ಸುದ್ದಿ – ಭೌತಿಕ ಜೋಡಣೆಯಿಲ್ಲದೆ (without physical coupling) ಏಳು ಭಾರೀ ಸರಕು ರೈಲುಗಳನ್ನು ಒಂದೇ ಸಂಘಟಿತ ಘಟಕವಾಗಿ ಯಶಸ್ವಿಯಾಗಿ ನಿರ್ವಹಿಸುವ ಮೂಲಕ ಚೀನಾ ಈ ಸಾಧನೆ ಮಾಡಿದ ವಿಶ್ವದ ಮೊದಲ ದೇಶವಾಗಿ ಹೊರಹೊಮ್ಮಿದೆ.

ಪ್ರಮುಖ ತಾಂತ್ರಿಕ ಅಂಶಗಳು:

• ವೈರ್‌ಲೆಸ್ ನಿಯಂತ್ರಣ ವ್ಯವಸ್ಥೆ (Wireless Control System): ದೇಶೀಯವಾಗಿ ಅಭಿವೃದ್ಧಿಪಡಿಸಲಾದ ಈ ವ್ಯವಸ್ಥೆಯು ಸಾಂಪ್ರದಾಯಿಕ ಯಾಂತ್ರಿಕ ಕಪ್ಲರ್‌ಗಳನ್ನು (mechanical couplers) ‘ವರ್ಚುವಲ್ ಕಪ್ಲಿಂಗ್’ (virtual coupling) ಮೂಲಕ ಬದಲಾಯಿಸಿದೆ. ಇದು ದ್ವಿಮಿತೀಯ ನಿಯಂತ್ರಣ ವಿಧಾನವನ್ನು ಬಳಸುತ್ತದೆ.
• ದ್ವಿಮಿತೀಯ ನಿಯಂತ್ರಣ (Two-Dimensional Control): ಈ ವ್ಯವಸ್ಥೆಯು ರೈಲುಗಳ ನಡುವೆ ಸುರಕ್ಷಿತ ಅಂತರವನ್ನು ಕಾಯ್ದುಕೊಳ್ಳಲು ಸಾಪೇಕ್ಷ ವೇಗ ನಿಯಂತ್ರಣ  ಮತ್ತು ಸಂಪೂರ್ಣ ಅಂತರದ ಮೇಲ್ವಿಚಾರಣೆಯನ್ನು ಏಕೀಕರಿಸುತ್ತದೆ.
• ವರ್ಚುವಲ್ ಕಪ್ಲಿಂಗ್: ಇದು ಪ್ರತ್ಯೇಕ ಸರಕು ಘಟಕಗಳು ಒಂದೇ ಗುಂಪಿನ ರೈಲಿನಂತೆ ಕಾರ್ಯನಿರ್ವಹಿಸಲು ಅನುವು ಮಾಡಿಕೊಡುತ್ತದೆ. ರೈಲುಗಳ ನಡುವೆ ಡಿಕ್ಕಿ ಹೊಡೆಯುವುದು ಅಥವಾ ಬೇರ್ಪಡುವಿಕೆಯನ್ನು ತಡೆಯಲು, ಇದು ಏಕಕಾಲದಲ್ಲಿ ವೇಗವರ್ಧನೆ (accelerating) ಮತ್ತು ಬ್ರೇಕಿಂಗ್ ಮಾಡಲು ಸಹಾಯ ಮಾಡುತ್ತದೆ.
• ನೈಜ-ಸಮಯದ ಸಂವಹನ: ನಿರಂತರ ರೈಲಿನಿಂದ-ರೈಲಿಗೆ ಮತ್ತು ರೈಲಿನಿಂದ-ನೆಲಕ್ಕೆ ನಡೆಯುವ ದತ್ತಾಂಶ ವಿನಿಮಯವು (data exchange) ಬಹು-ರೈಲುಗಳ ಸಂಘಟಿತ ಚಲನೆಯನ್ನು ಸಾಧ್ಯವಾಗಿಸಿದೆ.

ಮಹತ್ವ ಮತ್ತು ಪ್ರಯೋಜನಗಳು:

• ಸಾಮರ್ಥ್ಯ ಹೆಚ್ಚಳ: ಹೊಸ ಹಳಿಗಳನ್ನು ಹಾಕದೆಯೇ ಈ ವ್ಯವಸ್ಥೆಯು ರೈಲ್ವೆ ಸರಕು ಸಾಗಣೆ ಸಾಮರ್ಥ್ಯವನ್ನು 50% ಕ್ಕಿಂತ ಹೆಚ್ಚು ಹೆಚ್ಚಿಸಬಲ್ಲದು.
• ಕಾರ್ಯಾಚರಣೆಯ ದಕ್ಷತೆ: ಇದು ಹೆಚ್ಚಿನ ಪ್ರಮಾಣದ ಸರಕುಗಳ ತ್ವರಿತ ಚಲನೆಗೆ ಅನುವು ಮಾಡಿಕೊಡುತ್ತದೆ. ಜೊತೆಗೆ ವೆಚ್ಚದ ದಕ್ಷತೆಯನ್ನು ಸುಧಾರಿಸುತ್ತದೆ ಮತ್ತು ಭಾರೀ ಸರಕು ಸಾಗಣೆಯಲ್ಲಿ ಇಂಧನ ಬಳಕೆಯನ್ನು ಕಡಿಮೆ ಮಾಡುತ್ತದೆ.
• ಜಾಗತಿಕ ನಾಯಕತ್ವ: ಸೀಮಿತ ಸೌಲಭ್ಯಗಳು ಅಥವಾ ಅಭಿವೃದ್ಧಿಶೀಲ ಪ್ರದೇಶಗಳಲ್ಲಿನ ಭಾರೀ ಸರಕು ಸಾಗಣೆ ರೈಲ್ವೆಗಳಿಗೆ ಚೀನಾ ತನ್ನ ವ್ಯವಸ್ಥೆಯನ್ನು ವಿಸ್ತರಿಸಬಲ್ಲ ತಾಂತ್ರಿಕ ಪರಿಹಾರವಾಗಿ ಪ್ರಸ್ತುತಪಡಿಸುತ್ತಿದೆ.