ಸುದ್ದಿಯಲ್ಲಿ ಏಕಿದೆ? ಭಾರತ್ ಸಂಚಾರ್ ನಿಗಮ್ ಲಿಮಿಟೆಡ್ (ಬಿಎಸ್ಎನ್ಎಲ್) ಮತ್ತು ಭಾರತೀಯ ಸೇನೆಯ ಸಹಯೋಗದಲ್ಲಿ ಜಗತ್ತಿನ ಅತಿ ಎತ್ತರದ ಯುದ್ಧಭೂಮಿ ಎಂದು ಕರೆಸಿಕೊಳ್ಳುವ ಸಿಯಾಚಿನ್ ಗ್ಲೇಸಿಯರ್ನಲ್ಲಿ ಇದೇ ಮೊದಲ ಬಾರಿಗೆ ಮೊಬೈಲ್ ಟವರನ್ನು ಸ್ಥಾಪಿಸಲಾಗಿದೆ.

ಮುಖ್ಯಾಂಶಗಳು

• ‘ಸಿಯಾಚಿನ್ ಯೋಧರು ಮತ್ತು ಬಿಎಸ್ಎನ್ಎಲ್ ಸಹಯೋಗದೊಂದಿಗೆ 15,500 ಅಡಿಗಳಿಗಿಂತ ಹೆಚ್ಚು ಎತ್ತರದಲ್ಲಿ ನಿಯೋಜಿತಗೊಂಡ ಸೈನಿಕರಿಗೆ ಮೊಬೈಲ್ ಸಂವಹನವನ್ನು ಕಲ್ಪಿಸಲು ಅಕ್ಟೋಬರ್ 6 ರಂದು ಮೊಟ್ಟ ಮೊದಲ ಬಿಎಸ್ಎನ್ಎಲ್ ಟವರ್ ಮತ್ತು ಬೇಸ್ ಟ್ರಾನ್ಸಿವರ್ ಸ್ಟೇಷನ್ (ಬಿಟಿಎಸ್) ಅನ್ನು ಸ್ಥಾಪಿಸಿದೆ. ಇದರಿಂದಾಗಿ ಹಿಮಗಳ ನಡುವೆ ದೇಶ ಕಾಯುವ ಕೆಲಸದಲ್ಲಿ ತೊಡಗಿರುವ ಯೋಧರು ತಮ್ಮ ಪ್ರೀತಿ ಪಾತ್ರರೊಂದಿಗೆ ದೂರವಾಣಿ ಮೂಲಕ ಮಾತನಾಡಬಹುದಾಗಿದೆ.

 ಸಿಯಾಚಿನ್ ಗ್ಲೇಸಿಯರ್

• ಹಿಮಾಲಯದ ಪೂರ್ವ ಕಾರಕೋರಂ ಶ್ರೇಣಿಯಲ್ಲಿದೆ.
• ನುಬ್ರಾ ನದಿಯು ಸಿಯಾಚಿನ್ ಹಿಮನದಿಯಿಂದ ಹುಟ್ಟುತ್ತದೆ.
• ಇದು ವಿಶ್ವದ ಅತಿ ಎತ್ತರದ ಯುದ್ಧಭೂಮಿಯಾಗಿದೆ.
• ಸಂಪೂರ್ಣ ಸಿಯಾಚಿನ್ ಗ್ಲೇಸಿಯರ್, ಎಲ್ಲಾ ಪ್ರಮುಖ ಪಾಸ್ಗಳೊಂದಿಗೆ, 1984 ರಿಂದ (ಆಪರೇಷನ್ ಮೇಘದೂತ್) ಭಾರತದ ಆಡಳಿತದಲ್ಲಿದೆ.
• ಇದು ತಜಕಿಸ್ತಾನದ ಫೆಡ್ಚೆಂಕೊ ಗ್ಲೇಸಿಯರ್ ನಂತರ ವಿಶ್ವದ ಧ್ರುವೇತರ ಪ್ರದೇಶಗಳಲ್ಲಿ ಎರಡನೇ ಅತಿ ಉದ್ದದ ಹಿಮನದಿಯಾಗಿದೆ.