ಸುದ್ದಿಯಲ್ಲಿ ಏಕಿದೆ? ಶಿವಮೊಗ್ಗದ ಕೆಳದಿ ಶಿವಪ್ಪ ನಾಯಕ ಕೃಷಿ ಮತ್ತು ತೋಟಗಾರಿಕೆ ವಿಜ್ಞಾನಗಳ ವಿಶ್ವವಿದ್ಯಾನಿಲಯದ ಅಡಿಕೆ ಸಂಶೋಧನಾ ಕೇಂದ್ರವು ನಡೆಸಿದ ವಿಶ್ಲೇಷಣೆಯಲ್ಲಿ ತೀರ್ಥಹಳ್ಳಿ ಪ್ರದೇಶದಲ್ಲಿ ಬೆಳೆಯುವ ಅಡಿಕೆ ಕರ್ನಾಟಕದಲ್ಲಿ ಬೆಳೆಯುವ ತಳಿಗಳಲ್ಲಿ ಉತ್ತಮ ಗುಣಮಟ್ಟದ ಅಡಿಕೆಯಾಗಿ ಹೊರಹೊಮ್ಮಿದೆ.

ಮುಖ್ಯಾಂಶಗಳು

• ತೀರ್ಥಹಳ್ಳಿ ಬೆಳೆಗಾರರು ವಿಶೇಷವಾಗಿ ನುಲಿ ಮತ್ತು ಹಸ ಅಡಿಕೆಯನ್ನು ಉತ್ಪಾದಿಸುತ್ತಾರೆ,
• ಶ್ರೇಣೀಕರಣ ಪ್ರಕ್ರಿಯೆ: ಸಿಪ್ಪೆಯನ್ನು ತೆಗೆದ ನಂತರ, ಅಡಿಕೆಯನ್ನು ಕುದಿಸಿ ಒಣಗಿಸಲಾಗುತ್ತದೆ. ಎಲ್ಲಾ ಪ್ರಕ್ರಿಯೆಗಳ ನಂತರ, ಅಡಿಕೆಗಳನ್ನು ಮಾರುಕಟ್ಟೆಯಲ್ಲಿ ಅವುಗಳ ಮೌಲ್ಯವನ್ನು ಪರಿಗಣಿಸಿ – ನುಲಿ, ಹಸ, ರಾಶಿ, ಬೆಟ್ಟೆ ಮತ್ತು ಗೊರಬಾಳು – ಎಂದು ವರ್ಗೀಕರಿಸಲಾಗುತ್ತದೆ. ರಾಶಿ, ಬೆಟ್ಟೆ, ಗೊರಬಾಳುಗಿಂತ ನುಲಿ, ಹಸ ಅಡಿಕೆಗೆ ಹೆಚ್ಚಿನ ಬೆಲೆ ಸಿಗುತ್ತದೆ.
• ಇದು ಭಾರತದಲ್ಲಿ ಬೆಳೆಯುವ ಪ್ರಮುಖ ವಾಣಿಜ್ಯ ಬೆಳೆಗಳಲ್ಲಿ ಒಂದಾಗಿದೆ.

ಅಡಿಕೆ ಬೆಳೆ

• ಅಡಿಕೆ ಕೃಷಿಯು ಹೆಚ್ಚಾಗಿ ಸಮಭಾಜಕದ 28º ಉತ್ತರ ಮತ್ತು ದಕ್ಷಿಣಕ್ಕೆ ಸೀಮಿತವಾಗಿದೆ.
• ತಾಪಮಾನ: ಇದು 14ºC ಮತ್ತು 36ºC ತಾಪಮಾನದಲ್ಲಿ ಬೆಳೆಯುತ್ತದೆ
• ಮಣ್ಣು: ಕೆಂಪು ಜೇಡಿಮಣ್ಣಿನ ಪ್ರಕಾರದ ಜಲ್ಲಿ ಲ್ಯಾಟರೈಟ್(ಜಂಬಿಟ್ಟಿಗೆ)ಮಣ್ಣ
• ಮಳೆ: ವಾರ್ಷಿಕ 750 ಮಿಮೀ ಮಳೆ ಬೀಳುವ ಪ್ರದೇಶಗಳಲ್ಲಿ ಇದನ್ನು ಬೆಳೆಯಬಹುದು.
• ಭಾರತವು ಅಡಿಕೆಯ ಅತಿದೊಡ್ಡ ಉತ್ಪಾದಕ ಮತ್ತು ಅತಿದೊಡ್ಡ ಗ್ರಾಹಕನೂ ಆಗಿದೆ.
• ಈ ಬೆಳೆಯನ್ನು ಬೆಳೆಯುವ ಪ್ರಮುಖ ರಾಜ್ಯಗಳೆಂದರೆ ಕರ್ನಾಟಕ (40%), ಕೇರಳ (25%), ಅಸ್ಸಾಂ (20%), ತಮಿಳುನಾಡು, ಮೇಘಾಲಯ ಮತ್ತು ಪಶ್ಚಿಮ ಬಂಗಾಳ.

ನಿಮಗಿದು ತಿಳಿದಿರಲಿ

ಮೊಟ್ಟ ಮೊದಲ ಬಾರಿಗೆ ಅಡಕೆ ವಲಯದಲ್ಲಿ, ಉತ್ತರ ಕನ್ನಡದಲ್ಲಿ ಬೆಳೆಯುವ ‘ಶಿರಸಿ ಸುಪಾರಿ’ ಅಡಕೆಗೆ ಭೌಗೋಳಿಕ ಹೆಗ್ಗುರುತು (ಜಿಯೋಗ್ರಾಫಿಕಲ್‌ ಇಂಡಿಕೇಶನ್‌-ಜಿಐ) ಮಾನ್ಯತೆ ಲಭಿಸಿದೆ.