂಶೋಧನಾ ಮಂಡಳಿ, ನವದೆಹಲಿ (CSIR-CRRI). ರಸ್ತೆ ನಿರ್ಮಾಣದಲ್ಲಿ ಸ್ಟೀಲ್ ಸ್ಲ್ಯಾಗ್ ಅನ್ನು ಬಳಸುವುದರಿಂದ ಹಸಿರುಮನೆ ಅನಿಲ ಹೊರಸೂಸುವಿಕೆ ಮತ್ತು ಇಂಗಾಲದ ಹೆಜ್ಜೆಗುರುತನ್ನು ಕಡಿಮೆ ಮಾಡುತ್ತದೆ, ಇದು ಸ್ವಚ್ಛ ಭಾರತ ಮಿಷನ್ಗೆ ಕೊಡುಗೆ ನೀಡುತ್ತದೆ. ಸಮ್ಮೇಳನವು ನವೀನ ತಂತ್ರಜ್ಞಾನಗಳ ಮೂಲಕ ತ್ಯಾಜ್ಯವನ್ನು ಸಂಪತ್ತಾಗಿ ಪರಿವರ್ತಿಸುವ ಮಹತ್ವವನ್ನು ಒತ್ತಿಹೇಳಿತು.
- ಜಾವೆಲಿನ್ ಥ್ರೋ ಚಾಂಪಿಯನ್ ಮತ್ತು ಒಲಿಂಪಿಕ್ ಚಿನ್ನದ ಪದಕ ಗೆದ್ದ ಮೊದಲ ಭಾರತೀಯ ಟ್ರ್ಯಾಕ್ ಮತ್ತು ಫೀಲ್ಡ್ ಅಥ್ಲೀಟ್ ನೀರಜ್ ಚೋಪ್ರಾ ಅವರು ಪ್ಯಾರಿಸ್ 2024 ರ ಒಲಿಂಪಿಕ್ಸ್‌ನಲ್ಲಿ 28 ಸದಸ್ಯರ ಭಾರತೀಯ ಅಥ್ಲೆಟಿಕ್ಸ್ ತಂಡವನ್ನು ಮುನ್ನಡೆಸಲಿದ್ದಾರೆ. ಈ ತಂಡದಲ್ಲಿ 17 ಜನ ಪುರುಷ ಮತ್ತು 11 ಜನ ಮಹಿಳಾ ಅಥ್ಲೆಟಿಗಳು ಇದ್ದಾರೆ. 2024 ರ ಬೇಸಿಗೆ ಒಲಿಂಪಿಕ್ಸ್ ಜುಲೈ 26 ರಿಂದ ಆಗಸ್ಟ್ 11, 2024 ರವರೆಗೆ ಪ್ಯಾರಿಸ್ ನಲ್ಲಿ ನಡೆಯಲಿದೆ.
