Published on: July 28, 2022

ರೇಥಿಯಾನ್ ಹೈಪರ್ಸಾನಿಕ್ ಕ್ಷಿಪಣಿ

ರೇಥಿಯಾನ್ ಹೈಪರ್ಸಾನಿಕ್ ಕ್ಷಿಪಣಿ

ಸುದ್ದಿಯಲ್ಲಿ ಏಕಿದೆ?

ರೇಥಿಯಾನ್ ಟೆಕ್ನಾಲಜೀಸ್ ಕಾರ್ಪೋರೇಷನ್ ಸಂಸ್ಥೆ ನಿರ್ಮಿಸಿರುವ, ಶಬ್ದದ ವೇಗಕ್ಕಿಂತ ಐದು ಪಟ್ಟು ಹೆಚ್ಚಿನ ವೇಗದಲ್ಲಿ ಸಾಗುವ ಏರ್ ಬ್ರೀದಿಂಗ್ ಹೈಪರ್ ಸಾನಿಕ್ ಕ್ಷಿಪಣಿಯನ್ನು ಯಶಸ್ವಿಯಾಗಿ ಪರೀಕ್ಷಾ ಉಡಾವಣೆ ನಡೆಸಿದೆ.

  • ಹೈಪರ್ ಸಾನಿಕ್ ಆಯುಧಗಳು ಅತ್ಯಂತ ಎತ್ತರದ ವಾತಾವರಣದಲ್ಲಿ ಶಬ್ದದ ವೇಗಕ್ಕಿಂತ ಐದು ಪಟ್ಟಿಗೂ ಹೆಚ್ಚಿನ ವೇಗದಲ್ಲಿ ಅಥವಾ ಗಂಟೆಗೆ 6,200 ಕಿಲೋಮೀಟರ್ (3,853 ಮೈಲಿ) ವೇಗದಲ್ಲಿ ಚಲಿಸುತ್ತವೆ.

ಮುಖ್ಯಾಂಶಗಳು

  • ಅಮೆರಿಕಾ ಇತ್ತೀಚೆಗೆ ತನ್ನ ರಕ್ಷಣಾ ಕ್ಷೇತ್ರದಲ್ಲಿ ಇನ್ನೊಂದು ಮಹತ್ತರ ಸಾಧನೆ ಮೆರೆದಿದೆ. ಏರ್ ಬ್ರೀದಿಂಗ್ ಹೈಪರ್‌ಸಾನಿಕ್ ಇಂಜಿನ್ ವಾತಾವರಣದಲ್ಲಿರುವ ಆಮ್ಲಜನಕವನ್ನು ಉಪಯೋಗಿಸಿಕೊಳ್ಳುತ್ತದೆ. ಆ ಕಾರಣದಿಂದ ಅದಕ್ಕೆ ಭೂಮಿಯಿಂದ ಆಮ್ಲಜನಕ ಒಯ್ಯುವ ಅಗತ್ಯವಿರುವುದಿಲ್ಲ. ಇದು ವಾಹನದ ಭಾರವನ್ನು ಬಹುಮಟ್ಟಿಗೆ ಕಡಿತಗೊಳಿಸುತ್ತದೆ
  • ಇದು 2013ರ ಬಳಿಕ ನಡೆದ ಈ ವರ್ಗದ ಮೂರನೇ ಯಶಸ್ವಿ ಉಡಾವಣೆಯಾಗಿದ್ದು, ಈ ಪ್ರಯೋಗ ಅತ್ಯಂತ ಯಶಸ್ವಿಯಾಗಿದೆ.
  • ಈ ಹೈಪರ್‌ಸಾನಿಕ್ ಏರ್ – ಬ್ರೀದಿಂಗ್ ವೆಪನ್ ಕಾನ್ಸೆಪ್ಟ್ (ಎಚ್‌ಎಡಬ್ಲ್ಯುಸಿ) ಅನ್ನು ಡಿಫೆನ್ಸ್ ಅಡ್ವಾನ್ಸ್ಡ್ ರಿಸರ್ಚ್ ಪ್ರಾಜೆಕ್ಟ್ಸ್ ಏಜೆನ್ಸಿ ಅಥವಾ ಡಿಎಆರ್‌ಪಿಎ ನಿರ್ವಹಿಸುತ್ತಾ ಬಂದಿದೆ. ರೇಥಿಯಾನ್ ಹಾಗೂ ಲಾಕ್‌ಹೀಡ್ ಮಾರ್ಟಿನ್ ಗ್ರೂಪ್ ಎರಡೂ ಸಂಸ್ಥೆಗಳೂ ಸಹ ಈ ಕ್ಷೇತ್ರದಲ್ಲಿ ಅಂತಿಮ ಒಪ್ಪಂದ ಪಡೆದುಕೊಳ್ಳಲು ಸ್ಪರ್ಧೆಗೆ ಬಿದ್ದಂತೆ ಕಾರ್ಯ ನಿರ್ವಹಿಸುತ್ತಾ ಬಂದಿವೆ.
  • ಈ ಏರ್ ಬ್ರೀದಿಂಗ್ ಆಯುಧಗಳು ವಾತಾವರಣದಿಂದ ಪಡೆದುಕೊಳ್ಳುವ ಗಾಳಿಯನ್ನು ಉಪಯೋಗಿಸಿ, ನಿರಂತರವಾಗಿ ಬಲವರ್ಧಿಸಿಕೊಳ್ಳುತ್ತವೆ. ನಿರ್ವಾತ ಮತ್ತು ಆಕಾಶದಲ್ಲಿ ಬೇರೆ ಬೇರೆ ಬಗೆಯ ಈ ಒತ್ತಡಗಳು ಕಾಣಿಸಿಕೊಳ್ಳುತ್ತವೆ.
  • ಅಮೆರಿಕಾದಲ್ಲಿ ಕಳೆದ ಸೆಪ್ಟೆಂಬರ್ ತಿಂಗಳ ಬಳಿಕ ನಾಲಕ್ಕು ಏರ್ ಬ್ರೀದಿಂಗ್ ಹೈಪರ್ ಸಾನಿಕ್ ಆಯುಧಗಳ ಪರೀಕ್ಷಾ ಪ್ರಯೋಗಗಳು ನಡೆದಿವೆ. ರೇಥಿಯಾನ್ ತಯಾರಿಸಿದ ಆಯುಧ ಎರಡು ಬಾರಿ ಯಶಸ್ವಿಯಾಗಿ ಪ್ರಯೋಗಿಸಲ್ಪಟ್ಟಿದ್ದು, ಲಾಕ್‌ಹೀಡ್ ಸಂಸ್ಥೆಯ ಎರಡು ಪ್ರಯೋಗಗಳಲ್ಲಿ ಒಂದು ಯಶಸ್ವಿಯಾದರೆ, ಇನ್ನೊಂದು ವೈಫಲ್ಯ ಕಂಡಿತ್ತು.
  • ಈ ಪರೀಕ್ಷಾ ಪ್ರಯೋಗದ ಸಂದರ್ಭದಲ್ಲಿ, ರೇಥಿಯಾನ್ ತನ್ನ ಎಚ್‌ಎಡಬ್ಲ್ಯುಸಿ ಆಯುಧವನ್ನು ಒಂದು ವಿಮಾನದಿಂದ ಉಡಾಯಿಸಿತು. ಆ ಬಳಿಕ ಒಂದು ಸ್ಕ್ರ್ಯಾಮ್ ಜೆಟ್ ಇಂಜಿನ್ ಬಳಸಿ ಅದನ್ನು ಹೈಪರ್ ಸಾನಿಕ್ ವೇಗಕ್ಕೆ ತಲುಪುವಂತೆ ಮಾಡಲಾಯಿತು.
  • “ಈ ವಾಹನವು ಈ ಮೊದಲು ಇಂಜಿನಿಯರ್‌ಗಳು ಉದ್ದೇಶಪೂರ್ವಕವಾಗಿ ಅದರ ಮೇಲೆ ಒತ್ತಡ ಹೇರಿ, ಅದರ ಇತಿಮಿತಿಗಳನ್ನು, ಸಾಮರ್ಥ್ಯವನ್ನು ಪರೀಕ್ಷಿಸಲು ನಿರ್ಧರಿಸಿದ ಪಥದಲ್ಲೇ ಹಾರಾಟ ನಡೆಸಿತು. ಇದು ಮುಂದಿನ ಡಿಜಿಟಲ್ ಪರ್ಫಾಮೆನ್ಸ್ ಮಾದರಿಗಳಿಗೆ ಬೆಂಬಲ ನೀಡುತ್ತದೆ” ಎಂದು ರೇಥಿಯಾನ್ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.

ಹೈಪರ್‌ಸಾನಿಕ್ ಕ್ಷಿಪಣಿ ಎಂದರೇನು..?

  • ಹೈಪರ್‌ಸಾನಿಕ್ ಕ್ಷಿಪಣಿಯು ಒಂದು ಶಸ್ತ್ರಾಸ್ತ್ರ ವ್ಯವಸ್ಥೆಯಾಗಿದ್ದು, ಇದು ಕನಿಷ್ಠ ಮ್ಯಾಕ್ 5 ರ ವೇಗದಲ್ಲಿ ಅಂದರೆ ಶಬ್ದಕ್ಕಿಂತ ಐದು ಪಟ್ಟು ವೇಗದಲ್ಲಿ ಹಾರುತ್ತದೆ ಮತ್ತು ಕುಶಲತೆಯಿಂದ ಕೂಡಿರುತ್ತದೆ. ಹೈಪರ್‌ಸಾನಿಕ್ ಕ್ಷಿಪಣಿಯ ಕುಶಲತೆಗೂ ಬ್ಯಾಲಿಸ್ಟಿಕ್ ಕ್ಷಿಪಣಿಗೂ ತುಂಬಾ ವ್ಯತ್ಯಾಸವಿದೆ. ಏಕೆಂದರೆ ಬ್ಯಾಲಿಸ್ಟಿಕ್ ಮಿಸೈಲ್‌ ಒಂದು ಸೆಟ್ ಕೋರ್ಸ್ ಅಥವಾ ಬ್ಯಾಲಿಸ್ಟಿಕ್ ಪಥವನ್ನು ಅನುಸರಿಸುತ್ತದೆ. ಆದರೆ, ಹೈಪರ್‌ಸಾನಿಕ್ ಕ್ಷಿಪಣಿಗಳು ಬ್ಯಾಲಿಸ್ಟಿಕ್ ಪಥವನ್ನು ಅನುಸರಿಸುವುದಿಲ್ಲ ಮತ್ತು ಉದ್ದೇಶಿತ ಗುರಿಗೆ ಕುಶಲತೆಯಿಂದ ಚಲಿಸಬಹುದು.

ಹೈಪರ್ ಸಾನಿಕ್ ಶಸ್ತ್ರಾಸ್ತ್ರಗಳಲ್ಲಿ 2 ವಿಧ

  • ಹೈಪರ್‌ಸಾನಿಕ್‌ ಶಸ್ತ್ರಾಸ್ತ್ರ ವ್ಯವಸ್ಥೆಗಳಲ್ಲಿ ಎರಡು ವಿಧಗಳಿದ್ದು, ಅವುಗಳೆಂದರೆ, ಹೈಪರ್‌ಸಾನಿಕ್‌ ಗ್ಲೈಡ್ ವೆಹಿಕಲ್ಸ್ (HGV) ಮತ್ತು ಹೈಪರ್‌ಸಾನಿಕ್‌ ಕ್ರೂಸ್ ಕ್ಷಿಪಣಿಗಳು. ಉದ್ದೇಶಿತ ಗುರಿಗೆ ಗ್ಲೈಡ್ ಮಾಡುವ ಮೊದಲು ಹೈಪರ್‌ಸಾನಿಕ್‌ ಗ್ಲೈಡ್ ವೆಹಿಕಲ್‌ ಅನ್ನು ರಾಕೆಟ್‌ನಿಂದ ಉಡಾಯಿಸಲಾಗುತ್ತದೆ. ಆದರೆ ಹೈಪರ್‌ಸಾನಿಕ್ ಕ್ರೂಸ್ ಕ್ಷಿಪಣಿಯು ತಮ್ಮ ಗುರಿಯನ್ನು ಪಡೆದ ನಂತರ ಗಾಳಿಯನ್ನು ಉಸಿರಾಡುವ ಹೆಚ್ಚಿನ ವೇಗದ ಎಂಜಿನ್‌ಗಳು ಅಥವಾ ‘ಸ್ಕ್ರ್ಯಾಮ್‌ಜೆಟ್‌ಗಳಿಂದ’ ಕಾರ್ಯಾಚರಿಸುತ್ತದೆ.

ಹೈಪರ್‌ಸಾನಿಕ್ ಕ್ಷಿಪಣಿಗಳ ಪ್ರಯೋಜನಗಳೇನು..?

  • ಇತರ ಪಡೆಗಳು ಲಭ್ಯವಿಲ್ಲದಿರುವಾಗ, ಪ್ರವೇಶವನ್ನು ನಿರಾಕರಿಸಿದಾಗ ಅಥವಾ ಆದ್ಯತೆ ಇಲ್ಲದಿದ್ದಾಗ ಹೈಪರ್‌ಸಾನಿಕ್ ಶಸ್ತ್ರಾಸ್ತ್ರಗಳು ದೂರದ, ರಕ್ಷಿಸಿದ ಅಥವಾ ಸಮಯದ ನಿರ್ಣಾಯಕ ಬೆದರಿಕೆಗಳ ವಿರುದ್ಧ ಪ್ರತಿಸ್ಪಂದಕ, ದೀರ್ಘ ವ್ಯಾಪ್ತಿಯ ಸ್ಟ್ರೈಕ್ ಆಯ್ಕೆಗಳನ್ನು ಸಕ್ರಿಯಗೊಳಿಸ ಉಪಯೋಗಿಸಲಾಗುತ್ತದೆ.

    ಇನ್ನು, ಸಾಂಪ್ರದಾಯಿಕ ಹೈಪರ್‌ಸಾನಿಕ್ ಆಯುಧಗಳು ಕೇವಲ ಚಲನ ಶಕ್ತಿಯನ್ನು (kinetic energy) ಬಳಸುತ್ತವೆ. ಅಂದರೆ ಗಟ್ಟಿಯಾಗದ ಗುರಿಗಳನ್ನು ಅಥವಾ ಭೂಗತ ಸೌಲಭ್ಯಗಳನ್ನು ನಾಶಮಾಡಲು ಚಲನೆಯಿಂದ ಪಡೆದ ಶಕ್ತಿಯನ್ನು ಬಳಸುತ್ತದೆ.