ಸುದ್ದಿ – ಭಾರತವು ಬಂಗಾಳಕೊಲ್ಲಿಯಲ್ಲಿರುವ ಅಣುಶಕ್ತಿ ಚಾಲಿತ ಜಲಾಂತರ್ಗಾಮಿ ನೌಕೆ INS ಅರಿಘಾತ್‌ನಿಂದ (INS Arighaat) ಮಧ್ಯಮ ಶ್ರೇಣಿಯ ಬ್ಯಾಲಿಸ್ಟಿಕ್ ಕ್ಷಿಪಣಿ (IRBM) ಕಲಾಮ್-4 (K-4) ಅನ್ನು ಪರೀಕ್ಷಾರ್ಥವಾಗಿ ಉಡಾಯಿಸಿದೆ.

K-4 ಕ್ಷಿಪಣಿಯ ಬಗ್ಗೆ

• ಇದೊಂದು ಮಧ್ಯಮ ಶ್ರೇಣಿಯ (3500 ಕಿ.ಮೀ), ಅಣ್ವಸ್ತ್ರ ಸಾಮರ್ಥ್ಯವುಳ್ಳ, ಜಲಾಂತರ್ಗಾಮಿ ಉಡಾಯಿತ ಬ್ಯಾಲಿಸ್ಟಿಕ್ ಕ್ಷಿಪಣಿಯಾಗಿದೆ (SLBM). ಇದನ್ನು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (DRDO) ಅಭಿವೃದ್ಧಿಪಡಿಸಿದೆ.
• ಇದು 12 ಮೀಟರ್ ಉದ್ದ ಮತ್ತು 1.3 ಮೀಟರ್ ವ್ಯಾಸವನ್ನು ಹೊಂದಿದ್ದು, ಸುಮಾರು 17-20 ಟನ್ ತೂಕವಿದೆ.
• ಇದು ‘ಎರಡು ಹಂತದ ಘನ ಇಂಧನ ರಾಕೆಟ್ ಮೋಟರ್’ (two-stage solid fuel rocket motor) ಮೂಲಕ ಚಲಿಸುತ್ತದೆ ಮತ್ತು 2 ಟನ್‌ಗಳಷ್ಟು ಅಣ್ವಸ್ತ್ರ ಅಥವಾ ಸಾಂಪ್ರದಾಯಿಕ ಸಿಡಿತಲೆಗಳನ್ನು (payload) ಹೊತ್ತೊಯ್ಯಬಲ್ಲದು.
• ಇದನ್ನು ಅರಿಹಂತ್ ದರ್ಜೆಯ ಅಣುಶಕ್ತಿ ಚಾಲಿತ ಜಲಾಂತರ್ಗಾಮಿಗಳಿಂದ (SSBNs) ‘ಕೋಲ್ಡ್ ಲಾಂಚ್’ (Cold launch – ಕ್ಷಿಪಣಿಯು ಜಲಾಂತರ್ಗಾಮಿಯಿಂದ ಹೊರಬಂದ ನಂತರವಷ್ಟೇ ಅದರ ಮೋಟರ್ ಬೆಂಕಿ ಹೊತ್ತಿಕೊಳ್ಳುವ ತಂತ್ರಜ್ಞಾನ) ಮಾಡಲು ವಿನ್ಯಾಸಗೊಳಿಸಲಾಗಿದೆ.
• ಇದು ಸುಧಾರಿತ ಪತ್ಯಾಘಾತ (manoeuvring) ಸಾಮರ್ಥ್ಯಗಳನ್ನು ಹೊಂದಿದೆ. ಇದಕ್ಕೆ ಭಾರತದ NavIC ವ್ಯವಸ್ಥೆ ಮತ್ತು ಜಾಗತಿಕ ಸ್ಥಾನೀಕರಣ ವ್ಯವಸ್ಥೆ (GPS) ಬೆಂಬಲಿತವಾದ ಸುಧಾರಿತ ‘ಇನರ್ಷಿಯಲ್ ನ್ಯಾವಿಗೇಷನ್ ಸಿಸ್ಟಮ್’ ಮಾರ್ಗದರ್ಶನ ನೀಡುತ್ತದೆ.
• ಇದು ಭಾರತದ ‘ಪರಮಾಣು ತ್ರಯ’ (Nuclear triad) ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಭಾರತದ ‘ಮೊದಲು ಬಳಸದಿರುವ ನೀತಿ’ಯ (NFU) ಕಾರಣದಿಂದಾಗಿ, ಸಮುದ್ರ ಆಧಾರಿತ ವಿಶ್ವಾಸಾರ್ಹ ‘ಪ್ರತಿದಾಳಿ ಸಾಮರ್ಥ್ಯ’ವನ್ನು (second-strike capability) ವಿಸ್ತರಿಸಲು ಇದು ನಿರ್ಣಾಯಕವಾಗಿದೆ.