ಪೀಠಿಕೆ: ಭಾರತವು ಪ್ರಸ್ತುತ USD 271 ಶತಕೋಟಿ ವ್ಯಾಪಾರ ಕೊರತೆಯನ್ನು (FY 2023–24) ಎದುರಿಸುತ್ತಿದ್ದು, ಜಾಗತಿಕ ರಫ್ತುಗಳಲ್ಲಿ ಕೇವಲ ~2% ಪಾಲು ಹೊಂದಿದೆ. ಇದು ದೇಶದ ಆರ್ಥಿಕತೆಯಲ್ಲಿನ ರಚನಾತ್ಮಕ ದುರ್ಬಲತೆಗಳನ್ನು ಎತ್ತಿ ತೋರಿಸುತ್ತದೆ. EU CBAM (European Union Carbon Border Adjustment Mechanism) ನಂತಹ ಹೆಚ್ಚುತ್ತಿರುವ ಸುಂಕದ ಒತ್ತಡಗಳು ಭಾರತಕ್ಕೆ ಒಂದು ಸವಾಲಾಗಿ ಪರಿಣಮಿಸಿದ್ದು, ಈ ಸವಾಲುಗಳನ್ನು ಎದುರಿಸಲು ಮತ್ತು ಜಾಗತಿಕವಾಗಿ ಸ್ಪರ್ಧಾತ್ಮಕತೆಯನ್ನು ಹೆಚ್ಚಿಸಲು ಭಾರತವು ‘ಉತ್ಪನ್ನ ರಾಷ್ಟ್ರ’ (Product Nation) ವಾಗಿ ಪರಿವರ್ತನೆಗೊಳ್ಳುವುದು ಅತ್ಯಗತ್ಯ. ಉತ್ಪನ್ನ ರಾಷ್ಟ್ರ ಎಂದರೆ, ಇದು ಹೆಚ್ಚು ಮೌಲ್ಯಯುತವಾದ, ಬೌದ್ಧಿಕ ಆಸ್ತಿ (IP) ಚಾಲಿತ ಸರಕುಗಳನ್ನು ತಯಾರಿಸಿ ರಫ್ತು ಮಾಡುವ ಮೂಲಕ ಪ್ರಮುಖ ಜಾಗತಿಕ ಉತ್ಪಾದಕನಾಗಿ ತನ್ನನ್ನು ತಾನು ಸ್ಥಾಪಿಸಿಕೊಳ್ಳುವುದು.

ಭಾರತ ಒಂದು ಉತ್ಪನ್ನ ರಾಷ್ಟ್ರವಾಗಿ: ಪ್ರಸ್ತುತ ವಾಸ್ತವಾಂಶಗಳು:

• ಆರ್ಥಿಕ ಕೊಡುಗೆ: ಉತ್ಪಾದನಾ ವಲಯವು ಪ್ರಸ್ತುತ ಒಟ್ಟು ಮೌಲ್ಯವರ್ಧಿತ ಉತ್ಪಾದನೆಯಲ್ಲಿ (GVA) 17% ಕೊಡುಗೆ ನೀಡುತ್ತಿದ್ದು, 2047ರ ವೇಳೆಗೆ ಇದನ್ನು 27% ಕ್ಕೆ ಹೆಚ್ಚಿಸುವ ಸಾಮರ್ಥ್ಯವಿದೆ.
• ಉದ್ಯೋಗ ಸೃಷ್ಟಿ: MSME ಗಳು (ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ದಿಮೆಗಳು) ಸುಮಾರು 60 ಮಿಲಿಯನ್ ಜನರಿಗೆ ಉದ್ಯೋಗ ಒದಗಿಸುತ್ತವೆ.
• ಉತ್ಪಾದನಾ ವಲಯದ ಬೆಳವಣಿಗೆ: 2022-23ರಲ್ಲಿ ಉತ್ಪಾದನಾ ವಲಯದ ಉತ್ಪಾದನೆಯು 21.5% ರಷ್ಟು ಹೆಚ್ಚಿದ್ದರೆ, GVA 7.3% ರಷ್ಟು ಏರಿಕೆ ಕಂಡಿದೆ.
• ವಲಯವಾರು ಕೊಡುಗೆಗಳು: ಮೂಲ ಲೋಹಗಳು, ರಾಸಾಯನಿಕಗಳು ಮತ್ತು ಆಹಾರ ಉತ್ಪನ್ನಗಳು ಉತ್ಪಾದನಾ ವಲಯದ 58% ರಷ್ಟು ಕೊಡುಗೆ ನೀಡಿದ್ದು, ಇವುಗಳ ಬೆಳವಣಿಗೆ ದರ 24.5% ಆಗಿದೆ.

ಭಾರತ ಏಕೆ ಉತ್ಪನ್ನ ರಾಷ್ಟ್ರವಾಗಬೇಕು:

• ವ್ಯಾಪಾರ ಕೊರತೆ: ಎಲೆಕ್ಟ್ರಾನಿಕ್ಸ್, ಸೆಮಿಕಂಡಕ್ಟರ್‌ಗಳು ಮತ್ತು ಯಂತ್ರೋಪಕರಣಗಳ ಆಮದಿನ ಮೇಲೆ ಅತಿಯಾದ ಅವಲಂಬನೆಯಿಂದಾಗಿ ಭಾರತದ ಸರಕುಗಳ ವ್ಯಾಪಾರ ಕೊರತೆ USD 271 ಶತಕೋಟಿಗೆ (FY 2023–24) ತಲುಪಿದೆ.
• ರಫ್ತು ಅಂತರ: ಭಾರತದಲ್ಲಿ ಕೈಗಾರಿಕಾ ವಿದ್ಯುತ್ ಸುಂಕಗಳು ಚೀನಾಕ್ಕಿಂತ ಸುಮಾರು 75% ಹೆಚ್ಚಿದ್ದು, ಇದು ಉತ್ಪಾದನಾ ವಲಯದ ಸ್ಪರ್ಧಾತ್ಮಕತೆಯನ್ನು ದುರ್ಬಲಗೊಳಿಸುತ್ತದೆ.
• ಉದ್ಯೋಗ ಅಂತರ: ಭಾರತದ ಜನಸಂಖ್ಯೆಯ 65%ರಷ್ಟು ಜನರು 35 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದರೂ, GDP ಯಲ್ಲಿ ಉತ್ಪಾದನಾ ವಲಯದ ಕೊಡುಗೆ ಕೇವಲ 17% ಇದ್ದು, ಸೇವಾ ವಲಯದ ಕೊಡುಗೆ 54% ರಷ್ಟಿದೆ.
• ಕಾರ್ಯತಂತ್ರದ ಅಪಾಯ: ಚಿಪ್‌ಗಳು, ಎಲೆಕ್ಟ್ರಿಕ್ ವಾಹನಗಳ ಬ್ಯಾಟರಿಗಳು ಮತ್ತು ರಕ್ಷಣಾ ಉಪಕರಣಗಳ ಆಮದಿನ ಮೇಲಿನ ಅವಲಂಬನೆಯು ಭದ್ರತೆಗೆ ಧಕ್ಕೆ ತರುತ್ತದೆ. ಸ್ಥಳೀಯ ಉತ್ಪಾದನೆಯು ಆತ್ಮನಿರ್ಭರ ಭಾರತದ ಗುರಿಯನ್ನು ಬೆಂಬಲಿಸುತ್ತದೆ.
• ಮೌಲ್ಯವರ್ಧನೆ: ಉತ್ಪನ್ನ-ನೇತೃತ್ವದ ರಫ್ತುಗಳು ದೇಶೀಯ ಮೌಲ್ಯವನ್ನು ಹೆಚ್ಚಿಸುತ್ತವೆ ಮತ್ತು ಪೂರೈಕೆ ಸರಪಳಿಯನ್ನು ಬಲಪಡಿಸುತ್ತವೆ.

ಸವಾಲುಗಳು:

• ವಿನ್ಯಾಸ ಕೊರತೆ: ಅತಿಯಾದ ಒಪ್ಪಂದದ ವಿನ್ಯಾಸಗಳು ಬೌದ್ಧಿಕ ಆಸ್ತಿಯ ಮಾಲೀಕತ್ವವನ್ನು ಸೀಮಿತಗೊಳಿಸುತ್ತವೆ. ಭಾರತದಲ್ಲಿ 20% ವಿನ್ಯಾಸಕಾರರಿದ್ದರೂ, 10% ಕ್ಕಿಂತ ಕಡಿಮೆ ಸೌಲಭ್ಯಗಳಿವೆ.
• ಲಾಜಿಸ್ಟಿಕ್ಸ್ ವೆಚ್ಚಗಳು: ಭಾರತದ ಲಾಜಿಸ್ಟಿಕ್ಸ್ ವೆಚ್ಚವು GDP ಯ ಸುಮಾರು 8–9% ರಷ್ಟಿದ್ದು, ಇದು ಅಭಿವೃದ್ಧಿ ಹೊಂದಿದ ಆರ್ಥಿಕತೆಗಳಿಗಿಂತ ಹೆಚ್ಚಾಗಿದೆ.
• ಗುಣಮಟ್ಟದ ಮಾನದಂಡಗಳು: BIS (Bureau of Indian Standards) ಮಾನದಂಡಗಳನ್ನು ಅನುಸರಿಸದಿರುವುದು ಉತ್ಪನ್ನಗಳ ಹಿಂದಕ್ಕೆ ಕರೆಸುವಿಕೆ, ನಿಷೇಧಗಳು, ದಂಡಗಳು ಮತ್ತು ಖ್ಯಾತಿಗೆ ಹಾನಿಯನ್ನುಂಟುಮಾಡುತ್ತದೆ.
• ಕೌಶಲ್ಯ ಅಂತರ: ಸುಧಾರಿತ ಉತ್ಪಾದನೆ ಮತ್ತು AI ಕಾರ್ಯಪಡೆಗೆ ಸಂಬಂಧಿಸಿದಂತೆ 29 ಮಿಲಿಯನ್ ಕಾರ್ಮಿಕರ ಕೊರತೆಯಿದೆ ಎಂದು NSDC ವರದಿ ಮಾಡಿದೆ.

ಭಾರತವನ್ನು ಉತ್ಪನ್ನ ರಾಷ್ಟ್ರವನ್ನಾಗಿ ಮಾಡಲು ಕೈಗೊಂಡ ಉಪಕ್ರಮಗಳು:

• ಮೇಕ್ ಇನ್ ಇಂಡಿಯಾ: ವಲಯವಾರು ಗುರಿಗಳ ಮೂಲಕ ದೇಶೀಯ ಉತ್ಪಾದನೆಯನ್ನು ಉತ್ತೇಜಿಸುವುದು.
• PLI ಯೋಜನೆ: 14 ವಲಯಗಳಲ್ಲಿ (ಎಲೆಕ್ಟ್ರಾನಿಕ್ಸ್, EV ಗಳು, ಜವಳಿ, ಸೌರಶಕ್ತಿ ಇತ್ಯಾದಿ) ₹1.97 ಲಕ್ಷ ಕೋಟಿ ಪ್ರೋತ್ಸಾಹಧನ.
• ರಾಷ್ಟ್ರೀಯ ಲಾಜಿಸ್ಟಿಕ್ಸ್ ನೀತಿ: ಲಾಜಿಸ್ಟಿಕ್ಸ್ ವೆಚ್ಚಗಳನ್ನು (ಪ್ರಸ್ತುತ GDP ಯ 13–14%) ಜಾಗತಿಕ ಮಾನದಂಡವಾದ 7–8% ಕ್ಕೆ ಇಳಿಸುವುದು.
• ಡಿಜಿಟಲ್ ಇಂಡಿಯಾ ಮತ್ತು ಸ್ಟಾರ್ಟ್-ಅಪ್ ಇಂಡಿಯಾ: ಉತ್ಪನ್ನ ಆಧಾರಿತ ಆವಿಷ್ಕಾರ, SaaS (Software as a Service) ಮತ್ತು ಸ್ಥಳೀಯ ವಿನ್ಯಾಸವನ್ನು ಪ್ರೋತ್ಸಾಹಿಸುವುದು.
• ರಕ್ಷಣಾ ಉತ್ಪಾದನೆ ಮತ್ತು iDEX: ಶಸ್ತ್ರಾಸ್ತ್ರಗಳ ಆಮದನ್ನು ಕಡಿಮೆ ಮಾಡುವುದು ಮತ್ತು ದೇಶೀಯ ಸಂಶೋಧನೆ ಮತ್ತು ಅಭಿವೃದ್ಧಿಯನ್ನು (R&D) ಉತ್ತೇಜಿಸುವುದು.
• ಸೆಮಿಕಂಡಕ್ಟರ್ ಮಿಷನ್: ಫ್ಯಾಬ್‌ಲೆಸ್ ವಿನ್ಯಾಸ ಮತ್ತು ಚಿಪ್ ಉತ್ಪಾದನೆಗಾಗಿ ₹76,000 ಕೋಟಿ ಯೋಜನೆ.

ಮುಂದಿನ ದಾರಿ:

• ಕಾರ್ಯತಂತ್ರದ ಗಮನ: ಜಾಗತಿಕವಾಗಿ ಅನಿವಾರ್ಯವಾದ ಮತ್ತು ಪ್ರಮುಖ ಪ್ರಭಾವ ಬೀರುವ ಸಾಮರ್ಥ್ಯವಿರುವ ವಲಯಗಳಿಗೆ ಆದ್ಯತೆ ನೀಡುವುದು.
• ಸಂಶೋಧನೆ ಮತ್ತು ಅಭಿವೃದ್ಧಿಗೆ (R&D) ಹಣಕಾಸು: ಖಾಸಗಿ ಸಂಶೋಧನೆಯನ್ನು ಗಣನೀಯವಾಗಿ ಹೆಚ್ಚಿಸಲು ₹1-ಲಕ್ಷ-ಕೋಟಿ RDI ನಿಧಿಯನ್ನು ಕಾರ್ಯಾಚರಣೆಗೆ ತರುವುದು.
• ವಿನ್ಯಾಸಕ್ಕೆ ಆದ್ಯತೆ: ಮೇಕ್ ಇನ್ ಇಂಡಿಯಾ ಉಪಕ್ರಮಗಳು, ಗುಣಮಟ್ಟದ ಮಾನದಂಡಗಳು ಮತ್ತು ಬೌದ್ಧಿಕ ಆಸ್ತಿಯ ವಾಣಿಜ್ಯೀಕರಣ ಮಾರ್ಗಗಳನ್ನು ವಿಸ್ತರಿಸುವುದು.
• ಕ್ಲಸ್ಟರ್‌ಗಳು/ಜಾಗತಿಕ ಮೌಲ್ಯ ಸರಪಳಿಗಳು (GVCs): ಆಳವಾದ ಪೂರೈಕೆದಾರ ಕ್ಲಸ್ಟರ್‌ಗಳನ್ನು ನಿರ್ಮಿಸುವುದು ಮತ್ತು ವಿಶ್ವಾಸಾರ್ಹ ಮೌಲ್ಯ ಸರಪಳಿಗಳಿಗೆ ಕಾರ್ಯತಂತ್ರವಾಗಿ ಸಂಯೋಜಿಸುವುದು.
• ಪ್ರತಿಭೆಗಳ ಪೋಷಣೆ: ದೇಶಾದ್ಯಂತ ಪಠ್ಯಕ್ರಮ, ಅಪ್ರೆಂಟಿಸ್‌ಶಿಪ್ ಮತ್ತು ಪ್ರಯೋಗಾಲಯಗಳನ್ನು ಇಂಡಸ್ಟ್ರಿ 4.0 ಸಾಮರ್ಥ್ಯಗಳಿಗೆ ಅನುಗುಣವಾಗಿ ಸಿದ್ಧಪಡಿಸುವುದು.

ಭಾರತವು ಜಗತ್ತಿನ “ಬ್ಯಾಕ್–ಆಫೀಸ್” ಎಂಬ ಹಂತವನ್ನು ಮೀರಿ, ವ್ಯಾಪಕ ಮಟ್ಟದ ಉತ್ಪಾದನಾ ಕೇಂದ್ರವಾಗಿಯೂ ನಾವೀನ್ಯತೆಯ ತಾಣವಾಗಿಯೂ ರೂಪುಗೊಳ್ಳುವ ಸಾಮರ್ಥ್ಯ ಹೊಂದಿದೆ. ನೀತಿ ಆಯೋಗದ ಹೇಳುವಂತೆ, “ಆರ್ಥಿಕ ಪ್ರತಿರೋಧಶಕ್ತಿಯನ್ನು ಹೆಚ್ಚಿಸಲು ಭಾರತವು ಉತ್ಪನ್ನ ರಾಷ್ಟ್ರವಾಗಲೇಬೇಕು”. ಇದನ್ನು ಸಾಧಿಸಲು ಉತ್ಪಾದನಾ ವೃದ್ಧಿ, ಸರಬರಾಜು ಸರಪಳಿಗಳ ಸ್ಥಳೀಕರಣ ಹಾಗೂ ತಂತ್ರಜ್ಞಾನಾಧಾರಿತ ರಫ್ತುಗಳನ್ನು ಉತ್ತೇಜಿಸುವುದು ಅಗತ್ಯ.

ಮುಖ್ಯ ಪರೀಕ್ಷೆಯ ಪ್ರಶ್ನೆಗಳು:

1. ಭಾರತವು ‘ಉತ್ಪನ್ನ ರಾಷ್ಟ್ರ’ವಾಗಿ ಹೊರಹೊಮ್ಮುವುದು ಆರ್ಥಿಕ ಸ್ಥಿತಿಸ್ಥಾಪಕತ್ವ ಮತ್ತು ಜಾಗತಿಕ ಸ್ಪರ್ಧಾತ್ಮಕತೆಗೆ ಅತ್ಯಗತ್ಯವಾಗಿದೆ.” ಈ ಹೇಳಿಕೆಯನ್ನು ವಿಶ್ಲೇಷಿಸಿ. ಭಾರತವು ಉತ್ಪನ್ನ ರಾಷ್ಟ್ರವಾಗಲು ಎದುರಿಸುತ್ತಿರುವ ಪ್ರಮುಖ ಸವಾಲುಗಳು ಮತ್ತು ಅವುಗಳನ್ನು ನಿವಾರಿಸಲು ಸರ್ಕಾರ ಕೈಗೊಂಡಿರುವ ಪ್ರಮುಖ ಉಪಕ್ರಮಗಳನ್ನು ವಿವರಿಸಿ. (ಉತ್ತರ ಸುಮಾರು 250 ಪದಗಳಲ್ಲಿ ಇರಬೇಕು)
2.  “ವ್ಯಾಪಾರ ಕೊರತೆಯನ್ನು ಕಡಿಮೆ ಮಾಡಲು, ಉದ್ಯೋಗ ಸೃಷ್ಟಿಸಲು ಮತ್ತು ಕಾರ್ಯತಂತ್ರದ ಸ್ವಾವಲಂಬನೆ ಸಾಧಿಸಲು ಭಾರತವು ಉತ್ಪನ್ನ ರಾಷ್ಟ್ರವಾಗಿ ಪರಿವರ್ತನೆಗೊಳ್ಳುವುದು ಅನಿವಾರ್ಯವಾಗಿದೆ.” ಈ ಹೇಳಿಕೆಯ ಹಿನ್ನೆಲೆಯಲ್ಲಿ, ಈ ಪರಿವರ್ತನೆಯನ್ನು ಸಾಧಿಸಲು R&D ಗೆ ಹಣಕಾಸು ಒದಗಿಸುವುದು, ವಿನ್ಯಾಸಕ್ಕೆ ಆದ್ಯತೆ ನೀಡುವುದು, ಪೂರೈಕೆದಾರ ಕ್ಲಸ್ಟರ್‌ಗಳನ್ನು ನಿರ್ಮಿಸುವುದು ಮತ್ತು ಪ್ರತಿಭಾ ಪೋಷಣೆಯಂತಹ ಮಾರ್ಗೋಪಾಯಗಳ ಮಹತ್ವವನ್ನು ವಿಮರ್ಶಾತ್ಮಕವಾಗಿ ಪರೀಕ್ಷಿಸಿ.

ಕನ್ನಡ ಮಾಧ್ಯಮ ಕ್ಲಾಸುಗಳು, ಟೆಸ್ಟ್ ಬುಕ್ , ಟೆಸ್ಟ್ ಸಿರೀಸ್ ಮತ್ತು ಮೆಂಟಾರ್ಷಿಪ್‌ಗಾಗಿ – ನಮ್ಮನ್ನು ಸಂಪರ್ಕಿಸಿ: +91 6366-294954