ಸುದ್ದಿಯಲ್ಲಿ ಏಕಿದೆ? ಭಾರತ ದೇಶದ 75 ಮಿಲಿಯನ್ ಅಧಿಕ ರಕ್ತದೊತ್ತಡ, ಮಧುಮೇಹ ಜನಸಂಖ್ಯೆಯನ್ನು 2025 ರ ವೇಳೆಗೆ ಗುಣಮಟ್ಟದ ಆರೈಕೆಯಡಿ ತರುವುದಕ್ಕೆ ಕೇಂದ್ರ ಆರೋಗ್ಯ ಸಚಿವಾಲಯ 75/25 ಯೋಜನೆಯನ್ನು ಜಾರಿಗೆ ತಂದಿದೆ.

ಮುಖ್ಯಾಂಶಗಳು

• ಸಾಂಕ್ರಾಮಿಕವಲ್ಲದ ರೋಗಗಳ ವಿರುದ್ಧದ ಜಗತ್ತಿನ ಅತಿ ದೊಡ್ಡ ಅಭಿಯಾನ ಇದಾಗಿದ್ದು ವಿಶ್ವ ಅಧಿಕ ರಕ್ತದೊತ್ತಡ  ದಿನ (ಮೇ 17) ದಂದು ಅಭಿಯಾನವನ್ನು ಆರಂಭಿಸಲಾಗಿದೆ.
• ಕೇಂದ್ರ ಆರೋಗ್ಯ ಸಚಿವಾಲಯ ಮತ್ತು ಡಬ್ಲ್ಯುಎಚ್‌ಒ ಆಯೋಜಿಸಿದ “ಅಸಿಲರೇಟಿಂಗ್ ಪ್ರಿವೆನ್ಷನ್ ಅಂಡ್ ಮ್ಯಾನೇಜ್‌ಮೆಂಟ್ ಆಫ್ ಹೈಪರ್‌ಟೆನ್ಷನ್ ಅಂಡ್ ಡಯಾಬಿಟಿಸ್” ಎಂಬ G20 ಸಹ-ಬ್ರಾಂಡೆಡ್ ಈವೆಂಟ್‌ನಲ್ಲಿ ಇದನ್ನು ಘೋಷಿಸಲಾಗಿದೆ
• ಈ ಅಭಿಯಾನದ ಸೇವೆಗಳು ದೇಶದ ಪ್ರಾಥಮಿಕ ಆರೋಗ್ಯ ಕೇಂದ್ರಗಳ ಮೂಲಕ ನಡೆಸಲ್ಪಡುತ್ತವೆ.
• ಆರೋಗ್ಯ ಸಚಿವಾಲಯದ ಮಾಹಿತಿಯ ಪ್ರಕಾರ, 40,000 ಪ್ರಾಥಮಿಕ ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿಗಳಿಗೆ ಸಶಕ್ತ್ ಪೋರ್ಟಲ್ ಮೂಲಕ ಗುರಿಯನ್ನು ಪೂರೈಸಲು ಸಾಂಕ್ರಾಮಿಕವಲ್ಲದ ರೋಗಗಳಿಗೆ (NCD) ಪ್ರಮಾಣಿತ ಚಿಕಿತ್ಸೆ ನೀಡಲು ತರಬೇತಿ ನೀಡಲಾಗುತ್ತದೆ.
• “2025 ರ ವೇಳೆಗೆ ಪ್ರಾಥಮಿಕ ಆರೋಗ್ಯ ಸೇವೆಯಲ್ಲಿ ರಕ್ತದೊತ್ತಡ ಹೊಂದಿರುವ 75 ಮಿಲಿಯನ್ ಅಧಿಕ ಜನರನ್ನು ತಲುಪುವ ಭಾರತ ಸರ್ಕಾರದ ಮಹತ್ವಾಕಾಂಕ್ಷೆಯ ಗುರಿಯು ಪ್ರಾಥಮಿಕ ಆರೋಗ್ಯ ರಕ್ಷಣೆಗಾಗಿ ವಿಶ್ವದ ಎನ್‌ಸಿಡಿಗಳ ಅತಿದೊಡ್ಡ ಅಭಿಯಾನ ಆಗಿದೆ” ಎಂದು ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯುಎಚ್‌ಒ) ಹೇಳಿದೆ.

ಉದ್ದೇಶ

• ಅಧಿಕ ರಕ್ತದೊತ್ತಡ ನಿಯಂತ್ರಣವನ್ನು ಹೆಚ್ಚಿಸುವುದು, ಮಧುಮೇಹವನ್ನು ನಿಯಂತ್ರಣದಲ್ಲಿಡಲು ಮತ್ತು ಅಂಗ ಹಾನಿಯನ್ನು ಕಡಿಮೆ ಮಾಡಲು ಪ್ರೋಟೋಕಾಲ್‌ಗಳೊಂದಿಗೆ PHC ಗಳನ್ನು ಸಜ್ಜುಗೊಳಿಸುವುದು ಅಭಿಯಾನದ ಉದ್ದೇಶವಾಗಿದೆ.

ಯಾವೆಲ್ಲ ರೋಗಗಳಿಗೆ ಸೇವೆ?

• ಸಾಂಕ್ರಾಮಿಕವಲ್ಲದ ರೋಗಗಳ ತಡೆಗಟ್ಟುವಿಕೆ ಮತ್ತು ನಿಯಂತ್ರಣಕ್ಕಾಗಿ ರಾಷ್ಟ್ರೀಯ ಕಾರ್ಯಕ್ರಮದ ಪರಿಷ್ಕೃತ ಕಾರ್ಯಾಚರಣೆಯ ಮಾರ್ಗಸೂಚಿಗಳನ್ನು (NP-NCD) ಹೆಚ್ಚು ಸಮಗ್ರ ವ್ಯಾಪ್ತಿಯ ಗುರಿಯೊಂದಿಗೆ ಬಿಡುಗಡೆ ಮಾಡಲಾಗಿದೆ.
• ಪ್ರೋಗ್ರಾಂ ಈಗ ದೀರ್ಘಕಾಲದ ಪ್ರತಿರೋಧಕ ಶ್ವಾಸಕೋಶದ ಕಾಯಿಲೆ (COPD) ಮತ್ತು ಆಸ್ತಮಾ, ದೀರ್ಘಕಾಲದ ಮೂತ್ರಪಿಂಡ ಕಾಯಿಲೆ (CKD) ಮತ್ತು ಆಲ್ಕೊಹಾಲ್ಯುಕ್ತವಲ್ಲದ ಕೊಬ್ಬಿನ ಪಿತ್ತಜನಕಾಂಗದ ಕಾಯಿಲೆ (NAFLD), ST ಹೆಚ್ಚಳ, ಅಧಿಕ ರಕ್ತದೊತ್ತಡ ಮತ್ತು ಮಧುಮೇಹ ಮತ್ತು ಬಾಯಿ, ಸ್ತನ ಮತ್ತು ಗರ್ಭಕಂಠ ಸೇರಿದಂತೆ ಮೂರು ಸಾಮಾನ್ಯ ಕ್ಯಾನ್ಸರ್ಗಳನ್ನು ಒಳಗೊಂಡಿದೆ.
• OF ಮಯೋಕಾರ್ಡಿಯಲ್ ಇನ್ಫಾರ್ಕ್ಷನ್ (STEME) ಗೆ ಸಹ ಸೇವೆಗಳನ್ನು ಒದಗಿಸುತ್ತದೆ .

ಈ ರೋಗಗಳಲ್ಲಿ ಭಾರತದ ಸ್ಥಿತಿ

• ದೇಶದಲ್ಲಿ 200 ಮಿಲಿಯನ್ ಅಧಿಕ ರಕ್ತದೊತ್ತಡದ ಜನರಿದ್ದಾರೆ ಮತ್ತು ಪ್ರತಿ ಹತ್ತು ವಯಸ್ಕರಲ್ಲಿ ಒಬ್ಬರಿಗೆ ಮಧುಮೇಹವಿದೆ. ಭಾರತದಲ್ಲಿ 63 ಪ್ರತಿಶತದಷ್ಟು ಸಾವುಗಳಿಗೆ ಎನ್‌ಸಿಡಿ ಕಾರಣವಾಗಿದ್ದು, ಅದರಲ್ಲಿ 55 ಪ್ರತಿಶತ ಅಕಾಲಿಕವಾಗಿದೆ. ಈ ಪರಿಸ್ಥಿತಿಗಳು ಹೃದಯಾಘಾತ, ಪಾರ್ಶ್ವವಾಯು, ಮೂತ್ರಪಿಂಡ ವೈಫಲ್ಯ ಮತ್ತು ಕುರುಡುತನಕ್ಕೆ ಕಾರಣವಾಗುತ್ತವೆ.
• NCD ಪೋರ್ಟಲ್ ಪ್ರಕಾರ, ಮಾರ್ಚ್ 2023 ರಲ್ಲಿ 26,42,038 ಮಧುಮೇಹ ರೋಗಿಗಳು ಚಿಕಿತ್ಸೆ ಪಡೆಯುತ್ತಿದ್ದರು.  714 ಕ್ಲಿನಿಕ್‌ಗಳು ಮತ್ತು 6068 ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ 62,30,155 ಮಂದಿ ಅಧಿಕ ರಕ್ತದೊತ್ತಡಕ್ಕಾಗಿ ಚಿಕಿತ್ಸೆಯಲ್ಲಿದ್ದರು.

ವಿಶ್ವ ಅಧಿಕ ರಕ್ತದೊತ್ತಡ ದಿನ

• ಇತಿಹಾಸ: ವರ್ಲ್ಡ್‌ ಹೈಪರ್‌ಟೆನ್ಷನ್‌ ಲೀಗ್‌ ಎಂಬುದು ಅಧಿಕ ರಕ್ತದೊತ್ತಡ ಸಮಸ್ಯೆಗಳ ಕುರಿತು ಜಾಗೃತಿ ಮೂಡಿಸುವ ಹಾಗೂ ಇದರ ಮೇಲೆ ಕೆಲಸ ಮಾಡುವ ಸಂಸ್ಥೆಯಾಗಿದೆ. ಈ ಲೀಗ್‌ ಪ್ರಪಂಚದ 85 ದೇಶಗಳ ಒಕ್ಕೂಟವಾಗಿದೆ. 2005 ಮೇ 14ರಂದು ವರ್ಲ್ಡ್‌ ಹೈಪರ್‌ಟೆನ್ಷನ್‌ ಲೀಗ್‌ ಅಧಿಕ ರಕ್ತದೊತ್ತಡ ದಿನವನ್ನು ಪರಿಚಯಿಸಿತು. 2006ರಿಂದ ಪ್ರತಿವರ್ಷ ಮೇ 17 ರಂದು ಅಧಿಕ ರಕ್ತದೊತ್ತಡ ದಿನವನ್ನು ಆಚರಿಸಲಾಗುತ್ತದೆ.
• 2023 ರ ಥೀಮ್ : ಅಧಿಕ ರಕ್ತದೊತ್ತಡ ದಿನದ ಥೀಮ್‌ ಅಥವಾ ಪರಿಕಲ್ಪನೆ ನಿಮ್ಮ ರಕ್ತದೊತ್ತಡವನ್ನು ನಿಯಂತ್ರಿಸಿ, ಹೆಚ್ಚು ಕಾಲ ಬದುಕಿ ಎಂಬುದಾಗಿದೆ.