ಸುದ್ಧಿಯಲ್ಲಿ ಏಕಿದೆ ?  ಸುಮಾರು 15 ತಿಂಗಳ ಮುಖಾಮುಖಿಯ ನಂತರ, ಭಾರತ ಮತ್ತು ಚೀನಾ ಸೇನೆಗಳು ಪೂರ್ವ ಲಡಾಖ್‌ನ ಗೋಗ್ರಾ ಘರ್ಷಣೆ ಸ್ಥಳದಿಂದ ಹಿಂದೆ ಸರಿಯುವ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದು, ಗಡಿಯಲ್ಲಿ ಮೊದಲಿನ ಪರಿಸ್ಥಿತಿಯನ್ನು ಮರುಸ್ಥಾಪಿಸಲಾಗಿದೆ ಎಂದು ಭಾರತೀಯ ಸೇನೆ ಹೇಳಿದೆ.

• ಗೋಗ್ರ ಪಾಯಿಂಟ್ ಅನ್ನು ಪೆಟ್ರೋಲಿಂಗ್ ಪಾಯಿಂಟ್ –17 ಎ ಎಂದು ಕರೆಯಲಾಗುತ್ತದೆ.
• ಸೇನೆ ಹಿಂಪಡೆಯುವ ಒಪ್ಪಂದದ ಪ್ರಕಾರ ಗೋಗ್ರಾದಲ್ಲಿನ ವಾಸ್ತವಿಕ ಗಡಿ ನಿಯಂತ್ರಣ ರೇಖೆಯನ್ನು ಎರಡೂ ಕಡೆಯಿಂದ ಕಟ್ಟುನಿಟ್ಟಾಗಿ ಗಮನಿಸಲಾಗುವುದು ಮತ್ತು ಗೌರವಿಸಲಾಗುವುದು. ಯಥಾಸ್ಥಿತಿಯಲ್ಲಿ ಏಕಪಕ್ಷೀಯ ಬದಲಾವಣೆಯಿಲ್ಲ

ಸಂಘರ್ಷದ ಪ್ರದೇಶ

• ಭಾರತ ಮತ್ತು ಚೀನಾ ಆರು ಫ್ಲಾಶ್ ಪಾಯಿಂಟ್‌ಗಳಲ್ಲಿ ಸಂಘರ್ಷಗಳಲ್ಲಿ ತೊಡಗಿದ್ದವು. ಆರರಲ್ಲಿ, ಎರಡೂ ಕಡೆಯ ಸೈನ್ಯಗಳು ಈಗ ನಾಲ್ಕು ಫ್ಲ್ಯಾಶ್ ಪಾಯಿಂಟ್‌ಗಳಲ್ಲಿ ಹಿಂದಕ್ಕೆ ಸರಿದಿದೆ, ಇದರಲ್ಲಿ ಪಂಗೊಂಗ್ ಸರೋವರದ ಗಲ್ವಾನ್ ಮತ್ತು ಉತ್ತರ ಮತ್ತು ದಕ್ಷಿಣ ದಂಡೆಗಳು ಸೇರಿವೆ. ಆದಾಗ್ಯೂ, ಡೆಪ್ಸಾಂಗ್ ಮತ್ತು ಹಾಟ್ ಸ್ಪ್ರಿಂಗ್‌ಗಳಲ್ಲಿನ ಸೇನಾ ನಿಲುಗಡೆಗಳು ಮುಂದುವರಿಯುತ್ತವೆ.

ವಾಸ್ತವಿಕ ನಿಯಂತ್ರಣ ರೇಖೆ (LAC)

• LAC ಎನ್ನುವುದು ಚೀನಾದ ನಿಯಂತ್ರಿತ ಪ್ರದೇಶದಿಂದ ಭಾರತೀಯ ನಿಯಂತ್ರಿತ ಪ್ರದೇಶವನ್ನು ಬೇರ್ಪಡಿಸುವ ಗಡಿಯಾಗಿದೆ. ಭಾರತದ ಪ್ರಕಾರ, LAC ಸುಮಾರು 3,488 ಕಿಮೀ ಉದ್ದವಾಗಿದೆ ಆದರೆ ಚೀನಾದ ಪ್ರಕಾರ ಇದು ಸುಮಾರು 2,000 ಕಿಮೀ. LAC ಅನ್ನು ಮೂರು ವಲಯಗಳಾಗಿ ವಿಂಗಡಿಸಲಾಗಿದೆ:
  • ಅರುಣಾಚಲ ಪ್ರದೇಶ ಮತ್ತು ಸಿಕ್ಕಿಂನಲ್ಲಿ ವ್ಯಾಪಿಸಿರುವ ಪೂರ್ವ ವಲಯ,
  • ಉತ್ತರಾಖಂಡ ಮತ್ತು ಹಿಮಾಚಲ ಪ್ರದೇಶದಲ್ಲಿ ಮಧ್ಯಮ ವಲಯ, ಮತ್ತು
  • ಲಡಾಖ್‌ನಲ್ಲಿ ಪಶ್ಚಿಮ ವಲಯ.