ಸುದ್ಧಿಯಲ್ಲಿ ಏಕಿದೆ? ದೇಶದಲ್ಲಿ 100 ಕೋಟಿ ಡೋಸ್ ಕೋವಿಡ್–19 ಲಸಿಕೆ ವಿತರಣೆಯನ್ನು ಸಂಭ್ರಮಿಸಲು ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಸಂಸ್ಥೆ (ಎಎಸ್‌ಐ) ತನ್ನ 100 ಪಾರಂಪರಿಕ ಸ್ಮಾರಕಗಳನ್ನು ರಾಷ್ಟ್ರ ಧ್ವಜದ ಬಣ್ಣದಲ್ಲಿ ಬೆಳಗಿಸಲಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಯಾವೆಲ್ಲ ತಾಣಗಳು ಪಟ್ಟಿಯಲ್ಲಿವೆ ?

• ಕೆಂಪು ಕೋಟೆ, ಕುತುಬ್ ಮಿನಾರ್, ಹುಮಾಯೂನ್ ಸಮಾಧಿ, ತುಘಲಕಾಬಾದ್ ಕೋಟೆ, ಪುರಾನಾ ಕಿಲಾ, ಫತೇಪುರ್ ಸಿಕ್ರಿ, ರಾಮಪ್ಪ ದೇವಸ್ಥಾನ, ಹಂಪಿ, ಧೋಲವಿರಾ (ಗುಜರಾತ್), ಪುರಾತನ ಲೆಹ್ ಅರಮನೆ, ಕೋಲ್ಕತ್ತಾದ ಕರೆನ್ಸಿ ಕಟ್ಟಡ ಮತ್ತು ಮೆಟ್ಕಾಲ್ಫ್ ಹಾಲ್; ಖಜುರಾಹೊ ದೇವಸ್ಥಾನಗಳು (ಎಂಪಿ), ಮತ್ತು ಹೈದರಾಬಾದ್‌ನ ಗೋಲ್ಕೊಂಡ ಕೋಟೆ ಸೇರಿದಂತೆ ಯುನೆಸ್ಕೊದ ಹದಿನೇಳು ಪಾರಂಪರಿಕ ತಾಣಗಳು ಸೇರಿ 100 ಸ್ಮಾರಕಗಳು ತ್ರಿವರ್ಣದಿಂದ ಪ್ರಕಾಶಿಸಲ್ಪಡುತ್ತವೆ.

ಏಕೆ ಈ ನಡೆ ?

• ಇದು ಆರೋಗ್ಯ ವೃತ್ತಿಪರರು, ಮುಂಚೂಣಿಯ ಕಾರ್ಯಕರ್ತರು, ವಿಜ್ಞಾನಿಗಳು, ಲಸಿಕೆ ತಯಾರಕರು ಮತ್ತು ಸಾಂಕ್ರಾಮಿಕ ರೋಗದ ವಿರುದ್ಧ ಧೈರ್ಯದಿಂದ ಹೋರಾಡಿದ ದೇಶದ ನಾಗರಿಕರಿಗೆ ನೀಡುತ್ತಿರುವ ಗೌರವವಾಗಿದೆ.ಇದು ದೇಶದಾದ್ಯಂತ ಕೋವಿಡ್ ಲಸಿಕೆಯ ಮೈಲಿಗಲ್ಲನ್ನು ಸ್ಮರಣೀಯವಾಗಿಸಲು ಆಯೋಜಿಸಿರುವ ಚಟುವಟಿಕೆಗಳ ಭಾಗವಾಗಿದೆ.