ಬೆಲೆ ಏರಿಕೆಯ ಪ್ರಭಾವ ಮತ್ತು ಜೀವನ ನಿರ್ವಹಣ ವೆಚ್ಚ:
ಬೆಲೆ ಏರಿಕೆ ಭಾರತದಲ್ಲಿ ಪ್ರಮುಖ ಸಮಸ್ಯೆಯಾಗಿದೆ. 2024ರ ಜೂನ್‌ನಲ್ಲಿ ಗ್ರಾಹಕ ಬೆಲೆ ಸೂಚ್ಯಂಕ (CPI) 5.28%ಕ್ಕೆ ಏರಿಕೆಯಾಗಿದ್ದು, ದಿನಸಿ, ತರಕಾರಿ, ಹಣ್ಣು, ಮತ್ತು ಇಂಧನ ದರಗಳು ಹೆಚ್ಚಳಕ್ಕೆ ಕಾರಣವಾಗಿವೆ. ಗ್ರಾಮೀಣ (5.28%) ಮತ್ತು ನಗರ (5.21%) ಪ್ರದೇಶಗಳಲ್ಲಿ ಹಣದುಬ್ಬರ ಏರಿಕೆಯಾಗಿದೆ. ಅತಿವೃಷ್ಟಿ ಮತ್ತು ಹವಾಮಾನ ವೈಪರೀತ್ಯಗಳಿಂದ ಆಹಾರ ಉತ್ಪಾದನೆ ಕುಸಿದಿರುವುದು ಬೆಲೆ ಏರಿಕೆಗೆ ಕಾರಣ. ಹಣದುಬ್ಬರ ನಿಯಂತ್ರಿಸಲು ಸರ್ಕಾರ ಮತ್ತು ಆರ್‌ಬಿಐ ತುರ್ತು ಕ್ರಮ ಕೈಗೊಳ್ಳಬೇಕು, ವಿಶೇಷವಾಗಿ ಆಹಾರ ಪದಾರ್ಥಗಳ ಬೆಲೆಗಳ ಮೇಲೆ ನಿಗಾ ವಹಿಸುವುದು ಅವಶ್ಯಕ.

‘ಕರ್ನಾಟಕದಲ್ಲಿ ಮನೆ ಮನೆಗೆ ಪೊಲೀಸ್‘ ಯೋಜನೆಗೆ ಚಾಲನೆ: ಜನಸ್ನೇಹಿ ಆಡಳಿತ ಮತ್ತು ಪ್ರವಾಸೋದ್ಯಮ ಪ್ರೋತ್ಸಾಹ:
ಗೃಹ ಸಚಿವ ಡಾ. ಜಿ. ಪರಮೇಶ್ವರ ಅವರು ‘ಮನೆ ಮನೆಗೆ ಪೊಲೀಸ್’ ಉಪಕ್ರಮಕ್ಕೆ ಚಾಲನೆ ನೀಡಿದ್ದಾರೆ. ಇದು ಜನಸ್ನೇಹಿ ಪೊಲೀಸ್ ವ್ಯವಸ್ಥೆ, ಸಾರ್ವಜನಿಕರ ವಿಶ್ವಾಸ ಮತ್ತು ಬಾಂಧವ್ಯ ಹೆಚ್ಚಿಸಿ, ಕಾನೂನು ಸುವ್ಯವಸ್ಥೆ ಮಾಹಿತಿ ಸಂಗ್ರಹಿಸುವ ಗುರಿ ಹೊಂದಿದೆ. ಇದಲ್ಲದೆ, ಉತ್ತರ ಕರ್ನಾಟಕದ ಹಂಪಿ, ಬಾದಾಮಿ, ಐಹೊಳೆ, ಪಟ್ಟದಕಲ್ಲು, ವಿಜಯಪುರ ಒಳಗೊಂಡ ₹166.22 ಕೋಟಿ ವೆಚ್ಚದ ಪ್ರವಾಸಿ ಸರ್ಕ್ಯೂಟ್‌ಗೆ ಸಚಿವ ಸಂಪುಟ ಒಪ್ಪಿಗೆ ನೀಡಿದೆ. ರಾಯಚೂರಿನಲ್ಲಿ ಜವಳಿ ಪಾರ್ಕ್, ಹಾನಗಲ್‌ನಲ್ಲಿ ಫುಡ್ ಪಾರ್ಕ್, ಮತ್ತು ಕೊಪ್ಪಳದ ಕನಕಗಿರಿಯಲ್ಲಿ ₹83.79 ಕೋಟಿ ವೆಚ್ಚದಲ್ಲಿ ತೋಟಗಾರಿಕೆ ತಂತ್ರಜ್ಞಾನ ಪಾರ್ಕ್ ಸ್ಥಾಪನೆಗೂ ಅನುಮೋದನೆ ದೊರೆತಿದೆ.

ತ್ರಿಪಕ್ಷೀಯ ಸಹಕಾರ: ಚೀನಾ ಬೆಂಬಲ
RIC ಸಹಕಾರಕ್ಕೆ ಚೀನಾ ಬೆಂಬಲ ಮತ್ತು ‘ಆಯುಷ್ಮಾನ್ ಚಿಕಿತ್ಸೆ‘ ಯೋಜನೆಗೆ ಹೆಚ್ಚಿದ ಬೇಡಿಕೆ – ರಷ್ಯಾ-ಭಾರತ-ಚೀನಾ (RIC) ತ್ರಿಪಕ್ಷೀಯ ಸಹಕಾರವನ್ನು ಪುನಶ್ಚೇತನಗೊಳಿಸುವ ರಷ್ಯಾದ ಪ್ರಸ್ತಾವಕ್ಕೆ ಚೀನಾ ಬೆಂಬಲಿಸಿದೆ. ಇದು ಜಾಗತಿಕ ಭದ್ರತೆ ಮತ್ತು ಸ್ಥಿರತೆಗೆ ಮಹತ್ವದ್ದು ಎಂದು ರಷ್ಯಾದ ನ್ಯೂಸ್ ಪೋರ್ಟಲ್ ‘ಇಜ್ವೆಸ್ಟಿಯ’ ವರದಿ ಮಾಡಿದೆ.
ಇದಲ್ಲದೆ, ‘ಆಯುಷ್ಮಾನ್ ಭಾರತ್-ಆರೋಗ್ಯ ಕರ್ನಾಟಕ’ ಯೋಜನೆಗೆ ಬೇಡಿಕೆ ಹೆಚ್ಚಿದೆ. 2018 ರಲ್ಲಿ ಆರಂಭವಾದ ಈ ಯೋಜನೆಯಡಿ ಬಿಪಿಎಲ್ ಕುಟುಂಬಗಳಿಗೆ ವರ್ಷಕ್ಕೆ ₹5 ಲಕ್ಷದವರೆಗೆ ವಿಮೆ ಲಭ್ಯ. ಇತ್ತೀಚೆಗೆ ಬೆನ್ನುಹುರಿ ವಿರೂಪ ಮತ್ತು GBS ನಂತಹ ಹೊಸ ಚಿಕಿತ್ಸೆಗಳನ್ನು ಸೇರಿಸಲಾಗಿದೆ, ಒಟ್ಟು 1,650 ಚಿಕಿತ್ಸಾ ಪ್ಯಾಕೇಜ್‌ಗಳಿವೆ.

ಅಂತರರಾಷ್ಟ್ರೀಯ ಸುದ್ದಿ:
ಭಾರತದ ಭಯೋತ್ಪಾದನಾ ವಿರೋಧಿ ಹೋರಾಟಕ್ಕೆ ಅಮೆರಿಕದ ಬೆಂಬಲ: TRF ಭಯೋತ್ಪಾದಕ ಸಂಘಟನೆ ಎಂದು ಘೋಷಣೆ:
ಭಾರತದ ಭಯೋತ್ಪಾದನಾ ವಿರೋಧಿ ಪ್ರಯತ್ನಗಳಿಗೆ ಅಮೆರಿಕವು ಬೆಂಬಲ ನೀಡಿದೆ. ಪಾಕಿಸ್ತಾನದ ಲಷ್ಕರ್-ಎ-ತೈಬಾ ಬೆಂಬಲಿತ ‘ದಿ ರೆಸಿಸ್ಟೆನ್ಸ್ ಫ್ರಂಟ್ (TRF)’ ಅನ್ನು ಅಮೆರಿಕ “ವಿದೇಶಿ ಭಯೋತ್ಪಾದಕ ಸಂಘಟನೆ” (FTO) ಮತ್ತು “ವಿಶೇಷವಾಗಿ ಗೊತ್ತುಪಡಿಸಿದ ಜಾಗತಿಕ ಭಯೋತ್ಪಾದಕ” (SDGT) ಎಂದು ಘೋಷಿಸಿದೆ. ಏಪ್ರಿಲ್ 22, 2025 ರ ಪಹಲ್ಗಾಮ್ ದಾಳಿಗೆ TRF ಹೊಣೆಯಾಗಿದ್ದು, ಇದರಲ್ಲಿ 26 ಜನರು ಸಾವನ್ನಪ್ಪಿದ್ದರು. ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಈ ಕ್ರಮವನ್ನು ಭಾರತ-ಅಮೆರಿಕ ಭಯೋತ್ಪಾದನಾ ವಿರೋಧಿ ಸಹಕಾರದ ಬಲವಾದ ದೃಢೀಕರಣ ಎಂದು ಬಣ್ಣಿಸಿದ್ದಾರೆ.

ಸುದ್ದಿಯಲ್ಲಿರುವ ಸ್ಥಳ: ಬೊಲಿವಿಯಾ
ಸಾಂಕ್ರಾಮಿಕ ರೋಗದ ಮಧ್ಯೆ, ಭಾರತವು ಬೊಲಿವಿಯಾಗೆ 3 ಲಕ್ಷ ದಡಾರ-ರುಬೆಲ್ಲಾ ಲಸಿಕೆ ಡೋಸ್‌ಗಳನ್ನು ಕಳುಹಿಸಿದೆ. ದಕ್ಷಿಣ ಅಮೆರಿಕದ ಪಶ್ಚಿಮ-ಮಧ್ಯ ಭಾಗದಲ್ಲಿರುವ ಬೊಲಿವಿಯಾ, ನೆಲಾವೃತ (landlocked) ದೇಶವಾಗಿದೆ. ಇದು ಬ್ರೆಜಿಲ್, ಪರಾಗ್ವೆ, ಅರ್ಜೆಂಟೀನಾ, ಚಿಲಿ ಮತ್ತು ಪೆರುವಿನೊಂದಿಗೆ ಗಡಿಗಳನ್ನು ಹಂಚಿಕೊಂಡಿದೆ. ಆಂಡೆಸ್ ಪರ್ವತಗಳಿಂದ ಆವೃತವಾಗಿರುವ ಈ ದೇಶವು, ಪೆರು ಗಡಿಯಲ್ಲಿ ಪ್ರಪಂಚದ ಅತಿ ಎತ್ತರದ ನೌಕಾಯಾನ ಮಾಡಬಹುದಾದ ಟಿಟಿಕಾಕಾ ಸರೋವರವನ್ನು ಹೊಂದಿದೆ.