ಸುದ್ದಿಯಲ್ಲಿ ಏಕಿದೆ? ರಾಜ್ಯ ಸರ್ಕಾರ ಪಂಚತಂತ್ರ 2.0 ಸಾಫ್ಟ್‌ವೇರ್‌ನ ಪ್ರಾಯೋಗಿಕ ಚಾಲನೆಯನ್ನು ಪ್ರಾರಂಭಿಸಿದ್ದು, ಶೀಘ್ರದಲ್ಲೇ ಇದನ್ನು ಎರಡು ಆಯ್ದ ಜಿಲ್ಲೆಗಳಲ್ಲಿ ಪ್ರಾಯೋಗಿಕ ಆಧಾರದ ಮೇಲೆ ಪರಿಚಯಿಸಲಾಗುವುದು.

ಮುಖ್ಯಾಂಶಗಳು

• ಗ್ರಾಮ ಪಂಚಾಯಿತಿಗಳಲ್ಲಿ ಕೋರಂ ಕೊರತೆಯಿಂದ ಶೇ 70ರಷ್ಟು ಸಭೆಗಳು ವಿಫಲವಾಗಿರುವುದು ರಾಜ್ಯ ಸರ್ಕಾರದ ಈ ಸಾಫ್ಟ್‌ವೇರ್‌ನ ಪ್ರಾಯೋಗಿಕ ಚಾಲನೆಯಿಂದ ತಿಳಿದು ಬಂದಿದೆ. ತಂತ್ರಜ್ಞಾನದ ಆಗಮನದೊಂದಿಗೆ, ಈ ರೀತಿಯ ವೈಪರೀತ್ಯಗಳನ್ನು ಸರಿಪಡಿಸಬಹುದು.
• ಎಲ್ಲಾ ಉದ್ಯೋಗಿಗಳಿಗೆ ಸಂಬಳ ನೀಡಲು ಇ-ಎಫ್‌ಎಂಎಸ್ ಮಾಡ್ಯೂಲ್ ಅನ್ನು ಸಹ ಈ ಸಾಫ್ಟ್‌ವೇರ್‌ನಲ್ಲಿ ಸೇರಿಸಲಾಗಿದೆ. ಪ್ರಸ್ತುತ 46,375 ಉದ್ಯೋಗಿಗಳು ಈ ಹೊಸ ವೇದಿಕೆಯಡಿಯಲ್ಲಿ ನೋಂದಾಯಿಸಿಕೊಂಡಿದ್ದಾರೆ.

ಏನಿದು ಯೋಜನೆ?

• ಗ್ರಾಮ ಪಂಚಾಯಿತಿಗಳ ಲೆಕ್ಕ ಪತ್ರ ನಿರ್ವಹಣೆಗಾಗಿ ಎನ್ಐಸಿ ಅಭಿವೃದ್ಧಿ ಪಡಿಸಿದ್ದ ಪಂಚತಂತ್ರ ತಂತ್ರಾಂಶ 2011ರಲ್ಲಿ ರಾಜ್ಯದ ಎಲ್ಲ ಗ್ರಾಪಂಗಳಲ್ಲಿ ಅನುಷ್ಠಾನ ಮಾಡಲಾಗಿತ್ತು. ಈಗ ಹಳೆಯ ತಂತ್ರಾಂಶವನ್ನು ಮೇಲ್ದರ್ಜೆಗೇರಿಸಿ ಅಭಿವೃದ್ಧಿಪಡಿಸಲಾಗುತ್ತಿದೆ.
• ಪಂಚತಂತ್ರ 2.0 ಹೊಸ ಸಾಫ್ಟ್‌ವೇರ್ ಪ್ಲಾಟ್‌ಫಾರ್ಮ್ ಆಗಿದ್ದು,  ಗ್ರಾಮ ಪಂಚಾಯಿತಿಗಳು ತಮ್ಮ ಎಲ್ಲಾ ಪ್ರಮುಖ ಕಾರ್ಯಗಳು ಮತ್ತು ಕಾರ್ಯಾಚರಣೆಗಳನ್ನು ಬಲಪಡಿಸಲು, ಡಿಜಿಟಲೀರಣಗೊಳಿಸಲು ಮತ್ತು ಕೇಂದ್ರೀಕರಿಸಲು ವ್ಯಾಪಕ ಮತ್ತು ಸಮಗ್ರ ವೇದಿಕೆಯಾಗಿ ರೂಪಿಸಲಾಗಿದೆ.
• ಗ್ರಾಮೀಣಾಭಿವೃದ್ಧಿ ಇಲಾಖೆಯ ಗಾಂಧಿ ಸಾಕ್ಷಿ ಕಾಯಕ, ಇ-ಸ್ವತ್ತು, ನರೇಗಾ, ಸ್ವತ್ಛ ಭಾರತ್ ಮಿಷನ್-ಗ್ರಾಮೀಣ, ಬಾಪೂಜಿ ಸೇವಾಕೇಂದ್ರ ಮತ್ತು ಇತರ ಇಲಾಖೆಗಳ ಸುಮಾರು 15ರಿಂದ 20 ತಂತ್ರಾಂ ಶಗಳನ್ನು ಬಳಸಲಾಗುತ್ತಿದ್ದು, ಒಂದೊಂದು ತಂತ್ರಾಂಶಕ್ಕೆ ಒಂದೊಂದು ಬಳಕೆದಾರರ ಐಡಿ ಮತ್ತು ಪಾಸ್ವರ್ಡ್‌ಗಳನ್ನು ಬಳಸಲಾಗುತ್ತಿದೆ. ಆದ್ದರಿಂದ ಈ ಎಲ್ಲ ತಂತ್ರಾಂಶಗಳನ್ನು ಸಂಯೋಜನೆ ಮಾಡಿ ಪಂಚತಂತ್ರ 2.0 ಮೂಲಕ “ಸಿಂಗಲ್ ಸೈನ್ ಆನ್’ (ಎಸ್ಎಸ್ಒ) ಪದ್ಧತಿ ಅಳವಡಿಸಿಕೊಳ್ಳಲಾಗುತ್ತಿದೆ.

ಪಂಚತಂತ್ರ 2.0 ಉದ್ದೇ ಶಗಳು

• ಈಗಿರುವ ಎಲ್ಲ ತಂತ್ರಾಂಶಗಳ ಬಳಕೆಗಾಗಿ “ಸಿಂಗಲ್ ಸೈನ್ ಆನ್’ (ಏಕಗವಾಕ್ಷಿ) ವ್ಯವಸ್ಥೆ ಅಭಿವೃದ್ಧಿಪಡಿಸುವುದು. ಗ್ರಾಮ ಪಂಚಾಯಿತಿಗಳ ಲೆಕ್ಕಪತ್ರ ನಿರ್ವಹಣೆಯೊಂದಿಗೆ ಆಡಳಿತ ಸುಧಾರಣೆಗೆ ಅನುಕೂಲ. ಡಿಜಿಟಲ್ ಸಹಿ ಸರ್ಟಿಫಿಕೇಟ್ ಬದಲಿದೆ. ಇ-ಸೈನ್ ಬಳಕೆ.
• ಯೋಜನೆಗಳ ಮೇಲ್ವಿಚಾರಣೆಗೆ ರಾಜ್ಯದ ಎಲ್ಲ ಜಿಲ್ಲಾ, ತಾಲೂಕು ಹಾಗೂ ಗ್ರಾಮ ಪಂಚಾಯಿತಿಗಳಿಗೆ “ಡ್ಯಾಶ್ಬೋರ್ಡ್‌’ ವಿನ್ಯಾಸಗೊಳಿಸುವುದು. ಪಂಚಾಯಿತಿಗಳ ಎಲ್ಲ ಬ್ಯಾಂಕ್ ಖಾತೆಗಳನ್ನು ಮೇಲ್ದರ್ಜೆಗೇರಿಸಿ “ಖಜಾನೆ 2.0′ ತಂತ್ರಾಂಶದೊಂದಿಗೆ ಸಂಯೋಜನೆ ಮಾಡುವುದು ಪಂಚತಂತ್ರ 2.0 ಪ್ರಮುಖ ಉದ್ದೇಶಗಳಾ ಗಿವೆ.