ಸುದ್ಧಿಯಲ್ಲಿ ಏಕಿದೆ?ದಿಲ್ಲಿ ವಾಯುಮಾಲಿನ್ಯ ನಿಯಂತ್ರಿಸಲು ಅರವಿಂದ್‌ ಕೇಜ್ರಿವಾಲ್‌ ನೇತೃತ್ವದ ಸರಕಾರ ಸಾಕಷ್ಟು ಮುಂಚಿತವಾಗಿಯೇ ಕಾರ್ಯಪ್ರವೃತ್ತವಾಗಿದೆ. ಇದರ ಭಾಗವಾಗಿ ‘ಕೆಂಪು ದೀಪ ಹತ್ತಿದ ತಕ್ಷಣ ಎಂಜಿನ್‌ ಆಫ್‌ ಮಾಡಿ’ ಅಭಿಯಾನಕ್ಕೆ ಅ.18ರಂದು ಚಾಲನೆ ನೀಡಲಿದೆ.

• ಟ್ರಾಫಿಕ್‌ ಸಿಗ್ನಲ್‌ಗಳಲ್ಲಿ ಕೆಂಪು ದೀಪ ಕಂಡ ಕೂಡಲೇ ವಾಹನಗಳ ಎಂಜಿನ್‌ ಆಫ್‌ ಮಾಡುವ ಮೂಲಕ ಅನಗತ್ಯವಾಗಿ ವಾಹನದ ಹೊಗೆ ವಾತಾವರಣಕ್ಕೆ ಸೇರುವುದನ್ನು ತಡೆಯಬಹುದು. ದಿಲ್ಲಿ ನಗರದಲ್ಲಿ ವಾಹನಗಳು ಉಗುಳುವ ಹೊಗೆ ಕೂಡ ವಾಯುಮಾಲಿನ್ಯ ಹೆಚ್ಚಳಕ್ಕೆ ಕಾರಣವಾಗಿದೆ.

ಅಭಿಯಾನದ ಅವಶ್ಯಕತೆ

• ತಜ್ಞರ ಪ್ರಕಾರ ಟ್ರಾಫಿಕ್‌ ಸಿಗ್ನಲ್‌ಗಳಲ್ಲಿ ಕೆಂಪು ದೀಪ ಉರಿಯುತ್ತಿದ್ದಾಗ ವಾಹನಗಳ ಎಂಜಿನ್‌ ಆಫ್‌ ಮಾಡಿದರೆ ಒಟ್ಟಾರೆಯಾಗಿ 250 ಕೋಟಿ ರೂ. ಇಂಧನ ದೇಶದಲ್ಲಿ ಉಳಿಕೆ ಆಗುತ್ತದೆ. ಜತೆಗೆ ವಾಯುಮಾಲಿನ್ಯ ಪ್ರಮಾಣ ಕೂಡ 13-20% ತಗ್ಗುತ್ತದೆ
• ಚಳಿಗಾಲದಲ್ಲಿ ವಾಯುಮಾಲಿನ್ಯ ಹೆಚ್ಚು: ಚಳಿಗಾಲ ಆರಂಭವಾಯಿತೆಂದರೆ ದಿಲ್ಲಿ ಹಾಗೂ ಸುತ್ತಲಿನ ನಗರಗಳಲ್ಲಿ ವಾಯುಮಾಲಿನ್ಯ ಸಮಸ್ಯೆ ಎದುರಾಗುತ್ತದೆ. ದಿಲ್ಲಿ ಸೇರಿದಂತೆ ದೇಶದ ಉತ್ತರ ಭಾಗದಲ್ಲಿನ ಅತ್ಯಂತ ಕೆಟ್ಟ ಗಾಳಿ ಸೇವನೆಯಿಂದ ಸಮಸ್ಯೆಗೆ ಗುರಿಯಾದವರು ಅಧಿಕ ಎಂದು ವರದಿ ಹೇಳಿದೆ.
• ದಿಲ್ಲಿ, ಹರಿಯಾಣ, ಉತ್ತರ ಪ್ರದೇಶ, ಪಂಜಾಬ್‌, ಬಿಹಾರ ಹಾಗೂ ಪಶ್ಚಿಮ ಬಂಗಾಳವನ್ನು ಗಂಗಾ ನದಿ ಯ ಕಿನಾರೆ ರಾಜ್ಯಗಳು ಎಂದು ಗುರಿತಿಸಲಾಗುತ್ತಿದ್ದು, ಈ ಎಲ್ಲ ರಾಜ್ಯಗಳಲ್ಲಿ ಜನರ ಜೀವಿತಾವಧಿ ವಾಯುಮಾಲಿನ್ಯದಿಂದಾಗಿ ನಶಿಸುತ್ತಿದೆ ಎಂದು ವಿಶ್ಲೇಶಿಸಲಾಗಿದೆ. ದಿಲ್ಲಿಯಲ್ಲಿ ಶ್ವಾಸಕೋಶದ ಕ್ಯಾನ್ಸರ್‌ಗೆ ತುತ್ತಾಗುವವರ ಸಂಖ್ಯೆ ಕ್ರಮೇಣ ಹೆಚ್ಚಾಗುತ್ತಿದೆ.