ಸುದ್ದಿ – ಕೇಂದ್ರ ಸರ್ಕಾರವು ಸಂವಿಧಾನ (130ನೇ ತಿದ್ದುಪಡಿ) ಮಸೂದೆ, 2025 ಅನ್ನು ಮಂಡಿಸಿದೆ.

ಪ್ರಮುಖ ಅಂಶಗಳು

ಪ್ರಮುಖ ನಿಬಂಧನೆ ಸಂವಿಧಾನ (130ನೇ ತಿದ್ದುಪಡಿ) ಮಸೂದೆ, 2025 ಹೀಗೆ ಪ್ರಸ್ತಾಪಿಸುತ್ತದೆ:

• ಪ್ರಧಾನ ಮಂತ್ರಿ, ಮುಖ್ಯಮಂತ್ರಿಗಳು, ಕೇಂದ್ರ ಮತ್ತು ರಾಜ್ಯ ಸಚಿವರು ಸತತ 30 ದಿನಗಳ ಕಾಲ ಬಂಧನಕ್ಕೊಳಗಾಗಿ, ವಶದಲ್ಲಿದ್ದರೆ ಅವರು ತಮ್ಮ ಅಧಿಕಾರವನ್ನು ಕಳೆದುಕೊಳ್ಳುತ್ತಾರೆ.
• ಈ ನಿಯಮ ಕನಿಷ್ಠ 5 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಜೈಲು ಶಿಕ್ಷೆ ವಿಧಿಸಬಹುದಾದ ಅಪರಾಧಗಳಿಗೆ ಅನ್ವಯಿಸುತ್ತದೆ.
• 31ನೇ ದಿನದಿಂದ ಪದಚ್ಯುತಿ ಜಾರಿಗೆ ಬರುತ್ತದೆ.

ಮರುನೇಮಕಾತಿ ಷರತ್ತು ಮಸೂದೆಯು ಪ್ರಧಾನ ಮಂತ್ರಿ, ಮುಖ್ಯಮಂತ್ರಿ, ಅಥವಾ ಸಚಿವರು ಬಿಡುಗಡೆಯಾದ ನಂತರ ಪುನಃ ನೇಮಕಗೊಳ್ಳಲು ಯಾವುದೇ ಅಡ್ಡಿ ಇರುವುದಿಲ್ಲ ಎಂದು ಸ್ಪಷ್ಟಪಡಿಸುತ್ತದೆ.

ತಿದ್ದುಪಡಿಯ ಹಿಂದಿನ ತರ್ಕ:

• ಗಂಭೀರ ಕ್ರಿಮಿನಲ್ ಆರೋಪಗಳನ್ನು ಎದುರಿಸುತ್ತಿರುವ ಸಚಿವರು ಸಾಂವಿಧಾನಿಕ ನೈತಿಕತೆ ಮತ್ತು ಉತ್ತಮ ಆಡಳಿತವನ್ನು ದುರ್ಬಲಗೊಳಿಸಬಹುದು.
• ಸಾರ್ವಜನಿಕ ಪ್ರತಿನಿಧಿಗಳು ವಿಶ್ವಾಸ, ಸಮಗ್ರತೆ ಮತ್ತು ಸಾಂವಿಧಾನಿಕ ಮೌಲ್ಯಗಳನ್ನು ಎತ್ತಿಹಿಡಿಯಬೇಕು.
• ಉದ್ದೇಶ: ಸಚಿವರ ನಡತೆ ಮತ್ತು ವರ್ತನೆ ಸಂಶಯದ ಆಚೆಗಿದೆ ಎಂದು ಖಚಿತಪಡಿಸುವುದು.

ಸಂವಿಧಾನ ತಿದ್ದುಪಡಿಯ ವಿವರಗಳು:

• ವಿಧಿ 75(5A) ಸೇರ್ಪಡೆ:
  • ಒಬ್ಬ ಸಚಿವ, ಐದು ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಶಿಕ್ಷೆ ವಿಧಿಸಬಹುದಾದ ಆರೋಪಗಳ ಮೇಲೆ ಸತತ 30 ದಿನಗಳ ಕಾಲ ಬಂಧನದಲ್ಲಿದ್ದರೆ, ಪ್ರಧಾನಮಂತ್ರಿಯವರ ಸಲಹೆಯ ಮೇರೆಗೆ ರಾಷ್ಟ್ರಪತಿಯವರು ಆ ಸಚಿವರಿನ್ನು ಹುದ್ದೆಯಿಂದ ತೆಗೆದುಹಾಕುತ್ತಾರೆ.
  • ಪ್ರಧಾನಮಂತ್ರಿಯವರು ಸಲಹೆ ನೀಡಲು ವಿಫಲರಾದರೆ, 31ನೇ ದಿನದ ನಂತರ ಆ ಸಚಿವರು ತಾನಾಗಿಯೇ ಹುದ್ದೆ ಕಳೆದುಕೊಳ್ಳುತ್ತಾರೆ.