ಸುದ್ದಿಯಲ್ಲಿ  ಏಕಿದೆ? ಜಿಎಸ್ಟಿ ಇನ್ವಾಯ್ಸ್ ಅಪ್ಲೋಡ್  ಮಾಡಿದವರಿಗೆ ಬಹುಮಾನ ನೀಡುವ ‘ನನ್ನ ಬಿಲ್ಲು ನನ್ನ ಅಧಿಕಾರ (ಮೇರಾ ಬಿಲ್ ಮೇರಾ ಅಧಿಕಾರ್)’ ಯೋಜನೆಗೆ ಕೇಂದ್ರ ಸರ್ಕಾರವು ಚಾಲನೆ ನೀಡಿದೆ.

ಮುಖ್ಯಾಂಶಗಳು

• ಆರಂಭಿಕ ಹಂತದಲ್ಲಿ ಇದು ಮೂರು ರಾಜ್ಯಗಳಲ್ಲಿ, ಮೂರು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಜಾರಿಗೆ ಬರಲಿದೆ.
• ಅಸ್ಸಾಂ , ಗುಜರಾತ್, ಹರಿಯಾಣ ರಾಜ್ಯದಲ್ಲಿ ಹಾಗೂ ಪುದುಚೇರಿ, ದಮನ್ ಮತ್ತು ದೀಯು, ದಾದ್ರಾ ಮತ್ತು ನಗರ್ ಹವೇಲಿ ಕೇಂದ್ರಾಡಳಿತ ಪ್ರದೇಶದಲ್ಲಿ ಇದು ಈಗ ಜಾರಿಗೆ ಬರಲಿದೆ ಎಂದು ಪರೋಕ್ಷ ತೆರಿಗೆಗಳ ಕೇಂದ್ರೀಯ ಮಂಡಳಿ (ಸಿಬಿಐಟಿ) ಹೇಳಿದೆ.

ಬಹುಮಾನ:

• GST ಬಿಲ್ ಅನ್ನು ಅಪ್‌ಲೋಡ್ ಮಾಡುವ ನಾಗರಿಕರಿಗೆ 1 ಕೋಟಿ ರೂ.ವರೆಗಿನ ಆಕರ್ಷಕ ಬಹುಮಾನವನ್ನು ಗೆಲ್ಲಲು ಸರ್ಕಾರವು ಅವಕಾಶವನ್ನು ನೀಡಿದೆ.
• ಈ ಯೋಜನೆಯಲ್ಲಿ ಪ್ರತಿ ತಿಂಗಳು ಸರ್ಕಾರ 800 ಜನರನ್ನು ಆಯ್ಕೆ ಮಾಡುತ್ತದೆ. ಈ 800 ಜನರು ತಮ್ಮ ಜಿಎಸ್‌ಟಿ ಬಿಲ್ ಅನ್ನು ಪ್ರತಿ ತಿಂಗಳು ಆನ್‌ಲೈನ್‌ನಲ್ಲಿ ಅಪ್‌ಲೋಡ್ ಮಾಡುತ್ತಾರೆ.
• ಈ 800 ಜನರಿಗೆ 10,000 ರೂಪಾಯಿ ಬಹುಮಾನ ನೀಡಲಾಗುವುದು. ಅದೇ ಸಮಯದಲ್ಲಿ, ಅಂತಹ 10 ಜನರನ್ನು ಆಯ್ಕೆ ಮಾಡಲಾಗುವುದು, ಅವರಿಗೆ ಸರ್ಕಾರವು 10 ಲಕ್ಷದವರೆಗೆ ಮೊತ್ತವನ್ನು ನೀಡುತ್ತದೆ.
• ಯೋಜನೆಯಡಿಯಲ್ಲಿ, ತ್ರೈಮಾಸಿಕ ಆಧಾರದ ಮೇಲೆ 1 ಕೋಟಿ ರೂಪಾಯಿಗಳ ಬಂಪರ್ ಬಹುಮಾನವನ್ನು ಡ್ರಾ ಮಾಡಲಾಗುವುದು.
• ಈ ಬಹುಮಾನವನ್ನು ಇಬ್ಬರಿಗೆ ನೀಡಲಾಗುವುದು.

ಉದ್ದೇಶ : ಗ್ರಾಹಕರು ವರ್ತಕರಲ್ಲಿ ಜಿಎಸ್ಟಿ ಇನ್ವಾಯ್ಸ್ ಕೇಳಿ ಪಡೆಯುವುದನ್ನು ಉತ್ತೇಜಿಸುವುದು. ಹೆಚ್ಚೆಚ್ಚು ಜಿಎಸ್‌ಟಿ ಬಿಲ್‌ಗಳು ಸೃಷ್ಟಿಯಾದರೆ ತೆರಿಗೆ ವಂಚನೆ ಕಡಿಮೆ ಆಗಲಿದೆ. ಇದರೊಂದಿಗೆ ಸರ್ಕಾರದ ಆದಾಯವು ಹೆಚ್ಚಲಿದೆ.

GST (ಸರಕು ಮತ್ತು ಸೇವಾ ತೆರಿಗೆ)

• GSTಯು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳೆರಡೂ ವಿಧಿಸುವ ಬಹು ಪರೋಕ್ಷ ತೆರಿಗೆಗಳನ್ನು ಬದಲಿಸುವ ಏಕೀಕೃತ ತೆರಿಗೆ ವ್ಯವಸ್ಥೆಯಾಗಿದೆ.
• GST ಅಡಿಯಲ್ಲಿ, ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳೆರಡೂ ಸರಕು ಮತ್ತು ಸೇವೆಗಳ ಮೇಲೆ ತೆರಿಗೆಗಳನ್ನು ವಿಧಿಸುವ ಮತ್ತು ಸಂಗ್ರಹಿಸುವ ಅಧಿಕಾರವನ್ನು ಹಂಚಿಕೊಳ್ಳುತ್ತವೆ.
• ಭಾರತದ ಸಂವಿಧಾನದ 101 ನೇ ತಿದ್ದುಪಡಿಯ ಮೂಲಕ ಜುಲೈ 1, 2017 ರಿಂದ ಜಾರಿಗೆ ಬಂದಿತು.