ಸುದ್ದಿ – ಬೆಂಗಳೂರು ಮೂಲದ ಫೈಯಿಂಗ್ ವೆಡ್ಜ್ ಡಿಫೆನ್ಸ್ ಮತ್ತು ಏರೋಸ್ಪೇಸ್ (FWDA) ಸಂಸ್ಥೆಯು ಸಂಪೂರ್ಣ ಸ್ವದೇಶಿ ನಿರ್ಮಿತ, AI ಚಾಲಿತ, MALE (ಮೀಡಿಯಂ ಅಲ್ಟಿಟ್ಯೂಡ್ ಲಾಂಗ್ ಎಂಡ್ಯೂರನ್ಸ್) ಯುದ್ಧ ವಿಮಾನವಾದ “FWD ಕಾಲ ಭೈರವ“ ವನ್ನು ಬಿಡುಗಡೆ ಮಾಡಿದೆ. ಇದು ಭಾರತಕ್ಕೆ ದುಬಾರಿ ವಿದೇಶಿ ಆಮದು ಯುದ್ಧ ವಿಮಾನಗಳ ಮೇಲಿನ ಅವಲಂಬನೆಯನ್ನು ಕಡಿಮೆ ಮಾಡಿ, ದೇಶೀಯವಾಗಿ ರಕ್ಷಣಾ ತಂತ್ರಜ್ಞಾನದ ಅಭಿವೃದ್ಧಿಗೆ ಹೊಸ ಭರವಸೆ ನೀಡಿದೆ. ಇದು ‘ಆತ್ಮನಿರ್ಭರ ಭಾರತ‘ ಮತ್ತು ‘ಮೇಕ್ ಇನ್ ಇಂಡಿಯಾ‘ ದೃಷ್ಟಿಕೋನಕ್ಕೆ ಬಲ ನೀಡುತ್ತದೆ.

ಪ್ರಮುಖ ಅಂಶಗಳು:

• ಉದ್ದೇಶ: ವಿದೇಶಿ ಯುದ್ಧ ವಿಮಾನಗಳ ಮೇಲಿನ ದುಬಾರಿ ವೆಚ್ಚ ಮತ್ತು ತಂತ್ರಜ್ಞಾನದ ದುರ್ಬಲತೆಯನ್ನು ಕಡಿಮೆ ಮಾಡುವುದು.
• ವೆಚ್ಚ ದಕ್ಷತೆ: MQ-9 ರೀಪರ್ ತರದ ವಿದೇಶಿ ಯುದ್ಧವಿಮಾನಗಳಿಗಿಂತ ಕೇವಲ ಹತ್ತನೇ ಒಂದು ಭಾಗದಷ್ಟು ವೆಚ್ಚದಲ್ಲಿ ಕಾರ್ಯನಿರ್ವಹಿಸುತ್ತದೆ.
• ಕಾರ್ಯಾಚರಣಾ ಸಾಮರ್ಥ್ಯ:
  • ಹಾರಾಟದ ಸಮಯ: 30 ಗಂಟೆಗಳವರೆಗೆ ಹಾರಬಲ್ಲದು.
  • ವ್ಯಾಪ್ತಿ: 3000 ಕಿ.ಮೀ ವರೆಗೆ ಕಾರ್ಯನಿರ್ವಹಿಸುತ್ತದೆ.
• ತಂತ್ರಜ್ಞಾನದ ವೈಶಿಷ್ಟ್ಯಗಳು:
  • AI ಚಾಲಿತ: ಸಂಪೂರ್ಣವಾಗಿ ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನದಿಂದ ಕಾರ್ಯನಿರ್ವಹಿಸುತ್ತದೆ.
  • ಸ್ವಯಂಚಾಲಿತ ದಾಳಿ: ಸ್ವಯಂಚಾಲಿತ ಸಮೂಹ ದಾಳಿ ಸಾಮರ್ಥ್ಯ, ಬಹು-ಕೋನ ನಿಖರ ದಾಳಿ ಮತ್ತು ಶತ್ರು ವಾಯು ರಕ್ಷಣಾ ವ್ಯವಸ್ಥೆಗಳನ್ನು ತಡೆಗಟ್ಟುವ ಶಕ್ತಿ ಹೊಂದಿದೆ.
• ಸ್ವದೇಶಿ ನಿರ್ಮಾಣ: ಕಾಲ ಭೈರವ ಸಂಪೂರ್ಣವಾಗಿ ದೇಶೀಯವಾಗಿ ಅಭಿವೃದ್ಧಿಪಡಿಸಲ್ಪಟ್ಟಿದೆ. ಯಾವುದೇ ವಿದೇಶಿ ತಂತ್ರಜ್ಞಾನದ ಅವಲಂಬನೆ ಇಲ್ಲ.

ಮಹತ್ವ:

• ಆಮದು ಕಡಿಮೆ: ಇದು ದುಬಾರಿ ವಿದೇಶಿ ರಕ್ಷಣಾ ವ್ಯವಸ್ಥೆಗಳಿಗೆ ಪರಿಣಾಮಕಾರಿ ಪರ್ಯಾಯ ಒದಗಿಸುತ್ತದೆ.
• ರಕ್ಷಣಾ ರಫ್ತುದಾರ ರಾಷ್ಟ್ರ: ಭಾರತವನ್ನು ರಕ್ಷಣಾ ತಂತ್ರಜ್ಞಾನದ ಆಮದುದಾರ ದೇಶದಿಂದ ರಫ್ತುದಾರ ರಾಷ್ಟ್ರವಾಗಿ ಪರಿವರ್ತಿಸುವ ಸಾಮರ್ಥ್ಯವನ್ನು ಹೊಂದಿದೆ.
• ಪೂರೈಕೆ ಸರಪಳಿ ಭದ್ರತೆ: ಶೂನ್ಯ ವಿದೇಶಿ ಅವಲಂಬನೆಯಿಂದಾಗಿ, ಇದು ಸುರಕ್ಷಿತ ಪೂರೈಕೆ ಸರಪಳಿಯನ್ನು ಖಚಿತಪಡಿಸುತ್ತದೆ ಮತ್ತು ದೇಶೀಯ ನಿರ್ವಹಣಾ (MRO) ಪರಿಸರ ವ್ಯವಸ್ಥೆಯನ್ನು ಬಲಪಡಿಸುತ್ತದೆ.

ರಾಷ್ಟ್ರೀಯ ಭದ್ರತೆ: ವಿದೇಶಿ ಯುದ್ಧವಿಮಾನಗಳಲ್ಲಿನ ತಾಂತ್ರಿಕ ದೌರ್ಬಲ್ಯಗಳು ಮತ್ತು ‘ಕಿಲ್-ಸ್ವಿಚ್’ ನಂತಹ ಅಪಾಯಗಳನ್ನು ನಿವಾರಿಸಿ, ದೇಶದ ಭದ್ರತೆಯನ್ನು ಹೆಚ್ಚಿಸುತ್ತದೆ.