ಸುದ್ದಿ –  ನವದೆಹಲಿಯ ವಿಜ್ಞಾನ ಭವನದಲ್ಲಿ ನಡೆದ ರಾಷ್ಟ್ರೀಯ ಶಿಕ್ಷಕರ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಶಿಕ್ಷಣದಲ್ಲಿ ತಂತ್ರಜ್ಞಾನಕ್ಕಿಂತಲೂ ಶಿಕ್ಷಕರ ಪಾತ್ರವೇ ಮುಖ್ಯವೆಂದು ಹೇಳಿದರು.

ಪ್ರಮುಖ ಅಂಶಗಳು:

• ಶಿಕ್ಷಣದ ಕುರಿತಾದ ಹೇಳಿಕೆ: ಸ್ಮಾರ್ಟ್ ತರಗತಿಗಳು ಮತ್ತು ಸ್ಮಾರ್ಟ್ ಬ್ಲಾಕ್‌ಬೋರ್ಡ್‌ಗಳು ಮುಖ್ಯವಾಗಿದ್ದರೂ, ಸಂವೇದನಾಶೀಲ ಮತ್ತು ಸಮರ್ಪಣಾ ಮನೋಭಾವದ ಸ್ಮಾರ್ಟ್ ಶಿಕ್ಷಕರು ವಿದ್ಯಾರ್ಥಿಗಳ ಸರ್ವಾಂಗೀಣ ಬೆಳವಣಿಗೆಗೆ ಅತ್ಯಂತ ಅವಶ್ಯಕ ಎಂದು ರಾಷ್ಟ್ರಪತಿಗಳು ಹೇಳಿದ್ದಾರೆ.
• ರಾಷ್ಟ್ರೀಯ ಶಿಕ್ಷಣ ನೀತಿ (NEP) 2020: ರಾಷ್ಟ್ರೀಯ ಶಿಕ್ಷಣ ನೀತಿಯ ಉದ್ದೇಶವು ಭಾರತವನ್ನು ಜಾಗತಿಕ ಜ್ಞಾನದ ಶಕ್ತಿಕೇಂದ್ರ ಆಗಿ ಪರಿವರ್ತಿಸುವುದು ಎಂದು ರಾಷ್ಟ್ರಪತಿಗಳು ಪುನರುಚ್ಚರಿಸಿದ್ದಾರೆ. ಈ ಗುರಿಯನ್ನು ಸಾಧಿಸುವಲ್ಲಿ ಶಿಕ್ಷಕರ ಪಾತ್ರ ನಿರ್ಣಾಯಕವಾಗಿದೆ.

ಪ್ರಾಮುಖ್ಯತೆ:

• ರಾಷ್ಟ್ರಪತಿಯವರ ಈ ಹೇಳಿಕೆಯು ಹೊಸ ಶಿಕ್ಷಣ ನೀತಿ ಯ ಅಡಿಯಲ್ಲಿ ಶಿಕ್ಷಕರ ತರಬೇತಿ ಮತ್ತು ಗುಣಮಟ್ಟ ಸುಧಾರಣೆ ಗೆ ಇರುವ ಮಹತ್ವವನ್ನು ಉಲ್ಲೇಖಿಸುತ್ತದೆ
• ಶಿಕ್ಷಣದಲ್ಲಿ ತಂತ್ರಜ್ಞಾನ ಹಾಗೂ ಮಾನವೀಯ ಮೌಲ್ಯಗಳ ಸಮತೋಲನ ಅತ್ಯವಶ್ಯಕ ಎಂದು ಹೇಳಿದರು
• ಶಿಕ್ಷಕರ ಪಾತ್ರ ಕೇವಲ ಅಕ್ಷರ ಕಲಿಸುವುದಕ್ಕೆ ಸೀಮಿತವಾಗಿರದೆ, ವಿದ್ಯಾರ್ಥಿಗಳಲ್ಲಿ ಸಂವೇದನಾಶೀಲತೆ, ನೈತಿಕತೆ ಮತ್ತು ಜವಾಬ್ದಾರಿ ಯನ್ನು ಬೆಳೆಸುವುದು ಅವರ ಕರ್ತವ್ಯ ಎಂದು ಸ್ಪಷ್ಟಪಡಿಸಿದ್ದಾರೆ.